(( الــمــحـاورة )) : شروطها , و فنونها , و أوزانها - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم المــحــاورة والألــغـاز::

إضافة رد
انشر الموضوع
 
أدوات الموضوع انواع عرض الموضوع
قديم 19-06-2006, 12:44 AM   #1
 
إحصائية العضو







عبدالرحمن الشرافي غير متصل

عبدالرحمن الشرافي is on a distinguished road


افتراضي (( الــمــحـاورة )) : شروطها , و فنونها , و أوزانها

السلام عليكم ورحمة الله وبركاته...

اخواني الاعزاء...

اسعد الله اوقاتكم بكل خير..

انقل لكم من خلال هذا الموضوع عن المحاوره والتي زادت جماهيريها بشكل غير

متوقع في الاونة الاخيرة..


واتمنى ان ينال الموضوع على استحسانكم..




(( شــعــر الـمـحـاورة ))


المحاورة أو مايسميها البعض ((الردية)) فن خاص من فنون الشعر

التي حققت رواجاً وانتشاراً كبيرا على مستوى الخليج العربي.

وهذا اللون له عشاقه ومحبيه وهو يختلف عن شعر النظم.

اذ يعتمد على سرعة البديهه حيث انه يلقى في نفس الموقف ارتجالاً

هنالك عوامل مؤثرة في عطاء الشاعر وفي المحاورة نفسها منها:



1- الصفوف (شياله):

فكلما كان عطائهم جيدا وصوتهم مسموعا ... وكلما كانو منظمين اكثر كلما أعطوا
المحاورة .. متعة وجمال.



2- القافيه:

وهي على نوعين:

مطرود: وهي ان يلقي الشاعر بيتا واحدا .. ويرد خصمه ببيت.

وسمي: ان يلقي الشاعر بيتين مفصولين ويرد عليه الخصم ببيتين .. وهو الغالب.


3- الصوت:

وهو عامل مهم جدا ويعيب على اكثر الشعراء رداءة الصوت وبحاحته .

فكلما كان صوت الشاعر مسموعا وواضحا كلما رفع اسهمه عند الجمهور.

من الامثله على الشعار المتميزين بصوتهم الرائع :

تركي الميزاني , ابن جرشان البقمي ، مطلق الثبيتي (رحمه الله) ، صياف الحربي
وغيرهم لاتحضرني اسمائهم.


4- سرعة البديهه والرد:

وهذا عامل يميز بعض الشعراء

لعل ابرز الشعراء سريعي البديهه:

مستور العصيمي ، مطلق الثبيتي ، احمد الناصر الدوسري ، فيصل الرياحي ، حبيب العازمي وغيرهم


5- اللحن :

لحن المحاورة من عوامل نجاحها وتفاعل الجمهور معها

لعل ابرز الالحان الرائعة التي تأتي من حنجرة

تركي 200 ,حبيب العازمي، خلف ، مطلق الثبيتي ، صياف الحربي ...




***************************


((( أوزان القلطة )))


1-البحر الطويل :

مثل محاورة خلف والمعنى :

خلف:


المعرفة تجيك بها العوارف والعوارف تجيك بها وطنا = ياسلامي على شيخ فتح للشعر ميراد حق وصار عاده
يالمعنى عليك الله وامانه ياهل الملعبه وين المعنى = غاب عشرين عام ولابغيت القاه والحظ جابه من بلاده

أو كقول حبيب العازمي في محاورة مع خلف:

حبيب:


يامرحبا ياخلف عقب انك وصلت المطار = والطايرة وقعت وانت من بين ركابها
مدري حجزت على العودة حجز اوكي ولا انتظار = الله يامنا من العودة ويحمانا من اسبابها


2-المروبع المكسور:

كقول الشاعر مطلق الثبيتي في محاورة مع الزلامي:

مطلق:


من ضمير الرضى مرحبا بالضيوف= عند شيخ الجميع
ياالزلامي تهرج يازين الوصوف = زبدتك لاتميع


3-القصير:

كقول احد الشعراء:


ياسلامي على كل الرجال= ردة خاطري غنابها
هبت رياحها شرق وشمال= والمعاني حسبت حسابها

او مثل محاوره احمد الناصر و علي الماجد

احمد:


ياسهيل اليماني لاتغيب = ودي اسري وابي درب العدال
شاب راسي قبل حل المشيب= ياعلي من غرابيل الليال


4- المنكوس:

مثل المحاورة التي جرت بين مطلق الثبيتي (رحمه الله) وصياف الحربي
صياف:


قلب الثبيتي طار.. تالي الليل .. قلب الثبيتي طار = قلته وانا خابر.. هواذينه.. قلته وانا خابر

مطلق :

صياف يامكار.. جاك السيل .. صياف يامكار = يالله ياساتر .. على عينه .. يالله ياساتر

أو كقول أحد الشعار:

سلام رديه.. بها راس وعيون.. سلام رديه=الليلة الليلة.. بها أشكال والوان .. الليلة الليلة
رده ومثنيه .. على اللي يغنون .. رده ومثنيه=كلن وتحليله .. إلى كان ماكان .. كلن وتحليله

5- المخومس:

كقول الشاعر :


ياناقلين الطرق عني = من جنب الطاروق غادي
إن قالو العالم تعبنا = أنا قوياتن عضودي
تعاليل ياهل الملعبه هذي تعاليل=


6- المسودس:

كقول مرشد البذال:


اسمعوا وافهموا رد الكلام = ياسلامي على اللي يفهمون أقوال
من قدم شريف الكلام بلاجزا=شاقه الالم ... واغرم يوم جابنه مطاليب حاجات الرفيق
من عناله وجب حقه وصار=


7- المثومن:

مثل قول الشاعر:


وصلنا كلامك= ونفهم كلامك
تبي تركب البرج والبرج عالي=ترفق وخل المشي يارجل بالهون
لقيتك لقيتك = وانا مانسيتك
تصلي الفروض وتبوق القرايب=توضيت والا مصلي ماتوضيت


8- المربوط:

وهي ربط شطري البيت او آخر البيت بكلمة او جملة مكررة.
أ- مربوطه بجهة واحدة:

مثل قول مستور العصيمي :


سلام الله بردية ولي نية ولي مقصود=ومقصـودي شليويـح المـطـاري
واسر ياساري=

ب- مربوطه من الجهتين:

مثل محاورة احمد الناصر ومطلق الثبيتي (رحمه الله):

احمد:


عيني تحب اصحابها .. والله يلوم اللي يلوم = بجمادى والا رجب ... عيني تحب أصحابها


9- السهل:

وهو الشائع.

كقول احمد الناصر في محاورة مع سلمان السبر:

احمد:


وين سلمان وينه واحمد الحماد = كل واحد يغيب ويطول الغيبه
ودي أقعد ولايصلح لي المقعاد =وقلبي أقشر ولاادري وش اسوي به


او كقول نجر بن فيصل العتيبي في محاورة مع نايف العماوي
نجر:


العماوي ينادي وانا عنه غايب = يبحث النار بيدينه وهذي مصيبه
كل ماقلت لاتشعل علينا الحرايب = قال انا عنتر الشداد وامي زبيبه


هذا والله اعلم ..

واتمنى من الاخوان الاضافة..

وتقبلوا فائق تقديري واحترمي..

 

 

 

 

 

 

التوقيع

آخر تعديل عبدالرحمن الشرافي يوم 19-06-2006 في 12:50 AM.

    

رد مع اقتباس
قديم 19-06-2006, 12:43 PM   #2
 
إحصائية العضو







بدران البدراني غير متصل

بدران البدراني is on a distinguished road


افتراضي رد: (( الــمــحـاورة )) : شروطها , و فنونها , و أوزانها

بيض الله وجهك ياعبدالرحمن الشرافي موضوع في قمة الروعة (( الــمــحـاورة )) : شروطها , و فنونها , و أوزانها ماقصرت000نتظر منك مثل هذي المواضيع لكن هناك من يضيف للمحاورة من التالي الموال وهناك شعراء لايعتبرون الموال من المحاوره ,انا لاعلاقة بينهم أما الأخرون يرون العكس فما رايك يالشرافي000تقبل تحياتي

 

 

 

 

 

 

التوقيع

    

رد مع اقتباس
قديم 19-06-2006, 08:29 PM   #3
 
إحصائية العضو







عبدالرحمن الشرافي غير متصل

عبدالرحمن الشرافي is on a distinguished road


افتراضي رد: (( الــمــحـاورة )) : شروطها , و فنونها , و أوزانها

اخوي بدران ال حنيحن

اول شي اشكرك على اهتمامك بهذا المنتدى ومشاركاتك ومتابعتك الدائمة ..

وشرفت الصفحة بمرورك..


ثانيا:

بالنسبة للموال:


كبار الشعار الموجودين على الساحة حاليا منهم من يلعب بالموال ومنهم من لا يلعب به..

ومن الذين لا يلعبون بها : احمد الناصر الشايع . وصياف الحربي . وهاولاء من عمالقة الشعر


وقد سمعت لقاء للشاعرين يقولان فيه بان من اسباب دمار المحاورة الموال..

ومن الذين يلعبون فيه من الشعار الذين عاشروا الوقت الاول للمحاورة مع الثيبتي

والمسعودي ....


مستور العصيمي بكر الحضرمي ....


وهم يلعبون بالموال.. ولا ينكرونه..


اما بالنسبة لي انا فإني ارى مع احترامي للشعار الكبار .

بانها من اساليب تطوير المحاورة ولا ارى بها شي..

ويقول عميد الشعراء \ احمد الناصر .. انهم كانوا يسهرون لتأليف طواريق

لتطوير المحاورة .. ولماذا لايعتبر هذا الشي من اساليب تطوير المحاورة .

ومع هذا كله فاننا لانسوى شيء امام هذا العملاق و من خلال القائات التي قريتها

لم يوضح اسباب معارضته للموال..



اتمنى من الاخوان الاضافة.


لتمنى اني اكون افدتك

وتقبل تحياتي..-

 

 

 

 

 

 

التوقيع

    

رد مع اقتباس
قديم 19-06-2006, 10:40 PM   #4
 
إحصائية العضو







يحيى الودعاني غير متصل

يحيى الودعاني is on a distinguished road


افتراضي رد: (( الــمــحـاورة )) : شروطها , و فنونها , و أوزانها

بيض الله وجهك أخوي عبدالرحمن
كفيت ووفيت

 

 

 

 

    

رد مع اقتباس
قديم 01-08-2006, 09:20 AM   #5
 
إحصائية العضو








ابن وتيد السباعي غير متصل

ابن وتيد السباعي is on a distinguished road


افتراضي رد: (( الــمــحـاورة )) : شروطها , و فنونها , و أوزانها

شرح وافي من شخص وافي

ابو سالم بيض الله وجهك على هذه النبذه بكل تفاصيلها عن فن المحاوره


ولاهنت على الشرح مع الامثله لكبار الشعراء الذين هم من اسس هذا الفن العريق

وارجوا ان يكون هذا الموضوع مرجع لكل شاعر ومحب لهذا الفن العريق


لك جزيل الشكر مني وعن جميع الشعراء

اخوك/ابن وتيد

 

 

 

 

    

رد مع اقتباس
قديم 17-12-2006, 12:31 PM   #6
 
إحصائية العضو







سلطان العتيبي غير متصل

سلطان العتيبي is on a distinguished road


افتراضي مشاركة: (( الــمــحـاورة )) : شروطها , و فنونها , و أوزانها

الله لا يهينك على ما جبته

احسنت احسنت

 

 

 

 

    

رد مع اقتباس
قديم 23-12-2006, 07:45 PM   #7
 
إحصائية العضو







عبدالرحمن الشرافي غير متصل

عبدالرحمن الشرافي is on a distinguished road


افتراضي مشاركة: رد: (( الــمــحـاورة )) : شروطها , و فنونها , و أوزانها

اقتباس:
المشاركة الأصلية كتبت بواسطة يحيى الودعاني
بيض الله وجهك أخوي عبدالرحمن
كفيت ووفيت
وجهك ابيض ولاهنت على المرور


تحياتي

 

 

 

 

 

 

التوقيع

    

رد مع اقتباس
قديم 23-12-2006, 07:46 PM   #8
 
إحصائية العضو







عبدالرحمن الشرافي غير متصل

عبدالرحمن الشرافي is on a distinguished road


افتراضي مشاركة: رد: (( الــمــحـاورة )) : شروطها , و فنونها , و أوزانها

اقتباس:
المشاركة الأصلية كتبت بواسطة ابن وتيد
شرح وافي من شخص وافي
ابو سالم بيض الله وجهك على هذه النبذه بكل تفاصيلها عن فن المحاوره
ولاهنت على الشرح مع الامثله لكبار الشعراء الذين هم من اسس هذا الفن العريق
وارجوا ان يكون هذا الموضوع مرجع لكل شاعر ومحب لهذا الفن العريق
لك جزيل الشكر مني وعن جميع الشعراء
اخوك/ابن وتيد
ابو سعد

مرورك شرف لي ولموضوعي

وما نقدمه من جهد فهو واجب ولا لنا طيب


تقبل تحياتي

 

 

 

 

 

 

التوقيع

    

رد مع اقتباس
قديم 23-12-2006, 07:47 PM   #9
 
إحصائية العضو







عبدالرحمن الشرافي غير متصل

عبدالرحمن الشرافي is on a distinguished road


افتراضي مشاركة: (( الــمــحـاورة )) : شروطها , و فنونها , و أوزانها

اقتباس:
المشاركة الأصلية كتبت بواسطة سلطان العتيبي
الله لا يهينك على ما جبته
احسنت احسنت
و


الله لا يهينك على المرور

تحياتي

 

 

 

 

 

 

التوقيع

    

رد مع اقتباس
قديم 02-02-2007, 12:42 AM   #10
 
إحصائية العضو







مبارك بن عبدالله غير متصل

مبارك بن عبدالله is on a distinguished road


افتراضي رد: (( الــمــحـاورة )) : شروطها , و فنونها , و أوزانها

بيض الله وجهك ياعبدالرحمن ,,,
لكن بإستثناء احمد الناصر ليه ما نشوف من ربعنا واجد في المحاوره؟

 

 

 

 

    

رد مع اقتباس
قديم 11-05-2007, 09:27 PM   #12
 
إحصائية العضو







أبومحمدالشرافي غير متصل

أبومحمدالشرافي is on a distinguished road


افتراضي رد: (( الــمــحـاورة )) : شروطها , و فنونها , و أوزانها

لاهنت ابو سالم وافي جعل الله يسلمك ويحييك

موضوع جميل وشرح اكثر من رائع وهذي ماهي غريبة على شخص مثلك .

واتمنى اشوفك من احد كبار الشعراء و المحاورة

 

 

 

 

    

رد مع اقتباس
قديم 10-07-2007, 12:45 PM   #13
 
إحصائية العضو







هاني الشرافي غير متصل

هاني الشرافي is on a distinguished road


افتراضي رد: (( الــمــحـاورة )) : شروطها , و فنونها , و أوزانها

الله يحييك يالنشمي وأن شاء الله يكون لك مستقبل عظيم بالشعر
أهدي هذه الى ربوع وادينا

 

 

 

 

    

رد مع اقتباس
قديم 07-05-2008, 02:33 PM   #14
 
إحصائية العضو








عبدالله ال حنيش غير متصل

عبدالله ال حنيش is on a distinguished road


افتراضي رد: (( الــمــحـاورة )) : شروطها , و فنونها , و أوزانها

لاهنت يالشرافي على الموضوع الفريد من نوعة ولكن عميد الشعراء -احمد الناصر- يقول

ان الموال في قديم الزمان لم يكن موجود ويكمل ان شعراء المحاورة الشباب (الجدد)

هم الذين اخترعو الموال واما برأي انه ان المحاورة موروث شعبي ولايجب ان نغيرة

 

 

 

 

    

رد مع اقتباس
قديم 08-01-2009, 06:49 AM   #15
 
إحصائية العضو







USER غير متصل

USER is on a distinguished road


افتراضي رد: (( الــمــحـاورة )) : شروطها , و فنونها , و أوزانها

يعطيك العافيه لاهنت

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 08:31 AM


Powered by vBulletin® Copyright ©2000 - 2024, Jelsoft Enterprises Ltd.
---