نداء الى الدواسر ، نداء الى خطلان الأيدي انقذوا رقبة ابن عمكم سيف بن عرار المساعره - الصفحة 8

**معلومات** **العضو** · 10-02-2008, 06:04 AM

اقول وين اهل الملايين يوم قام المزاين
جمعو حول 40 مليون من غير المواتر
ولا ليتهم تموه
مير الشكوى للــــــه

ليتهم ياخذون 5ملايين من فلوس المزاين ويعتقونا رقبت اخوي
ســـــــــــــــــــــــــــــــيـــــــــــــــــ ـــــــــــــــــف

لاتم مزاين ولا اخرجو الرجال

والله مالي الا ادعاء له الللللللللللللللللللللللله يخرجه لنا اللهم امين

**معلومات** **العضو** · 16-02-2008, 01:43 AM

يـآأدآره الـرجــال بــيــمــوت وحــنــا للـحيــن مادرينــا وش سوينا

أعجلو علينا خلو الناس يدرون ان ربعنا محد سوا فيهم شي خلوهم يتحركون

**معلومات** **العضو** · 16-02-2008, 03:55 AM

بسم الله الرحمن الرحيم

الأخوة الأعضاء المتابعون للموضوع

وكما عودناكم على طرح كل مايستجد بالقضية ساعة ورودها،

فقد اتصل بنا والد ابن العم المسجون سيف المسعري واعلمنا بالتالي :

تم تمديد مهلة السداد لمدة ثلاث شهور اخرى لعدم اكتفاء المبلغ المطلوب .

واخر المتبرعين هم :

الشيخ يوسف بن احمد بن راشد الدموخ الدوسري واخوانه 300 الف ريال

ماجد بن مبارك النوامين 10 الف ريال

سالم مسفر النوامين 15 الف ريال

سالم فراج الغييثات 10 الف ريال

فالح بن سالم ال عبيد النوامين 15 الف ريال

محمد بن سالم ال عبيد النوامين 12 الف ريال

وسنوافيكم بكل مايصدر بشأن القضية ساعة ورودها ، علما ً انه تم تحديث الصفحة الرئيسية للموضوع .

ادارة موقع قبيلة الدواسر الرسمي
www.alduwasser.com/vb

**معلومات** **العضو** · 16-02-2008, 04:10 AM

وين اسماء تجار القبيله ليش ماسمعنا تبرعاتهم ولاعشان مافيه قناه باثه القضيه

**معلومات** **العضو** · 17-02-2008, 09:47 PM

تكفون ياهل الخير لاتنسون ولدكم

خلونا افضل من المنتديات الثانية في لم الشمل

خلو منتدانا يكون فيه الفايدة

ممكن بكر ا انت او انا ماندري وين المكتوب

وصل الرسالة لكل شخص تعرفه ، مابقى وقت ياجماعة الخير

الله يجزاهم خير كل من حط ولو ريال واحد

لاتنسون ان سيف ماسوا شي يسود وجه الدواسر بالعكس

لاحول ولاقوة الا بالله

**معلومات** **العضو** · 19-02-2008, 12:08 PM

وآآآآآآآآآآآآه وثم آآآآآآآآه ياسيف بن عرار

هل يعلم عنك الشيخ عبدالله الفصام

هل يعلم عنك رجل الاعمال سعد بن قرنين

هل يعلم عنك ابن دموخ من كبار تجار الدواسر

وهل وهل وهل وهل وهل وهل.......!!!!!

أين اصاحب النفوذ

إلى إدارة الموقع الرسمي لقبيلة الدواسر

نرجوا من إدرتنا الكريمه ببعث خطابات الأن إلي جميع أمراء وتجار ورجال أعمال قبيلة

الدواسر من أجل إسعاف الوقت المتبقي وإنقاذ رقبة أبنائنا .

فقد حان الوقت لترابط الأيدي ياخطلان الإيدي

الـــقــــلــــمـ الـــنـــاطــــق

**معلومات** **العضو** · 20-02-2008, 06:18 AM

الله يفك أسره ويجزاء من ساهم الجنة

**معلومات** **العضو** · 04-03-2008, 03:53 PM

بسم الله الرحمن الرحيم
الحمدلله على نعمة الإسلام ونعمة الأمن في الأوطان
الله في عون العبد ما دام العبد في عون أخيه
أسأل الله العلي القدير أن يفكه سجنه ويجمع شماله بأهله
وإنا لله وإنا ليه راجعون
الله الله يابني عمي في المبادرة وسرعة إنقاذه عسى الله ان يجعل ما دفعتم في ميزان حسناتكم

**معلومات** **العضو** · 05-03-2008, 12:03 AM

السلام عليكم ورحمه الله وبركاته ...

اقسم لكم بالله ان قلبي يوجعني من دااااااااااااخل ؟؟؟ وين الدواسر !!! وين شيوخنا !! وينكم ياعيال عمنا !!! اذا انتوا مالبيتوا الندا من اللي راح يلبيه .. حرام عليكم كل واحد يحط نفسه في هالموقف ويتخيل ان هذا الولد ولده ايش راح يسوي ؟؟؟؟؟؟؟؟ الله اللي بقدرني عليه ياولد عمي راح اسويه وراح اكلم الدواسر اللي بقطر والله يفرج همه وكربته اللهم اااااااااااامين والله لا يسامح اللي عطى ابوه واخوانه وعووود عالفاضي .....

اتمنى اللي مايقدر يتبرع انه يقرا الدعاء هذا ...

ياودود ياودود ياذا العرش المجيد يامبدئ يامعيد يافعالاً لما يريد أسألك بنور وجهك الذي ملأ أركان عرشك وأسألك بقدرتك التي قدرت بها على جميع خلقك وأسألك برحمتك التي وسعت كل شي لا إله إلا أنت يامغيث أغث سيف يامغيث أغث سيف يامغيث أغث سيف

**معلومات** **العضو** · 05-03-2008, 02:28 AM

عسى ربي يفرج عنه و يفرج عن جميع المسلمين
و حنا اللي علينا بنسويه والباقي على رب العالمين

**معلومات** **العضو** · 06-03-2008, 09:18 AM

الكل فيه الخير والبركة

لكن لا تستعجلون وانشروا الخبر باستمرار ..

فالبعض لا يعلم بهذه القضية إطلاقا !

الله يفرج كربتك يا ابن العم الغالي

وإن لله وإنا إليه راجعون

أيوب الفوزان السابق

**معلومات** **العضو** · 06-03-2008, 02:29 PM

الله يفك أسره ويجزاء من ساهم الجنة

**معلومات** **العضو** · 20-03-2008, 10:35 PM

الله يفرج كربته وكل مسلم .

جمعيَة الدواسر هذا يومها وماذا تنتظر يجب ان تتحرَك بأسرع فرصه ممكنه حتى تكسب

ثقة الداعمين السابقين واللاَحقين

وماهي شروط ونظام تلك الجمعيه وماذا تنتظر ومنهم القائمين عليها أسأله كثيره لاتجد

إجابه المفروض يقوم على تلك الجمعيَه مشائخ أفاضل على سبيل المثال لاالحصر

الشيخ الدكتور سعد البريك

والشيخ طلال الدوسري واُمراء وتجار الدواسر .

أتمنى من الله جل وعلا أن يفك أسر اخونا سيف ابن عرار المساعره ويفرج كربته

ويردَه إلى ذويه عاجلاً غير آجل

**معلومات** **العضو** · 26-03-2008, 11:10 PM

الله يفرج له مسكين صغير ؟؟؟؟؟؟؟؟؟؟؟؟؟؟؟؟؟؟؟
حرام يروح سبة سودانين طماعين ..........خير تفعل شر تلقى ..........يبي يصلح بينهم راح فيها المسكين ...............الله يكون في عون اهله وخاصة والديه .....................
حاولو فيهم ينزلون لوالنص
وش اخر اخباره

**معلومات** **العضو** · 29-03-2008, 12:16 AM

فرج الله كربته

بارك الله فيكم يااخوان ولاحرم كل متبرع الاجر والثواب

وهذي الهقوه

باذن الله سوف يتم نشر هذا النداء على اكبر عدد ممكن من ابناء العمومه

لان الكثير منهم مايعرفون الموقع ولا يستخدمون الانترنت

وياليت الجميع يفعل هذا النداء برسائل جوال

بارك الله فيكم وفي جهودكم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
التغطية المصورة لحفل المسابقة الشعرية الأولى لموقع قبيلة الدواسر الرسمي	الإداره	:: قسم المسابقة الشعرية السنوية للموقع الرسمي لقبيلة الدواسر ::	17	11-12-2010 11:09 PM
التغطية المصوّرة لحفل إفتتاح مبرة قبيلة الدواسر الخيريّة بدولة الكويت.	الإداره	:: قسم اللقــاءات والفعاليات والتغطيات الخاصة::	16	22-11-2010 09:44 AM
نداء الى الدواسر ، نداء الى خطلان الأيدي انقذوا رقبة ابن عمكم محمد بن فهد الصخابره	الإداره	:: قسم مناسبات وأخــبار الـدواسـر ::	71	25-07-2008 04:10 AM

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية