ملحمة الابل - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. الأقســــام الـخــــاصـــــة.::: > :: قسم الـباديــة ومــزاينــات ابل الدواســر والخيل ::

إضافة رد
انشر الموضوع
 
أدوات الموضوع انواع عرض الموضوع
قديم 10-04-2017, 10:04 PM   #1
 
إحصائية العضو








ساقان الدواسر غير متصل

ساقان الدواسر is on a distinguished road


افتراضي ملحمة الابل

((ملحمة الإبل ))

قصيدة نادرة قالها الشاعر (((علي سعيد بلال اليامي)))

"""""""""""
الحمد للمعبود رب العالمين=ذا الكون والآيات عنّا يا معين
إيّاك نعبد يا إله ونستعين=فوق الذلول اللي نمِس ابطانها
والشعر مع سفن الصحاري له مدار =أحلّ وأفضل ما مشى فوق الديار
وأغلى وأجمل ما خلقه الله جهار=والبِلْ عطايا الله هذا عنوانها
إذ قال فيها كيف خُلقت بالكتاب=يصعب علي التعبير والشعر والجواب
إلا أنها عبرة ومنشاها السحاب=مال وجمال وعظّم الله شانها
غاثت نبي الله صالح وأمّته=وليا أقبلت للبير شربت جمّته
لين عقَروها القوم والله نقمته=حاطت علي اللي سببوا فقدانها
والإبل قبل آدم وحوّا يخلقون=خلقت من أول ما خلق منشي المزون
موجودةٍ لين الأودام وينتهون=جعله فداها من جَحد عرفانها
هذي حلايب لـ .. أنبيا والمرسلين=وهي الركايب للأشدّة والضعين
وهي الجلايب عند فرغات اليدين=وهي الوقار ليا أقبلوا ضيفانها
وهي الهدايا اللي تسكت كل فم=وهي الكبارة للزعيم اليا زعم
لعل دارٍ ما لها فيها قسم=مع الزلازل تنفجر بركانها
وهي الكسايب لـ.. التقوا قوم وقوم=أحد تصير أبعد عليه من النجوم
واحد كسبها غصب من فوق الخشوم=ليا رقص للمعركة شيطانها
ياما وياما من هجاد ومن صباح=للخيل والفريس حمران الرماح
وقومٍ حموها فـ.. المفالي والمراح=وقوم تضويها بضرب ايمانها
لولا غلاها ما سرح فيها ذياب=فوق الأصيل اللي كما فرخ العقاب
ينوب عن تسعين فارس بالحساب=اليا قضب سرج الفرس وعنانها
وصّاه ابن سرحان فيها ثم قال=أوصيك فـ البل ذخرنا في كل حال
من لاحماها ما تصب له الدلال=ذي ساعة الخلاّن في خلانها
مشروبنا والقوت در حجورها=وعند الرحيل تشلينا بظهورها
ويكسي وبرها عند عسورها=ومن جلدها مصنوعةٍ حيضانها
وكرّر يقول اخفافها فوق الحفا=يوصف سماريها على وصف الصفا
تدبير من في خلقه الكون اكتفا=تاطا سماريها وهي حذيانها
قال ابن غانم لا توصيني حريص=ليا غدى السيف والحربة وريص
أخلى الفريس بدماها ربيص=لي بارزتني واشهرت عيدانها
كلّه عن البل والجديد من القديم=لو أتجول من عديم إلى عديم
ما أكملت ذكر اللي يردون الوسيم=والبل وأهلها تنعرف وأزمانها
ولا زالت البل مع صناديد الرجال=غرب وشرق وبالجنوب وبالشمال
على غلاها القيد من فوقه عقال=ذخر لحكّام الدول واعيانها
الإبل لشيوخ القبايل والملوك=ولكل شهم ما تراوده الشكوك
مهما تعلاّ راس ماله في البنوك=حافظ عليها واعترف باحسانها
يا زين طاريها وزين اخْلُوقها=الجاهل اللي ما يقدر سوقها
مَن صِغْر قدرِه ما يَعَرْف حقوقها=جعْله يعاف لحومها والبانها
الرابح الرابح خذا منها قسوم=والإبل تاسمها القبايل بالوسوم
من عَهْد يوم الناس معطا ومحروم=تجددّه لـ .. أحفاد من جدّانها
هذا هو الشرح الدليل الأوّلي=ويتبعه وصف وشرح مفصلي
خلوني آلاعب عصاها واعتلي=والملحمة يبرْا لها برهانها
عوص القوافي من عدمها للوجود=وسايق فيها من المعنى نجود
حتى نوردها على حوض الورود=مثل الجمال نقودها بـ.. ارسانها
تسمّعوا في وصف جرعات الحنين=من راس ذروتها إلى الخفَ الرزين
وقدم وخَلْف ومن يسار ومن يمين=وافعالها واشكالها والوانها
الناقة الناقة ويلقحها جمل=الأصل واحد والصنوف إلى قبل
لقاحها يظهر لـ.. اهلها والفحل=على ثمان ما اختلف حسبانها
يصبح بها ذيل المعشر تحت فو=لقاح لا فيها صبوح ولا غَبوق
لها فحلها لا يلوق ولا تلوق=وآخر سنَتْها حذَفت حيرانها
هات الشمالة بعد شَهْر مَعْ شَهَر=لبّ المحالب بالشمالة من حَدر
شَمالة مشخولة ومن الوبر=مروبعة ومثولثة جيلانها
في جالها الخلفي ومن بين الفخوذ=رباط ايمن فقارتها يلوذ
من الظهيرة له رباط وله نفوذ=السفه اللي يلتوي بـ..قْرانها
وجيلانها اللي من يمين ومن يسار=تربط بثنتين تجيها بانحدار
الأيسر المبهل والايمن للقرار=موكدين شروطها واركانها
والكرسي الثابت يجي خلف السنام=منه الجنايب مدودها للأمام
هذا الظهر من بينها مثل المقام=ولها روابط والنحر ختمانها
وأمّا التوادي لو تكون من العشَر=أفضل من الليحان وأنواع الشجر
طول الصرار يصير شبر إليا انشبر=توداه وحده واختها بـ.. وْزانها
الرقْف اقل بْـ " سانتي " من عرضها=والعرْض عن مركز ثلاث اغضها
والناس تلزم روسها وتحظَها=وتْثبت المقرون في فيجانها
واحلب وحيّن وانتبه لـ.. حوارها=لولا لبنها من يعيش اصغارها
واليا انحرف راس السنة لدْوارها=هدّوا فحَلْها وافرُدوا حشوانها
مفرودها عمره سنة مهما يزاد=والعام الآخر حقَ والثالث وكاد
لِقْي والرابع جِذَع حسْب العداد=وفي عام خامس مثنية جذعانها
سنَ الثني في عامه السادس رَباعَ=وفي عامه السابع سديس بكل قاع
واليا انتهى السابع خذ العلْم الوقاع=ثامن وتاسع شمخت نيبانها
تكاملت الأنياب فيها والسنون=وان عقبت عاشر عوام العمردون
يمكن إلى العشرين تاصل قد يكون=وعنها الطواحن حوّلت واسنانها
تلقح ثمان امرار من عمر طويل=وثمان خلفة وعشرة ما تستحيل
اليا استمرت من بديل إلى بديل=هذي حراوي قدرها وامكانها
البلْ عطايا الله جزيلات العطا=قطّاعة الفرْجة طويلات الخطا
ومْع ظلام الليل ادلّ من القطا=سفن الصحاري والذكا باذهانها
وارجع إلى عسفي ووصفي للذلول=اركب ظهرها ثم أعلمها الدلول
حتى تجي كنْها تقلْ لي وش تقول=خدمة هَنْوف ما تمدّ لسانها
اغير واطمر وان حذفت لها الخطام=تقف وقوف العسكري حسب النظام
لو من بعيد " اخ .. ابركي " تبرك شمام=مثل الرهينة في طلب رهاَنها
خلود اسَدْ وعْيونها مثل الخلاْص=وكنْها ليا قامت على كهرب وماص
وان دبّرَت ما عاد يلحقها الرصاص=وان لمسها العرقوب جنّ جنانها
ان اربعت تقول زاروقٍ سريع=على طمان الموج والموج الرفيع
إلا انها فيها من الذيب الجويع=خوّه وباعه وحْرِكةْ بِيعانها
أصيل ومعدّي زمان معْ زمان=بشْدادها مسْ الحقبْ هو والبطان
وَعْذارها اللي من ورا مقطع لـ..أذان=واختم صريمتها تحتْ لحيانها
وابتد من احلاق الصريمة بالخطام=قَوْسه ثلاث امتار من ريش النعام
شِدّه ومدّه لا تهده يا الهمام=والوه على كرز علو امتانها
فجّا نحر حدْبا ظهر قطما خفاف=والعنق من عنق النعامة والزراف
كنّ الشجر من قدْمها يحذف اخلاف=من طويها البيدا ومن ذرعانها
صكّا الفخوذ البتر والذيل القصير=افهق عصاها من عصاها لا تطير
اديب لا تَزْغَم قليل ولا كثير=حمر الشنوف تسوقها زيلانها
ويْسوقها صوت المغني والطبوع=فزّازة فيها من الأدْمي رموع
في سمعها كنهم يصيحون الجموع=تخبط والارض تْرنّ من خبْطانها
مربوعة الجمْهاة ذاهنة الشبوح=في خشمها من سكبة السيف اللحوح
وليا اقبلت تغنج كما خطوا طموح=والوصف الآخر قايدة غزلانها
نُصب اذانيها وعلباها افطحي=والعَنق لابـ.. احقد ولا هو منتحي
تَضرس وكْن حسَ الصريمة باللحي=أرشى دلي الري في علقانها
قطّاعة الفرْجة طويلات الخطا=ومْع ظلام الليل ادلّ من القطا
وارجع إلى عسفي ووصفي للذلول=اركب ظهرها ثم أعلمها الدلول
حتى تجي كنْها تقلْ لي وش تقول=خدمة هَنْوف ما تمدّ لسانها
اغير واطمر وان حذفت لها الخطام=تقف وقوف العسكري حسب النظام
لو من بعيد " اخ .. ابركي " تبرك شمام=مثل الرهينة في طلب رهاَنها
خلود اسَدْ وعْيونها مثل الخلاْص=وكنْها ليا قامت على كهرب وماص
وان دبّرَت ما عاد يلحقها الرصاص=وان لمسها العرقوب جنّ جنانها
ان اربعت تقول زاروقٍ سريع=على طمان الموج والموج الرفيع
إلا انها فيها من الذيب الجويع=خوّه وباعه وحْرِكةْ بِيعانها
أصيل ومعدّي زمان معْ زمان=بشْدادها مسْ الحقبْ هو والبطان
وَعْذارها اللي من ورا مقطع لـ..أذان=واختم صريمتها تحتْ لحيانها
وابتد من احلاق الصريمة بالخطام=قَوْسه ثلاث امتار من ريش النعام
شِدّه ومدّه لا تهده يا الهمام=والوه على كرز علو امتانها
فجّا نحر حدْبا ظهر قطما خفاف=والعنق من عنق النعامة والزراف
كنّ الشجر من قدْمها يحذف اخلاف=من طويها البيدا ومن ذرعانها
صكّا الفخوذ البتر والذيل القصير=افهق عصاها من عصاها لا تطير
اديب لا تَزْغَم قليل ولا كثير=حمر الشنوف تسوقها زيلانها
ويْسوقها صوت المغني والطبوع=فزّازة فيها من الأدْمي رموع
في سمعها كنهم يصيحون الجموع=تخبط والارض تْرنّ من خبْطانها
مربوعة الجمْهاة ذاهنة الشبوح=في خشمها من سكبة السيف اللحوح
وليا اقبلت تغنج كما خطوا طموح=والوصف الآخر قايدة غزلانها
نُصب اذانيها وعلباها افطحي=والعَنق لابـ.. احقد ولا هو منتحي
تَضرس وكْن حسَ الصريمة باللحي=أرشى دلي الري في علقانها
قطّاعة الفرْجة طويلات الخطا=ومْع ظلام الليل ادلّ من القطا
وارجع إلى عسفي ووصفي للذلول=اركب ظهرها ثم أعلمها الدلول
حتى تجي كنْها تقلْ لي وش تقول=خدمة هَنْوف ما تمدّ لسانها
اغير واطمر وان حذفت لها الخطام=تقف وقوف العسكري حسب النظام
لو من بعيد " اخ .. ابركي " تبرك شمام=مثل الرهينة في طلب رهاَنها
خلود اسَدْ وعْيونها مثل الخلاْص=وكنْها ليا قامت على كهرب وماص
وان دبّرَت ما عاد يلحقها الرصاص=وان لمسها العرقوب جنّ جنانها
ان اربعت تقول زاروقٍ سريع=على طمان الموج والموج الرفيع
إلا انها فيها من الذيب الجويع=خوّه وباعه وحْرِكةْ بِيعانها
أصيل ومعدّي زمان معْ زمان=بشْدادها مسْ الحقبْ هو والبطان
وَعْذارها اللي من ورا مقطع لـ..أذان=واختم صريمتها تحتْ لحيانها
وابتد من احلاق الصريمة بالخطام=قَوْسه ثلاث امتار من ريش النعام
شِدّه ومدّه لا تهده يا الهمام=والوه على كرز علو امتانها
فجّا نحر حدْبا ظهر قطما خفاف=والعنق من عنق النعامة والزراف
كنّ الشجر من قدْمها يحذف اخلاف=من طويها البيدا ومن ذرعانها
صكّا الفخوذ البتر والذيل القصير=افهق عصاها من عصاها لا تطير
اديب لا تَزْغَم قليل ولا كثير=حمر الشنوف تسوقها زيلانها
ويْسوقها صوت المغني والطبوع=فزّازة فيها من الأدْمي رموع
في سمعها كنهم يصيحون الجموع=تخبط والارض تْرنّ من خبْطانها
مربوعة الجمْهاة ذاهنة الشبوح=في خشمها من سكبة السيف اللحوح
وليا اقبلت تغنج كما خطوا طموح=والوصف الآخر قايدة غزلانها
نُصب اذانيها وعلباها افطحي=والعَنق لابـ.. احقد ولا هو منتحي
تَضرس وكْن حسَ الصريمة باللحي=أرشى دلي الري في علقانها
ومن اصلها وعظامها وعزومها=سبع يخب ولا يخطل نسومها
مزوية مثل الرصاص لحومها=خبّا كلاها ما تنوش اثفانها
حسكا ووافية الفقارة والكتوف=سرعة قوايمها كما رقص الـ "بلوف"
وان دبرت هي والنعامة شوف .. شوف=ساق النعامة كنه من سيقانها
أخذْ شرابك واخذ زادك والزناد=بـّ.. شْدادها والخرج تصلك للمراد
ومع دربها بعض الموديلات الجداد=خربت وذيك منزلة صيجانها
والجيش منها باطني وصيعري=وهيتي ودرعي وحر جوهري
مشكلة الألوان عجلات الجرى=انضا الجزيرة واصلها بـ..عْمانها
وارجع إلى واجب طويلات الرقاب=المجهم اللي لونها لون الغراب
مصنقرات وكن اذانيها حراب=فنس الخشوم أقصى هو بِدْوَانَها
كنْها تمثّل هضب نجد من بعيد=هْيَ الخيار ولا تحطَ لها نديد
يا مستمع قولي عليّ الله شهيد=هذي شهادة ما نبي كتمانها
شهادة تومن بها سبع الأراض=واهل السواليف الطويلات العراض
ما احقر المغتر وواضحة البياض=في نوّها واخلوقها واثمانها
ودوّه ونووَه واجمع البلْ كلها=والسود فيها كلنا نفطن لها
مثل البيوت الليل يظلل ظلها=اللي ذراها وافي وكْنانها
ما هي تربّع في مضيق ولا شعيب=ابشر بعون ولون وابشر بالحليب
وعن غيرها تحتل حيضان القليب=وكل العدو الراسية عِدّانها
أحبْ مدهال لها رُبع الجنوب=لـ.. أقبل شتاها وصلته من كل صوب
ما حبته موجة تحبه بالقلوب=محبة ما ينمحي وجدانها
جنوب من " رُغوة " شمال " السبعتين "=غربي "حفيت" ونصف شرق "الثلمتين"
رُبعٍ بعيد عن المداين والقطين=ما سرحت فيه الشواوي ضانها
واخضر واعطالون طاووس وحرير=أجزت عن الما في طويل وفي قصير
وقام يْنتصب نيّها مثل التلول=وعبّت وعبّاها الشحم عرض وطول
صرح القوايم والعبا هدب الذيول=بِجّ اللهود اللي وساع ازغانها
هدف المناكب والمراكب والفقار=زوم الفخوذ المستديرات الكبار
وجنوب مثل جنوب سفن في بحار=اثنا مراسيها ورواجانها
خبط الخفاف ام الأناسيم العفاف=خفاف فيها حرف كاف بوجه كاف
سرية الا لمن فكّر وشاف=كون لمن كوّن جميع اكوانها
ريحة عَبسها فارق عن كل طيب=يا كم شفت من راس عمس ما يطيب
راي المجرب ما يعارضه الطبيب=والصدق أمانة ما نجح من خانها
مرباعها ربع بعيد عن الجبل=أقرب على "ريدا" وقرب"أم العبل"
و"يبرين" هي أقرب مواريد السهل=وان سندت نذكر بعض قُلبَانها
تارد على لـ.."اطوا" و"قربة"و"يْدمَه"=وترد الحصينية وبـ"أخباش اقلمه"
"اقلمه" لي صار للقيط اكتمه=كم داجت المجهم على معطانها
تارد " مشَيْنيقَة " على عدٍّ لها=وتارد شروراً مشرب شفٍّ لها
وجال الوديعة فيه حيضان لها=غرب المضامي شرق من ضلعانها
و"زَمْخٍ" و"مَنْوخ" من حساب عْدودها=ياما وياما من قديم ترودها
مواردٍ كم رحبت بورودها=لي قامت الورقا تجُرّ الحانها
وان اشمَلت منها لها كم منهلي=على " تماني " وردها و"المنخلي"
وتشمل إلى "حمر انثيل" وتدهلي=مظامي متسعةٍ حدّانها
ولها موارد شَرق من "حمرانثيل"="شوّالة" اللي ما وردها إلا دليل
ثم "العبيلة" و"معمورة" يا جزيل=انثر عليها مرهشات امزانها
وان أشملت من رُبعها الخالي قصاد=" خريص " و"رماح" لها غاية مراد
هذي مواردها القديمات الجداد=مناهل للإبل ولرعيانها
ولها من أعلى نجد " للرقعي" و"عرق"=سَهَلْ سَهَلْ ومقسنلا فرق فرق
سُهول شبه المستطيلة غرب وشرق=دَمثات وكثير حفا قيعانها
مداهل تجمع من البلْ لون لون=ألوان حجّاج لـ"مكة" يقدمون
الوصف واضح والأوادم يفهمون=الكلمة اللي يعتدل ميزانها
البلْ هي البلْ مال حكّام العرب=اللي تعبها راحة ما هو تعب
ما ضيعوها ابنا زيازيم السرب=حمّاية البلْ وارضها واوطانها
التسع منها خمس لـ"نصاب" الزكاة=والعَشر بـ"نْصاب" الزكاة
والعَشر بـ "نصانين" من غير مغواه=وحسابها مهما تعلاّ مستواه
حكم بثالث فرض من خَمْس الفروض=والفرْض يكفي عن مضامين العروض
الحق للي يرغب الحق معروض=ما دامت الدنيا يعيش انسانها
والمعذرة لـ..اخطيت في مختارتي=عن آنساتي سيداتي سادتي
وان حققت رضا العوارف غايتي=مالي ومال الغير من شتّانها
وإلى هنا صلاة ربي والسلام=على الرسول اعداد من صلّى وصام
واطلب من المعبود في بيت الختام=نصر ، وذنوبي نسأله غفرانها

 

 

 

 

 

 

التوقيع

ناصر بن عبدالرحمن آل ساقان بن خلف آل مانع آل عمارالدوسري

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
سوق الابل ابو راجس :: قسم الـباديــة ومــزاينــات ابل الدواســر والخيل :: 0 04-02-2014 12:20 AM
موقع الدواسر الرسمي في لقاء (حصري) مع الشيخ فهد بن فريج الشكرة الإداره :: قسم اللقــاءات والفعاليات والتغطيات الخاصة:: 9 25-02-2011 08:39 PM
0000((افلاينظرون الى الابل كيف خلقت))00000 سمااطويق :: قسم المـواضيع الـعامــة :: 5 02-09-2010 12:22 PM
مكانة الابل( من كتاب الابل عطايا الله ) المؤلف محمد القحطاني محمد فالح القحطاني :: قسم الـباديــة ومــزاينــات ابل الدواســر والخيل :: 0 16-05-2010 09:32 PM

 


الساعة الآن 11:39 AM


Powered by vBulletin® Copyright ©2000 - 2024, Jelsoft Enterprises Ltd.
---