معركة الأميلاح - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. الأقســــام الـتـاريـخـيـــة .::: > :: قسم تاريـخ قــبـيـلة الــدواسـر ::

إضافة رد
انشر الموضوع
 
أدوات الموضوع انواع عرض الموضوع
قديم 01-10-2005, 06:28 PM   #1
 
إحصائية العضو







العقيد غير متصل

العقيد is on a distinguished road


افتراضي معركة الأميلاح

حدثت معركة الأميلاح في النصف الأخير من القرن الثاني عشر .

وسببها : أن حشر بن وريك شيخ ال عاصم من قحطان نزل ديار الدواسر بدون إذن منهم .
ثم قال قصيدة استفز فيها جميع الدواسر ووصفهم بأهل التكحل والتطيب .
حيث قال :


شرفت في قمرا وشفت العجايب=والله على منزال قاع أم صدعان

يوم أخلوا الديرة طوال الذوايب=ملايت المخبا ذرير وريحان



وعاد الدواسر بعد ماسمعوا هذه القصيدة وكانوا مربعين في الدهناء واضطروا إلى حذف
الهوادج وماشابهها للإسراع بالوصول إلى ديارهم .

وعندما علم حشر بذلك . استنجد بقبائل قحطان فجاءته الجحادر بزعامة العماج حيث أن
بن هادي لم يبرز في ذلك الوقت . وجاءت عبيدة بزعامة بن شفلوت واستعدوا للمناخ .
ورحل بعد ذلك بعض من الدواسر عن أرض المعركة . وثبت الأمير مصري (الأول) بن وثيله
بالرجبان .

وتزعم بن شفلوت قبيلة قحطان وجاء بجمله وعليه الهودج وفيه أخته رداح . واجتمعت
الدواسر بزعامة مصري بن وثيله وجاء بجمل الدواسر وفيه أخته الجازي


( وقام بوضع قيد من حديد في هذا الجمل حتى لايفر ولاتفر منه القبيله )

ومن هذه الوقعه لقب الدواسر بمحددة الجمل .


وقد جعل الأمير مصري بن وثيله تسعين رجلا مسيفا من الرجبان في حماية الجمل .
وفي هذه المعركة انتصر الدواسر وأخذ جمل قحطان وعليه رداح . والشاهد قول
شاعرهم بعد ان دافع عن الظله والإبل فلما كثرت عليه الخيل ترك الظله وأقفى على
الإبل وهو الوحيد الذي نجى بإبله ذلك اليوم . حيث قال :



الرابح اللي ماحضر بالأميلاح=ولاحضر عزالها في المضاحي

جونا الدواسر كل قرم وذباح=ثم عزلوا ذيداننا بالمراحي

شلنا عليها كل ماعلقوا طاح=ولاشحني كود ظلة رداحي

نبغي الستيرة غير منا العزا باح=نبغي الستيرة غير حل الفضاحي

إن انثنيت مقابل شلف ورماح=وان انهزمت مغيزل العين صاحي

يوم انكسر رمحي تدنيت ابولاح=ورديت للهندي شريدة سلاحي

آخذعلى جمع المغيرين مشواح=وأذودهم ذود الجمل للقاحي

تهن يازمل أريش العين وارتاح=مادام زلبات السبايا تناحي

عاداتنا باضيق نهدي للأرواح=لياهبا خطوا الذليل السناحي


أما حشر بن وريك . فقد أخذ محله بعد أن فر والتجأ إلى قوم العماج . والشاهد قول شاعر
الرجبان في ذلك اليوم:



ياحشر تركت المزا وأنت شايب=ياملقحن هضبة الاميلاح بلسان

ياملقحن عوج الهضاب الصلايب=توالدت عقبك بكار وقعدان

نشعى محلك والدبش جاء نهايب=من فوق قب فوقها كل داقان

زبنت للعماج والعج سايب=ولاعاد همنك حلايل وورعان

حلفت ماترعونها بالغصايب=مادام يركبها عيال وشيبان

ربعي مقيدة الجمل في الحرايب=وأيضا إلى ركبوا على الخيل فرسان



ومماقيل في هذه المعركة من قصائد . قصيدة بن حصن الشرافي حيث قال :



ألا وليته يوم قيدنا الجمل=بالطبل ينظر لابتي وأفعالها

يوم السبايا كنها في هجرها=تهدي العروق ومرة تهدالها

يوم يسميهم بالحنايا كاعب=سهت وشاف اللي يخيل جمالها

ثنوا رقاب الخيل اهلها عندها=مطارق ريش النعام اظلالها

خذنا جملهم والمزين فوقه=فوقه رداح ضافي دلالها

خذناه بعدٍ فلعنا خيلهم=صحنا عليهم صيحة ذا حالها

خذنا البنادق من يديهم والعدد=وخناجر كن النجوم اشعالها

خمسة وتسعين قطيب عدها=سلبت من يديهم تكر اذبالها

لنا بها عز وصيت ظاهر=ونسقي المعادي من كدر مغيالها

وأولاد رجب هم عمود الهيه=كنهم أسود يعجبك سربالها




= للمعلومية :الأمير مصري بن جماهر بن وثيله . هو مصري الأول . وهو غير مصري الثاني الذي قاد الرجبان ضد بن حميد .


هذه هي الرواية الصحيحة . المستقاه من كبار السن . خصوصا ان بعض المنتديات

ينسبها لغير الدواسر .


ولكم فائق التقدير والأحترام


مع تحيات .......العقيد.......

 

 

 

 

    

رد مع اقتباس
قديم 01-10-2005, 10:58 PM   #2
 
إحصائية العضو







راشد المسعري غير متصل

راشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud of


افتراضي تحية للعقيد ....

الأخ العزيز : العقيد

اشكرك جزيل الشكر على هذه ا لقصة المثبتة بالقصائد الحماسية والتي تحكي عن بطولات الدواسر وخاصة ( الرجبان ) اصحاب التاريخ الناصع والعلوم الغانمة منذ قديم ا لدهر ، والله يرحم قائدهم الأمير مصري بن وثيلة ، ويستاهلون الرجبان كل علم غانم وهم أهل الطولات دايماً.

 

 

 

 

    

رد مع اقتباس
قديم 01-10-2005, 11:47 PM   #3
 
إحصائية العضو







محمد الغريري غير متصل

محمد الغريري is on a distinguished road




العقيد


يعطيك العافيه على ايرادك للمعارك التي خاضتها قبيلة الدواسر وبالأخص الرجبان

فلك منا كل شكر وتقدير وامتنان ..

فلا تحرمنا جديدك فنحن بإنتظارك ..


تقبل تحياتي ..



اخوك في الله

محمد الغريري

 

 

 

 

    

رد مع اقتباس
قديم 02-10-2005, 01:30 AM   #4
 
إحصائية العضو








العماني غير متصل

العماني is on a distinguished road


افتراضي

اقتباس:
المشاركة الأصلية كتبت بواسطة ابو عبدالمحسن المسعري
الأخ العزيز : العقيد

اشكرك جزيل الشكر على هذه ا لقصة المثبتة بالقصائد الحماسية والتي تحكي عن بطولات الدواسر وخاصة ( الرجبان ) اصحاب التاريخ الناصع والعلوم الغانمة منذ قديم ا لدهر ، والله يرحم قائدهم الأمير مصري بن وثيلة ، ويستاهلون الرجبان كل علم غانم وهم أهل الطولات دايماً.

بيض الله وجهك يالعقيد وماقصّرت

 

 

 

 

    

رد مع اقتباس
قديم 02-10-2005, 06:38 AM   #5
 
إحصائية العضو








ابن وتيد السباعي غير متصل

ابن وتيد السباعي is on a distinguished road


افتراضي كفيت ووفيت يالعقيد

جونا الدواسر كل قـرم وذبـاح*****ثـم عزلـوا ذيداننـا بالمراحـي



الدواسر لاطامت العايل ذاق مرها قريب وبعيد وذا جايك يستفزهم
اقداه ماجاه




بيض الله وجهك يالعقيد جعل يمناك مايجيها العطب




اخوك/
صعوط المجانين

 

 

 

 

    

رد مع اقتباس
قديم 02-10-2005, 07:28 AM   #7
 
إحصائية العضو







نمر بن الأشيب غير متصل

نمر بن الأشيب is on a distinguished road


افتراضي

العقيد

يعطيك الف عافيه

وكفو والله بالرجبان والدواسر كلهم



أخوك في الله


العرابي

 

 

 

 

 

 

التوقيع



[poem font="Simplified Arabic,5,white,normal,normal" bkcolor="transparent" bkimage="http://www.alduwasser.com/vb/images/toolbox/backgrounds/22.gif" border="double,4," type=0 line=0 align=center use=ex num="0,black"]
مرحوم يا طيّب السيره والأخلاقي=دغش البطي يا عسى مثواك فالجنّه
يالنادر اللي لمبدا المجـد عشاقـي=من ظن فيك الوفاء شافك ورى ظنّه
تفرح لطالة بني عمـك وتشتاقـي=ومواقف الطيب تفعلها بـلا منّـه
وهاذي حياة الفناء ما حد بها باقـي=فيها القضاء والقدر والموت ما عنّه [/poem]

    

رد مع اقتباس
قديم 02-10-2005, 08:50 AM   #8
 
إحصائية العضو








دغش البطي غير متصل

دغش البطي is on a distinguished road


افتراضي

الأخ العزيز : العقيد

في البدايه أهنئك وأهنىء المنتدى بوجودك ووجود من هم رواة مثلك وشرواك

ويعلم الله إني أتحمس لمَا أقرأء لك مشاركة وذلك لما لك من حساسيه مفرطه في

الكتابه وتتبع كل صغيرةٍ وكبيرة وهنا يحس القارىء أنه مع هذه القصه.

فأشكرك جزيل الشكر على كتاباتك المميزه وماهذه القصة المثبتة بالقصائد الحماسية

والتي تحكي عن بطولات الدواسر وخاصة ( الرجبان ) اصحاب التاريخ الناصع والعلوم

الغانمة منذ قديم ا لدهر إلأ خير شاهدٍ ودليل هلى صحة كلامي،

فعسى الله يرحم قائدهم الأمير مصري بن وثيلة برحمته ويتجاوز عنه،

والحقيقه يستاهلون الرجبان كل علم غانم ( محددة الجمل )

وهم أهل الطولات والفخر من غير قصور في باقي الدواسر.

الرابح اللي ماحضر بالأميـلاح=ولاحضر عزالها في المضاحـي
جونا الدواسر كل قـرم وذبـاح=ثـم عزلـوا ذيداننـا بالمراحـي
شلنا عليها كـل ماعلقـوا طـاح=ولاشحني كـود ظلـة رداحـي
نبغي الستيرة غير منا العزا بـاح=نبغي الستيرة غير حل الفضاحي

ماأحسن الشهادة إذا جاتك من خصمك والله يرحم الأولين اللي ينطقون الصدق

لو كان ضدهم .


ياحشر تركت المزا وأنـت شايـب=ياملقحن هضبة الاميـلاح بلسـان
ياملقحن عوج الهضاب الصلايـب=توالـدت عقبـك بكـار وقعـدان
نشعى محلك والدبش جـاء نهايـب=من فوق قـب فوقهـا كـل داقـان
زبنـت للعمـاج والعـج سـايـب=ولاعاد همنـك حلايـل وورعـان
حلفـت ماترعونهـا بالغصـايـب=مـادام يركبهـا عيـال وشيبـان
ربعي مقيدة الجمل فـي الحرايـب=وأيضا إلى ركبوا على الخيل فرسان


كفو كفو كفو بربعنا الرجبان يفعلون العلم الغانم ويحرون به

لاهنت يالعقيد وبيض الله وجهك وجعلنا مانفقدك ياذيبان

وأشكرك جزيل الشكر على المجهودات المستمره في هذا المنتدى

عاطر التحايا القلبية لمقامك العالي

محبك ومغليك : دغش بن بطي

 

 

 

 

 

 

التوقيع

    

رد مع اقتباس
قديم 02-10-2005, 09:12 AM   #9
 
إحصائية العضو







ابوعبدالرحمن الودعاني غير متصل

ابوعبدالرحمن الودعاني is on a distinguished road


افتراضي

 

 

 

 

    

رد مع اقتباس
قديم 02-10-2005, 05:23 PM   #10
 
إحصائية العضو







العقيد غير متصل

العقيد is on a distinguished road


افتراضي

الأخ الغالي : أبو عبدالمحسن المسعري .

مشكور على المرور . وماعليك زود طال عمرك .



أخوك ......العقيد......

 

 

 

 

    

رد مع اقتباس
قديم 02-10-2005, 05:26 PM   #11
 
إحصائية العضو







العقيد غير متصل

العقيد is on a distinguished road


افتراضي

الأخ محمد الغريري .

مشكور على المشاركة والله لايهينك على التعديل .

والله يجعل والديك في الجنه

أخوك ....العقيد......

 

 

 

 

    

رد مع اقتباس
قديم 02-10-2005, 05:30 PM   #12
 
إحصائية العضو







العقيد غير متصل

العقيد is on a distinguished road


افتراضي

الأخوة / هايف العماني . صعوط المجانين . سعد المقابله . العرابي .بليهي الودعاني .


مشكورين جميعا على المرور والمشاركة .

وعز الله إن مروركم يشرفنا .

أخوكم .....العقيد.....

 

 

 

 

    

رد مع اقتباس
قديم 02-10-2005, 05:34 PM   #13
 
إحصائية العضو







العقيد غير متصل

العقيد is on a distinguished road


افتراضي

الأخ العزيز . دغش البطي .

الله لايهينك . وجعل من أرثك في الجنة .

وماعليكم زود . والحق يقال والله والنعم ياصبيان الغييثات وإذا اشتد المحزم بان فعلهم .



ولك كل الشكر والتقدير .
أخوك ......العقيد.....

 

 

 

 

    

رد مع اقتباس
قديم 08-10-2005, 02:38 AM   #15
 
إحصائية العضو







ابن حويل غير متصل

ابن حويل is on a distinguished road


افتراضي

كفو واللة بمقيدة الجمل ولا هي غريبة على اللي مثلهم
ولاهنت يالعقيد على ايراد ذا السالفة التي يفتخر بها جميع دوسرى

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 10 ( الأعضاء 0 والزوار 10)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
سين و جيم الجزء الثالث الدردور :: القسم الإسلامـــي :: 10 16-12-2010 01:58 AM
معركة الجنادرية .. الظهران من قبيلة السهول وسبع البيارق خيال البلها :: القسم الـتاريخــي الــعام :: 0 20-11-2010 11:27 PM

 


الساعة الآن 01:18 PM


Powered by vBulletin® Copyright ©2000 - 2024, Jelsoft Enterprises Ltd.
---