العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم قصايد مدح وفخـر في الــدواسـر ::

إضافة رد
انشر الموضوع
 
أدوات الموضوع انواع عرض الموضوع
قديم 30-06-2010, 01:58 AM   #1
 
إحصائية العضو







حفيد الأمراء غير متصل

حفيد الأمراء is on a distinguished road


افتراضي شعراء فحول من الدواسر ومن غير الدواسر يمتدحون فخذ آل حزام العجالين

بـــــســـــم الله الـــرحـــمــــن الـــرحــــيــــم








شعراء فحول من الدواسر وغير الدواسر يمتدحون فخذ آل حزام العجالين







القصيدة الأولى






للشاعر محمد بن سند الخضران







يمتدح الأمير حزام بن خزام العجالين







راكب اللي فوقها الكـور دنـا=رســم غاربـهـا يـفــج الـبـديـد







يــم أبــو خــزام زبــن المجـنـا=شيخنا يفعـل علـى مـا يريـد








إن بغـانـا سـلـه سقـنـا ظعـنـا=وإن بـغـانــا جــــردةٍ لا نــزيــد







كن دفق السيل هدت جهلنا=لاتـحــدر مـــع واديٍ حـشـيــد







جارنـا اللـي راتـعٍ فــي وطـنـا=مهملينه وهـو هـدب الجريـد






الــــقــــصــــيـــــدة الثانية






لـشـاعـر غـنـيـم الـخـبـيـش الـقـبـانـي الـسـهـلـي







يمـتـدح الأمـيـر مشـعـان بــن خــزام بــن حـــزام العجـالـيـن







تشمت علي يـا ذيـب وتكثـر الشمـات=شمـاتٍ يحـس القلـب ويزيـده الحاقـه


لزومي ورى بـدواً مظاهيرهـم عجـلات=ولا زمك يا أبوسعود فا الخرج وأسواقـه


لكنّ السياسـة كلهـا ف"أنـور السـادات"=يلـم الشعـوب ويجبـر النـاس بأخلاقـه


وانا لابغيت أروح يا ذيـب لـي هقـوات=على موتري مااروح في جنبـك اعلاقـه


لوأنـك طويـل ذراع ومكمّـل الشـارات=ربيـعٍ تربـع فيـه مـا أخيـل بـراقـه


وأنا ما تركـت أم اللبـن زينـة المثنـات=علشان زود قـروش مـن واحـداً عاقـه


بدا لازمٍ للشيـخ فيهـا وهـي لـه جـات=عريب الجـدود اللـي يعزونـه أصداقـه


ترى ذاك أبو خزام في الضيق له حـزات=أميـر الفرجـان يـوم الأيـام صفـاقـه


وأقول أبـرك الأيـام ياذيـب والساعـات=لزوم الشلـي نقضيـه والنفـس مشتاقـه







القصيدة الثالثه





للشاعر عبيد بن مسفر اليامي






في مدح الأمير عبدالعزيز بن حزام العجالين






سلام يا أبـو حـزام يـا منبـع الطيـب=تحيـةٍ مـن شـاعـر جــاك عـانـي


يا اللي دلالـك فـوق ضـوك محاديـب=وقنادهـا مــن الهـيـل والزعفـرانـي



وجيتـك مسيـر يـا زبـون المواجيـب=ويمـك هـوى قلبـي وشوقـي حدانـي


يا بـن الكـرام اللـي تهـد الأصاعيـب=وبيوتـهـم تبـنـى بعـالـي البـيـانـي


والطيـب مـا فيـه شــك ولا ريــب=يـا مكـرم الضيفـان هـم والعـوانـي


ربعك دواسر هـم هـل العـز والطيـب=وانته يا أبـو حـزامٍ زبـون الحصانـي


ابازهمـك يـا شـوق بيـض الرعابيـب=ستـر العـذارى مرودعـات الوشـامـي


وانتـم بعيـد مـن الـردى والعـذاريـب=وأهـل الكـرم أهـل العلـوم السمانـي


دواسـر عـنـد المـلاقـى معاطـيـب=أولاد زايـــد طيـبـيـن المـجـانـي


وجالك بـدرب الخيـر فعـل وتجاريـب=وفيكم يلـوذ اللـي شكـا مـن الزمانـي


يـا عيـد حفيّـات النضـا شمـخ النيـب=عمـا يكـن القـلـب ينـطـق لسـانـي


الراس شيب والعـوارض غـدت شيـب=واللـي جرالـي مـن زمانـي كفـانـي


قلته وأنـا مـن لابـةٍ لا عـوى الذيـب=يا ميـة ٍ فـي الضيـق تـروي السنانـي


تـم الجـواب بذكـر مـن يعلـم الغيـب=ويـا لله علـى زيـن الجـواب تهدانـي


واصلـي واسلـم عـد جـرد المهـاديب=علـى النبـي الهاشمـي أبـن عدنـانـي







القصيدة الرابعة






للشاعر سعد بن منيجل العبيدي القحطاني






في مدح الأمير مشعان بن خزام بن حزام العجالين








أنا أحبكم لا شك مـا عـاد لـي بالفـوج=وأنا ودي انقل صوب فوج أبـن عجلانـي


ابنقل لحـلال المشاكـل ولوهـي عـوج=الي جاء خبرهـا بيـن نايـف وسلمانـي


هل المدح لاجات الرمك مثل وصف الموج=الي جـاء نهارفيـه زوغـات الأذهانـي








القصيدة الخامسة






للشاعر سالم بن عيد بن هرسان القحطاني






في مدح الامير مشعان بن خزام بن حزام العجالين







لاضاق صدري رحـت للشيـخ مشعـان=أبـغـى اتسـلـى والسـوالـف نقـيـه



لـه مجلـسٍ مليـان شـيـبٍ وشـبـان=يفـرح بملفـى الضيـف مـن منشـويـه


والعـود الازرق دائـرٍ بيـن الأخــوان=وحيـلاً تفـطـح بالصيـانـي طـريـه


مهـوب يحسـب للخسـائـر اكحـيـلان=وسعـد الرفيـق وسعـد مـنـه خـويـه


حلحيل مـا ينحـال لـو كـان مـا كـان=يرسـي كمـا ترسـي هضـابـاً قـويـه


للصاحب أحلى مـن لبـن كـل مسمـان=وللـعـدو رمــحٍ وعـلـةٍ باطـنـيـه


من نسـل شيـخٍ بالعسـر يذبـح الضـان=ويفـك عقـب القـوم فـي كـل هـيـه


عجاليـن معروفيـن فـي كـل مـيـدان=أهـل الوفـاء والطيـب وأهـل الحميـه


دواسـرٍ بالهـوش مــا هــم بــذلان=عـنـد الشـدائـد لابــةٍ صيـرمـيـه


يشهد لـه التاريـخ فـي قصـر عجـلان=برفقـة أخـو نـوره زبــون الونـيـه


عبـد العزيـز معـدلٍ كــل غلـطـان=مصبـح الـعـدوان والشـمـس حـيـه


يامـا وطـو مـن المخاطـر والأكـوان=وكـم صبحـوا مـن ديــرةٍ جاهلـيـه


ليـن أصبحـت نجـدٍ بـديـنٍ وقــرآن=وفـي فطـرةالإسـلامٍ هــم بالسـويـه


أقولـهـا والله بـصــدقٍ وبـرهــان=وعقـب صبـيٍ فـي جـوابـه خطـيـه


وصــلاة ربــي عـدّمـا هــل ودان=علـى رســولٍ شــرّف الله مجـيـه








القصيدة السادسة






للشاعر عيد بن سمير الحربي





في مدح الأمير مشعان بن خزام بن حزام العجالين









سـلام يـا حـامـي نـقـاه ودخيـلـه=يوم النقـا حماتـه علـى الأرض باقيـن



مـن الكتـوف لـيـا ردوف الأصيـلـه=تقلب عليهم لـو خلـت مـن هـل الديـن


وشـرواك يـا مشعـان راعـي جزيلـه=بالديـن وسلـوم الـرجـال المسمـيـن


يابـن الرجـال اللـي خطاهـم طويـلـه=الـيـوم وأيــام اللـقـا والأكـاويــن


لهـم نصيـب مـن الفـعـول الجليـلـه=الربـع منهـا فيـه تـرجـح مـوازيـن


يـا ملبسيـن الـوادي اســم القبيـلـه=غنـي عـن التعريـف وانـتـم غنيـيـن


علمـن مواقـيـف الـدواسـر دليـلـه=خيـر الكـلام اللـي عليـه البراهـيـن


ولا الكـلام اللـي يجـي فـيـه ميـلـه=مالـه بسـوق أهـل المواجيـب تثميـن


يـا ميـر تـفـداك الـعـزوم الكليـلـه=الفـوت مـا عـوّد بـوقـت المصلـيـن


واللي قضا فـي وقـت فـرض ونفيلـه=عنّز علـى اللـي مثـل شيـخ العجاليـن


سمـح الجنـاب وعـز مــن يلتجيـلـه=الين مـن المـا هـود فـي حـزة الليـن


وليـا لتطـم عـيّـف عمـيـل بعميـلـه=وليـا سمـح مـا غـيـروه المثيـريـن


يـا ريـف مـن خـاواك وانتـه زميلـه=جينـا علـى طاريـك مـن نجـد عانيـن


فــي لازمٍ يـلـزم عليـنـا نجـيـلـه=وانتـه لـو انّـا نتركـه قلـت مخطيـن


لـــو ان السـالـفـه مستـحـيـلـه=الآدمـي مـا كـوّن آدم مــن الطـيـن


لـكـن تـراهـا للنشـامـا وسـيـلـه=والخشـم معـك إدراك معنـاه والعـيـن


يـوم ان لـك عـزمٍ يشـيـل الثقيـلـه=بشر بها اللـي جـوك يـا ميـر ناصيـن


مـن جـود عطفـك والشعـور النبيـلـه=أثابـك اللـي نــزل آيــات ياسـيـن


وصلو علـى راعـى الهـدى والفضيلـه=يااللـي سمعتـو بالنبـا قـولـوا آمـيـن






القصيدة السابعة





للشاعر خفران بن هادي القحطاني





في مدح الأمير عبدالعزيز بن حزام العجالين





سلام مني عد مالاح براق=على الرجال أهل الكرم والزعامه


على الشيوخ أهل المواقف والأخلاق= الي بطلهم للمعادي إكعامه


خيالهم سيفه ليا طق الاعناق=أتطير منه الروس هذا نظامه


لامن نوى بالخصم جاله تذلاق=دايم بطلهم صايباتن سهامه


العزوه الي كل ماخاطري ضاق= ثم جيتهم يجلون عني الغمامه


من طيب مجناهم لهم طيب دفاق=واخص من يفرض علينا أحترامه


عبدالعزيز الي على الطيب سباق=نسل الشيوخ أهل الوفاء والكرامه


عسى المزون الي بها البرق شعاق=تمطر على الفرشه وتنبت خزامه


أبوحزام الي له الطيب مشتاق= الله يعزه لانهار القيامه


أنتم هل الناموس هرجن بميثاق=والي يعاديكم حياته ندامه


وانتم وحنا يوم يبسن الارياق=كلن ورد للموت مرفوع هامه


الجد عجلان مع حزام الأوفاق=الحرب ياكم قد خذيتوا وسامه


ماقلتناها لأجل القصايد والأورق=قلتها وأنا الي مارجع في كلامه


هذا كلامي من ضميري والأعماق=الله يعز أهل الشيم والشهامه


وآخر كلامي اليوم أنا خاطري فاق=الله يعز الي رفيعن مقامه


عبدالعزيز أبن الذي ينفق انفاق= ويرسم على وجه الفقير ابتسامه


حزام عون الي كسيرن من الساق=عساه في الفردوس تنعم أعضامه


هذا وصلو عد ماتشرق اشرق=شمس الصباح وعد مااسدل ظلامه


على نبينا سن قطع ايد من باق=محمد الي وضح الإستقامه







القصيدة الثامنه





للشاعر خفران بن هادي القحطاني





في مدح الاستاذ هذال بن عبدالعزيز بن حزام





يقول فيها





كلن يقول النـــــــــعم كايد وانا اقول=والله ونعمن فيك يالشيـــخ هذال


عبدالعـــــــــزيز ابوك لقواله أفعـول=يعني ورثة الطيب من راس رجال


والشاعر الي مامدحكم على طول=فاشل وشعره فاشل بكل الاحوال


انتم هل النامـوس حولن بعد حول=ويشهد على ماقلته أجيال واجيال






القصيدة التاسعه





للشاعر محمد الحربي





في مدح الأستاذ محمد بن عبدالعزيز بن حزام العجالين





يقول فيها





ياصاحبي لجيت تنشد عن الطيب=دور على اقرب واحد من العجالين


حمولتن بالطيب توف المواجيب=اشيوخ من اول إلى وقت هالحـــين


واخص منهم واحدن كنه الذيب=بحكاه وبشكله وفي شبحة العــين


محمد الي يبتسم لي بترحيب=ماصـــــــــد عني مثل بعض الرديين


والشاهد الله عالم السر والغيب=مانيب انا امدحهم بليا براهــــــــين


ولو قيل كلن فيه تلقى عذاريب=عذروبهم في فزعة الطيب عجليــن


وانا اعتبرهم بالشدايدمعازيب=ريــــــــف الصديق وللمعادي معادين





القصيدة العاشره و الحاديه عشر





للشاعر سعد بن سويحل الخضران





في مدح الأستاذ عبدالعزيز بن حزام بن عبدالعزيز العجالين





القصيدة العاشره





يقول فيها





يامرحبا يامنبع الجود والطـــــيب=يالطيب الي طيب القول ساقه


يالطيب الي ماضيلك تجاريـــــب=الطيب عندك ماخذه من عماقه


هذا كلام الصدق ماهوب اكاذيب=انا افتخــر فيكم بوسط الرفاقه


حــزام جد ابوك والمادح مصيب=حفيـــــد طيب وماخذين ارواقه





القصيدة الحاديه عشر





يقول فيها





يامســندي بكتب على الردبإنجاز=لعبدالعــــــــــــــزيز الرد رد بنجازه


سلام ياشيخن مع هل الفخر فاز=شيخن على شيخن صعيبن مرازه


الطيب فيكم يابيض الوجه يمـتاز=والطيـب عندك ماسكه في محازه





القصيده الثانيه عشر






للشاعر سالم المري






في مدح الاستاذ مشعان بن حزام بن عبدالعزيز العجالين






يقول فيها


ماعاد فيها نــــــوم ياباغي النــــــوم=====ياهاجسي مهيب حزة منــــــــــامي


جني بيـوتن كنـــــــها در منـــــضوم=====من صاحبي مشعان حسب افتهامي


حـــــــرن تعلا في المراقيب وحزوم=====شهم وكريــــــمن من رجـالن كرامي


ياصاحبي مثلك مقدر ومحشــــــوم=====وانا اشهد انه مايجــيك المــــــــلامي


سيف الصداقه سيف ماهوب مثلوم====سيفن كما الاجــــرب عليه الكــلامي







 

 

 

 

    

رد مع اقتباس
قديم 30-06-2010, 03:13 PM   #2
 
إحصائية العضو







شافي بن راشد النتيفات غير متصل

وسام شاعر التميّز .: وسام يقدم لمن يستحق أن يطلق عليه وسام الدواسر الذهبي: للأعضاء المميزين والنشيطين - السبب: شكر وتقدير.. ونعتذر علي سقوط اسم
: 2

شافي بن راشد النتيفات has a spectacular aura aboutشافي بن راشد النتيفات has a spectacular aura about


افتراضي رد: شعراء فحول من الدواسر ومن غير الدواسر يمتدحون فخذ آل حزام العجالين

بيض الله وجهك ياحفيد الامراء على نقل القصائد

اللي في رجال كفوووووو ويستاهلون المدح

ونعم والله بربعنا وبني عمنا وبالدواسر كلهم

اخيرا اكرر شكري لك ولك الف تحية

 

 

 

 

 

 

التوقيع




لمتابعتي بتويتر

Shafi-1978

    

رد مع اقتباس
قديم 30-06-2010, 03:41 PM   #3
 
إحصائية العضو







نآصر البدراني غير متصل

نآصر البدراني is on a distinguished road


افتراضي رد: شعراء فحول من الدواسر ومن غير الدواسر يمتدحون فخذ آل حزام العجالين

يستاهلون الطيب والمدح والناموس



علومهم غانمه ، ويرفعون الراس



ماقصروا الشعراء وبيض الله وجيهم



لاهنت يـ حفيد الأمراء وبيض الله وجهك

 

 

 

 

 

 

التوقيع




استغفر الله لي ولوالدي وللمسلمين والمسلمات


المؤمنين والمؤمنات الأحياء منهم والأموات


    

رد مع اقتباس
قديم 01-07-2010, 10:48 PM   #5
 
إحصائية العضو








نايف الخييلي غير متصل

نايف الخييلي is on a distinguished road


افتراضي رد: شعراء فحول من الدواسر ومن غير الدواسر يمتدحون فخذ آل حزام العجالين



ونعم والله بال حزام وبالعجالين كافه

يستاهلون المدح واهم اهل له

علومهم مشرفه تنومس ربعهم

والله يعزهم بطاعته

ولاهنت ياحفيد الامراء على هذي الانتقاءات المشرفه

وصح الله لسان شعراها

دمت بخير



 

 

 

 

    

رد مع اقتباس
قديم 07-07-2010, 06:31 PM   #6
 
إحصائية العضو







حفيد الأمراء غير متصل

حفيد الأمراء is on a distinguished road


افتراضي رد: شعراء فحول من الدواسر ومن غير الدواسر يمتدحون فخذ آل حزام العجالين

الأخوة الكرام

الأخ العزيز

والمشرف القدير


شافي النتيفات


والأخ العزيز

والعضو المتقدم

نآصر البدراني


والأخ العزيز


والمشرف القدير


عبدالرحمن آل بريك


والأخ العزيز

من إدارة موقعنا الرائع

ابو فهاد

نايف الخييلي


أهلاً هلا مالاح براق بخيال


وأرحبوا ثم أرحبوا ثم أرحبوا


وحياكم الله عدد حروف النشيد


ونجوم السماء

ولاهنتوا وبيض الله وجيهكم


ولكم مني جزيل الشكر


على ردودكم الطيبه


وماعليكم زود

ياربعنا





ولاعدمناكم

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 05:13 AM


Powered by vBulletin® Copyright ©2000 - 2021, Jelsoft Enterprises Ltd.
---