محاروة ساخنة بين القعياني وسلطان المسعري

[معلومات العضو غازي المسعري]

فيحان القعياني

ياسلام الله على أهل الوادي اللـي مانمـره=غير في وقت المصيف اليا بغينا أبها وهلها
صاحبي سلطان ماله في طوارف هيت جره=لو يمر العاصمه في ربع ساعـه مانزلهـا

سلطان المسعري

مرحبا ترحيبة فيها المسرة والمضـرة=ياصحيبٍ ننقض بيوتـه ليامّنـه فتلهـا
كان يافيحان في تالـي ليالينـا تشّـره=دام جبت الكايدة من بدع راسك فاحتملها

فيحان القعياني

البقا باالصاحب الي مانبي خيره وشـره=مير لاينسى العلوم الي مع اصحابه عملها
يوم ضاق الكون باهل المرجله بحره وبره=قالـوا أهـل العـرف ماشـال الحمـول إلا جملها

سلطان المسعري

مانسينـا يالقعيانـي ولـو مثقـال ذرة=لاتنبّـش سالفتنـا الاولـة دور بدلهـا
لاتفر الدرب عرض وطول لنك لوتفره=منت لاقي غير بنتٍ عارفينٍ من فحلها

فيحان القعياني

منكر المعروف ياوجه السعد جيبـه يطـره=لاتجاهلها تـرا العقـال مانرضـى جهلهـا
الحلاوه بعدها ياصحابنـا عشريـن مـره=مير بعض الناس مايعرف رضاها من زعلها

سلطان المسعري

عقب ماجبنا الغنايم جيتنا جمرك تكـره=طيع شوري يالقعياني وسقها في مهلهـا
كان جاك البرد ثوبك من لهيب البرد زره=وكان دورت العلوم الثانية تلقـى دبلهـا

فيحان القعياني

جنب الاجرب ياالدواسر مشتهي طليه وجره=والله أني قد نصحته والنصيحـه ماقبلهـا
مير يبشر باالكوايا اللي على كبده تحـره=ماتريح صاحبي سلطان مني ليـن أكلهـا

سلطان المسعري

يالربع فيحان يسمع عود مير العود غـره=جاب له جمرة عذاب وقال يافيحان شلهـا
وجا مصفي كل طبلونه يبي نجم المجـرة=مادرى انه لو يعض العشر يبطي ماوصلها

 

 

 

 

[معلومات العضو أبن جفشان]

لاهنـــــــــــــــــــت

وبيض الله وجهك

 

 

 

 

[معلومات العضو فهد بن مبارك الودعاني]

أخوي غازي بيض الله و جهك على أيراد هذه المحاوره


وصح السان الشعار بيض الله و جيهم



تقبلو مني أرق التحايا و أعذبها من أخوكم.....

 

 

 

 

[معلومات العضو مبارك الخييلي]

صح األسان الشاعر الأسطورة سلطان السعري


ومشالله عليه ذيب


ولاهان أخونا الكريم غازي وبيض الله وجهك على النقل


تقبل شكري والتقدير

 

 

 

 

[معلومات العضو غازي المسعري]

ابن جفشان شكراً على المرور تقبل تحياتي

 

 

 

 

[معلومات العضو غازي المسعري]

فهد الودعاني لاهنت يالغالي دمت سالماً

 

 

 

 

[معلومات العضو غازي المسعري]

مبارك الخييلي لك كل الشكر والتقدير اسعتنا بمرورك دمت بود