التغطية المصوّرة لـ إحتفائيّة شعراء قبيلة الدواسر بمناسبة قدوم (سلطان الخير) و (سلمان الوفاء) برعاية الشيخ محمد بن مرّان بن متعب بن قويد - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. الأقســــام الـخــــاصـــــة.::: > :: قسم اللقــاءات والفعاليات والتغطيات الخاصة::

إضافة رد
انشر الموضوع
 
أدوات الموضوع انواع عرض الموضوع
قديم 27-12-2009, 07:35 PM   #1
 
إحصائية العضو







الإداره غير متصل

الإداره is on a distinguished road


:e-e-5-: التغطية المصوّرة لـ إحتفائيّة شعراء قبيلة الدواسر بمناسبة قدوم (سلطان الخير) و (سلمان الوفاء) برعاية الشيخ محمد بن مرّان بن متعب بن قويد

بسم الله الرحمن الرحيم

الحمد لله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين

إخواننا أبناء قبيلة الدواسر وأعضاء وزوّار الموقع الرسمي للقبيلة


إلتقط الصور :
عضو مجلس إدارة الموقع الأستاذ راشد بن محسن المسعري .

أعدّ التقرير وساهم بتنسيقه :
عضو مجلس إدارة الموقع الأستاذ راشد بن محسن المسعري ، والمشرف الإعلامي بالموقع الحميدي بن محمد الغريري .


كما عودناكم دائماً وأبداً ، فإنه ليسرنا أن نطرح لكم هذه التغطية المصوّرة لحفل إحتفاء شعراء قبيلة الدواسر بقدوم ولي العهد سلطان الخير وأمير الرياض سلمان الوفاء برعاية الشيخ محمد بن مرّان بن متعب بن قويد :


الشيخ محمد بن مرّان بن متعب بن قويد ، ويظهر باليسار الشاعر تركي بن هذّال بن نيف الودعاني .


صور جماعية للشعراء الحاضرين بهذه المناسبة .

في ليلة من ليالي الفرح بسلامة صاحب السمو الملكي الأمير سلطان بن عبدالعزيز التي يعيشها السعب السعودي هذه الأيام ، اقام الشيخ محمد بن مران بن قويد حفل عشاء واحتفالاً بمنزله بمدينة الرياض وكان الاحتفاء عبارة اجتماع لشعراء من قبيلة الدواسر بدعوة من الشيخ محمد بن مران بن قويد وقد شارك الشعراء في التعبير عن فرحة ابناء القبيلة وابتهاجهم بسلامة ولي العهد حفظه الله وقدموا أمسية رائعة وقصائد جميلة سطروا بها أجمل أنواع التلاحم بين القادة والشعب.


وقد ابتدأ البرنامج تلك الليلة بكلمة الداعي الشيخ محمد بن مران بن قويد قال فيها:


الشيخ محمد بن مران بن قويد يلقي كلمته

بداية نحمد الله الباري جل شأنه على أن منّ بالشفاء على أمير القلوب صاحب السمو الملكي الأمير سلطان بن عبدالعزيز ولي العهد نائب رئيس مجلس الوزراء ورئيس الدفاع والطيران والمفتش العام وعودته لوطنه وشعبه سليماً معافا.

وانطلاقاً من مبدأ تلاحم الشعب بالقيادة وتحقيقاً لرغبة شعراء القبيلة في إبراز مشاعر القبيلة وكذلك رغبتنا الشخصية في مشاركة القبيلة في جميع المناسبات بالشكل المشرّف. لذا تم ترتيب هذا الاحتفاء بعودة ولي العهد لمشاركة أبناء الوطن في فرحة الوطن.

وبقلوب يملؤها الفرحة والسرور يشرفنا ان نتقدم لمقام خادم الحرمين الشريفين الملك عبدالله بن عبدالعزيز حفظه الله وإلى مقام النائب الثاني سمو الأمير نايف بن عبدالعزيز حفظه الله وإلى الأسرة المالكة وإلى الشعب السعودي الأبي بالتهنئة القلبية الخالصة بشفاء وعودة ولي العهد حفظه الله كما نزف أسمى آيات الترحيب بأمير الوفاء صاحب السمو الملكي الامير سلمان بن عبدالعزيز أمير منطقة الرياض والذي ضرب أسمى وأجمل صور الوفاء والبر .

وختاماً أسأل الله العظيم أن يديم على وطننا الغالي نعمة الامن والاستقرار وأن يحفظ لنا قيادتنا الرشيدة.




مقدم الحفل الملازم اول رائد بن خالد الخرفاني الدوسري

وبعد ذلك بدأ مهرجان الشعر لتلك الليلة (ونبيّن للمتابعين أن ترتيب الشعراء في هذه التغطية عشوائي وجميعهم أدى رسالته ومشاعره بمناسبة سلامة ولي العهد) وقد بدأت اول قصيدة لـ مقدم الحفل الملازم اول رائد بن خالد الخرفاني آل عمّار الدوسري حيث رحب بالجميع في بداية تقديم الحفل ثم قال الأبيات التالية:

مثايلي فاضت من الموقف الجد = معنى الأخوة نادر ما نشوفه
لي مدها يمناك يمي وانا مد = يمناي يمك والغلا وش وصوفه
يالهفة الضامي على وردة العد = يا بلة الريق بشهد ما نشوفه
شفت الملك يطغى على شوقه الود = والنايب الثاني تسابق حروفه
يالموقف اللي ذلل العادي الضد = هذا مليك الدار وذولا سيوفه
سلامتك يامير بالخير ما عد = من زار بيت الله حجيج تطوفه
ياسيدي سلطان مالك ابد ند = في خافقي بين الضلوع العزوفة
ملكتني حر واحبك ولا بد = اصور الخافي لاجل ما تشوفه
ماكنت في غربة ولو كنت باشد= سلمان يمك والوطن من وصوفه
ياهامتي سلمان يا اوطان ياند = طيب حوى راسه وطبعه وجوفه
كل الدواسر لك تردد وانا ارد = شوقتها نجد وبكى طويق نوفه



الشاعر محسن بن فالح الشكرة الدوسري

ثم جاء دور الشاعر محسن بن فالح الشكرة حيث قال:

من منطلق بيعة وميثاق وعهود = باسم الدواسر جيت اجدد ولانا
لملوكنا اللي تبذل الطيب والجود = وحازوا محبتنا وحازوا غلانا
حكامنا آل سعود والخير موجود = والمملكة دار الشرف والأمانا
حنا لابو متعب رياجيل وجنود = مانختلف مهما يطول الزمانا
خادم بيوت الله والسيف محدود= في وجه من يبغا يزعزع لوانا
واليوم حنا في تباشير وسعود = من يوم ابو خالد تعالج وجانا
يامرحبا به عد مايثمر العود = وعداد مانشا السحاب وسقانا
وعداد ماتنبت رياحين وورود = والحمد للي مايخيب رجانا
ياسيدي كن الفرح معك مفقود = وفي عودتك عود ونوّر سمانا
ياسيدي سلطان مسعاك محمود = طهور يافرحة قلوب الحزانا
لعل ماصابك من آلام ولهود = تكتب بها لك عند ربي حسانا
ياباذل المعروف في كل مظهود= الجود عشر وقسمك انته ثمانا
واللي بقا للناس ماهوب محسود = ياللي لك قلوب العروبة مكانا
ولاهنت ياسلمان في كل مجهود= ضربت للاخوان كيف الخوانا
تسهر على سلطان والعالم رقود= وفاك ياسلمان يحيى وفانا
وحنا لكم وفعولكم عز وشهود = ياعزنا ياملوكنا يا ذرانا
ونبقى على بيعة وميثاق وعود = والله على الدرب الصحيح يهدانا



الشاعر هتيل بن سعد بن هتيل المسعري

ثم قصيدة للشاعر هتيل بن سعد بن هتيل المسعري يقول فيها :

ابتدي باسم الله الهادي لساني بتعبيره= واطلبه توفيقه وعونه على جزل العباره
وسط ميدان الأدب والشعر واعلام تحريره=واهتمام الناس بالشعر الحقيقي وانتشاره
ليلةٍ الاعلام خلدّها عبر بثه واثيره = فالرياض العاصمة واسعد لياليه بمطاره
يوم وقف خادم البيتين ربان المسيرة= ينتظر من مملكتنا كلبوها في انتظاره
جسدت معنى التلاحم في وطنا مع كبيره = وابرزت كبر الوفا فالكون من قمة كباره
ساعة فيها القلوب البيض ونظاف السريرة= بينت سر احترام النفس فبلاد الطهاره
احتفل شعب السعودية كبيره مع صغيره=بالشفا الكامل لابو خالد وبالعودة لداره
مرحبا ياعضد ابو متعب ولي عهده شويره=يالامين الصادق المخلص معه بالاستشاره
اشرقت شمس الرياض بشوفتك وبشوف اميره= هيبة المصمك وحكامه وتاريخه وكاره
ياهلا ياباني صروح الدفاع ويا وزيره = يالامير الحر ياعز المناصب والوزارة
سور حد المملكة لاجات الاوضاع الخطيرة=يالذرا في البرد وظلاله عن شموس وحراره
مستعد بالرجال وبالسلاح وبالذخيره = قوة تقضي على الظالم ليا جنب مساره
متبع دين الخوارج لا غزا تلعن مشيره = يوم خان بدولته وارهب هله ما احسن جواره
ما درى إنا يوم قام ابليس يغويه ويديره= مقبرة عدوان دين الله وغازينا دماره
من سعى في حربنا يصبر على صالي سعيره=والسيادة ما تزعزعها مغاليث الجحارة
من وطى شبر من ارض المملكة نقصر مسيره = كم عدو قبلهم جانا وحطمنا عماره
قالها خالد ولد سلطان يوم اعلن نذيره = قدوة الجيش السعودي بالشجاعة والنعاره
فارس الاحداث لاقامت بها وجيه شريره = مقدم القوات في يوم كسا جوه شراره
صارم سطوة مضاريبه بعدوانه ضريره = نادر من موكر تعرف بقوتها حراره
الملوك اللي مباديها شريفات وشهيره = من حربهم مات ولا لبست عظمه جباره
صفوة الحكام بسيوف على العاصي شطيره = هم هل العوجاء مقاديم السرايا بالسطاره
في وطنا ياهل التكفير وضعاف البصيرة = من نوى تفريق شمل الشعب لا يرجي صغاره
نحمد المولى على فضله وعافيته وخيره = يوم شافا قايد بالظلم ما يصدر قراره
مرحبا يالطيب في الدنيا بمعناه وعبيره = والسمو الحاتمي والكيف وبهاره وناره
بالنفوس اللي هقاويها بمولاها كبيره = تعطي القادات وملوك البشر معنى الإدارة
من بغى المعروف وجزاله وصافيه وغزيره = لا يطوفه ما فعل سلطان في أثنا الزيارة
يوم قبّل كل رجال صويب في سريره= قدّر فعول الرجال وتكفي الحر الإشاره
قايد نفسه بطب الجرح وعلاجه خبيره = درّس الأجيال من بعده سمو اهل الأماره
ما تنول العز نفس عندها الانفس صغيره = والتواضع من كبير القوم يحفظ له وقاره
حب ابو خالد تغنابه جماهير غفيره = كل دار زارها لا راح تبقى في انتظاره
شوف وجه وابتسامه سلوة النفس الكسيرة=وابتهاج المنتصر بالفوز في كسب الصداره
كم عزيز جاه مايملك سوى مبرك بعيره = قام يمشي مع هل الذيدان ويزيد افتخاره
من كرم يمناه ياما مدت يدين فقيره = وانفقت بالمال لاجل الخير من زود التجاره
هوحليف الجود كساب الثنا الغالي نصيره = هو خصيم البخل في الدنيا ومسقيه المراره
جعل ماينفق من امواله على ناس كثيره= ياجده في موقف يحتاج بذله في نهاره
ما وطا البيدا برجله في ثرا شبه الجزيرة = في زمان العولمه مثله ولا سار بمساره



الشاعر مبارك بن عايض الرجباني الدوسري

وبعد ذلك قصيدة للشاعر مبارك بن عايض الرجباني الدوسري يقول فيها :

يامرحبا ترحيب من قلب ولسان = إعداد ماهلت مزون السحايب
واعداد من حجوا وطافو بالاركان=واعداد ماهبت نسيم الهبايب
باسمي تقال وباسم شيخان واعيان = وباسماء الدواسر من شباب وشايب
يامرحبا ياسيد الشعب سلطان = ياللي لابو متعب عضيد ونايب
الشعب عانوا شدة هموم واحزان = من يومك من الدار والشعب غايب
كل على جيتك يامير شفقان = ياطيب الفزعات قاض النوايب
وجيتك عيد للمواطن ولاوطان = جيتك للدولة هي اكبر كسايب
بشر عساك بخير ياذرب الايمان=بشر جميع الشعب عساك طايب
الله يحفظك من صواديف الازمان = والله يجيرك من جميع السبايب
لانك يابو خالد لك مدود واحسان = على الفقير ومن جراله مصايب
وفيك المراجل كلها ياكحيلان = ذرباً كريماً قرم والراي صايب
والشكر يهدى لابيض الوجه سلمان = مرافق سلطان وقت الصعايب
اخو السعد راع الوفاء عند الاخوان = ابو فهد وافي لشعب وقرايب
امير نجد اللي له المجد عنوان = سلمان راع الطيب عطب الضرايب
وكل التهاني ترفع لطير حوران = ابو متعب حلال عوج الطلايب
القايد اللي طيب قرم فهمان = درع الوطن من كل طامع وخايب
وبجوده لشعبه كما الغيث هتان = وعلى الشعوب اللي لحقها عقايب
وباسم الدواسر قلتها سر واعلان = اهل الوفاء من عاد وقت الركايب
للدولة نجدد ولانا ببرهان = إنحن لهم في سلم ولا حرايب
حنا جنوداً للوطن لا بدا الشان = دونه نبيع الروح بيع الجلايب



الشاعر ماجد بن عيسى المسعري الدوسري

ثم قصيدة للشاعر ماجد بن عيسى المسعري يقول فيها :

بدا نور الفرح فالبلاد ورفرفت الاعلام= وعم المملكة عيد سعيد ساطع نوره
تباشر بالسعد شعب البلد كله بوجه عام = يعبر عن ولاه وعن غلاه وصادق شعوره
نهني خادم البيتين قايد بيرق الاسلام = تهانينا لابو متعب على الاعلام منشوره
نزف التهنئه للقائد الاعلى وللحكام = على عودة ولي عهد البلد سلطان اخو نوره
هلا يامرحبا ترحيبة واجب وحق لزام=نرحب بابو خالد والوطن يزدان بحضوره
صبرنا في غيابك والمشاعر والقلوب حيام=وفي شوفك قلوب الشعب مبتهجه ومسروره
سلمت وطال عمرك يابو خالد دام عزك دام=زعيم يفخرون العرب في حكمه وفي شوره
ياسلطان السعد عز البلد يالليث يالضرغام = حكيماً حكمتك فيما يعز الدين مشهورة
فروع المجد لبست من وفاك ومن دهاك وسام=مواقفك العظيمة في جبين المجد مسطوره
بطل قايد شجاع وصيرمي عازماً جزام = محنك بالسياسة والفراسة رمز واسطوره
تحل المعجزات وتبرم الراي الحكيم إبرام=ومن جودك نبع نهر العطا والعلم وبحوره
حويت اعلى المكارم يابو خالد وانت ابو الايتام=وملاذ المستجير اللي حداه الوقت من جوره
على شعبك كما غيث همل عز ووفا واكرام = روا كبد الثرى من فيض ماه وعجت زهوره
عسى عمرك طويل وزادك الله بالشفاء التام = يحييك الوطن وارض الوطن بالنور مغموره
على شوفك وشوف اللي سهر والعيون نيام= حضابك واحتضابك باذلٍ جهده ومذخوره
عساك تدوم يامير الرياض القايد المقدام = أميرٍ فالملمات العظايم عالي دوره
مواقف سيدي سلمان في كل الامور عظام= سليل المجد نفسه في سبيل الخير ماموره
رسم معنى الاخوه والوفاء والعز والاقدام = زعيمٍ من ملوكٍ هم ذرا الخايف وهم سوره
ملوكٍ للوطن والشعب والدين الحنيف اكرام = ملوكٍ يحكمون بحكم شرع الله ودستوره
وشعب المملكة لارض الوطن درع وسند وحزام=أسودٍ للوطن فانحورنا العدوان مدحوره
عسى ربي يعز بلادنا والحكم والاسلام = ودامت راية الاسلام مرفوعه ومنصورة



الشاعر عبدالله بن فهد الصخابرة الدوسري

ثم قصيدة للشاعر عبدالله بن فهد الصخابرة يقول فيها :

للموقف السامي خذا الفكر ما لاق= يختار من جزل المعاني دررها
في قالب الإبداع تجمع وتنساق = تسمو معانيها ويسمع خبرها
الدار تسكن بالضماير والاحداق= بحفظ الولي مافيه حي غدرها
مصيونة ماباقها كل بواق = ترجى حسانيها ويدرا خطرها
ياخادم البيتين للعهد ميثاق= طاعتك خلاق البرايا ذكرها
الشعب يزهو بالاماني والاشواق= يحسب لشوفة غالي وانتظرها
سلطان حبك بالمشاعر والاعماق= قلوب شعبك فيض حبك غمرها
المملكة في جيتك تشرق اشراق = واستبشروبك بدوها مع حضرها
ياكتب التاريخ في بيض الاوراق= سجل فخر من برها لا بحرها
سلطان سلطان الوفا زاك الاعراق= عدّا على اهل الطيب بالطيب وارها
ابا الكرم والجود للخير سباق = له مدة تجنا كرايم ثمرها
مدات جوده بالنواحي والافاق= كم ديرة من فيض جوده عمرها
غيث نثر وبله على القاع وانساق= واصبح بساتين تطارد خضرها
ياما عطا من معسرن وانفق انفاق= وعلى العطا نفسه وليه فطرها
يمناك ياراع الوفاء تغدق غداق = عند اليتاما والارامل خبرها
ياسيدي طاب الفرح والفكر راق= واريد ابين حاجة واختصرها
الدوسري ماخان عهده ولاباق = ولا هاجت امواج المخاطر عبرها
وان ثارت الهيجاء ونشفن الارياق = في ساعة يفخر بها من حضرها
للمجد بناية وللموت عشاق = وفي صفحة التاريخ يقرا فخرها



الشاعر محمد بن مبروك الجعيدي الدوسري

ثم قصيدة للشاعر محمد مبروك الجعيدي يقول فيها :

هلا يا مرحبا ترحيبة تثبت على المشراف = من قلوب بعودة سيدي سلطان مسرورة
تباشير الفرح فالمملكة ياسيدي تنشاف= وكل الشعب يهتف ويتعزوابك ياخو نوره
من الاعماق تظهرها الحناجر والقلوب صخاف=مشاعرنا نبرهنها لكم بالصوت والصورة
أهل المدن واهل القرى واهل الهجر وهل الارياف=تحسب العام بايامه وساعاته وبشهوره
وفي عودة ولي العهد من الاطراف لا الاطراف=تبادل بالتهاني والفرح والارض ممطورة
يبين اصل التلاحم والوفا والحب فالميقاف= مابين الشعب والقادة معاني حب ماثورة
تجلت واعتلت واعطت معانيها على ماطاف=بشرع الله نهي المنكر وشرع الله مامورة
مزيد من التقدم والتطور ياسمو الاهداف=بعودة سيدي سلطان غنى الشاعر شعوره
نهني خادم البيتين عبدالله على الانصاف = ونهني الدار واهل الدار حكامه ودستوره
تعابير الفرح تزداد وتزيد القلوب هتاف = تشب الضو ويفوح العطر ودلال منحورة
هل الفكر وهل الشعر وهل الرسم وهل الاوصاف=تبي تلحق سما مجدك وترسم منه لو صورة
يجف الحبر وتلف الصحف وتتكاتف الاعراف = وتكتب جملة وحدة فقط سلطان الاسطورة
بحر والبحر له شاطيء وله ساحل وله محراف=وابو خالد يحط البحر في قطرة من اسطورة
ابو المكارم والشجاعة و الوفا والطيب كاف=على الديرة واهلها يظفي بعطفه ومذخوره
وناقف وقفة امير الوفاء سلمان فالميقاف = وندرس سيرته ونعلم ابنانا على شوره
بعودتكم علينا ياهل العوجاء بدون خلاف = واعداكم باذن الله مطرودة ومدحورة
ولاكم في ضمايرنا يجدد والقلوب نظاف = يعيش الحاكم العادل وحكم الله دستوره
هلا يامرحبا ترحيبتن تثني على المشراف = تراحيب تردد بالوفا لعيون اخو نورة



الشاعر تركي بن هذال بن نيف الودعاني الدوسري

ثم قصيدة للشاعر تركي بن هذال بن نيف الودعاني ويقول فيها :

تباشري يادار بقدوم سلطان = وزفي له الفرحة تباشير وورود
وتوشحي بعقود لولو ومرجان = بقدوم ابو خالد ذرى كل مضهود
يوم اعلن الديوان اسعد خبر كان= عودة ولي العهد والعلم ماكود
تباشروبه كل حضر وبدوان = من الشمال طريف حتى جبل دود
وشوفه معافا بين خطلان الايمان= آل السعود مطوعة كل نمرود
بدد هموم الشعب كله والاحزان = وعادت لياليهم مسرات وسعود
شعباً لشوفك يابيض الوجه شفقان = عقب البطا شفق على شوفك تعود
وحبك جرى بالدم مع كل شريان = بقلوب شعباً في محبتك محسود
سلطان سلطان السعد طير حوران = اسمه وفعله شامخ كنه الطود
سلطان سلطان على كل سلطان = ذروة سنام المجد والعز والجود
سلطان سلطان المكارم والاحسان = مدات كفه بالعطى ماله حدود
عاشت عليه بيوت وشعوب واوطان = من فيض جوده جادت الناس وتجود
بحر الندى سقم العدا مروي الزان = درع الوطن وحماه من دونه يذود
سيف يشيل الروس من فوق الامتان = ويعتق رقاب فوقها السيف مجرود
وسلمان ماننسى راعي الطيب سلمان = عساه يبقى دايم الدوم موجود
أمير نجد اللي له المجد عنوان = وعوق الخصيم إن جاء البرا منه مردود
بيته لاهل نجد مضوف وديوان = وملجا لهم لامن غدت بيضها سود
مضرب مثل بين الاخوة والاخوان = فعله على الاشهاد والعالم شهود
بذل حياته عند فهد وسلطان = ومن غير صحتهم فلاهوب منشود
من مات منهم جعله بظل وجنان = والحي منهم جعله بزود في زود
ذولا هل العوجا عما كل شيطان = سيف لردع الظلم والجور مسنود
تكسيهم البيضاء شباب وشيبان = مالاح براق وماهبت النود
وصلوا على المختار من نسل عدنان= اعداد مايطلع على الارض من عود



الشاعر سلطان بن محسن آل بوسباع الدوسري

ثم قصيدة للشاعر سلطان بن محسن آل بوسبّاع الدوسري ويقول فيها :

باديا باسم الذي من بدابه ماخسر = رافع سبع سمكها بلا عمدانها
من ثمين القول ياخذ دليل المختصر= عارفاً فنانها مبتدا محيانها
مرحبا ترحيبتاً عد ماهل المطر = في سلامة سيدي راجحاً ميزانها
مرحبا ياللي تباشر بشوفتك البشر= تحتفل في عودتك والفرح من شانها
شوف سلطان المسمى يزيد به الفخر = من غلاه المملكة رحبو سكانها
عودتك ياسيدي مثل مطلاع القمر = تنتهنا بالسعد ديرة تنصانها
وانت مثل سهيل نجم إلى منه ظهر = شيفته بامر من الله رفيع شانها
يفرحون الناس حتى بشوفك في الصور= صورة ياجعل يبطي ما جا ديانها
ثالث الاعياد شوفتك يارمز الظفر = وانت درع من دروع الوطن واركانها
جيت اهني باسم ربعي سموك وافتخر=جيتنا باسم الدواسر وباسم اعيانها
جيت اهني خادم البيت وولاة الامر = الملوك اللي شمل خيرها جيرانها
وسيدي سلمان ناقف ونهديه الشكر = وقفته كل المخاليق ما ينسانها
الولاء منا لحكامنا طول الدهر = عهد وتجدده الاحفاد من جدانها
شاعر في عودتك مايدون له شعر = يستريح من القصايد وبدع الحانها
فيك جزلات القصايد تسابق وتحضر = وتفتخر باسمك بحور الشعر واوزانها
ياحمام الورق غني على الغصن الخضر= وغردي في شوفة المملكة سلطانها
مملكتنا اليوم يضحك سهلها والوعر = تبتسم كنها هنوف لقت حبانها
شوف ابو خالد معافا يزّود في العمر = ويرفع النفس العزيزة بقدر إمكانها
كل مسلم في غيابك دعا سر و جهر = دعوتن ربي تعالا فتح بيبانها
لانك اللي مد جودك على الكون انتشر= دوم يمناك الكريمة يعد حسانها
انت سلطان المكارم عدون للفقر = من عطاك الناس تعطي العطا بايمانها
وانت مثل الغيث لله ومر به وانهمر = يسقي الديرة ويبرد ظما عطشانها
ويش حاتم طي لو شاف ماشفناه ابتهر = كان ضاعت سمعته وانتها زمانها
لو خذا من شوف سلطان لحظات انبهر= نادرن روس العلا ذب في بيانها
حر من مجنا حرار تجيك من البحر = يشهد الله نثرت الدم في جنحانها
اشقر يضرب به الوصف لامنه اشتهر = فاري المخلاب ضربته ما يرفانها
ما تغيره الليالي وشطات العسر = كون ترحل شمّخ طويق من مكانها



الشاعر معيوف بن مبارك المسعري الدوسري

ثم قصيدة للشاعر معيوف مبارك المسعري الدوسري ويقول فيها :

يا معشر الشعار في مدح سلطان =ومن لا مدح سلطان لا ابوه لاآمه
يستاهل المدحه سلايل كحيلان =إلي يضخ الطيب شريان دمه
شيخ تهاويه القصايد بلارسان =ويخضع له الهاجس على كل يمه
تسجد له بيوت القصايد والأوزان =على الثراء وهوه على رأس قمه
سلامته تفرح شبابن فشيبان =يا نجد زال من ابيض الوجه غمه
يا نجد زاح الهم عنك والأحزان =تباشري والشمل ربي يلمه
الحمد لله والشكر عالي الشان =عود لنا سلطان وانزاح همه
أي والله إنا نحبه وحبه إدمان =ومن لا يحبه جعل ربي يذمه
هذا حكيم الرأي والعلم نيشان =اللي يوردها على كل جمه
هذا أكثر إنسان يتعامل بالإحسان =يرضي الصغير وبلبس العود عمه
هذا التسامح والتغاضي والايمان =اللي ليا من قال علم يتمه
هذا صليب الرأس لاثار دخان =ومن طنخته بارود الاعداء يشمه
هذا ما يشبه له سوى السيف شامان =اللي نصابه يفتعل من يضمه
هذا وريث المجد من ماضي الازمان =من راس أبوه ورأس خاله وعمه
هذا ولي العهد للعهد ما خان =سلطان متسلطن على كل الأمه
هذا أكرم إنسان من أول إلى الآن =سحابتن من ربها مدلهمه
هذا دمر حاتم وتفكير لقمان =واليا بطش فطلق شنب ما يهمه
هذا عدو البخل للفقر دفان =وكمٍ فقير زاد سلطان كمه
عطيته يرجح بها كل ميزان =الناس تعطي بس ما هيب لمه
إنسان لكن ما يشبه له إنسان =مطمته التاريخ وأكبر مطمه
ضحكته تفتح لك من الخير بيبان =وضيقته تصغر في العيون الائمة
متطابق متناقض وين ما كان =وقفته هيبه والهدف ما يذمه
انا أشهد انه شيخ ويروس شيخان =همة بطل ما مثلها آيات همه
غنت حمام الورق في خضر الاغصان =وأكمله في البيت الآخر وأتمه
بحضور أبو خالد وبحضور سلمان =تنكسن يا مرودعات الازمه



الشاعر نايف بن محسن بن مسرع آل بوسبّاع الدوسري

ثم قصيدة للشاعر نايف بن محسن بن مسرع آل بوسبّاع الدوسري ويقول فيها:

طهور ياللي للملمات محسوب =ياعزنا لامن دهتنا الدهايا
ياكاسي شعبك من الطايلة ثوب =يامسوى حبك بشعبك سوايا
سحاب طيبك لانرزم له انصوب =يمطر غلا لك في المدن والقرايا
لامرض سلطان العرب تمرض شعوب =ولاطاب طابت من شفاه البرايا
شيخٍ بطيبه يملك نفوس وقلوب =يدوم عزك ياحميد السجايا
كم فرجت وقفتك ضيقات وكروب =يفرج لك الله من عظيم البلايا
وكم امسحت يمناك من دمع مسكوب =يمسح بها الله عنك كل الخطايا
طهور ياكف من الجود مخضوب =أبشر بجودٍ من جزيل العطايا
ومادام فعل الخير ليديك منسوب =أبشر برده من عليم الخفايا
طهور ياشيخ من الشعب محبوب =كل على شوفك يحث المطايا
عام مضى كن الفرح فيه محجوب = عن القلوب اللي لشوفك ضمايا
كلن يهيم من الهوى سنين ويتوب = إلا غلا سلطان بين الحنايا
هذا الغلا اللي كل مايكبر يذوب = ويسيح وسط الدم بين الخلايا
عم الوطن في غيبتك حزن يعقوب = يرفع يديه ويلهجن الشفايا
اللي جعل سلطان للطيب مندوب = يرد غايبنا فريد المزايا
وفي رجعتك غنا هجيني ومسحوب = وتسابقت صدق المشاعر عرايا
أكبر غلا لاصار بالدمع مكتوب= وأصدق عشق لاشفت لاجله ضحايا
وإن كان ابو خالد على متنه ذنوب= قلوبنا راحت لحبه سبايا





الشاعر سعد بن فهيد آل بريك الدوسري

ثم قصيدة للشاعر سعد بن فهيد آل بريك ويقول فيها :

ياسيدي سلطان لو مال الغلا كف شطير=ماشفت دكاك الحزن في صدر شعبك مقلقه
وشلون ماتحزن عليك الدار يالحب الكبير=ياغاية العشق المعتق عند شعبة واصدقه
انت الأمير ابن الملوك ابن الملوك انت الأمير= أمير في فعلك وفعلك صعب غيرك يطرقه
كفك نبت منه الكرم جوداً مايؤمن باليسير= حتى تجاوز حد مفهوم العطايا واعمقه
وصدرك ملاذ آمن مفتوح لاية مستجير = شرعت بيبانه يومن بيبان غيرك مغلقة
شيدت للآمال ساس عند محتاج وفقير= وجودك انصاف الفقير اللي مسح عنه عرقه
يابو اليتاما والضعوف وكل من حاله كسير=يابو النفوس اللي ابت ماء وجهها ماتدفقه
هباتك تقوي ضعيف الحال وتقدي الضرير = ومداتك الجزلة حياة مايخاشرها محقة
أنت السند وانت السعد وانت العطا وانت النصير= وانت الكبير اللي محد قبله تقدم وسبقه
وانت السمو وانت العلو وانت الدها وانت الشوير= وانت الصمود اللي يباريه الشموخ ويرمقه
نظرتك دعوة للسلام وحلم بالخير الوفير = وضحكتك ضد العنصرية عندنا والتفرقة
وإيمائة يمينك عفو قادر وإنذار ونذير = للي سلك منهج عدو الله وتاليه فشقه
غيبتك عنا والله إنها تنحسب وقت عسير = وعودتك بشرا خير وافراح علينا مشرقة
العين يقذاها الوله لمصافحك والدمع يحير = والحال في غيبتك جاه خلاج تقفاه شهقه
من يوم ماسافرت والشعب السعودي في هجير = تعبك ياقايد جميع الشعب كنه محرقه
سلامتك عند السعوديين تعنيله كثير = يحس في قربك بامان العيش وايضا بالثقة
حتى صغار السن تسابق على صوت الأثير = حتى تسمع عن سموك رجعة متحققه
الحمد للي رجعك لارض الوطن وانته بخير = صدور شعبك ياولي العهد ترهجها شفقه



الشاعر مفرج بن ناصر المخاريم الدوسري

ثم قصيدة للشاعر مفرج بن ناصر المخاريم الدوسري ويقول فيها :

حب الوطن واجب على من ربى فيه = وانا من اللي عاش فيه وتربى
هذا الوطن غالي وبالروح نفديه = نفديه لامن قالوا الحرب شبّا
من ماضي الدنيا نصونه ونحميه = بالسيف حامينه على كل قبا
احب من حبه واعادي معاديه = واضد من ضده ومن له يسبا
خيره كثير ومنبت الخير أراضيه = ارض بها بعث الرسول وتنبا
ومن بعد حكم اللي نحبه ونغليه = هبة هبوب الخير والعز هبا
خلّف ملوك كل عايل توطيه = من مال راسه بالشريعه يجبا
في ظل حق يعطي الحق راعيه = الامن في هذا الوطن مستتبا
والحزن في وجه الوطن شف مواريه=عقب الشجاع اللي على الطيب شبا
سلطان ابو خالد عسى الله يشافيه= لو غاب فعله باقي ماتغبا
يعتق رقاب وكل محتاج يغنيه = متواضع لا نودي القرم لبا
كم من مريض دخله في مشافيه = يراعيه بعنايه وفزعته طبا
وكم من يتيم صار سلطان واليه = يمسح دموعاً فوق خده تصبا
أبو اليتاما ياعسى الله يعافيه = يوم السعد من يوم للدار نبا
على الوطن غيث ليا جاه يحييه= يامرحبا من قلب من له يحبا
وللشاعر أيضاً شيلة في سلامة ولي العهد:

التهاني انشريها ياقناة = باسم خطلان اليدين اهل الوفا
بسلامة والي العهد وشفاه= شوفته سالم لنا طب وشفا
الفرح عم الوطن والخير جاه= يوم سلطان الكرم لارضه لفا
الكريم اليا عطا جزل عطاه = خير ابو خالد على شعبه ضفا
به فرح منهو فقد امه واباه = اليتيم اللي عيونه تذرفا
وبه فرح من ثالث رجوله عصاه= شايب وقته تكدر ماصفا
وبه منهو فقد شوف اقرباه = فالسجون المظلمة شاف الجفا
كم سجين فكه وحقق مناه = راعي الفزعات يدمح ويعفا
غالي فقلوبنا زايد غلاه = مالكن شعبه وحبه ماخفا
وكلنا نعلن ولانا للولاه= قادة القادات سادة وشرفا
والوطن بارواحنا نفدى ثراه= والعدو من فعلنا نوره طفا



الشاعر محمد بن عبدالكريم الودعاني الدوسري

ثم قصيدة للشاعر محمد بن عبدالكريم الثويني الودعاني ويقول فيها :

الحمام اللي صدح صوته وجاب = داعب لحونه على خضر الغصون
ينثراللولو على متن السحاب = واشتعل برقه وشافته العيون
واخضرت عقب البطا كل الهضاب= والورود اليانعة لك ينحنون
في سلامة سيدي خطل الجناب = من يكون ومن بعد مثلك يكون
سيدي لاغبت غاب الجود غاب = واعسى المولى يعزك ياحنون
عقبك الماء ماهتنينا به شراب = والنفوس الضاحكة عقبك حزون
انت من يسمو إلى فعلك يهاب = تقصر الهامات لك ما ياصلون
وانت سلطان العطا وامرك مجاب = مانضب كفك ولا كفك يهون
الذهب والماس من جودك زهاب = ماحسبت حسابهم لو ينفذون
وانت جودك جود من عهد الشباب = غيبتك ياسيدي تسهر جفون
غيبتك بقلوبنا تطحن حراب = وفي حضورك غيث وافراح وشجون
ياولي العهد يالدرع المهاب = تخجل اهل الفعايل مهما يفعلون
كيف انا بارسمك دام الحرف ذاب = يعجز الرسام واصحاب الفنون
يا أمل من مات حظه يوم شاب = واستوى عنده مماته والجنون
كم وسمت الشمط من عقب العذاب = وكم حضنت الطفل واهله هالكون
وانت فيه من عنى قيض وسراب = كم سقيت كبود ياغر المزون
للمذلة واقف مثل الشهاب = والمعزة نهرك اللي ياردون
ضحكتك تفني عظيمات الصعاب = تبهج قلوب تهاوت للمنون
فيك جاد الحظ سوء الظن خاب = يايكون العز أو نفنى بدون
ظلتك نور على الدار وضباب = الندى والنور منكم ينهلون



الشاعر لبنان بن عبدالله الرجباني الدوسري يلقي مشاركته بالحفل بمناسبة سلامة ولي العهد .

كثر القصيد اللي يرحب بسلطان=وعم الفرح بأركان شبه الجزيره
وأنا بدعت من القوافي والألحان=مايطرب العمسان وقت الظهيره
يامرحبا ترحيبة أبناء وأخوان=عاشو معك كل الظروف المريره
قلوبهم تبراك ياطير حوران=تمشي معك من كل ديره لديره
واليوم جيت بخير ياذرب الأيمان=وأستبشرت كل الوجيه السفيره
جاك الملك مستبشر" فيك فرحان=وأعداد من يستقبلونك كثيره
رحبك أطفال وشبيبه وشيبان=والجيش رحب كل مأطلق ذخيره
ورحبك صروح وريادي وضلعان=والشعب رحبك عشيره عشيره
وشعب الخليج وقادته ياكحيلان=وشعوب الامه والصقيل وجفيره
والعزم والمجهود وأبواب الأحسان=والمرجله والمعضلات الكبيره
والمجلس العامر ومكتب وديوان=لبى مطاليب الجموع الغفيره
أنت السحاب اللي مدى الوقت هتان=وأنت الحيا الشامل صدوق البذيره
يامرحبا ماهلت الغيث الأمزان=والبرق يبرق والرعد في هديره
بك وبعضيدك راس الأمجاد سلمان=سلمان رجال البصر والبصيره
عزمه قوي بخدمتك يوم مالان=وبه ناس واجد بالأخوه جديره
لكن ترى سلمان من بينهم بان=مثل القمر بين النجوم المنيره
فوق السنه شف خاطره معك ماشان=ومناه شوفك ياجبار الكسيره
يأميرنا سلطان والكل طربان=بقدومكم تستكملون المسيره
تبقى لبو متعب سند يابليهان=ولي عهده في اللزوم وشويره
هذا الملك هذا ذرى كل بلشان=بستان وأنفاس المواطن عبيره
والنايب الثاني يشيلك بالأعيان=قام بحفل وألقاء كلمه شهيره
كلمة شرف تفتح للأمجاد بيبان=عن معتقد مر بظروف" عسيره
دستورها القران والشرع عنوان=وترحيب فيكم يالسيوف الشطيره
نستاهلك يأمير والكل كسبان=يامنهل" فال السعود لصديره
ويقطع ظمى الوارد ليا جاه ضميان=عقب المحل يندى على الناس خيره
ياذا الوطن مالك مثل بين الأوطان=المصطفى قد مد بأرضك حصيره
ولك قادة" شجعان والشعب شجعان=يهدون الأنفس في نهار المغيره
والحمد للمعبود في أمن وأمان=وأنعام من رب العباد وستيره
طولت بالقيفان في حب سلطان=وغلاه ماخلى القصيده قصيره



الشاعر مبارك بن سيف الرجباني الدوسري يلقي شيلة في ولي العهد




وبعد أن انتهى الشعراء من القصائد ، أقايمت مراسم التكريم وذلك عرفاناً لهم على ما قدموه من إبداعاتٍ شعرية بمقام صاحب السمو الملكي الأمير سلطان بن عبدالعزيز ولي العهد وذلك بمناسبة قدومة لدار الوطن سالماً معافاً بعد رحلة علاجيّة إمتدت لأكثر من عام .


الشيخ محمد بن مران بن قويد يسلم الشاعر محمد الجعيدي درع التكريم


تكريم الشاعر ماجد بن عيسى المسعري


تكريم الشاعر نايف بن مسرع


تكريم الشاعر معيوف المسعري وفي المنتصف الشيخ سلمان بن متعب بن قويد


تكريم الشاعر مفرج ناصر المخاريم


تكريم الملازم أول رائد بن خالد الخرفاني


تكريم الشاعر سلطان بن محسن آل بوسباع


تكريم الشاعر والإعلامي مبارك بن سيف


تكريم الشاعر سعد بن فهيد آل بريك


تكريم الشاعر عبيد بن عيسى المسعري


تكريم الشاعر تركي بن هذال الودعاني


تكريم الشاعر مبارك بن عايض الرجباني


تكريم الشاعر محمد الثويني الودعاني


تكريم الشاعر عبدالله بن فهد الصخابرة


تكريم الشاعر لبنان بن عبدالله الرجباني


تكريم الأستاذ عبدالعزيز بن عبدالهادي الجعيدي لجهوده في خدمة القبيلة



وكما أيضاً تمّ تكريم الموقع الرسمي لقبيلة الدواسر العريقة وذلك لما يقدم الموقع من جهودٍ كبير وتقريب المسافات بين أبناء القبيلة الواحدة المتراميةِ الأطراف وذلك عبر إداراج الأخبار المختلفة عن القبيلة والتغطيات المصوّرة وكذلك مساندة أبناء القبيلة بمختلفة القطاعات الإنتخابية بكل مكان ، حيث إستلم درع الموقع الرسمي للقبيلة عضو مجلس الإدارة الأستاذ راشد بن محسن المسعري .


تكريم الموقع الرسمي لقبيلة الدواسر ممثلاً بإداري الموقع الاستاذ راشد المسعري


صورة لـ الدرع المقدم للموقع الرسمي للقبيلة .




لقطات مصوّرة من الحفل :


صورة جماعية


صورة جماعية


صورة جماعية


صورة جماعية


صورة جماعية


صورة جماعية


صورة جماعية


صورة جماعية


صورة جماعية


الشيخ محمد بن مران بن قويد والأستاذ راشد المسعري


الشيخ محمد بن مران بن قويد والملازم اول رائد خالد الخرفاني آل عمار


الشيخ محمد بن مران بن قويد مع الشاعر مبارك بن عايض الرجباني


الشيخ محمد بن مران بن قويد مع الشاعر تركي بن هذال بن نيف الودعاني


الشيخ محمد بن مران بن قويد مع الشاعر سعد بن فهيد آل بريك


الشيخ محمد بن مران بن قويد مع الشاعر معيوف بن مبارك المسعري


الشيخ محمد بن مران بن قويد مع الشاعر الصييفي بن حمد الهواشلة


الشيخ محمد بن مران بن قويد مع الشاعر سلطان بن محسن آل بوسباع


صورة جماعية للشعراء


صورة جماعية للشعراء


صورة لبعض الحضور


من اليمين الشعراء معيوف بن مبارك وماجد بن عيسى وسلطان بن محسن


من اليمين مبارك بن عايض الرجباني ومحمد بن عبدالكريم الودعاني


الشاعر الصييفي بن حمد الهواشلة


الشاعر محسن بن فالح الشكرة


الشاعر عبدالله بن فهد الصخابرة


من اليمين الملازم اول عبدالله بن مران بن قويد


الشاعر نايف بن مسرع


الشاعر معيوف بن مبارك الدوسري والشاعر ماجد بن عيسى المسعري


سلطان بن محسن آل بوسبّـاع و محمد بن مبروك الجعيدي


الشيخ سلمان بن متعب بن قويد


الشاعرين سعد آل بريك ومفرج المخاريم


الاستاذ عبدالعزيز الجعيدي والشيخ فهد بن مران بن قويد


الشيخ فهد بن مران بن قويد


ابني الشيخ محمد بن مران بن قويد


فيصل بن مسلم الخرفاني والملازم اول رائد بن خالد الخرفاني


من اليمين راشد المسعري وعبدالعزيز الجعيدي ومحمد الجعيدي


الشاعر مفرج بن ناصر المخاريم والملازم أول تركي بن سلطان بن قويد


وبعد التكريم شكر الشيخ محمد بن مران جميع الشعراء على حضورهم وقام الجميع بعد ذلك إلى تناول طعام العشاء منهين بذلك هذا الاحتفاء الطيب المبارك بهذه المناسبة الغالية .



في الختام ، نتقدم بخالص الشكر والتقدير لـ الشيخ محمد بن مرّان بن قويد على إقامته لهذه الإحتفائيّة بقدوم صاحب السمو الملكي الأمير سلطان بن عبدالعزيز ولي العهد وصاحب السمو الملكي الأمير سلمان بن عبدالعزيز أمير منطقة الرياض حفظهما الله تعالى وهذا ليس بغريبٍ عليه فهو سليل الكرم والجود ، ونتقدم بجزيل الشكر والعرفان لجميع شعراء القبيلة الذين أبدعوا في سرد مختلف القصائد .


(صوت قبيلة الدواسر)
منتدى قبيلة الدواسر الرسمي
www.alduwasser.com/vb

 

 

 

 

    

رد مع اقتباس
قديم 27-12-2009, 07:45 PM   #2
 
إحصائية العضو








محمد بن حمد الشكرة غير متصل

وسام الدواسر الذهبي: للأعضاء المميزين والنشيطين - السبب: شكر وتقدير
: 1

محمد بن حمد الشكرة is on a distinguished road


افتراضي رد: التغطية المصوّرة لـ إحتفائيّة شعراء قبيلة الدواسر بمناسبة قدوم (سلطان الخير) و (سلمان الوفاء) برعاية الشيخ محمد بن مرّان بن متعب بن قويد

بيض الله وجيهكم ياإدارة المنتدى على التغطية المصورة لهذه الإحتفائية العظيمة والشكر موصول للشيخ/محمد بن مران بن قويد على إستضافته للشعراء وتكريمه لهم والشكر موصول للأخ/راشد بن محسن المسعري على الجهد الجبار وشكرا لشعراء قبيلتنا على الإطلالة الجميلة وبالتوفيق إن شاء الله

أرق التحايا

 

 

 

 

 

 

من مواضيع: محمد بن حمد الشكرة

0 دعوة عامة من الشيخ / محمد بن زيد بن جريس الخييلات لحضور ملتقى قبيلة الخييلات
0 ياهـل الموقـع إلــي عنـدنـا غـالـي
0 مرشحي قبيلة الدواسر لإنتخابات نادي السالمية بالكويت-قائمة أبناء النادي
0 وزير التجارة يعين المهندس شويمي الكتاب المصارير عضوا بمجلس إدارة الغرفة التجارية بالخرج
0 سوف بعرض مساء اليوم الجمعة 19/11/1433هـ حفل تكريم الشاعر / نايف بن مسرع الدوسري بمناسبة مشاركته المشرفة في برنامج شاعر المليون للموسم الخامس على شاشة قناة الدانة

التوقيع




الى جنات الخلد يا بو فهد
أسأل الله ان يرحمه رحمةٍ تطمئن بها نفسه وتقر بها عينه
أسأل الله العظيم رب العرش الكريم أن يغفر له ويرحمه ويسكنه فسيح جناته


m.h.s502@vip.cn






    

رد مع اقتباس
قديم 27-12-2009, 08:05 PM   #3
 
إحصائية العضو








فيصل الشكري غير متصل

وسام التميز: وسام التميز - السبب: نظيرا ً لجهوده الكبيره في المنتدى
: 1

فيصل الشكري is on a distinguished road


افتراضي رد: التغطية المصوّرة لـ إحتفائيّة شعراء قبيلة الدواسر بمناسبة قدوم (سلطان الخير) و (سلمان الوفاء) برعاية الشيخ محمد بن مرّان بن متعب بن قويد

نشكر الشيخ محمد بن مرّان بن متعب بن قويد على رعايه تلك الاحتفائية


والشكر موصول للأخ العزيز راشد المسعري على تغطية إحتفائيّة شعراء قبيلة الدواسر



والله يحفظ صاحب السمو الملكي الأمير سلطان بن عبدالعزيز ويطيل في عمره



تقبلوا تحياتي,,

 

 

 

 

    

رد مع اقتباس
قديم 27-12-2009, 08:29 PM   #4
 
إحصائية العضو







عبدالله بن قويد غير متصل

عبدالله بن قويد is on a distinguished road


:e-e-5-: رد: التغطية المصوّرة لـ إحتفائيّة شعراء قبيلة الدواسر بمناسبة قدوم (سلطان الخير) و (سلمان الوفاء) برعاية الشيخ محمد بن مرّان بن متعب بن قويد

بسم الله الرحمن الرحيم

الحمد لله رب العالمين والصلاة والسلام على سيد المرسلين

أما بعد

في البدايه

نشكر الشيخ / محمد بن مران بن قويد على أقامته الاحتفاء الخاص

بمناسبة عودة ولي العهد سلطان بن عبد العزيز وأمير نجد سلمان بن عبد العزيز

وهذه ليست غريبه على أبو مران ..

وثانياً نشكر الاخ راشد المسعري على التغطيه

والله يوفق الجميع لما يحب ويرضاء

..

 

 

 

 

 

 

التوقيع

الاد مسعر تبين في عزاويها *** لاجا نهاراً تعدد فيه الافعالي

    

رد مع اقتباس
قديم 27-12-2009, 11:17 PM   #5
 
إحصائية العضو







حنيان الدوسري غير متصل

حنيان الدوسري is on a distinguished road


افتراضي رد: التغطية المصوّرة لـ إحتفائيّة شعراء قبيلة الدواسر بمناسبة قدوم (سلطان الخير) و (سلمان الوفاء) برعاية الشيخ محمد بن مرّان بن متعب بن قويد

لا غـــرابة

وفاء معتاد من قبيلة بالمجد تزداد

كل الشكر لأبي مــران على هذه اللفتة الولائية الجميلة والتي عكست مايكنه

شعراء قبيلة الدواسر من حب وولاء مقرون بالطاعة لقادة هذا الشعب رعاهم الله

والشكر موصول لكل شاعــر عبر عن مكنون خاطره بابيات فرح وسرور في ليلة جميلة

زاد من جمالها تلكـ التغطية الرائعة المواكبة للحدث من قبل إدارة موقع القبيلة الرسمي

وشكر خاص للأخ الغالي : راشد بن محسن على جهوده وتغطياته الرائعة والتي تجعل

الجميع في قلب الحدث

سائلين الله أن يحفظ قادتنا وأن يلبسهم لباس الصحة والعافية

 

 

 

 

 

 

التوقيع



Abu.Mubark


نشيط الوادي

    

رد مع اقتباس
قديم 28-12-2009, 12:16 AM   #6
 
إحصائية العضو







غازي المسعري غير متصل

غازي المسعري is on a distinguished road


افتراضي رد: التغطية المصوّرة لـ إحتفائيّة شعراء قبيلة الدواسر بمناسبة قدوم (سلطان الخير) و (سلمان الوفاء) برعاية الشيخ محمد بن مرّان بن متعب بن قويد

محمد بن مران

شخصية تستحق ان نقف امامها احتراماً وتقديراً

بيض الله وجهك يابو مران على جهودك تجاه خدمة قبيلتك
ولا غرابة في ذالك فانت ابن الامير : مران بن متعب بن قويد

فلك منا كل الشكر والتقدير

كل الشكر للشعراء المشاركين
كل الشكر لادارتنا الغالية على متابعه كل ما هو في خدمة قبيلتنا الغاليه

سائلين الله أن يحفظ قادتنا وأن يلبسهم لباس الصحة والعافية

 

 

 

 

    

رد مع اقتباس
قديم 28-12-2009, 12:26 AM   #7
 
إحصائية العضو








فهد الغريري غير متصل

فهد الغريري is a jewel in the roughفهد الغريري is a jewel in the roughفهد الغريري is a jewel in the rough


افتراضي رد: التغطية المصوّرة لـ إحتفائيّة شعراء قبيلة الدواسر بمناسبة قدوم (سلطان الخير) و (سلمان الوفاء) برعاية الشيخ محمد بن مرّان بن متعب بن قويد

نشكر الشيخ :محمد بن مران بن قويد

على هذي البادره الحسنه

والطيب مايستغرب من هل الطيب


كما نشكر كل الشكر للشعراء المشاركين

والشكر موصول لصاحب المجهود الكبير

راشد بن محسن المسعري , على جهوده الجباره

ولا يفوتني ان اشكر صاحب الابدعات والمجهود الكبير

الحميدي بن محمد الغريري , على جهوده الجباره

ونسأل الله له التوفيق والسداد

 

 

 

 

 

 

التوقيع

    

رد مع اقتباس
قديم 28-12-2009, 12:38 AM   #8
 
إحصائية العضو







ناشي المصارير غير متصل

ناشي المصارير is on a distinguished road


افتراضي رد: التغطية المصوّرة لـ إحتفائيّة شعراء قبيلة الدواسر بمناسبة قدوم (سلطان الخير) و (سلمان الوفاء) برعاية الشيخ محمد بن مرّان بن متعب بن قويد

في البداية نحمد الله عز وجل على سلامة سيدي ولي العهد ادام الله عليه لباس الصحة والعافية

كما اتقدم بالشكر للشيخ محمد بن مران بن قويد
على ما يقوم به في ماشانه خدمة القبيلة
والشكر لادارة المنتدى على التغطية الرائعه
وجميع الشعراء المشاركين في الحفل

كل التحايا
ناشي المصارير

 

 

 

 

    

رد مع اقتباس
قديم 28-12-2009, 12:58 AM   #9
 
إحصائية العضو







المسعري غير متصل

وسام شاعر التميّز .: وسام يقدم لمن يستحق أن يطلق عليه
: 1

المسعري is on a distinguished road


افتراضي رد: التغطية المصوّرة لـ إحتفائيّة شعراء قبيلة الدواسر بمناسبة قدوم (سلطان الخير) و (سلمان الوفاء) برعاية الشيخ محمد بن مرّان بن متعب بن قويد

تعبير صادق لشعرائنا الكبار

واعتبره فرحة بسلامة ولي العهد

وتجديد للولاء والمحبة للقادة ادام الله عزهم

بيض الله وجه الجميع من الداعي للشعراء لكل من حضر

 

 

 

 

 

 

التوقيع

تراحيب بن حمير

    

رد مع اقتباس
قديم 28-12-2009, 12:24 PM   #10
 
إحصائية العضو








متعب الشكري غير متصل

متعب الشكري is on a distinguished road


افتراضي رد: التغطية المصوّرة لـ إحتفائيّة شعراء قبيلة الدواسر بمناسبة قدوم (سلطان الخير) و (سلمان الوفاء) برعاية الشيخ محمد بن مرّان بن متعب بن قويد

بيض الله وجيهكم ياإدارة المنتدى على التغطية المصورة لهذه الإحتفائية العظيمة

والشكر موصول للشيخ/محمد بن مران بن قويد على إستضافته للشعراء وتكريمه لهم والشكر موصول للأخ/راشد بن محسن المسعري على الجهد الجبار وشكرا لشعراء قبيلتنا على الإطلالة الجميلة وبالتوفيق إن شاء الله

أرق التحايا

 

 

 

 

 

 

التوقيع

    

رد مع اقتباس
قديم 28-12-2009, 03:50 PM   #11
 
إحصائية العضو







عبدالكريم العماري غير متصل

وسام الدواسر الفضي: للأعضاء المميزين والنشيطين - السبب: المميزين والنشيطين
: 1

عبدالكريم العماري is on a distinguished road


افتراضي رد: التغطية المصوّرة لـ إحتفائيّة شعراء قبيلة الدواسر بمناسبة قدوم (سلطان الخير) و (سلمان الوفاء) برعاية الشيخ محمد بن مرّان بن متعب بن قويد

نشكر الشيخ محمد بن مرّان بن متعب بن قويد على رعايه تلك الاحتفائية


والشكر موصول للأخ العزيز راشد المسعري على تغطية إحتفائيّة شعراء قبيلة الدواسر



والله يحفظ صاحب السمو الملكي الأمير سلطان بن عبدالعزيز ويطيل في عمره

 

 

 

 

    

رد مع اقتباس
قديم 28-12-2009, 05:54 PM   #12
 
إحصائية العضو







حبيبـcom غير متصل

حبيبـcom is on a distinguished road


افتراضي رد: التغطية المصوّرة لـ إحتفائيّة شعراء قبيلة الدواسر بمناسبة قدوم (سلطان الخير) و (سلمان الوفاء) برعاية الشيخ محمد بن مرّان بن متعب بن قويد

مشكورين على التغطيه

 

 

 

 

 

 

من مواضيع: حبيبـcom

0 انا عضو جديد

التوقيع

    

رد مع اقتباس
قديم 28-12-2009, 06:40 PM   #13
 
إحصائية العضو







ابومبخوت الدوسري غير متصل

وسام الدواسر الذهبي: للأعضاء المميزين والنشيطين - السبب: لنشاطه الكبير وجهوده الطيبه في خدمة الموقع
: 1

ابومبخوت الدوسري has a spectacular aura aboutابومبخوت الدوسري has a spectacular aura aboutابومبخوت الدوسري has a spectacular aura about


افتراضي رد: التغطية المصوّرة لـ إحتفائيّة شعراء قبيلة الدواسر بمناسبة قدوم (سلطان الخير) و (سلمان الوفاء) برعاية الشيخ محمد بن مرّان بن متعب بن قويد

بسم الله الرحمن الرحيم

الحمد لله رب العالمين والصلاة والسلام على سيد المرسلين

أما بعد ...

بيض الله وجيهكم ياإدارة المنتدى على التغطية المصورة لهذه الإحتفائية العظيمة

والشكر موصول للشيخ/محمد بن مران بن قويد على إستضافته للشعراء وتكريمه لهم والشكر موصول للأخ/راشد بن محسن المسعري والأخ / الحميدي بن محمد الغريري على الجهد الجبار وشكرا لشعراء قبيلتنا على الإطلالة الجميلة وبالتوفيق إن شاء الله


تقبلوا خالص تحياتي

 

 

 

 

    

رد مع اقتباس
قديم 28-12-2009, 10:27 PM   #14
 
إحصائية العضو







علي العبدالهادي غير متصل

وسام الدواسر الفضي: للأعضاء المميزين والنشيطين - السبب: المميزين والنشيطين
: 1

علي العبدالهادي has a spectacular aura aboutعلي العبدالهادي has a spectacular aura aboutعلي العبدالهادي has a spectacular aura about


افتراضي رد: التغطية المصوّرة لـ إحتفائيّة شعراء قبيلة الدواسر بمناسبة قدوم (سلطان الخير) و (سلمان الوفاء) برعاية الشيخ محمد بن مرّان بن متعب بن قويد

بيض الله وجيهكم ياإدارة المنتدى على التغطية المصورة لهذه الإحتفائية العظيمة والشكر موصول للشيخ/محمد بن مران بن قويد على إستضافته للشعراء وتكريمه لهم والشكر موصول للأخ/راشد بن محسن المسعري على الجهد الجبار وشكرا لشعراء قبيلتنا على الإطلالة الجميلة وبالتوفيق إن شاء الله

 

 

 

 

 

 

التوقيع

للمتابعة على تويتر

https://twitter.com/#!/09765as

    

رد مع اقتباس
قديم 28-12-2009, 10:57 PM   #15
 
إحصائية العضو







أبو عبدالله الشكره غير متصل

أبو عبدالله الشكره is on a distinguished road


:e-e-5-: رد: التغطية المصوّرة لـ إحتفائيّة شعراء قبيلة الدواسر بمناسبة قدوم (سلطان الخير) و (سلمان الوفاء) برعاية الشيخ محمد بن مرّان بن متعب بن قويد

الحمد لله على سلامتك يا أبوخالد

الله يعطيكم العافية جميعا يا أبناء العم ، أشهد انكم تبيضون الوجه يا خطلان الأيدي

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 3 ( الأعضاء 0 والزوار 3)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 03:15 PM


Powered by vBulletin® Copyright ©2000 - 2024, Jelsoft Enterprises Ltd.
---