إبن العم عبدالله بن سعود بن شويرب الصخابرة يوجه نداء للدواسر وفاعلي الخير لاعتاق رقبة ابنه سعود - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. الأقســــام الـخــــاصـــــة.::: > :: قسم مناسبات وأخــبار الـدواسـر ::

موضوع مغلق
انشر الموضوع
 
أدوات الموضوع انواع عرض الموضوع
قديم 08-09-2010, 08:24 AM   #1
 
إحصائية العضو







الإداره غير متصل

الإداره is on a distinguished road


:e-e-2-:. إبن العم عبدالله بن سعود بن شويرب الصخابرة يوجه نداء للدواسر وفاعلي الخير لاعتاق رقبة ابنه سعود

بيان موقع قبيلة الدواسر الرسمي الأول (بشأن قضية سعود بن عبدالله بن سعود بن شويرب الصخابرة الدوسري)



الحمد الله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين

يقول الله في محكم تنزيله : (( ومن أحياها فكأنما أحيا الناس جميعا )) ، ويقول الرسول صلى الله عليه وآله وسلم : (( من فرج عن مؤمن كربة من كرب الدنيا فرج الله عنه كربة من كرب يوم القيامة )) ، ويقول الشاعر شافي بن راشد النتيفات:


ن ماتكاتفنـا وصرنـا جميـعـاً =في الآخرة محدن يساعد صحيبـه
اللي مايظهـر فالشدايـد وياقـف =خلّـه يولـي والليالـي تجيـبـه
ومن قال أنا من دون ربعي تخليت=لابد من سـود الليـال اتغزيبـه
مصايب الدنيا عسـى الله يكافـي =تطحن رحاها والقـويّ اتغديبـه
ياما تغدت من طويلين الاشنـاب=وياما تعشت راس ريّـس كتيبـه
وياما حصل ياناس بين القرايـب =واللي عفا فاجره على الله يثيبـه
و لولا الحمايا والتلاحـم غدينـا = مثل الهدف لا كبر كـلٍ يصيبـه




فكما تعلمون جميعاً أن (موقع قبيلة الدواسر الرسمي) لم ينشأ ويكن إلاّ لخدمة القبيلة ولتناقل أخبار القبيلة في كافة أنحاء المعمورة ، وكما أن الحكومات تجند أعداداً مجندة من الجند وتستخدم أحدث الوسائل العلمية وتنفق الأموال الطائلة في سبيل التنقيب عن تراثها في باطن الأرض وتناقل أخبارها في أسرع السبل والطرق , فكذلك نحن هنا ومن هذا الصرح الكبير الذي ضم قبيلة الدواسر قاطبة في كافة دول الخليج

نناشد أمراء ومشائخ ووجهاء وأعيان وكافة أبناء قبيلة الدواسر كافة ..

نناشد أهل الخير كافة ..

نناشد أهل الشهامة والكرم ..




بأن تنقذوا رقبة إبن عمكم سعود بن عبدالله بن شويرب الصخابرة الدوسري الذي هو الآن خلف القضبان ينتظرالفرج من الله سبحانه وتعالى ثم منكم أنتم يا أبناء قبيلة الدواسر ، حيث طُلب من ذويّ القتيل مبلغٌ وقدرة (( ستة ملايين ريال سعودي )) حيث إستوفى من المبلغ حالياً مليونان ريال سعودي وتبقى ( اربعة ملايين )ريال سعودي

وإننا ومن هذا المنبر الإعلامي لقبيلة الدواسر نكرر مناشدتنا لأمراء وشيوخ ورجال الأعمال والتجّار و الميسورين من أبناء القبيلة بالوقوف في هذه الأزمة التي لن تفرج إلا بإذن الله تعالى وبوقفتكم الصادقة المبرهنة الأقوال بالأفعال ، وكما أيضاً نوجه هذا النداء لصغير والكبير والميسور و الغني ورجل الأعمال والموظف ، فربما تبرعت بمبلغٍ بسيط جعله الله لك يوم القيامة جبالاً من الحسنات الواحد منها كجبل أحد ، والتبرعات ليست مقصورة على رجال الأعمال فقط ، وإنما هي مفتوحة للجميع كبيراً وصغير .




وهذه قصيدة شاعر منتدى الدواسر الرسمي الشاعر الكبير مسعود بن سعد المقابله نداء لكافة أبناء قبيلة الدواسر للمساهمة في اعتاق رقبة ابن عمهم :

القصيدة بصوت الشاعر :



لتحميل القصيدة اضغط كلك يمين على الرابط واختار حفظ الهدف باسم :

أضغط هنا


ياراكب اللي تو ماشق نابها = وجنا ً شناح ٍ متعبين ضرابها
من ساس عيرات عراب ٍ همايم = لولا اللزوم الصعب ماينصخابها
لا روحت يبرى تعبها هذيلها =تقبض خطى وتموج من زود مابها
تشدي ظليم ٍ ذيّره مصلف الندب = كن السباع تهوشها في عقابها
علق بها حمر الشلايل تخفّها =وخلها تهوم البيد تنقل كتابها
انحر طويق وذب في نايف الحجى = وازهم بصوت المستعر من ثيابها
ازهم هل العادات كسابة الثناء = اللي اليا ثقل الحمل ينتخابها
ازهم من الجدين (زايـد) و(تغلب) = انخى الرجال اللي يذري جنابها
يجون خطلان الأيدين ( آل زايد ) = هل عزوة ٍ يوم الظفر يعتزابها
يجونك الظفران من ساس (مسعر) = أهل صخاف الشول منصى جوابها
آلاد (مسعر ) مروية يابس القنا = لا طار ستر اللي سهت من ثيابها
ويجيك من صوب (الغـياثات ) فزعتك = أهل الثمان منومسة من حكابها
موسعة الحدود وأهل الطرف = وأهل عطاياً غيرهم ماصخابها
ويجيك من (لاد الحريجي) هل الظفر = وجيه ٍ تبشّر بالنصر من غزابها
فزعة مسامير الأشده بحلّها = الترك قد ذاقت مرارة عذابها
ويجيك من صوب (الشرافا) جراير = ندر حرار ٍ ترتهي بالعشابها
رمّايهم يرمي وعجل ٍ ولامه = في ساعة ٍ ضاقت على من رمابها
ويجونك ( آل بريك ) من زايد السطر= كل مجرّد خنجره من جرابها
(جريان) لاركبوا على كل سابق = كم حلة ٍ مركاضهم من ذعابها
ويجونك الظفران من (لاد سالم) = جموع تزبّر مثل شامخ هضابها
يجون من علوى (عيال المنيعي ) = فخذ الجموع مذرية من لجابها
كل يزقف بندقه قدم وجهه = هل فزعة ٍ يوم البلا يندرى بها
وتجي جموع ٍ (للوداعين) ترتدم =مثل الجمال الصايكه في ضرابها
أهل ثمان سلوم وان جاء المجابه = شيبانها ماتـتقي في شبابها
ويجونك (الرجبان) كسابة الثناء = محددة يوم المثارى ركابها
كسابة الناموس ريف الفداوي = أهل البيوت اللي رفاع ٍ قطابها
ويجيك من صوب (البدارين) لابة = فزعة ظفر في وقتها يندرابها
يجون مقدمهم زحول ( السدارى) = عيال (الضمين) اللي يجري هيابها
ويجيك جمع (التغلبي) يجلي العمس = يجي على هقواتك اللي تهقابها
يجيك من (لاد الحبيبي) سعودك = هم درعنا لازاد وحم اشتبابها
يجونك أهل العشر لاسمعوا النداء = اللي على الناموس تحفي ركابها
ويجي من (الحقبان) فزعة قرومهم = تبري من الكبد العليله صوابها
ويجي مع لادالعياضي ( مشاويه ) = من جابهم روس الأمور ارتهابها
ويجيك من صوب (الخييلات) لابة = هل فزعة ٍ كل يحسبّ احسابها
يردون حوض الموت لاغلي سوقه = وخيالهم لاجاء الأعادي سطابها
ويجونك (عمور) شقي ٍ حريبهم = دروعنا اللي مافشل من عدابها
ويجيك منهم كل قرم ٍ مجرب = صعب الامور الكايدات ارتهابها
ويجونك ( آل جعيد) لاسمعوا النداء = فزعة ظفر يوم الكدر ينشفابها
ويجيك جمع ٍ من (جميلة) هل الظفر = (آلاد بن مفلح) ذرى من لجابها
(نتيفات) ساس الجود من طيب فعلهم = عدوانهم سم السقطري شرابها
و(لاد الكبيري) ماتوخّر فزوعهم = وجيه ٍ تطوّل وجه منهو مشابها
ويجيك لامنك نخيت (الغريري) = هل عزوة ٍ بالطيب وثق(ن) قطابها
قلته وانا لي لابة ماتوخّرت = لاجات هوشات الظفر يندعابها
(آلاد حسن) مطوعة كل عايل =خيالة الحرشا سعدها حجابها
يجونك اهل الرمح واهل العوايد = ستر الهنوف اللي زهاها خضابها
يجيك غوش سايقه رايح السطر = لا جاء نهار الكون تروي حرابها
أهل بيوت مايروع قصيرها = ومن ضامته سود الليالي التوابها
آلاد حسن متعبة كل سابق = ورّادة الهيجا نهار اشتبابها
لا جو بيضان الوجيه وتلاحقوا =وكل ٍ يقول الصعب عندي وانابها
اظفر بصوت ٍ كل من جاك يسمعه =وبتّل على خطلان الأيدي جوابها
اليوم فزعات الجهل راح وقتها = باوقات جهل ٍ سود ماينسرابها
حنا باسلام ٍ وشرع وعداله = في ظل حكام نعيش بذرابها
في ظل حكام الجزيرة فهودها = من فعلهم كل ٍ يبيها وهابها
آل السعود مزبنة كل خايف = حكام نجد اللي نقود الرجى بها
عيال من حدد حدوده بسيفه = يوم الفتن في نجد يشبك ضبابها
تـــكفون يالظفران في موقف الظفر = أنتم هل الفزعات لافتح بابها
اليوم فزعتكم فداية ولدكم = بأموالكم يامسعفة من شرابها
يوم لنا واليوم الأخر علينا = وترك يدين ٍ ماتحوشه هبابها
ان مانفعنا المال في مثل يومنا = غدت علوم ٍ كل حي ٍ حكابها
ذي حزة الأموال ياجاهل ٍ بها= ان ما انـفعتــنـا اليوم ويش ينبغابها؟!!
اللي يخلي صاحبه بالهوايل = ماينفعه بالكايده لا ابتلى بها
يقطع شجرة ٍ ما تظلل عروقها=من قبل (شين الحلايا) بدابها
لولا الحمايا كان رحنا همايا = ولولا حمايا القوم كلن هقابها
وقول بليا فعل مايقطع الظما = مثل الفجوج اللي ثلاعا شرابها
هذا وختم القول صلوا على النبي = عداد ماترعدوتمطر سحابها


------------------------------------------

وسوف يكون هناك اجتماع بمحافظة الافلاج بمنطقة ((البديع)) في استراحة البستان في بداية البديع على اليمين للقادم من الرياض (( الموافق يوم الخميس 1431/10/14هـ))

والدعوه عامه الكافة ابناء قبيلة الدواسر





وللاستفسار حول هذا الموضوع وحضور الاجتماع

عبدالله بن سعود بن شويرب الصخابرة
جوال/0551864665

دغش بن حمد بن منصور الصخابره
جوال/ 0555559397



ونهيب بأبناء الدواسر الشرفاء المسارعة بالتبرع كلن قدر استاطعته .


إن إدارة موقع الدواسر الرسمي بعد هذه المناسبة سوف تكتب تقريرا كاملاً عنها

ونهيب بالجميع نشر الخبر بين اوساط االقبيلة وتجارها ورجال اعمالها



والله ولي التوفيق،،،



ادارة موقع قبيلة الدواسر الرسمي

www.alduwasser.org/vb

 

 

 

 

    

قديم 08-09-2010, 08:32 AM   #2
 
إحصائية العضو








فهد الغريري غير متصل

فهد الغريري is a jewel in the roughفهد الغريري is a jewel in the roughفهد الغريري is a jewel in the rough


:e-e-5-: رد: الشيخ عبدالله بن سعود بن شويرب الصخابرة يوجه نداء للدواسر وفاعلي الخير لاعتاق رقبة ابنه سعود

لتنويه

وسوف يكون هناك اجتماع بمحافظة الافلاج بمنطقة ((البديع)) في استراحة البستان في بداية البديع على اليمين للقادم من الرياض .(( في مساء يوم الخميس 1431/10/14هـ))

والدعوه عاااااامه الكافة ابناء قبيلة الدواسر




ونناشد كل دوسري على هذي المعموره ان يكون له موقف مشرف في هذا الحدث

وهذا الشي من باب التعاون على البر والتقوى والتكاتف بين ابناء العمومه

وعلى كل واحد منا ان يعلن هذا النداء لجميع الدواسر سواء في السعوديه

والكويت وقطر والبحرين وفي جمع اصقاع الارض

الله الله يابني عمي فزعتكم جعلكم المعزه

ولابد ان نناشد تجار واعيان قبيلة الدواسر كافه

اسأل الله رب العرش العظيم ان يعتق رقبة أبن العم

( سعود بن عبدالله الصخابره) .

وبيض الله وجه كل من تبرع باالمبالغ المالية

ونسأل الله أن يبارك لهم في رزقهم ويعوضهم خير

وهذا الشي لا يستغرب من ابناء قبيلة الدواسر

 

 

 

 

 

 

التوقيع

    

قديم 08-09-2010, 08:43 AM   #3
 
إحصائية العضو







راشد المسعري غير متصل

راشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud of


افتراضي رد: الشيخ عبدالله بن سعود بن شويرب الصخابرة يوجه نداء للدواسر وفاعلي الخير لاعتاق رقبة ابنه سعود



إن مـاتـكـاتـفــنــا وصــــرنـــــا جــمــيــعـــاً
فـي الآخـرة محـدن يساعـد صحيـبـه
الــلــي مـايـظـهـر فـالـشـدايـد ويــاقــف
خـــلّــــه يـــولــــي والـلــيــالــي تــجــيــبــه



نسأل الله العلي العظيم في هذا الشهر الكريم ان يسهل امر السجين سعود ويفرح والديه بخروجه من السجن

ونهيب برجال الاعمال والجميع بحضور هذا الاجتماع الداعم احتسابا للأجر والمثوبة من عند الله واستكمالاً للسجل اللي يبيض الوجه في الفزعة في وقتها

وفق الله الجميع لما يحبه ويرضاه ،،،

 

 

 

 

    

قديم 08-09-2010, 08:54 AM   #4
 
إحصائية العضو







عبدالكريم العماري غير متصل

وسام الدواسر الفضي: للأعضاء المميزين والنشيطين - السبب: المميزين والنشيطين
: 1

عبدالكريم العماري is on a distinguished road


افتراضي رد: الشيخ عبدالله بن سعود بن شويرب الصخابرة يوجه نداء للدواسر وفاعلي الخير لاعتاق رقبة ابنه سعود

أسأل الله العظيم أن يفرج همه ويعيده إلى أهله سالماً
ونهيب برجال الأعمال والجميع بالوقوف مع أخيهم سعود

أسأل الله أن يوفق كل من تبرع وساهم في عتق رقبة ابن العم سعود ويجزيه خير الجزاء

 

 

 

 

    

قديم 08-09-2010, 09:13 AM   #5
 
إحصائية العضو







غازي المسعري غير متصل

غازي المسعري is on a distinguished road


افتراضي رد: الشيخ عبدالله بن سعود بن شويرب الصخابرة يوجه نداء للدواسر وفاعلي الخير لاعتاق رقبة ابنه سعود

إن مـاتـكـاتـفــنــا وصــــرنـــــا جــمــيــعـــاً
فـي الآخـرة محـدن يساعـد صحيـبـه
الــلــي مـايـظـهـر فـالـشـدايـد ويــاقــف
خـــلّــــه يـــولــــي والـلــيــالــي تــجــيــبــه



نسأل الله العلي العظيم في هذا الشهر الكريم ان يسهل امر السجين سعود ويفرح والديه بخروجه من السجن

ونهيب برجال الاعمال والجميع بحضور هذا الاجتماع الداعم احتسابا للأجر والمثوبة من عند الله واستكمالاً للسجل اللي يبيض الوجه في الفزعة في وقتها

وفق الله الجميع لما يحبه ويرضاه

 

 

 

 

    

قديم 08-09-2010, 12:42 PM   #6
 
إحصائية العضو







معزي غير متصل

معزي is on a distinguished road


افتراضي رد: دعوه لكافة ابناء قبيلة الدواسر من الشيخ عبدالله بن سعود الصخابرة رابع ايام عيد الفطر المبارك

نسأل الله العلي العظيم في هذا الشهر الكريم ان يسهل امر السجين سعود ويفرح والديه بخروجه من السجن

واشكر موقع الدواسر الرسمي على متابعت احدث القبيله اول بأول

وعسى الله ان يكتب لهم الاجر


 

 

 

 

    

قديم 08-09-2010, 05:53 PM   #7
 
إحصائية العضو








ناصر بن فهد غير متصل

وسام الخيمة الرمضانية 1430هـ الفضي لصاحب المركز: الوسام الفضي لصاحب المركز الثاني بالأفضلية - السبب: وسام الدواسر الفضي: للأعضاء المميزين والنشيطين - السبب: النشاط والتميز
: 2

ناصر بن فهد is on a distinguished road


افتراضي رد: دعوه لكافة ابناء قبيلة الدواسر من الشيخ عبدالله بن سعود الصخابرة رابع ايام عيد الفطر المبارك

نسآل الله أن يفكه ازره ويعيده الى أهله سالم غانًمَ
ونناشد مشايخ وتجار واعيان قبيله الدواسر مساعدة ابن عمنا

 

 

 

 

    

قديم 08-09-2010, 07:20 PM   #8
 
إحصائية العضو








عبدالرحمن بن فلاح آل بريك غير متصل

وسام الدواسر الذهبي: للأعضاء المميزين والنشيطين - السبب: شكر وتقدير
: 1

عبدالرحمن بن فلاح آل بريك is a name known to allعبدالرحمن بن فلاح آل بريك is a name known to allعبدالرحمن بن فلاح آل بريك is a name known to allعبدالرحمن بن فلاح آل بريك is a name known to allعبدالرحمن بن فلاح آل بريك is a name known to allعبدالرحمن بن فلاح آل بريك is a name known to all


افتراضي رد: دعوه لكافة ابناء قبيلة الدواسر من الشيخ عبدالله بن سعود الصخابرة رابع ايام عيد الفطر المبارك

نسأل الله العلي العظيم في هذا الشهر الكريم أن يسهل أمور سعود الصخابره وأن يخرجه لأهله .

ومن هذا المنبر المبارك نناشد كافة أبناء قبيلة الدواسر ورجال الأعمال بأن يقفو وقفتهم المعروفه والمعهوده وأن يعتقو رقبة ابن عمهم .

 

 

 

 

 

 

التوقيع

    

قديم 08-09-2010, 08:52 PM   #9
 
إحصائية العضو







الجراح غير متصل

الجراح is on a distinguished road


افتراضي رد: دعوه لكافة ابناء قبيلة الدواسر من الشيخ عبدالله بن سعود الصخابرة رابع ايام عيد الفطر المبارك

تكفون يالظفران في موقف الظفر=أنت هل الفزعات لافتح بابها
اليوم فزعتكم فداية ولدكم=بأموالكم يا مسعفه من شرابها
يوم لنا واليوم الآخر علينا=وترك يدينٍ ما يحوشها هابها
إن ما نفعنا المال في مثل يومنا=غدت علومٍ كل حيٍ حكابها
ذي حزة الأموال يا جاهلٍ بها=إن ما نفعتنا اليوم ويش ينبغابها
اللي يخلي صاحبه بالهوايل=ماينفعه بالكايدة لا ابتلبى بها
يقطع شجرةٍ ما تظل عروقا=من قبل (شين الحلايا) بدابها
لولا الحمايا كان رحنا همايا=ولو حمايا القوم كلن هقابها



دام لـه لابـة دوسريه

يبشر بعزه الصخيبري

والله ما راح يذخرون شي الدواسر

ألين يظهر ولدنا سالم معافى بإذن الله تعالى

(( والـدواسـر لـهـا ولـغـيـرهـا ))



تكفون ياربعنا الفزعه الفزعه

(( ومن أحياها فكأنما أحيا الناس جميعا ))

 

 

 

 

 

 

التوقيع

والطيب خذيناه من زايد ورثه=ون غليت اسعاره دفعنا ضرايبه
يوم إن وقت الخيل والسيف والقنا=كم شيخ قوم نفرده من حبايبه

    

قديم 08-09-2010, 10:08 PM   #10
 
إحصائية العضو







شافي بن راشد النتيفات غير متصل

وسام شاعر التميّز .: وسام يقدم لمن يستحق أن يطلق عليه وسام الدواسر الذهبي: للأعضاء المميزين والنشيطين - السبب: شكر وتقدير.. ونعتذر علي سقوط اسم
: 2

شافي بن راشد النتيفات has a spectacular aura aboutشافي بن راشد النتيفات has a spectacular aura about


افتراضي رد: دعوه لكافة ابناء قبيلة الدواسر من الشيخ عبدالله بن سعود الصخابرة رابع ايام عيد الفطر المبارك

اسأل الله رب العرش العظيم ان يعتق رقبة أبن العم

( سعود بن عبدالله الصخابره) .

وبيض الله وجه كل من تبرع باالمبالغ المالية

ونسأل الله أن يبارك لهم في رزقهم ويعوضهم خير

,ونشكر ادارة الموقع على هذه البادرة الطيبة

 

 

 

 

 

 

التوقيع




لمتابعتي بتويتر

Shafi-1978

    

قديم 09-09-2010, 05:57 AM   #11
 
إحصائية العضو








محمد بن حمد الشكرة غير متصل

وسام الدواسر الذهبي: للأعضاء المميزين والنشيطين - السبب: شكر وتقدير
: 1

محمد بن حمد الشكرة is on a distinguished road


افتراضي رد: دعوه لكافة ابناء قبيلة الدواسر من الشيخ عبدالله بن سعود الصخابرة رابع ايام عيد الفطر المبارك

نسأل الله العلي العظيم في هذا الشهر الكريم ان يسهل امر السجين سعود ويفرح والديه بخروجه من السجن

واشكر موقع الدواسر الرسمي على متابعت احدث القبيله اول بأول

وعسى الله ان يكتب لهم الاجر

 

 

 

 

 

 

من مواضيع: محمد بن حمد الشكرة

0 دعوة عامة من الشيخ / محمد بن زيد بن جريس الخييلات لحضور ملتقى قبيلة الخييلات
0 ياهـل الموقـع إلــي عنـدنـا غـالـي
0 مرشحي قبيلة الدواسر لإنتخابات نادي السالمية بالكويت-قائمة أبناء النادي
0 وزير التجارة يعين المهندس شويمي الكتاب المصارير عضوا بمجلس إدارة الغرفة التجارية بالخرج
0 سوف بعرض مساء اليوم الجمعة 19/11/1433هـ حفل تكريم الشاعر / نايف بن مسرع الدوسري بمناسبة مشاركته المشرفة في برنامج شاعر المليون للموسم الخامس على شاشة قناة الدانة

التوقيع




الى جنات الخلد يا بو فهد
أسأل الله ان يرحمه رحمةٍ تطمئن بها نفسه وتقر بها عينه
أسأل الله العظيم رب العرش الكريم أن يغفر له ويرحمه ويسكنه فسيح جناته


m.h.s502@vip.cn






    

قديم 09-09-2010, 06:34 AM   #12
 
إحصائية العضو








أبوفيصل الغييثي غير متصل

أبوفيصل الغييثي is on a distinguished road


افتراضي رد: دعوه لكافة ابناء قبيلة الدواسر من الشيخ عبدالله بن سعود الصخابرة رابع ايام عيد الفطر المبارك

أسأل الله العلي العظيم أن يفرج عنه ويعيد لأهله سالم

فعلاً الحين تشوف مردود هذا الصرح هل فيه تفاعل أم لا وأنا أقول إن شاء الله

بإذن الله يكون الفرج نهايه هالقضيه أتمنى من رجال الأعمال الوقفه الصادقه كما تعودنا منهم

أحترامي وتقديري

 

 

 

 

 

 

التوقيع




    

قديم 09-09-2010, 10:28 AM   #13
 
إحصائية العضو







محمد شافي الهواشله غير متصل

محمد شافي الهواشله is on a distinguished road


افتراضي رد: دعوه لكافة ابناء قبيلة الدواسر من الشيخ عبدالله بن سعود الصخابرة رابع ايام عيد الفطر المبارك

اسأل الله رب العرش العظيم ان يعتق رقبة أبن العم

( سعود بن عبدالله الصخابره) .

وبيض الله وجه كل من تبرع باالمبالغ المالية

ونسأل الله أن يبارك لهم في رزقهم ويعوضهم خير

,ونشكر ادارة الموقع على هذه البادرة الطيبة

 

 

 

 

    

قديم 09-09-2010, 12:06 PM   #14
 
إحصائية العضو








عبدالله الحافر الغييثي غير متصل

وسام الدواسر الذهبي: للأعضاء المميزين والنشيطين - السبب: لنشاطه الملحوظ ومشاركاته المميزه بالموقع
: 1

عبدالله الحافر الغييثي is on a distinguished road


افتراضي رد: دعوه لكافة ابناء قبيلة الدواسر من الشيخ عبدالله بن سعود الصخابرة عاشر أيام عيد الفطر المبارك

اللهم يافارج عن ايوب مما جراله ومنقذ يونس من بطن حوته ويا من اخرج يوسف من ظلمات السجن ان تخرج( سعود بن عبدالله الصخابره) من سجنه وان تقر عين ذويه برؤيته ياحي ياقيوم...
وجميعنا مطلوب منا المساهمه كبيرنا وصغيرنا غنينا وفقيرنا وكلا" بماتجود به نفسه وبما يستطيع وليس قصرا" على الاغنياء اسال الله العلي العظيم ان ييسر الديه ويخرجه مماهو فيه

 

 

 

 

    

قديم 09-09-2010, 09:13 PM   #15
 
إحصائية العضو







محمد بن فهد الرجباني غير متصل

وسام الخيمة الرمضانية 1430هـ البرونزي لصاحب المركز: الوسام البرونزي لصاحب المركز الثالث بالأفضلية بالخيمة الرمضانية 1430هـ طيلة شهر رمضان المبارك - السبب: وسام الدواسر الفضي: للأعضاء المميزين والنشيطين - السبب: النشاط والتميز
: 2

محمد بن فهد الرجباني is on a distinguished road


افتراضي رد: دعوه لكافة ابناء قبيلة الدواسر من الشيخ عبدالله بن سعود الصخابرة عاشر أيام عيد الفطر المبارك

(( ومن أحياها فكأنما أحيا الناس جميعا ))

اسأل الله العظيم رب العرش الكريم ان يعتقه ويفرج عنه ويعتق رقبته وينجية كما نجي نبي الله يونس من بطن الحوت..

الله الله يالنشامى اليوم يومكم ما عاد بها مصد قومٌ تعاونوا ماذلو ولا خاب من عزوته الدواسر..

 

 

 

 

 

 

التوقيع

تستاهل مراقب وتستاهل الطيب=ياللي على خدمة بني عمك حضاب
ياذيب ياللي جيت فوق المراقيب=وياحر ياللي ماكرك عالي هضاب
يابوفهد عداك لوم وعذاريب=في طلتك مثل الجدي مابعد غاب
من لابة هداتكم تشبع الذيب=تقدم نهار الهوش وتقيد ركاب
ماهيب ترسل للمعادي مناديب= تقدم لامن ولد الردي وقف وهاب

الشاعر/شافي النتيفات


    

موضوع مغلق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 09:47 PM


Powered by vBulletin® Copyright ©2000 - 2024, Jelsoft Enterprises Ltd.
---