العودة   ::: مـنتدى قبيلـة الـدواسـر الـرسمي ::: > :::. الأقســــام الـخــــاصـــــة.::: > :: قسم اللقــاءات والفعاليات والتغطيات الخاصة::

إضافة رد
انشر الموضوع
 
أدوات الموضوع انواع عرض الموضوع
قديم 28-10-2011, 10:38 PM   #1
 
إحصائية العضو







الإداره غير متصل

الإداره is on a distinguished road


:e-e-5-: التغطية المصور لحفل الشيخ فيصل بن فصلاء المصارير بمناسبة فوزه بالانتخبات البلدية وزواج ابنه فهد بن فصلاء



الحمد لله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين

إخواننا أعضاء وزوّار ومرتادي الموقع الرسمي لقبيلة الدواسر



أعدّ التقرير

عضو مجلس إدارة الموقع الأستاذ فهد بن هادي الغريري ،
عضو مجلس إدارة الموقع الأستاذ راشد بن محسن المسعري.



التقط الصور

عضو مجلس إدارة الفخري الاستاذ خميس بن مطر الغييثي



لاد الحبـيـبـي تشـتـهـر بالـفـعـايـ=لاثقل على العدوان من طويق وقراه
عدونـا يمـسـي بــه الحـيـف مـايـل=وان جـا نهـار الكـون مـاحـن بـنـدراه
من صلب أهل عشر كسبنا النفايـل=ذود المعادي في ضحا العيد زعنـاه



يتناوب الرجال على فعل الكرم والطيب ويتسابقون في ذلك من باب التنافس الشريف ومن باب لم الشمل وتجديد الولاء والطاعة والمحبة في ظل القيادة الحكيمة ،ومن باب الإخاء بين القبائل .في ليلة فريدة وفي تجمع عـز وطاعة وفي لقاء أنس ومحبة ومن على جنبات محافظة الخرج ، في جو أخوي زاد من جماله ذلك التجمع الرائع بين أبناء قبيلة الدواســـر. حيث اقيم يوم السبت الماضي الموافق 8/11/1432هـ بقصرالمؤتمارات بالخرج حفلاً وذالك بمناسبة فوز الشيخ فيصل بن فصلاء المصارير بالانتخبات البلديه وزواج ابنه فهد بن فيصل بن فصلاء. حيث حضر عدد من اعيان المنطقة وهم: رئيس بلدية الخرج الاستاذ: ابراهيم بن سعيد ابوراس, واللواءئ ناصر بن محمد ال خليفةو والشيخ ضاري بن سعد الحطيمو والشيه سعد بن غنيم الحقباني, و مدير مباحث الخرج, وعدد من اعيان قبائل ال فهاد

لقطاتٍ مصوّرة لـ وصول الضيوف


الشيخ مجول خفران الرشدان المصارير


الشيخ محمد ناشي الكتاب والشيخ عبدالله ظافر المغثي


الشيخ سعد الغنيم والشيخ فيصل الفصلاء المصارير






من اليمينالشيخ محسن مبارك الجعشان المهندس ابرهيم ابو راس ريس بلديه محافظه الخرج وضيوف الحفل


الشيخ فهد بن محمد الفصلاء وبجانبه ابن الشيخ فيصل الفصلاء فهد الفصلاء


جانب من الحضور


الشيخ الاستاذ /برجس بن شويمي الفويز المصارير والشيخ زامل مناحي الجعشان المصارير



الشيخ محمد بن ظافر المصارير والشيخ تركي بن سعد الرشدان المصارير


سويد حسين المصارير وحنش هادي المصارير


الشيخ فيصل الفصلاء وبجانيه احد الضيوف


جانب من الحظور


الشيخ الشاعر سعد ظافر المغثي والشيخ هويشل مناحي المغثي والشيخ مغثي عشيران المغثي



الشاعر مشعان سرحان المصارير


ولأن مثل هذه المناسبات لابد لـ الشعر أن يكون له حضوراً ، ولأن مثل هذه المواقف العظمى لابد أن تسجل وتدوّن بأبيات القصيدة . إستهل الشاعر: مشعان بن سرحان المصارير قصائد الحفل بقصيدةٍ بهذه المناسبة يقول فيها :


سلام من صدرن فتح مزلاجه=يضرم على بدع الشعر مزاجه
من هاجسن له فالمواقف وقفة = ماهيضه سدة لزوم وحاجه
يدلي بدلوه لا توانو غيره = ولا حضّرت كبر الضنون يواجه
وانا ليا حان اللزوم اشرّف = العرف بيتي والشموخ سراجه
سلام ياصرحن يرود الشيمة = عصره طويلن والزمن ماعاجه
في عيلمه كل الدواسر تفخر = العز سوره والبخت بابراجه
تردع اجفونه كل راعي عيلة = وتغني ركونه كل صاحب حاجه
سرحن باسم لاد الحبيبي يزهو = وسمن على راس الزمن ماماجه
عزوة هل العشر الشهيرة وايضا =جدن ورثنا العز من منهاجه
صرح المصارير الأكابر يكفي = القول بأنه ما ينال سياجه
دام الفخر والطيب ساسه الاول= أكيد تيجان الفخر بادراجه


ومن ثم ألقى الشاعر محمد بدّاح المصارير قصيدةً بهذا الحفل ، حيث يقول في قصيدته :

يامرحبا ترحيبة كنها الهيل = هيل الحبش ومخالطه زعفرانا
يامرحبا وإعداد ما يدرج السيل = بضيوفنا وربوعنا واصدقانا
ترحيبة تملا صدور الرجاجيل = مجيكم فخر ويسعد مسانا
جيتو وفاء ومقدرين مشاكيل = ربعي هل العادات هيف السمانا
اقولها من هاجس يوفي الكيل = مشاعر من شاعر ما توانا
وليا حضرنا مع زحول حلاحيل = نثبت مواقفنا ونكرم لحانا
وليا ولينا شاردات التماثيل = نرقابها حتى تجي مستوانا
والشعر له معنى وحكمه وتاويل = عند العقول النيرة له مكانا
والشعر ديوان العرب ماضي الجيل= ينبيك بالواقع عيانا بيانا
ويشرح لك الحاضر ويعطيك تفصيل = وعند الوقايع موقفه ترجمانا
الله يكفينا البلا والغرابيل = والله على الدرب السليم يهدانا
ياهل الوفاء ياكاسبين التنافيل = ياهل العقول الواعيات الذهانا
تنبهوا للمقبلات المقابيل = وتمعنوا باللي يحوف قصرانا
من حولنا كل الفتن مظلم الليل = والله يرفع مابهم ويحمانا
والنعمة اللي نتملكها بلا كيل = ترى عليها ماملكنا ضمانا
وراس القطار إن فات ما ينفع الذيل = وش عاد منها باقي في يدانا
من لا يعصب الراس ويسرّج الخيل = تصير عشره بالشدايد ثمانا
شوموا من التنقيص والقال والقيل = وصيروا على كسب الفضيلة خوانا
كف الضراعة ينرفع تالي الليل = ناجو كريم ما يغره خفانا
تواصلوا بالدين واصحوا من الميل = وإليا نسينا الدين ربي نسانا
صيروا يدن وحده تضد الأباطيل = اللي تحاول طعنة في قفانا
الحاقدين المفسدين المغاليل = لو يملكونه ما يذعذع هوانا
الله عليهم يرسله طير ابابيل = ويشفي صدور المومنين الحزانا
ويحفظ بلدنا من شرور الزلازيل = وملوكنا اللي من ذراهم ذرانا
والله يخذّل من يبي منّهم نيل = ومخالفتهم فسق والله نهانا
كل الصعايب صخروها بتذليل = وحنا رضيناهم ونالوا رضانا
وإنّا بهم مانستمع للدهاويل = وعلى كتاب الله نجدد ولانا


ومن ثم ألقى الشاعر فهد بن سالم المصارير قصيدةً بهذا الحفل ، حيث يقول في قصيدته :



يالله ياعالم مسير الأهله = يامدبر ذالكون دقه وجلّه
ياواحدن ماغيرك احد يوحّد = انت الحكيم ووالي الامر كله
عني على تقديم جزل المثايل = اللي لها التاريخ يفت سجله
اللي إلى عديتها من سمعها = ياقف لها عز وتاقف رضاّله
ومن بعد ذي ياكاسبين المدايح = تستاهلون الفوز وانتم هلاً له
الفوز ماياتي حدن بالسهاله = ولا جابه اللي جالسن في محله
ما جابه الا من يروم المعالي = الل إلى زوّد له الحمل شلّه
الفوز فوزك يابن فصلا وفوزي = وفوز القبيله بينن بالأدله
قبيلة تاريخها من قرابة = قدم لها فنجال صينن و دلّه
تاريخها في ماضي الوقت يعرف = الزير سيفه بالحرايب يسله
وتاريخها في حاضر الوقت حاضر = ظلن يظلل من خذا الوقت ظله
ياما خذت من المجد ذروة سنامه = والمجد مايصعب على من وصلّه
الطيب وهبه من جزيل الوهايب = ولا كل من يبغى طريقه يدله
أحدن يدوّر له ولا ينكتب له = وأحدن وضعه الله بقلبه جبلّه
أقولها وأثني لكل القبايل = اللي مواقفهم كبارن إمطلّه
وختامها ياكاسبين المدايح= تستاهلون الفوز وانتم هلاً له

ومن ثم ألقى الشاعرمحمد بن مسفر بن قحيفان الخضراني قصيدةً بهذا الحفل ، حيث يقول في قصيدته :

بإسم خطلان اليماني مزبنة الدخيل = لابتن تكسر شبات العدا وتذلها
ربعنا للي لا تبرا عميلن من عميل = في يدينا مثل حدب السيوف نسلها
مرحبا ترحيبة عن هدفها ما تميل = ما تساق إلا على واحدن قدن لها
عند ربع تكرم الضيف لا شح البخيل = الكرم والطيب والمرجله طبع لها
شط مفرودن يقلط وخرفانن وحيل = وسفرتن ممدودة تتعب اللي فلها
والدلال الصفر يعبا بها بنن وهيل = ذي يقدمها المقهوي وذيك يزلها
بعد هذا طالبك يامجيب المستسيل = ياكريم معضلات الأمور تحلها
مدني من زبدة الهرج والقول الدليل = صوغة من سمع ترديدها ماملها
تعجب الناقد ويبرابها جرحن عليل = يوم بعض القول بعض الكبود يعلها
شاعرن في بحر الإبداع لي باع طويل = اتخير بين دق الامور وجلها
ويوم كل جا بمده ومكياله يكيل = ذا يصوّت للقبيلة وذا ضدن لها
وابتدا فتح المظاريف وإظهار المحاصيل = وجات من حظ الدواسر وهم كفون لها
قلت ياهل العرف ما للجزال الا الجزيل = وافتخرت بفوز ربعي وجيت إرضاً لها
وفوز فيصل وافي الشبر كساب الجميل = يعتبر فوزن يعم القبيلة كلها
يابن فصلا يا اصوك الراس يالسيف الصقيل = سلّها لا هنت يابومحمد سلّها
أشهد إنك يابن فصلا صنعت المستحيل = الاوله لاخوك والثانية محتلها

ومن ثم ألقى الشاعرسعد ظافر مغثي المصارير قصيدةً بهذا الحفل ، حيث يقول في قصيدته :




سر ياقلم واكتب لي القيفاني = اكتب وانا باوزن لك الأوزاني
أول كلامي دايماً ذكر الله = الواحد اللي ماله احدن ثاني
الواحد اللي مستوي في عرشه = اللي رفع سبع بلا عمداني
سبحان من يسمع دبيب النملة = وعلى محمد نزّل القرآني
فضله علي وانا احمده في فضله = لأنه على الدين القويم احياني
سر ياقلم واكتب قصيدة شاعر = معطره بالمسك والريحاني
اغوص باعماق البحور العسرة = واجيب منها اللول والمرجاني
من شان لا مرّت على اذن السامع= يقول لي بالحال: صح لساني
الليلة الليلة ياطيب الليلة = اللي جمعت ربع وصديق وعاني
اللي لهم موقف وطيب وفزعه = الله يبيض وجههم من داني
عز الله إنهم محزمك يافيصل = وانته سندهم لا احتما الميداني
لولا ثقتهم فيك يابو محمد = ماكان جوك اللابه الشجعاني
لانك تريد الخرج باعلى قمة = وتسعى لها في نهضة العمراني
من غير قاصر فالذي قد فازوا= الكل منهم في لزومه باني
خلو يديكم يانشاما وحده = وخلوا بلدكم افضل البلداني
ترى الامانه حمل وانتم قده = الله محملها على الإنساني
والله يعزك يالمليك الغالي= وولي عهده سيدي سلطاني
حكامنا نفخربهم ونماري = خلوا وطنا افضل الاوطاني
يادار وانتي رايتك مرفوعه = غصب على الراضي مع الزعلاني
يادار والله مايمس ترابك = حنا نحارب زمرة الشيطاني
يامرحبا ترحيبة عن خالي = وعن ربعي اللي تكرم الضيفاني
ربعي وانا ربعي جبال شمّخ = تاريخهم يعرف من الازماني
خيالة الشرفا وانا الحبيبي = فزعاتهم يروابها الضمياني
قدام ما اختم ياجماعه قافي = لا بد اوضح الاسم والعنواني
تدرون منهو ياعرب شاعركم = الشاعر اللي يبدع القيفاني
انا ولد عودن ينومس ربعه = يشهد له الشايب مع الشباني
يشهد عليّه يوم جوه ضيوفه = واطلق ولدهم طلقة الغلطاني
ثم صوّب الاول وصاب الثاني = واصبح ابوهم موقف بلشاني
ثم ارتكا للحمل رجلن شاله = وخلا ولده بدل ولدهم جاني
انا ولد ظافر وجدي مغثي = الله يرحم شايب رباني
عساك في الجنات ياخو مشعاء = انته وابوك وجدّك الرقعاني
تمت وصلى الله على افضل خلقه = محمد اللي من نسل عدناني






الشاعر سعد محمد المصارير والشاعر ابن قحيفان الخضران


الشيخ الشاعر محمد بن بداح المصارير


المقدم ركن المهندس / ناجي عجيان الكتاب


العقيد /محمد عجيان الكتاب


الشيخ الاستاذ /برجس بن شويمي الفويز المصارير والشيخ زامل مناحي الجعشان المصارير


الاستاذ خميس مطر الغياثات والشيخ فيصل الفصلاء


الشيخ محمد راجس الفصلاء والاستاذ فيصل محمد ناشي والشيخ فيصل الفصلاء


من اليسار الشاعر محمد بن سالم الخضراني


الشيخ الشاعر سعد ظافر المغثي والشيخ هويشل مناحي المغثي والشيخ مغثي عشيران المغثي


الشيخ مطلق عبدالله النمر والاستاذ ناصر حنيش المصارير


عضو المجلس البلدي بالحيانيه الشيخ مناحي بن محسن الجعشان وبجانبه حسين حزام المصارير



الاستاذ محمد متعب الشكره


جانب من الحظور




الشيخ محمد راجس الفصلاء والاستاذ فيصل محمد ناشي والشيخ فيصل الفصلاء


محمد زريب المصارير والشيخ فيصل الفصلاء


جانب من ابناء القبيله


محمد زريب المصارير


تكريم الى الشيخ فيصل الفصلاء

لقطات مصوّرة لفعاليات العرضة النجدية:






الضيوف يتوجهون الى تناول طعام العشاء



وفي الختام إخواننا فإنه ليسرنا أن نتقدم بجزيل الشكر والعرفان لشيخ فيصل الفصلاء المصارير على حسن الإستقبال والمعاملة وكرم الضيافة الغير مستغرب منهم ، وكذلك نتقدم بجزيل الشكر والعرفان لكافة أمراء و شيوخ و وجهاء القبيلة على حضورهم .


(صوت قبيلة الدواسر)
موقع قبيلة الدواسر الرسمي
www.alduwasser.org/vb



 

 

 

 

    

رد مع اقتباس
قديم 28-10-2011, 11:10 PM   #2
 
إحصائية العضو







شافي بن راشد النتيفات غير متصل

وسام شاعر التميّز .: وسام يقدم لمن يستحق أن يطلق عليه وسام الدواسر الذهبي: للأعضاء المميزين والنشيطين - السبب: شكر وتقدير.. ونعتذر علي سقوط اسم
: 2

شافي بن راشد النتيفات has a spectacular aura aboutشافي بن راشد النتيفات has a spectacular aura about


افتراضي رد: التغطية المصور لحفل الشيخ فيصل بن فصلاء المصارير بمناسبة فوزه بالانتخبات البلدية وزواج ابنه فهد بن فصلاء

لاهنتم على التغطية الرائعة وبالتوفيق للشيخ فيصل الفصلاء المصارير
ومبرووووووك له الفوز ومبروك زواج ابنه

 

 

 

 

 

 

التوقيع




لمتابعتي بتويتر

Shafi-1978

    

رد مع اقتباس
قديم 29-10-2011, 12:41 AM   #3
 
إحصائية العضو







مبارك بن شافي النتيفات غير متصل

وسام الدواسر الذهبي: للأعضاء المميزين والنشيطين - السبب: شكر وتقدير
: 1

مبارك بن شافي النتيفات is a splendid one to beholdمبارك بن شافي النتيفات is a splendid one to beholdمبارك بن شافي النتيفات is a splendid one to beholdمبارك بن شافي النتيفات is a splendid one to beholdمبارك بن شافي النتيفات is a splendid one to beholdمبارك بن شافي النتيفات is a splendid one to beholdمبارك بن شافي النتيفات is a splendid one to behold


افتراضي رد: التغطية المصور لحفل الشيخ فيصل بن فصلاء المصارير بمناسبة فوزه بالانتخبات البلدية وزواج ابنه فهد بن فصلاء

لاهنتم على التغطية الرائعة وبالتوفيق للشيخ فيصل الفصلاء المصارير

ومبرووووووك له الفوز ومبروك زواج ابنه

 

 

 

 

 

 

التوقيع



للتواصل عبر تويتر m16mu

    

رد مع اقتباس
قديم 29-10-2011, 03:47 AM   #4
 
إحصائية العضو







راشد المسعري غير متصل

راشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud of


افتراضي رد: التغطية المصور لحفل الشيخ فيصل بن فصلاء المصارير بمناسبة فوزه بالانتخبات البلدية وزواج ابنه فهد بن فصلاء

يستاهل الفوز الشيخ فيصل بن فصلاء المصارير والف مبروك زواج ابنه ودامت افراح الجميع بالخير والمسرات

وشكر خاص لأفراد طاقم المنتدى الاخ خميس الغييثي والأخ محمد بن سالم الخضراني

والشكر ايضاً للأخ فيصل بن محمد بن ناشي المصارير على تزويد إدارة المنتدى بمعلومات وأحداث الحفل

وفق الله الجميع لما يحبه ويرضاه

وللجميع ودي وتقديري ،،،،

 

 

 

 

    

رد مع اقتباس
قديم 29-10-2011, 04:07 AM   #5
 
إحصائية العضو







غازي المسعري غير متصل

غازي المسعري is on a distinguished road


افتراضي رد: التغطية المصور لحفل الشيخ فيصل بن فصلاء المصارير بمناسبة فوزه بالانتخبات البلدية وزواج ابنه فهد بن فصلاء

يستاهل الفوز الشيخ فيصل بن فصلاء المصارير والف مبروك زواج ابنه ودامت افراح الجميع بالخير والمسرات

ودمتي ادارتنا الغالية ودام إبداعك

 

 

 

 

    

رد مع اقتباس
قديم 29-10-2011, 08:43 AM   #6
 
إحصائية العضو







فهد المقابله غير متصل

فهد المقابله is on a distinguished road


افتراضي رد: التغطية المصور لحفل الشيخ فيصل بن فصلاء المصارير بمناسبة فوزه بالانتخبات البلدية وزواج ابنه فهد بن فصلاء

لاهنتم على التغطية الرائعة وبالتوفيق للشيخ فيصل الفصلاء المصارير

ومبرووووووك له الفوز ومبروك زواج ابنه

 

 

 

 

 

 

التوقيع

[poem=font="Simplified Arabic,6,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

سبحان الله وبحمده سبحان الله العظيم

    

رد مع اقتباس
قديم 29-10-2011, 03:07 PM   #7
 
إحصائية العضو








عقاب بن هذال ال بريك غير متصل

عقاب بن هذال ال بريك is on a distinguished road


افتراضي رد: التغطية المصور لحفل الشيخ فيصل بن فصلاء المصارير بمناسبة فوزه بالانتخبات البلدية وزواج ابنه فهد بن فصلاء

يستاهل الفوز الشيخ فيصل بن فصلاء المصارير
والف مبروك زواج ابنه
ودامت ديار قبيلتنا عآمره بالأفراح والمسرات !!

ودمتي ادارتنا الغالية ودام إبداعك !!

 

 

 

 

 

 

التوقيع


    

رد مع اقتباس
قديم 30-10-2011, 10:45 PM   #8
 
إحصائية العضو







محمد بن فهد الرجباني غير متصل

وسام الخيمة الرمضانية 1430هـ البرونزي لصاحب المركز: الوسام البرونزي لصاحب المركز الثالث بالأفضلية بالخيمة الرمضانية 1430هـ طيلة شهر رمضان المبارك - السبب: وسام الدواسر الفضي: للأعضاء المميزين والنشيطين - السبب: النشاط والتميز
: 2

محمد بن فهد الرجباني is on a distinguished road


افتراضي رد: التغطية المصور لحفل الشيخ فيصل بن فصلاء المصارير بمناسبة فوزه بالانتخبات البلدية وزواج ابنه فهد بن فصلاء

أتقدم بجزيل الشكر والعرفان لشيخ / فيصل الفصلاء المصارير على حسن الإستقبال والمعاملة وكرم الضيافة الغير مستغرب منهم ، وكذلك أتقدم بجزيل الشكر والعرفان لكافة أمراء و شيوخ و وجهاء القبيلة على حضورهم المناسبتين الكبيرتين.

ونشكر الادارة الكريمة على عرض التغطية الجميلة

ادام الله افراح ومسرات الدواسر

تحياتي وتقديريْ،

 

 

 

 

 

 

التوقيع

تستاهل مراقب وتستاهل الطيب=ياللي على خدمة بني عمك حضاب
ياذيب ياللي جيت فوق المراقيب=وياحر ياللي ماكرك عالي هضاب
يابوفهد عداك لوم وعذاريب=في طلتك مثل الجدي مابعد غاب
من لابة هداتكم تشبع الذيب=تقدم نهار الهوش وتقيد ركاب
ماهيب ترسل للمعادي مناديب= تقدم لامن ولد الردي وقف وهاب

الشاعر/شافي النتيفات


    

رد مع اقتباس
إضافة رد


الذين يشاهدون محتوى الموضوع الآن : 6 ( الأعضاء 0 والزوار 6)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
التغطية المصوّرة للحفل السنوي الخامس لقبيلة الدواسر بإستضافة ورعاية الشيخ فيحان بن شجاع بن محماس بن سويلمه آل بريك حفظه الله ورعاه. الإداره :: قسم اللقــاءات والفعاليات والتغطيات الخاصة:: 39 30-04-2011 03:03 PM
التغطية المصوّرة لـ حفل الشيخ فهد بن فريج الشكره بمناسبة حصوله على سيف الشرف للرجل المثالي مقدما من صاحب السمو الملكي الامير مشعل بن عبد العزيز رئيس هيئة البيعة رئيس اللجنة العليا لجائزة الملك عبد العزيز طيب الله لمزاين أم رقيبة الإداره :: قسم اللقــاءات والفعاليات والتغطيات الخاصة:: 24 10-02-2011 05:10 PM
التغطية المصوّرة لحفل إفتتاح مبرة قبيلة الدواسر الخيريّة بدولة الكويت. الإداره :: قسم اللقــاءات والفعاليات والتغطيات الخاصة:: 16 22-11-2010 09:44 AM
التغطية المصوّرة (الحصريّة) لحفل قبيلة الرقاعين المصارير تكريماً لشيخ على بن صالح أبو ليله شيخ قبيلة الغفران آل مرة وجماعته الإداره :: قسم اللقــاءات والفعاليات والتغطيات الخاصة:: 31 05-07-2010 11:48 PM

 


الساعة الآن 10:31 PM


Powered by vBulletin® Copyright ©2000 - 2021, Jelsoft Enterprises Ltd.
---