نوادر من الشعر النبطي - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم الـشعر العــام ::

إضافة رد
انشر الموضوع
 
أدوات الموضوع انواع عرض الموضوع
قديم 26-11-2010, 12:25 AM   #1
 
إحصائية العضو








عبدالله الحافر الغييثي غير متصل

وسام الدواسر الذهبي: للأعضاء المميزين والنشيطين - السبب: لنشاطه الملحوظ ومشاركاته المميزه بالموقع
: 1

عبدالله الحافر الغييثي is on a distinguished road


افتراضي نوادر من الشعر النبطي

دون اي شك بان الشعر القديم (الفصيح) أقوى وأجزل وأدق معنا" ووصفا" من الشعر النبطي الحالي . وباعتقادي ان الشعر النبطي هو امتداد للشعر الفصيح ولكن نظرا" لاختلاف اللهجات عبر مرور الازمنه أصبح الشعر بهذا الشكل وهذا الاسلوب النبطي علما" بان مازال هناك شعراء يبدعون بالشعر الفصيح الى وقتنا هذا وأنا بالنسبه لي كشاعر نبطي عندما أقوم بكتابة قصيده نبطيه فليس هناك اي غضاضه لانني اخاطب الناس بلغتهم العاميه السائده في هذا الوقت.
والشعر بصوره عامه منذ الشعر الجاهلي الي النبطي الحالي فهوا يندرج وينضوي تحت عدة مجالات مثل (المدح , الهجاء, الغزل, الحكمه , الفكاهه...........الخ ) وكل في مجاله

وهنا احببت ان اورد بعض المقتطفات من الشعر النبطي في مجال الحكمه وأأمل من البقيه انهم يشاركوني بما تجودبه انفسهم :


, راكان بن حثلين العجمي يقول
ما قل دل وزبدة الهرج نيشان=والهرج يكفي صامله عن كثيره
الذم ما يهفي للاجواد ميزان = والمدح ما طول ايدينن قصيره

خالد بن مدعث الدوسري
وش خانة الدنيا وجمع الدنانير = وحنا علينا نازع الروح ناوي
,


* يقول الامير: خالد الفيصل دايم السيف .


الناس تفنى والمباني والاملاك=والقول يبقى والخبر للتوالي
الشعر معنى حكمته بعد الادراك=وما كل يلمع على النور غالي
والشعر صور شاعر فيه تلقاك=اما لبس لك جوخ ولا سمالي


* ويقول: بركات الشريف:

احفظ حلالك اللي عن الناس يغنيك=اللي الى بان الخلل فيك يرفاك
اجعل دروب المرجله من معانيك=واحذر تمايل عن درجها بمرقاك
أدب ولدك كان تبغيه يشفيك=واستسفعه من بعد مرباه يالاك


* وهذا الشاعر: سليمان بن شريم من بني زيد يقول:


وربعك الى بان الخلل فيك عافوك=اقرب قريب لك من الناس يشناك
ان كثر مالك اصدقولك وطاعوك=وان قل ما بيدك شانت حلاياك
لو تطلب الماء عندهم كان ما اسقوك=ابعد مزارك عن وطنهم ومرباك
وان طاب حظك اصدقولك وحبوك=وان بار كل ما يبي غير فرقاك
وهراجة المجلس الى جيت وروك=منازل تطرب نظريك بدنياك
والى قضوا منك اللوازم وخلوك=تفرقوا وانت احتمل لحل ما جاك
كنك سراج البيت للنور شبوك=واللي انقضى اللازام حد الربع طفاك

الى ان قال:

واصحى لخلان الرخا لو تغالوك=اعرف ترى اطيبهم الى احتجت يجفاك
كنك خوي مقيط دهووك واغووك=وحقك عطاك رشاك واقفى وخلاك
واحذر عن العيلة ترى الحق مدروك=مثل العمل يدركك ما منه فكاك
وان كان عدوانك على الضيق حدوك=فاخصم طلابتهم بعجفاك وقداك
وان كان هم لمشرف الحق ما شوك=ناظر مطاليع الفرج قبل مبداك
واحلم على الجاهل ترى الحلم مبروك=وقم للضعيف اللي من الضيم ينخاك
وادمح خطا جيران بيتك الى اوذوك=ترى القصير وحرمة الجار بحماك
وقم للضيوف اللي لفولك وضافوك=اغلا كرامتهم حجاجك وبشراك



* يقول الشاعر: عبدالله بن صقيه التميمي:

ساس الردي لابد مبناه ينهال=ولد الردي صاحبي تحطه بطانه
تلقاه وقت الضيق لاضحكك الجال=الصفر لا يغريك زين لمعانه
ترى الذهب من صافي جنيه واريال=ما يختلف يا ذيب طيلة زمانه
بستان غيرك لوبه الوان واشكال=ما تنتفع من خوخه وبردقانه
ما ينفعك ما فيه لو بالثمر مال=لاصار بالغدراء جداره مخانه


ويقول ابو التميمي ايضا:


احرص عن الزلات في كل الاحوال=لا تنخدع باللي يعلج اللبانه
ما يفتري ويشين الناس رجال=راع الحكي بالناس خله وشانه
عليك باللي بالمهمات سردال=ليث مثل من حط قوسه رهانه
انت وانا نبعد عن القيل والقال=كم واحدٍ يا ذيب ضره لسانه



* ويقول غازي بن دخيل الله بن عون العتيبي

الرفقه اللي مالها ساس ووصول=اتلى تلياها تروح بسهوله
مثل الذرور اللي على راس غرمول=اول مهب يعترض له يزوله
والفعل ما يطلع على مستوى القول=يقول قول ما يطبق فعوله
والفرق في الافعال,, ماهوب في الزول=والا ترى اطيب ما من الثور زوله
لو غرّهم زوله,, وحطوه مسئول=صاروا مثل راع الغنم ومخيوله
ثوب على جسم على شبه مخيول=ودايعه يفرسهن الذيب حوله

* يقول: عبدالعزيز الحسن:


بعض البشر مثل النجوم المراهيش=انوارهم تزهي بالافراح بشه
افكارهم ري العقول المعاطيش=في الدين والدنيا للاخيار هشه
وبعض البشر عقله من التبن والخيش=لوزان شكله داخل الراس عشه




* وقال تركي بن حميد العتيبي


ترك عشير عشرته يوم او دون=ثم يبدل بك عشير وينساك
شف لك قطامي على السد مامون=درع القفا ما ينهض الراس لحذاك
اللي الى اوحى الناس فيكم يهرجون=حامي على عرضك ويدمح خطياك




* ويقول: عبدالله اللويحان التميمي:


الشور ما ينفع قلوب المهابيل=كالزند وان حرك تطاير شراره
لو تأمره بالعدل يعرض على الميل=يبتل على رايه بربح وخساره
والطبع ما ينزال غيره بتبديل=مثل الجدي مرساه ليله نهاره
والحنظله لوهي على شاطي النيل=زادت مرارتها القديمه مرارة




* يقول راشد الخلاوي الهاجري:


لا تستشير الا صديق يودك=في الله صافي السر مامون عاقبه
وترى شور ما لا يستشيرونه الملا=شمعه نهار في ضيا الشمس دايبه
وأرى النصايح في البرايا فضايح=وكم ناصح اضحى له الناس عايبه

* ويقول محمد عبدالله القاضي التميمي:



تكلفك بامر ما يخصك جهالة=وتبعدك عما كان يلزمك له قافي
ولا تصافي كود حيد صميدع=غيور على الصاحب نصوح وميلافي
ولا تلوم النفس في جاري القضا=مالك عن المقسوم يالعبد مكافي
يا شرهل المعروف منك بتواضع=وهل الشر باشرهم بشر وتستافي


* ويقول غازي بن مهنا الشيباني:

ما طار وقع من مطيره ولو حام=والزود مثل النقص ينقص ولو زاد
دنيا تغر الناس في طول الاحلام=ولابد تاصل شرها بين الاجواد
ياماشي بالدرب مسرى ومجهام=لابد من عقب المراويح معواد
احد قضى زامه واحد يمسك الزام=واللي صدر منها يجي غيره اوراد

* كذلك يقول: محمد بن عايض بن هادي الحباني:

من رابع الخايب سكن دوم واياه=لبس الدناسه عقب لبس الجدادي
ومن طاوع الشيطان في دينه اغواه=يصبح غريق بين الامواج غادي
ومن عاشر الطيب ترى الطيب شرواه=وبالطيب يرقى نايفات المبادي
خلك مع الطيب وممشاك ممشاه=ورافق على الربع القروم العوادي
عز الفتى دينه وسلمه ومرباه=وربعه عضوده عند قدح الزنادي
تاقف معه وبقدر الامكان تحماه=لا صار باطراف الحبال انعقادي
* ويقول محمد بن عقيل السويلمي:


اضرب طريق الخير واسلك مسيره=ولا تلتفت للناس عوجاه واقداه
ولو طال عمرك عارف وش مصيره=ازبن ولي العرش واتعب على رضاه
وأد الفروض الاوله والاخيرة=واضف لهن مخافة الله ورجواه


* ويقول حمد بن هادي المسردي القحطاني:


من كثر ماله ساروا الناس برضاه=ولو كان ناقص قالوا الناس وافي
ومن قل ما بيده ترى الناس تشناه=ولو كان يسقيهم عسل قنط صافي
فالمال كم ساس طمان وعلاه=والفقر كم حطم روابع سنافي
لاشك ما للعبد عن حكم مولاه=من خير ولا شر ولا عوافي




* يقول محسن بن ناصر المري:

قوموا بدين الله ورزوا شعاره=واخشوا نهار فيه تخطيف الابصار
دنياك مرجعها الفنا والقشاره=لا تامن الدنيا ترى الوقت غدار
لابد من قبر وحيش جداره=من مات ياالمسكين خلي على الدار

* وهذا الشاعر مرشد بن سعد البذال:

لولا الردي ما صار للطيب سمعه=لاشك لهذا ضد ذاك يصير
والناس مثل الماء غدير ومالح=هذا ملاح وذا زلال غدير
والاجواد قربتهم تبيض وجودهم=تنفع ولا من قربهم تأثير
والاشرار نفعتهم مكافاة شرهم=والا ترى قرب اللئيم خطير
الرجل عقل ومرجله وديانه=بلاشك راعي ها الثلاث ظهير




* وهذا على المفضي يقول:


من طاول الدمعه تكدر شرابه=والغت مرارة دمعته كل حالي
وافنى عنا دنياه زهرة شبابه=لو كان من بين الخلايق مثالي
واللي يبي ياقف لوقته يجابه=ينهد حيله,, والزمن ما يبالي




* ويقول الشاعر عبدالله العلي الحرير


الى بغيت اتحط كلش على البال=غديت صقار بساقه هداده
تغثك الدنيا ولا ادركت به حال=مثل البعير الى تقلد اشداده


* ويقول حامد بن مايقه الحبابي:

تخير اذا رافقت من الناس عارف=رجل اذا شان الزمان يطيب
رفيق على عسر الليالي ويسرها=كما الزرع,, في وقت الدهور خصيب
امين يحفظ السر عن ساير الملا=حفيظ على ما في الضمير قطيب



خلف ابو زويد الشمري

دخيل خذ من والد لك مسالة =ومسا لة مايفهــــــــــــمه كل رجال
احشم خويك عن دروب الرذالة =ترى الخوي عند الاجاويد له حال
والمرجلة بالك ترخي حـــــبالة =وبالك تعيل ولا تراخا لمن عال
وان كان ماتدعى على كل قـالة =تراك من حسبة هدوم بها ازوال
وان كان دلوك ما تميحه شمالة =ترى الرجال يطوحونه على الجال
ورفيقك الداني إلى شفت حـاله =احمل عليه من المـــــــعليق ماشال
لعل رجل عيشته قد حــــــــالة =عسى تدور زوجتــــــــه فية الابدال
الحمرة تدرك معوشة عــــــياله =والا الرجل يبغى منه بعض الاحوال
وان صار لك من عوص النضا زماله =ا تورد بك إلى ســـــــــرب اللال
خله مع الديان تمشي لـــــــــــــحاله =إن كان ماأنته للمسة الخشم حمال
لو ربع يوم مقعدك بالشــــــــــــــكاله =يسوى حلال عايشين بــــه انذال
* ونختتم رحلتنا هذه مع أبيات للشاعر محمد بن احمد بن محمد السديري يقول:



قصر يذلك لا تقابل مبانيه=خله عسى شامخ طويله هدامي
خله عسى ما صاب اغادير يفنيه=يودع منازله الطويله رجامي
لو زان مدخاله وطالت حواميه=شيد على الخيبه قليل الرحامي
وحي يوريك المذله وتغليه=انا اشهد انك ميت القلب عامي
من لا يودك لا توده وترجيه=ارفع مقامك يا عزيز المقامي
ارفع مقامك عن عدوك وتوذيه=ويلحقك من تركة رفيقك ملامي
حق الرفيق وواجبه لا تخليه=يلزمك مثل الوالدين الحشامي
اختر عزيز الجار والحق يعطيه=شبل على هرج يقوله يحامي
ومن قارب الاجرب بالامراض يعديه=عدواه تسطي باللحم والعظامي
درب السلامه بينات مماشيه=ودرب العطب يرث عليك اللكامي



* ومن قصيدة أخرى يقول فيها:


لا خاب ظني بالرفيق الموالي=مالي مشاريه على نايد الناس
لعل قصرٍ ما يجيله اظلالي=ينهد من عالي مبانيه للساس
لا صار ماهو مدهل للرجالي=وملجا لمن هو يشتكي الضيم والباس
بحسناك يا منشي حقوق الخيالي=يا خالق اجناسٍ ويا مفتي اجناس
تجعل مقره دارس العهد بالي=صحصاح دوٍ دارس ما به اوناس
البوم في تالي هدامه يلالي=جزاك يا قصر الخنا وكر الادناس
متى تربع دارنا والمقالي=وتخضر فياض عقب ماهيب يباس
نشوف فيها الديدحان متوالي=مثل الرعاف بخصر مدقوق الألعاس
* ومن رائعة اخرى يقول السديري:


لا تقرب الأجرب بالامراض يعطبك=يصير جسمك مثل جسمه عليلي
ممشا الخطا من صافي العقل يسلبك=ويصير لك يم الرذيله سبيلي
وعن ما رد الانذال نزه مشاربك=واشرب نظيف لو ورادك طويلي
ولياك تنسى يا ابن الاجواد واجبك=واللي يروم المجد حمله ثقيلي
يالادمي وان كان كبرت مصايبك=ازبن على محي البلاد المحيلي
أزبن على رب بعرشه يراقبك=وناجه وبعد العسر يسره جليلي
وتقبلوا تحياتي لكم

منقوول

 

 

 

 

    

رد مع اقتباس
قديم 26-11-2010, 12:50 AM   #4
 
إحصائية العضو







محمد مطلق آل بريك غير متصل

محمد مطلق آل بريك is on a distinguished road


افتراضي رد: نوادر من الشعر النبطي

لاهنت وبارك الله فيك
شعراء جزلين ومبدعين
تحياتي وتقديري ~~

 

 

 

 

 

 

التوقيع

ياهرجاً هرج القفا لاتهرجه=مأنته على بعض الكلام مغصوبي
لسانك حصانك وكلمتك سرجه=أهم حاجه لاتسمى كذوبي
أما نطق بالصدق فالصمت درجه=أقفل عليه الدرج حتى يتوبي
وهرج النميمه لايجي فيك برجه=يرسل ويستقبل حصاده ذنوبي
راقب ولي الكون مولاك وأرجه=وأن كان شايف عيب كلك عيوبي

    

رد مع اقتباس
قديم 26-11-2010, 12:55 AM   #5
 
إحصائية العضو







خالد المشاويه غير متصل

خالد المشاويه is on a distinguished road


افتراضي رد: نوادر من الشعر النبطي

فعلا هي من نوادر الشعر النبطي

ابوشيخه

طرحك رائع ولاتنتقي الا الزين جعل يزين حالك لاهنت ياشوق البنت

 

 

 

 

 

 

التوقيع

ماني من اللي زلة الصاحب لاجاته تفرحه = بعض البشر ماميّزت باصحابها وخصومها
وان جا يحرّث جمر صحبة عمر بالطيب اطرحه = لي عادةٍ يوم العرب بطبوعها وسلومها
يوم الجدي ماغاب نجم سهيل بالعام المحه = مراجلٍ تحضر مع الموسم تغيب نجومها
والقرم فعل الغانمة عند اللوازم مشلحه = والا الضعوف ضعوف لو تكشخ بكل هدومها

    

رد مع اقتباس
قديم 26-11-2010, 03:49 PM   #8
 
إحصائية العضو








ناصر بن فهد غير متصل

وسام الخيمة الرمضانية 1430هـ الفضي لصاحب المركز: الوسام الفضي لصاحب المركز الثاني بالأفضلية - السبب: وسام الدواسر الفضي: للأعضاء المميزين والنشيطين - السبب: النشاط والتميز
: 2

ناصر بن فهد is on a distinguished road


افتراضي رد: نوادر من الشعر النبطي





لاهنت يابوشيخه على نقل النوادر الذهبيه ,
وبيض الله وجهك .

 

 

 

 

    

رد مع اقتباس
قديم 26-11-2010, 03:55 PM   #9
 
إحصائية العضو







مبارك بن شافي النتيفات غير متصل

وسام الدواسر الذهبي: للأعضاء المميزين والنشيطين - السبب: شكر وتقدير
: 1

مبارك بن شافي النتيفات is a splendid one to beholdمبارك بن شافي النتيفات is a splendid one to beholdمبارك بن شافي النتيفات is a splendid one to beholdمبارك بن شافي النتيفات is a splendid one to beholdمبارك بن شافي النتيفات is a splendid one to beholdمبارك بن شافي النتيفات is a splendid one to beholdمبارك بن شافي النتيفات is a splendid one to behold


افتراضي رد: نوادر من الشعر النبطي

خميس الغييثي

ياسلام ياسلام

بيض الله وجهك يابو مطر على اختيار هذي النوادر

اختيار موفق

وطرح يستحق المتابعه

تقبل مروري المتواضع

اخوك / ابوشافي

 

 

 

 

    

رد مع اقتباس
قديم 01-12-2010, 12:55 PM   #10
 
إحصائية العضو








محمد بن حمد الشكرة غير متصل

وسام الدواسر الذهبي: للأعضاء المميزين والنشيطين - السبب: شكر وتقدير
: 1

محمد بن حمد الشكرة is on a distinguished road


افتراضي رد: نوادر من الشعر النبطي

الله لايهينك ياابو شيخة على نقل النوادرة الخالدة لشعراء عمالقة

رحم الله من توفى منهم واطال الله في أعمار الأحياء منهم


تقديري,,,,

 

 

 

 

 

 

من مواضيع: محمد بن حمد الشكرة

0 دعوة عامة من الشيخ / محمد بن زيد بن جريس الخييلات لحضور ملتقى قبيلة الخييلات
0 ياهـل الموقـع إلــي عنـدنـا غـالـي
0 مرشحي قبيلة الدواسر لإنتخابات نادي السالمية بالكويت-قائمة أبناء النادي
0 وزير التجارة يعين المهندس شويمي الكتاب المصارير عضوا بمجلس إدارة الغرفة التجارية بالخرج
0 سوف بعرض مساء اليوم الجمعة 19/11/1433هـ حفل تكريم الشاعر / نايف بن مسرع الدوسري بمناسبة مشاركته المشرفة في برنامج شاعر المليون للموسم الخامس على شاشة قناة الدانة

التوقيع




الى جنات الخلد يا بو فهد
أسأل الله ان يرحمه رحمةٍ تطمئن بها نفسه وتقر بها عينه
أسأل الله العظيم رب العرش الكريم أن يغفر له ويرحمه ويسكنه فسيح جناته


m.h.s502@vip.cn






    

رد مع اقتباس
قديم 04-12-2010, 10:59 PM   #11
 
إحصائية العضو








عبدالله الحافر الغييثي غير متصل

وسام الدواسر الذهبي: للأعضاء المميزين والنشيطين - السبب: لنشاطه الملحوظ ومشاركاته المميزه بالموقع
: 1

عبدالله الحافر الغييثي is on a distinguished road


افتراضي رد: نوادر من الشعر النبطي

مرحبا بكم جميع والله لايهينكم على تواجدكم المميز
خالص التقدير لكم احبتي

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 7 ( الأعضاء 0 والزوار 7)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 01:53 PM


Powered by vBulletin® Copyright ©2000 - 2024, Jelsoft Enterprises Ltd.
---