قصة ابن حثلين وناقته زبار

[معلومات العضو العديم]

قصة ابن حثلين وناقته زبار
في يوم من الأيام قال مانع أبن حثلين أمير العجمان كلمة على الخييلات متبجح ٍ بفاطره زبار ،
والخييلات الدواسر في ذلك الوقت كانوافي وادي العجمان .. وبعد ما سمعوا الخييلات تبجح ابن حثلين بفاطره ،
غزو على العجمان وانتصروا عليهم واخذو زبار مع البل كلها ..
وقال الشاعر/ محمد بن منصور الدوسري

كم هجمةٍ لاد الخييلـي شعوهـا=أمست ولا أصبح عندك إلا أثارهـا
منها زبـاراً فاطـرك مسميهـا=جتنـا تقـدع نايـفٍ عشارهـا
غبوقت الخطار في ليـل الدجـا=ماهم بمثلك مذبحـت خطارهـا
تسب الخييلي والخييلـي شيخنـا=عساك تذوقها منه وهي بغبارهـا
وتذوق ما ذاق العتيبي منها =عليه المحصنات تهل أعبارهـا
نسيت يا مانع يومك قصير ٍ عندنا=يومنا نعطيك من حلـو أثمارهـا
يوم الخييلـي بالجنينـه ضايـف=يبي يضيف وضافتـه خطارهـا
وتذوق مذاق العتيبي منهـا=عليه المحصنات تهل أعبارها

ذكر الشاعر محمد بن منصور هذا البيت إستشهاداً لوقعة وقعة بين الخييلات من الدواسر
وقبيلة عتيبه بقيادة أبن ربيعان أنتصروا فيها الخييلات وقتل عدد كبير من عتيبه
مما جعل أبن ربيعان يتمثل في فرسه بعد إنتهاء المعركة حيث انها انجته من الموت ...
يقول ابن ربيعان :

يا سابقي تستاهليـن البريـره=لا جا نهاراً مثل يوم الخييـلات
قوم ٍ تـرد المنكسـر للمغيـره=وتحط في وجيه المناعير شارات
من فعلهم قامت تعبـر أمنيـره=ليت الغزيه يا يبه ما بعد جـات

منقول
ودمتم بخير
العديم

 

 

 

 

[معلومات العضو ابو زيد الغييثي]

العديم


بيض الله

وجهك على ايراد

الوقعه التاريخيه


ولاكن اذا عندك تكملت ابيات ابن اربيعان
كملها لاني عجزت عن تكملتها



تقبل تحياتي

ابو زيد الغييثي

 

 

 

 

[معلومات العضو الحمودي]

مشكور اخوي على ذكرك لفعايل بني عمنى ونتمنى منك المزيد

واذا عندك قصة ال بريك مع العجمان في وادي برك فعلمنا ولا تبخل علينا لاني ماني عارف القصه زين ولا القصيده حقتها





وشــــــــــــــــــــــــــــــــــــــــــــــــ ــــــــــكــــرا

 

 

 

 

[معلومات العضو العديم]

مرحبا باخوي ابو زيد الغييثي

وللأسف ما عندي إلا هالأبيات وان لقينا لها تكمله فابشر بسعدك وسعدنا بمرورك

هلا باخوي الحمودي

وللأسف ما عندي خبر عنها ولو مرت علي فابشر بعدك

وسعدنا بمروركم ادام الله لنا ولكم المسرات

 

 

 

 

[معلومات العضو نايف الخييلي]

اخوي \ العديم



لاهنت على ذكر هالهيه والقصيده المعرووفه وبيض الله وجهك



وبأنتظار جديدك ...



وتقبل سلااااااامي

 

 

 

 

[معلومات العضو سالم الغريري]

كفووووو والله بالخييلات

ومشكور يا العديم ويا ليت تكمل لنا القصيده

وعساك على القوة

 

 

 

 

[معلومات العضو أبو بدر]

أعزائي الكرام ، السلام عليكم و رحمة الله و بركاته

كفو بالخييلات و بالدواسر عامه

تقبلوا خالص تحيتي و تقديري و دعائي للجميع



ـــــــــــــــــــــــــــــ

 

 

 

 

[معلومات العضو عبدالله أبن مصلح]

مانع ابن حثلين مقيض فى الوادى عند العمور ,,, يومه يقول ابن منصور ( نسيت يا مانع يومك قصير ٍ عندنا ــــ يومنا نعطيك من حلـو أثمارهـا ) لكن يالعديم ترى مانع ابن حثلين عقب ماقيض فى الوادى رجع لنجران مابعد صار لهم وادى ذاك الحين , وعقب مادار الحول غزو الخييلات جنوب وكسبوا ابل العجمان وزبار فاطر ابن حثلين مع البل ,,, لاهنت يالقرم على ذكر السالفه ,

 

 

 

 

[معلومات العضو قرناس الدواسر]

يوم الخييلـي بالجنينـه ضايـف يبي يضيف وضافتـه خطارهـا



بودي أن أستفسر عن سالفة هذا البيت أليست لابن دليعة؟ وهل ابن دليعة من
آل ناهش؟ أم ماذا؟؟



دمتم بود..

 

 

 

 

[معلومات العضو نايف الخييلي]

المشاركة الأصلية كتبت بواسطة قرناس الدواسر

يوم الخييلـي بالجنينـه ضايـف يبي يضيف وضافتـه خطارهـا
بودي أن أستفسر عن سالفة هذا البيت أليست لابن دليعة؟ وهل ابن دليعة من
آل ناهش؟ أم ماذا؟؟
دمتم بود..

هـــلا بك يااقرناس الدواسر .

بالنسبه للسالفه اللى بالبيت . . هي لــ ابن معجب الخييلي . وهو رجل مشهور

بالـكرم والشجاعه والقصه هي انه كان مع مجموعه ركب واتجهوا للجنينه

بالليل يوم وصلوها لقوا سورها صاكه - وكانوا بالليل - وينوخون ركايبهم خارج

سور المدينه . ويقعدون اهل الركايب كل واحد يتمنى انه ضيفً عند احد . واحد

يقول : ليت منهو ضيفً عن فلان ... والاخر يقول . . ليتني ضيف عند فلان . .. وواحد

منهم قال : ليتني ضيفً عند ابن معجب الخييلات . . واكان ابن معجب يــسمعهم

وهم لايعرفونه .. فقــام ابن معجـب وينحـر ذلوله ويعشيهم . فصار هو المضيف

لأخوياه وهذه السالفه شهيره

 

 

 

 

[معلومات العضو يحيى الودعاني]

لاهنت أخوي العديم وبيض الله وجهك

اعلومك غانمة

ونعم بعيال عمنا الخييلات

 

 

 

 

[معلومات العضو عبدالله أبن مصلح]

المشاركة الأصلية كتبت بواسطة نايف الخييلي

هـــلا بك يااقرناس الدواسر .
بالنسبه للسالفه اللى بالبيت . . هي لــ ابن معجب الخييلي . وهو رجل مشهور
بالـكرم والشجاعه والقصه هي انه كان مع مجموعه ركب واتجهوا للجنينه
بالليل يوم وصلوها لقوا سورها صاكه - وكانوا بالليل - وينوخون ركايبهم خارج
سور المدينه . ويقعدون اهل الركايب كل واحد يتمنى انه ضيفً عند احد . واحد
يقول : ليت منهو ضيفً عن فلان ... والاخر يقول . . ليتني ضيف عند فلان . .. وواحد
منهم قال : ليتني ضيفً عند ابن معجب الخييلات . . واكان ابن معجب يــسمعهم
وهم لايعرفونه .. فقــام ابن معجـب وينحـر ذلوله ويعشيهم . فصار هو المضيف
لأخوياه وهذه السالفه شهيره

يانايف الخييلى جعل يمناك مايجيها العطب يابن العم

 

 

 

 

[معلومات العضو نايف الخييلي]

المشاركة الأصلية كتبت بواسطة ســـــعـــــود

يانايف الخييلى جعل يمناك مايجيها العطب يابن العم

ويــــمنـــاك ياســــعود .. وحيــــاك الله

 

 

 

 

[معلومات العضو ساموراي]

ماقصرت يالعديم وانا نقلت السالفه ذي بأسمك بمنتدى العجمان انكروها واحذفوها !!!
ماقصرت مره ثانيه