ياأهل الخلايا النايمة ادحروا الشيطان(مساجلة شعرية) - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم إبداعات شعراء المنتدى ومساجلاتهم ::

إضافة رد
انشر الموضوع
 
أدوات الموضوع انواع عرض الموضوع
قديم 22-10-2005, 09:56 PM   #1
 
إحصائية العضو







فراج بن فهد آل تركي غير متصل

وسام شاعر التميّز .: وسام يقدم لمن يستحق أن يطلق عليه
: 1

فراج بن فهد آل تركي is on a distinguished road


افتراضي ياأهل الخلايا النايمة ادحروا الشيطان(مساجلة شعرية)

السلام عليكم ورحمة الله وبركاته :

بدايةً أعتذر لكم عن هذه المشاركات المتقطعة وعن هذا التقصير في

حق هذا المنتدى الرائع...وإن شاء الله سنتلافى ذلك مستقبلاً.....



قبل عامين وفي مثل هذه الأيام من شهر رمضان حدث تفجير المحيا

وحدثت بعض القصائد


هذه مساجلة بيني وبين الشاعر (عامر النتيفات) الذي سيكون من بيننا

في القريب العاجل إن شاء الله ....



يقول الشاعر عامر النتيفات :



أبأبدع بيوتي وأنتقي طيب القيفان=بعد جاء مجالً للشعر وأنفتح بابه
بيوتً تبي وقفه ونظره من العربان=تخص الوطن والدين والغدر وأربابه
ظهر في وطنا زمرةً غرها الشيطان=لهم مذهبً مع مذهب الكفر متشابه
هدفهم يثيرون الفتن دوم في الأوطان=يبون الأمن يهتز والشر نبلابه
يبون البلاد اللي على منهج القرآن=تطبق فكر مغسول تفكير من جابه
يحسبونهم بإرهابهم يكسبون إحسان=هذا ظنهم خابوا وخسروا ونصابه
يحسبون شعب المملكه يجرفه خوان=بتفجير وألا إرهاب وأقوال كذابه
وهذا بفضل الواحد الخالق الديان=من المستحيل يصير والشعب يرضا به
عهودً وبيعه للملك والوفا عنوان=ولاباقها مسلم رجاء الله ويهابه
بلاد بها مكه وطيبه بلاد امان=وحكامها عمدان للدين وأطنابه
بلادً بها المصحف يوزع وبالمجان=وينشر بلا منه ويهدى لطلابه
بلاد على التوحيد بانينها بنيان=ملوكً سلالة وايليً تعزوابه
بلادً بها الحكام والشعب كالاخوان=بوقت الرخا ننعم وبالحرب حرابه
وحنا وبوفيصل وعبدالله وسلطان=بالارواح دون الدار والدين جلابه
نجدد عهودً راسخه طيلة الأزمان=ولاهمنا الأرهاب والكفر وأصحابه
هل العدل قتل النفس يازمره الطغيان=أجيبوا علي يازمرة الكفر واصحابه؟
هل العدل تفجير المباني على السكان=وهم نايمين ولذة النوم تهنابه؟
هل العدل نشر الرعب والخوف في البلدان=أمورً تحير خلت الناس منصابه؟!!
هل العدل قتل معاهدً جاء لنا من شان=مهمه والى انهاها ذلف والبلد سابه
وراعين ماتوا ظلم ماذنب هالورعان=تحت كومة التفجير وأحجار وترابه؟
من اللي إمحلل قتلهم هاتوا البرهان=هذامنهجً ماقره الله بكتابه
ترا العدل قطع ارقاب من حارب الرحمن= سعى في فساد الارض بالظلم وإرهابه




وجاريت قصيدته بالقصيدة التالية :


أناماقدرت أصبر عـن إمداعبـة الأوزان=وخوض البحور السبـع والبـر والغابـه
لفـا مايهيّضنـي علـى بدعـة القيفان=وجرّيـت طـاروق القصـيـد آتغنّـابـه
جذبني مثايل (عامر) وقافه الرنان=زعيـم القصايـد يرحـم الله مـن جابـه
معاني,قوافي,سبك نادر, وعـذب ألحـان=خصايص تخصّه يـوم الأشعـار تتشابـه
إذا مابدعنـا فـي وطنّـا القصـيـد الآن=فياعـنـك مافيـنـا إمــروّة ولاثـابـه
وطنّـا وطنّـا منبـع العـزّ والإيـمـان=إبلاد الرسـول وآلـه وخيـرة أصحابـه
سحاب الفتن الأسود تراكم على الوديـان=يصبّ الصواعق في ثرى نجد وإهضابـه
نتيجـة تهـوّر طغمـةٍ شوّهـوا الأديـان=حماسٍ على غير الهدى ويـش نبغابـه؟!
يبون الجهاد ونصرة الديـن يـوم إنهـان=ولاكل من صوّب تجـاه الهـدف صابـه
جهاد الكفـر مهـوب تفجيـرك الأوطـان=إتساعد عـدوّك يدخـل الـدار بأسبابـه
عصابة رئيس (البيت الأبيض) من الغربان=إتـدوّر علينـا مدخـلٍ تفتـح أبـوابـه
فياأهل(الخلايا النايمة) ادحـروا الشيطـان=وتوبوا يتوب الله على صاحـب (التابـه)
سموم (السعوديه) مـع الحـرّ والدخـان=ولا إظلال (بـوش الإبـن وابلير)وأحزابـه
تناسون ساحات الوغى في رُبا(الشيشان)=وتنسون (كابل), (والعراقي) على أعصابه
وجبتو المعارك لأرض أهلكم كما العـدوان=تسومونهـم بأسـوأ عـذابٍ سمعنـابـه
ولاأنسى (السفيه) الحاقد المغرض الخوّان=عميـل اليهـود بدارهـم تنبـح إكلابـه
يروّج الإشاعه فـي الإذاعـه بلابرهـان=وإلى شبّت الفتنـه يعبّـر عـن إعجابـه
وطنّا تحاصره المطامع وأهـل الأضغـان=وكـلٍّ علينـا ياعـرب كـشّـر انيـابـه
ولكـن بتقـوى ربّنـا الواحـد الـديّـان= تـزاح الكـروب وياخـذ الحـق طلاّبـه




وكان الرد من عامر :


تهيض هجوسي هيضّه شاعر الميدان=وهذا لقب مني لبوفهْد يحضابه
أقوله بدون اقصور في باقي العربان=وللكل عندي قدر وأحسب احسابه
هذا راينا قلته وعندي له البرهان=براهين قولي مثبته شعر وكتابه
قصيده ثمين وجزل يرجح به الميزان=قصيدً يخلي كاره الشعر يشقى به
بعد وصلنا فزيت والشعر بدعه زان=هجوسي تهيض قبل ماكمل إ كتابه
وسجلت قافي والشعر زينته لاحان=لزومه لوني حايرً وين أبا أبدابه
لكن عذرنا يامسندي لابدا نقصان=هدفنا نرد القاف والقدر لأصحابه
وهذي عوايد لابتي من على الجدان=مع أهل الوفا شرواك ياطيب اللابه
وطراة الشعر لاقيل في الدين والأوطان=وباقي القصيد إمزوح وأمداح كسابه
صحيح القصيد يعالج العاشق الولهان=لكن ويننا ذا الوقت والعشق وأبوابه
وطنا وطنا حافه الشر والعدوان=يبي وقفةٍ من شان عدوانه تهابه
يهود ونصارى مع هل المذهب الخربان=تحاموا وكلً يدفق السم من نابه
هدفهم يزيلون العقيده من الوجدان=وتبقى بلاد الدين في نار شبابه
تخالط علينا حابل ونابل الطغيان=ولا عاد ندري عن هل الشر واسبابه
سفينة وطنا دام حكامنا الربان=رست رغم أنف القايد البوش وأسرابه
تلاطم عليها أمواج والحافظ الرحمن=يعز الشريعه يخزي الكفر وأحزابه
وفقيه جار بلير والغرب له مسكان=وبيانه يخص به الجزيره وتعنابه
قناة تبث السم للجار والاخوان=مذيعينها اغلبهم نصارى وكذابه
يابوفهْد جاء الإسلام طير بلا جنحان=وترا الشرع في غير الوطن مااحدً هابه
عربنا عربنا في المدن ترفع الصلبان=مصيبه ترا الاسلام إسمً تسموابه
ألا عزتي للقدس عزاه للشيشان=يبادون والعدوان تسرف ولا تابه
عراق الحضاره صار مستعمره رومان=وحنا نشوف وساكتينن ولا جابه
ترا القاف شاب وطالبك تقفل البيبان= وقل تم والتقدير في الصدر متشابه

وسلامتكم ,,,ونأسف على الإطالة.....

 

 

 

 

 

 

التوقيع

يقول ابن القيم رحمه الله
وقد أجمع عقلاء كل أمة.. على أن النعيم لا يدرك بالنعيم ..
وأن من آثر الراحة.. فاتته الراحة ..
وأن بحسب ركوب الأهوال.. واحتمال المشاق.. تكون الفرحة واللذة ..
فلا فرحة لمن لاهم له ..ولا لذة لمن لا صبر له .. ولا نعيم لمن لا شقاء له.. ولا راحة لمن لا تعب له ..
بل إذا تعب العبد قليلا.. استراح طويلا ..إنما تخلق اللذة والراحة والنعيم.. في دار
السلام ..وأما في هذه الدار فكلا

    

رد مع اقتباس
قديم 22-10-2005, 10:15 PM   #2
 
إحصائية العضو







الحر غير متصل

الحر is on a distinguished road


افتراضي



شاعرنا برق الجنوب

اسمح لي اناديك بالاسم اللي سماك به الشاعر عامر وانت تستحقه يا(شاعر الميدان)

صح الله لسانك ولسان الشاعر عامر النتيفات

وانا بالنيابه عن اعضاء المنتدى ارحب بالشاعر عامر النتيفات ويشرفنا مشاركته معنا

والحقيقه رديتكم من احسن ماسمعت وقريت من الرديات

وموضوعكم طيب وعلومكم غانمه

لاهنتوا

اخوكم الحر

 

 

 

 

    

رد مع اقتباس
قديم 22-10-2005, 10:24 PM   #3
 
إحصائية العضو








عبدالله الصخيبري غير متصل

عبدالله الصخيبري is on a distinguished road


افتراضي

السلام عليكم ورحمة الله وبركاته

الاخ الغالي برق الجنوب صح لسانك ولسان عامر وجزاكم الله خيرا على ماكتبتوه وندعوا من الله العلي القدير ان يهدي من ضل الى سواء السبيل وان يرجعه الى رشده وان يحفظ هذا البلد وجميع بلاد المسلمين من كل مكروه انه سميع مجيب ونرحب ايضا باخينا وابن عمنا عامر ونقول له حللت اهلا ووطاءت سهلا

 

 

 

 

 

 

التوقيع

زايدي والساس عند الزايديه = مثبيتً جدي ولانيب صلبي
ماربي من ديرةً يعربيه = عمي وابويه وجدي ماربي
وانت يالي قمت تبحث للرديه = مانظرك شئ وافتل شاربي

    

رد مع اقتباس
قديم 22-10-2005, 11:01 PM   #4
 
إحصائية العضو








فهد الغريري غير متصل

فهد الغريري is a jewel in the roughفهد الغريري is a jewel in the roughفهد الغريري is a jewel in the rough


لا فض فوكم

وعليكم السلام ورحمة الله وبركاته

كم سعد الفوأد وانشرح الخاطر وطار القلب بما تحتويه هذي

القوافي التي تهز وترجف معاليق القلب

الشاعر العزيز الغالي ابو فهد " بــــرق الجنوب "

يشهد الله ان لك مكانه في قلبي محبه وتقدير واحترام واجلال

كم تطربني مواضيعك نعم هي قليله لكنها تحتوي في مضمونها

كل الجزاله والقوه والصدق في معانيها فبارك الله في احساسك

وفكرك بما يحتويه من غيره على دينه.

نعم هذي مجاره لكن اي مجاره مجاره في الغيره على الاسلام

والدين واعراض المسلمين يعجز قلمي ان يصفها او يعبر عنها.

وصح الله السانك وعتلا شانك وزادك الله غيره على دينك واسلامك

كم ساقتني اسطر قوافيك واخذتني الى الماضي المجّيد الذي

يزخر من العزه والشموخ يصعب تسطيره في هذا المقام.

ابوفهد لا اخفيك سراً اني اذا رايت موضوعاً جديداً لبرق الجنوب

اني اقف حيران ماذا اكتب لهذا الشاعر الكبير في مقامه وشعره

فتمتلكني حيره ورهبه خوفاً اني موافك حقك من اسطر تستحقها

في شخصك جعل عمرك طويل على طاعته.

ولا انسى في مقامي هذا ان اقف تقدير واحترام لشاعر الذي

نتظر طلته العزيز لهذا المنتدى الكريم الشاعر الكبير

عـــامر بن عبدالرحمن النتيفات ( حفظه الله )

والشكر كل الشكر لك اخي الغالي ابوفهد لدعوة الشاعر عامر

فهذي تستاهل عليها حبة خشم جعلك تحيى

وصح الله السان الشاعر عامر النتيفات على ماقدم من معاني

ومواعض تستحوي القلوب من جزالة قوافيها.

واسأل الله رب العرش العظيم ان يبارك فيكم ويحفظكم من كل مكروه

وفي الختام تقبلو تقديري واحترامي واعتزازي واعجابي فيكم ياثنين.

اخــــوكم / فــهـــد الــغــريـري,,

 

 

 

 

 

 

التوقيع

    

رد مع اقتباس
قديم 23-10-2005, 12:22 AM   #5
 
إحصائية العضو







نمر بن الأشيب غير متصل

نمر بن الأشيب is on a distinguished road


افتراضي

الأخ الـــشـــــــاعــر بــــــرق الـجـنــــــــــوب
ابـــو فـــــهـــــــــــــد
مــرحـبـــــــــاً بــك يــالــــغــــــــالـي
ومــرحـبــــــــاً بــالـــشــــــــاعــر عـــامـــــر بـن عـبـــد الـرحــمـــــن الـنـتــيــــفــــــــــــات
قـــصـــــــا ئــد جـزلــة ومـعــبـــرة تـتــرجم الـواقـــــع الـذي تـعــيـشــــه هــذه الـفـئـه الـضــالـه والـتي قـامت بـإزهـاق الأنـفـس الـمـعـصــومـه ودمــرت الـمـمـتـلـكــــات ونـشــرت الـرعــب بـيــن الآمـنـيــن بـأســم الأســــلام ... والأســــلام بـــرئٌ مـنـهــم ومـن أعـمــالـهــم الـشـيـطـــانـيــة
نـســـأل الله أن يـردهــم الـى الـحــق ويـهــديـهــم ســبـيـل الـرشــــاد ... فـكــل مـاقـامــوا بـه مـن أعـمــال تـخـريـبـيــة إنـمــا تـشـــوه صـــــورة الأســـــلام




أخـــــــــــــــوك فــي الله

الــــــــــعـــــــــــــرابـي

 

 

 

 

 

 

التوقيع



[poem font="Simplified Arabic,5,white,normal,normal" bkcolor="transparent" bkimage="http://www.alduwasser.com/vb/images/toolbox/backgrounds/22.gif" border="double,4," type=0 line=0 align=center use=ex num="0,black"]
مرحوم يا طيّب السيره والأخلاقي=دغش البطي يا عسى مثواك فالجنّه
يالنادر اللي لمبدا المجـد عشاقـي=من ظن فيك الوفاء شافك ورى ظنّه
تفرح لطالة بني عمـك وتشتاقـي=ومواقف الطيب تفعلها بـلا منّـه
وهاذي حياة الفناء ما حد بها باقـي=فيها القضاء والقدر والموت ما عنّه [/poem]

    

رد مع اقتباس
قديم 23-10-2005, 11:11 AM   #6
 
إحصائية العضو








دغش البطي غير متصل

دغش البطي is on a distinguished road


افتراضي

الأخ الشاعر الغالي : برق الـجـنـوب ( شاعر الميدان )


أرحب أرحب ياأبو فـــــــــــهـــــــــــــد

الحقيقه والله لو أكتب وأكتب فلن ولن أوفيك حقك من المدح اللذي يليق بمكانتك العاليه

لقد إستمتعت بما كتبتو لنا من درر مكنونه فقرأت القصا ئد الجزلة والمعبرة

عن الشعور الصادق اللذي يخالجكم ويخالج كل مواطن شريف شرواكم

ولقد ترجمتو بأحاسيسكم المرهفه هذا الواقع اللذي تعيشه هذه الفئة الضاله واللتي

قـامت بـإزهـاق الأنفس المعصومـه ودمرت الممتلكات ونشرت الرعب بيـن الآمنيـن

وهي تدعي بأسم الأسلام ... والأسلام بـرئٌ منهـم ومن أعمالهم الشيطانية

نـســـأل الله أن يـردهــم الـى الحق ويهديهم ســبـيـل الـرشــــاد ... فـكــل

ماقـامو بـه مـن أعمال تخريبية إنـمــا هو تـشوبه صـــــورة الأسلام والمسلمين

أبو فهد علومك كلها غانمة أول وتالي وتواجدك يسعدنا وقصائدك تطرب مسامعنا

وبإسمي وبإسم منسوبي منتديات قبيلة الدواسر نرحب بالشاعر عامر النتيفات

ونتشرف بوجودكم معنا والله يحييه من ممشاه إلى ملفاه

وأما القصائد فهي من أجود وأرقى المساجلات الشعريه اللتي قرأتها وسمعتها

فصح الله ألسنتكم جميعاً مدد وليست بالعدد .

تقبل الود والتقدير والشكر والعرفان لك ولعامر النتيفات على هذه الروائع

محب الجميع : دغش بن بطي

 

 

 

 

 

 

التوقيع

    

رد مع اقتباس
قديم 23-10-2005, 06:09 PM   #7
 
إحصائية العضو








العماني غير متصل

العماني is on a distinguished road


افتراضي

الغالي برق الجنوب ((شاعر الميدان))

صح الله لسان الشاعر عامر بن عبدالرحمن النتيفي وصح الله لسانك على هذه القصايد الجزله وبيض الله وجيهكم على شعوركم الصادق تجاه وطنكم ودينكم .

وان شاء الله نشوف الشاعر عامر النتيفات بينا .

تقبل تحياتي،،

 

 

 

 

    

رد مع اقتباس
قديم 23-10-2005, 11:08 PM   #8
 
إحصائية العضو







محمد الغريري غير متصل

محمد الغريري is on a distinguished road


افتراضي



برق الجنوب


الشاعر الكبير الذي ينثر ابداعاته في ارجاء المنتدى ويتحفنا بما يختزنه من

قريحةٍ شعرية فذة قل ما نجد مثيلها ..

صح الله لسانك يا برق الجنوب ولسان الشاعر عامر النتيفات

على هذه المساجلة الاكثر من رااائعة ..

ونحن هنا ندعو الشاعر الكبير عامر النتيفات للمشاركة مع ابناء عمومته في هذا المنتدى

لإتحافنا بما هو جديد و ممتع ..


تقبل تحياتي ..


اخوك في الله

محمد الغريري

 

 

 

 

    

رد مع اقتباس
قديم 24-10-2005, 10:33 PM   #10
 
إحصائية العضو







خلف بن غصاب غير متصل

خلف بن غصاب is on a distinguished road


افتراضي

صح الله لسانك يابو فهد ولسان الشاعر عامر النتيفات

برق الجنوب

جيتك ثمينه ومدتك سمينه ياذيباااان

دمت ودام همس قوافيك ترن بمسامعنا

ولاتبطي بجديدك ،،،كما قال ابو فهيد

وكل عام ونتم بخير

اخوكم // رجوم الشياطين

 

 

 

 

 

 

التوقيع

[poem font="Simplified Arabic,6,crimson,bold,normal" bkcolor="white" bkimage="" border="none,6,crimson" type=1 line=0 align=center use=ex num="0,black"]
للموت سكرات وللقبر حكره=والله يكفي شر هذي مع ذيك

والعمر يقضي مثل سلك ابمكره=والله علم ويش اخر الوقت قافيك[/poem]

    

رد مع اقتباس
قديم 27-10-2005, 02:55 AM   #12
 
إحصائية العضو







الشكري غير متصل

الشكري is on a distinguished road


افتراضي

اقتباس:
المشاركة الأصلية كتبت بواسطة محمد الغريري


برق الجنوب


الشاعر الكبير الذي ينثر ابداعاته في ارجاء المنتدى ويتحفنا بما يختزنه من

قريحةٍ شعرية فذة قل ما نجد مثيلها ..

صح الله لسانك يا برق الجنوب ولسان الشاعر عامر النتيفات

على هذه المساجلة الاكثر من رااائعة ..

ونحن هنا ندعو الشاعر الكبير عامر النتيفات للمشاركة مع ابناء عمومته في هذا المنتدى

لإتحافنا بما هو جديد و ممتع ..


تقبل تحياتي ..


اخوك في الله

محمد الغريري




وعساك على القوه دايم الدوم

وننتظر جزلاتك

بارك الله فيك

اخوك

ابو عبد الله الشكري



 

 

 

 

 

 

التوقيع


آلاد شكر هم اكعام المعاديني= صوارم في اللقا تروي شلافيها
ذباحة الحيل يوم الزمن شيني= مهوب يوم العرب فاضت مخابيها
يفرح بهم هاشل ذاق الامريني = والجار يامن بقصرتهم ويغليها
الشاعر الكبير برق الجنوب

    

رد مع اقتباس
قديم 27-10-2005, 03:54 AM   #13
 
إحصائية العضو








فيصل الشكري غير متصل

وسام التميز: وسام التميز - السبب: نظيرا ً لجهوده الكبيره في المنتدى
: 1

فيصل الشكري is on a distinguished road


افتراضي

مشكور وماقصرت؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛,,,,,,,,,,,,,,

وتقبل فائق تقديري وأحترامي


شاكر ومقدر

أخوك: الشكري001

وفي أمان الله

 

 

 

 

    

رد مع اقتباس
قديم 27-10-2005, 04:33 AM   #14
 
إحصائية العضو







فراج بن فهد آل تركي غير متصل

وسام شاعر التميّز .: وسام يقدم لمن يستحق أن يطلق عليه
: 1

فراج بن فهد آل تركي is on a distinguished road


افتراضي

السلام عليكم ورحمة الله وبركاته

الإخوة الأعزاء كل من :

الحر

عبدالله الصخيبري


فهد الغريري

العرابي

دغش البطي


هايف العماني


محمد الغريري


ماجد المهنا


أبوفهيد

رجوم الشياطين

الودعاني

أبوعبدالله الشكري

الشكري001

.

.


.


ما أدري وش أقولك لكم؟!!

والله أن كل واحد فيكم يستحق رد مستقل وإحتفائية مختلفة وهو أقل ما

أقوم به نحوكم وإن كان لايعني شيئاً تجاه مقاماتكم العالية ومكانتكم الشامخة لدي

ولدى كل من يتابع ما تنهجونه داخل المنتدى وخارجه...

ولكن عذري لهذا الإختصار هو ضيق الوقت في هذه العشر المباركة التي أسأل

الله أن يوفقنا وإياكم لصيامها وقيامها وأن يتقبلها خالصةً لوجهه الكريم ولا يجعل

نصيبنا منهاالتعب والجوع والسهر.....

مع أني أعلم تمام العلم أنكم تمرون بنفس ضيق الوقت هذا ولكن كرمكم وطيبكم

أجبركم على كتابة هذا الردود التي تفوق عندي كنوز الذهب والفضة......


هذا وتقبلوا من أخيكم خالص الشكر والعرفان والتقدير..............

 

 

 

 

 

 

التوقيع

يقول ابن القيم رحمه الله
وقد أجمع عقلاء كل أمة.. على أن النعيم لا يدرك بالنعيم ..
وأن من آثر الراحة.. فاتته الراحة ..
وأن بحسب ركوب الأهوال.. واحتمال المشاق.. تكون الفرحة واللذة ..
فلا فرحة لمن لاهم له ..ولا لذة لمن لا صبر له .. ولا نعيم لمن لا شقاء له.. ولا راحة لمن لا تعب له ..
بل إذا تعب العبد قليلا.. استراح طويلا ..إنما تخلق اللذة والراحة والنعيم.. في دار
السلام ..وأما في هذه الدار فكلا

    

رد مع اقتباس
قديم 27-10-2005, 06:41 AM   #15
 
إحصائية العضو







ابونورة غير متصل

ابونورة is on a distinguished road


افتراضي

جرفت اللقلب يابو فهد ها انا التقيك وقد ظنيت كل الظن الا نلتقي ؟
مرحبا" مليون والعشر عليك مباركه وصح لسانك

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 02:58 AM


Powered by vBulletin® Copyright ©2000 - 2024, Jelsoft Enterprises Ltd.
---