محاوره بين : المسعري و مسفر المصارير !!!

[معلومات العضو مسفر المصارير]

بسم الله الرحمن الرحيم
الاخوه الكرام
السلام عليكم ورحمة الله وبركاته
حبيت أشارككم بهذه المحاوره
التي جرت بين المسعري وبيني
و إن شاء الله تحوز على رضاكم
^^^^^^^^^

المسعري :

الايابن تغلب شد حيلك على الميقاف=تراء الوضع يبغاء واحداً مايحسب له
ليا اشتدت اللعبه حلا ماحلى المحراف=وتراء الخصم مثلك غصب لازم نوقفله

مسفر المصارير :

أبا شد حيلي ذيب أنا ما علي خلاف = وشعري خصيمي غصب اخليه يصفق له
بيوتي تجي جزله تجي كاملة الاوصاف = ليا من عقدت الحبل ما تقدر تفله

المسعري :

تراء الشاعر اللي فالميادين ماينشاف=وجوده مثل عدمه ولا احدن بيفطنله
وانا اعرف عميلي ماتخبى بطرف لحاف =يدوس المخاطر والمواقيف تشهدله

مسفر المصارير :

أنا خايف اليا غبت قالو لي هذا خاف = وسيفي على العدوان دايم وانا اسله
عميلك يحبك البيت وزن ولحن وقاف = ومثلك يا بن مسعر نعده معلم له

المسعري :

اجل يالحبيبي قم تبين على المشراف=وراعي الجزيله كل شاعر تحمس له
تراء الناس تنصف راعي الجزل بالانصاف=وكلا على قوه يجودثقل حمله

مسفر المصارير :

أنا جاهز و رميي ترا صايب الاهداف = وشاعر يحبك القاف صا حبك يطرب له
ولا قول انا مستور ولا قول انا صياف = ترا شعيل لو حمل ميت حمل يشتله

وسلا متكم
ودنا كان أنا كملنا المحاوره
لكن الاخ : المسعري " أبو خالد "
طلع عنده ظرف
وتقبلوا تحياتي

أخوكم : مسفر المصارير

 

 

 

 

[معلومات العضو أبو السلاطين]

وعليكم السلام ورحمة الله وبركاته
صح الله السانك يا أبو نايف
وصح الله السان المسعري
ومشكور على هذي المحاااورة ولكن بودنا انها كانت مباشرة على المنتدى
ونحمسكم زيادة ونمسك الصفوف
لكن قدر الله وما شاء فعل
والله لايهينك على نقلها وإرادها لنا
لكم مني كل التقدير والاحترام

 

 

 

 

[معلومات العضو الرهاوي]

الشاعر مسفر المصارير والشاعر المسعري

بيض الله وجيهكم على هذه المحاورة الرائعة

وصح الله ألسنتكم جميعاً

أخوك : الرهاوي

 

 

 

 

[معلومات العضو عبدالرحمن الشرافي]

الشعراء الكبار///



ابو خالد المسعري

ومسفر المصارير


صح الله اللسنتكم وبيض الله وجيهكم على ذا القبصيدة الجزله


وما قصصرتوا

وانشاء الله نشوف مثل هذه المحاورة فالمنتدى قريبااااااااااا



تحياتي للجميع

 

 

 

 

[معلومات العضو مسفر المصارير]

أبو السلاطين

الرهاوي

عبدالرحمن الشرافي

يا الله حيهم والله لا يهينكم على المرور

تقبلوا تحياتي