قلبي مع الغربي يزود أندفاعه للشاعر فهد بن محمد بن مرزوق الشكره

[معلومات العضو سالم بن فهد]

قصيده للشاعر فهد بن محمد بن مرزوق الشكره

قلبي مع الغربي يزود أندفاعه = ونسناس من الغربي لكبدي بردها
مشيك مع البيدا على الخط ساعه = أحب عندي من مقابل بلدها
ويعيش قلبي لاطمن وأرتفاعه = وإلى ظهر من طعسها مع جلدها
وشوف الدبش لا أنقسم وأجتماعه = وشوف الخلوج اللي تدور ولدها
مع أختلاط الطرش توه ضياعه = وجاته وجاها وأفردت به وحدها
شهرين بس اللي مضت ماالرضاعه = وحدبة عليه وقام يظهر زبدها
قلبي يحب البل محبة ولاعه = فنس الخشوم اللي عراضً خددها
وخلاّ الوجيه الهابيه والقلاعه = وخلاّ قلوب أهل النكد في نكدها
اللي يحطون النمامه بضاعه = واللي زرع زرّع النميمه حصدها
لا صار لا دنيا ولا به مطاعه = ولله رزقه بنعمةً ماحمدها
كبير لا منه قعد في شراعه = كنه يحل حبالها ويعقدها
ويسوي النمات بين الجماعه = ومخيلته بالشر يرعد رعدها
ليته على الاقصى طويلٍ ذراعه = بلاّ على الادنين ينفظ عمدها
وان جاته من الاقصين قلبه رعاعه = ماهوب زيزوم الحمول وسندها

 

 

 

 

[معلومات العضو مبارك بن شافي النتيفات]

صح لسانك ولسانه ولاهنت على النقل يابوفهد

تحياتي وتقديري

 

 

 

 

[معلومات العضو شافي بن راشد النتيفات]

صح السان الشاعر على القصيدة الرائعة ولاهنت أخي الكريم على النقل