ودي بسجه بالفجوج الوسيعات - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم الـشعر العــام ::

إضافة رد
انشر الموضوع
 
أدوات الموضوع انواع عرض الموضوع
قديم 20-12-2014, 04:14 PM   #1
 
إحصائية العضو







بن الجراح غير متصل

بن الجراح will become famous soon enoughبن الجراح will become famous soon enough


:r-r-5: ودي بسجه بالفجوج الوسيعات

(( ودي بسجه بالفجوج الوسيعات ))

اهداء متواضع الى اخــوي وصديقي العـزيـز والغــالي
محمد بن مبــارك بن ظــلاّم الشــراري ,,,, ابوسلطان
حيث قررت من خلال امنيتي ان اخالف اعراف السفر المتبع اما بسياره ام بطياره
وهنا قررت السفر من خلال حرّه فتيه من ركاب الشرارات انهج عليها عبر الصحاري
مع كل شعيب ومهميه اوادي . اليكم تلك الابيات اتمنى ان لايلومني احد او ينتقدني
وبالتالي هي امنيه وادري صعبه لكن ......؟

ابـي اتـمنـى والتمــانــي صعيبــات = وادري فـلا ياتـن بكيــف اعتـقـــادي
ابــي استعيـد ايام هفــن قــديمات = شفي ومنوة خــاطـري والمـــرادي
ودي بســجه بالفجوج الوســــيعات = مـع كل شــعيب ومهمــهيـه اوادي
مطراش نجلابه عن الصــــدر ضيقات = اللي لجت فـي ضامـري والفـوادي
ودي بحمــرا تقطـــع الـدوّ بســكات = من هجن قــومً يظهــدون الاعـــادي
حُــرّه فـتيــه مــن اركاب الشـرارات = ولا فـوقهـا الا الميركــه والشـدادي
والخــرج يزهنّـه سـفايف جـديــدات = مــتخـالـطن بيـاضــهـن بالســـوادي
غشــــيمـةً مـا ضــريّت للسـباقــات = تجفل ليا سمعت حساس المنادي
عنيــدةً واعنــادهـا شــــين نـــوبـات = ولولا الـرسن ماتنقـوي والـقيـــادي
ماحاصــروهــا في شبوك وبركسات = ولا طببوها سـوق هجـن المـزادي
مــا كـــنهـا الا قــــايــــدً للجميــلات = ولاّ هنـوفً زيـنـهـــــا حيــل بـــادي
انهــج عليـهــا مـا بغيـت الـونيــتـات = وانـا على المعبـود تــم اعتــمــادي
مسـراي مـن عمّـان قبـل الصلــوات = اليّــا غـفـت عيـن البليــد الـربــادي
مابين حـرّه والســهـول الوســيعات = مـن حـد ضلعـان الاشـاقف وغـادي
شـرقي حـديثـه والهـدف بالقريــات = نبـي الـذي مشـحاه هـاك البــلادي
مـــلفاي ابــن ظـــلاّم زبـن الـونيـات = وكلن فابــو سلطان يمدح وشـــادي
فـي مجلسـه نلقــى دلالً عــذيـات = رســــلان ولاّ مــن بــلاد ابغــــدادي
فنجالهـن يـغـدي عن الراس دوخات = اشــقر وريــح الهيــل يجـلا انكـادي
رصـد لهــن جهــده وحمـر الـريـالات = ولا يــوم ابــن ظـلاّم كان اقتـصــادي
قـولـة هلا وحـييت في كـل الاوقـات = ينطـق بها للضيف صبــح وهجـادي
هــذا مـحمـد مــا نـقــوله دعــايــات = حـــرً يصيـــد النـادره مـــا يصـــــادي
الجــود طــبعــه والـــوفــا والمــروات = مـالـه شــبيـه الا طيــور الهـــدادي
علمـه جذبني وامتلك جوهر الـذات = والشـوق يـدفـع خطـوتي باجتهادي
لاشـك ابـو سلطـان حاز الشهـادات = ومن كُــل طيّـب وقـعت بـاعتـمادي
الضيـف يشــهد والخوّي والقصيرات = وكلمة نعـــــم لاحـل ذكــره اتــزادي
مــن لابـــةً يــوم الليــالي عسيرات = فــوق الاصــايـل ينطحـــون الاعـادي
فهــود الــزراج اولاد مكلــب شــرارات = مـن لابــة العـــزام علـــمً وكـــادي
شـموخهــم يشدي اجبـال السراوات = فـي ظفهـم تلقى الـدفا والبـرادي
هــــذا الوكــاد ولا بهــرجــي خيــالات = والحق ماحــدً عنـه صـار احتيـادي
شــوف النشــاما منهجي والمسرات = شــوقي لهم والله مـاهـوب عـادي
حــب البـــدو واضعــونهـم لــه ملـذات = واروم انــا عـاداتـهــم والســــوادي
هــذا طمــوحي والهـدف والميـــولات = ولاني بحـال اللي يـريـد انـتـقــادي
ويـامـا ويـامـا قــلـــت انـا واحلــــولات = مسـتجــديً ولاّ على غيـــر جـادي
ويــا لايـمــي بـــالله خــل المـلامــات = وانــا تــرى يــاصــاح مـانـيـب غـادي

محمد بن سوعان الربيّع

 

 

 

 

 

 

التوقيع


الصبر طيب لكن الصمت مكروه ,,,, والحق كلــمه ياجــب إنـــا نقـوله

والكذب خيبه والمناعير ادانـوه ,,,, وعيبً على اللي بالحياة انتموله

والصدق منجى والاجاويد سموه ,,, نــورً ... ينــور للخــلايق إليــوله

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 06:53 PM


Powered by vBulletin® Copyright ©2000 - 2024, Jelsoft Enterprises Ltd.
---