علمت نفسي قبل تشره على الناس .........

**معلومات** **العضو** · 08-08-2005, 01:15 PM

قصيدة للشاعر يقال له "العلوي الحربي" ،،، القصيدة جزله وتستاهل الوقوف عندها ،،، وعسى أن تنال رضاكم ،،،

علمت نفسي قبل تشره على النـاس=ياكثر مـن فيهـم تخيـب الهقـاوي
العشره اللي ماتعلـت علـى سـاس=لقيت نفسـي فـي مداهـا خـلاوي
مثل النبيذ اللي صبغ لونـه الكـاس=قالوا عن اللي يشربه شخص غـاوي
والصاحب اللي مارفع فعله الـراس=مايستحـق انـه لمثلـي يـخـاوي
ترى الصداقه بعض الاحيان تنـداس=لاشفتهـا جـرت عليـك البـلاوي
ربع المصالح والندامـه والافـلاس=ياكثرهم وقـت الرخـا والفضـاوي
لاقربهـم ينفـع ولافيـه نـومـاس=ولاهمهم غيـر الـورق والقهـاوي
واللي يقولون البـدو عنـه قرنـاس=لـولا فعولـه مايسـمـى نــداوي
سود الليالي عودنـي علـى اليـاس=خلنّـي اقضـي عيشتـي بالمنـاوي
همي بقلبـي مالـه حـدود وقيـاس=وجرحي عطيب ولالقى له مـداوي
لاني قدرت اخفيه عن بعض الاجناس=ولاني على نشر الخفي منـه قـاوي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كن كالقمر يرفع الناس رؤسهم كي يروه	عبدالله الحافر الغييثي	:: قسم المـواضيع الـعامــة ::	7	02-02-2011 12:37 AM
سلسلة زوجات النبي و أمهات المؤمنين السيدة ,, عائشة بنت أبي بكر الصديق رضي الله عنها و عن أبيها	الدردور	:: القسم الإسلامـــي ::	16	20-12-2010 12:41 AM
مشكله اتعبتنا _ اسمها ( كلام الناس )	مبارك بن شافي النتيفات	:: قسم المـواضيع الـعامــة ::	22	15-12-2010 12:22 PM
كن كالقمر يرفع الناس رؤوسهم لكي يروه	محمد بن فهد الرجباني	:: قسم المـواضيع الـعامــة ::	16	08-12-2010 06:40 PM
اختلاف الناس	domokh	:: قسم المـواضيع الـعامــة ::	5	02-09-2010 11:45 AM

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية