العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم الـشعر العــام ::

 
انشر الموضوع
 
أدوات الموضوع انواع عرض الموضوع
قديم 11-10-2005, 03:16 AM   #1
 
إحصائية العضو







نمر بن الأشيب غير متصل

نمر بن الأشيب is on a distinguished road


افتراضي من قصـايد عـمـالـقـة الشــعر في الجـزيرة العـربية

أخواني الكرام .. السلام عليكم ورحمة الله وبركاتة
يسعدني أن أضع بين أيديكم مجاراةشعرية قديمة جداً بقدم شعرائها
وأرجو أن تحوز على رضاكم
المجاراة كانت بين عمالقة الشعر في الجزيرة العربية
الشاعر الأمير محمد الأحمد السديري والشاعر مرشد البذال رحمهم الله جميعا



قصيـدة الشــاعـر الأميــر محمـــد الأحمــد الســديري

مضى لي خريف العمر في لذة الهوى = أمشي بجناتٍ تدارج نهورها
وعقبه ربيع الود جتني بشايره = وربعت برياضٍ تخالف زهورها
فصلين ما أنسى لذة العمر بينهن = ولا ناشني من كود الأيام جورها
الاعب المي وهند في مربع الصبا = وعن البرد سلمى ضللتني شعورها
أبادل مليحات العوام بحبهن = وقطعت عن بيض المعاصم خصورها
واترعت كأس الحب وانهلت ضامري = مدامي نظيم الدرَ زاهي ثغورها
من أجلي ومن شأني تباهن بلبسهن = عليهن عقود الدرَ زاهي نحورها
أنا مغرمٍ فيهن ولا اود غيرهن = هن زينة الدنيا وهن نور نورها
غرَن غراً غير حَوَن كامل البها = زما فيض ريعان الصبا في صدورها
إن ضاق صدري هند ناديت باسمها = اليا شفتها نفسي تزايد سرورها
وهي تنادمني لياخيم الدجى = شذا الورد منها فايح من عطورها
قطفت منها بالهوى زهرة الصبا = وسلمى تبادلها بشوري وشورها
أنا مغرمٍ فيها وقلبي يحبها = ليا شفتها روحي تزايد حبورها
بعد ما انقضى عصر الغرام ولوحت = امورٍ شكينا من سمايم حرورها
تخطيت درب الكود للكود والعنا = أخوض غبابٍ تلاطم بحورها
وافكر بقالاتٍ على الله حلها = أمورٌ تخالف مني تخيلف عصورها
تغيرت دنياك يا جاهلٍ بها = وعن الناس غابت بالغياهب بدورها
ونويت للعراف أوجه رسالتي = إلى مرشد البذال اسطر سطورها
أقول يا مرشد غدا لي ذواهب = عليهن عِبَاري حطم الزور زورها
أنا أنشدك عن ثنتين ما زاد عدهن = ويقولون ، بعض الناس هذي قبورها
وبانشدك عن ثنتين غابت عن الملا = وهن بحرف القاف والفأ اسبورها
عليهن ذرفت الدمع من موق ناظري = وتمنيت لو يرجع على الناس دورها
تمنيتهن والقلب مني يرومهن = وتمنيت صفو أيامها مع شهورها
ابغي معان وضاع يا رشد سلمهن = ضاعن ودنيانا وساعٍ ثغورها
وثنتين اشوف الناس تمشي بسلمهن = وهن بحرف الغين والحأ أنشورها
يا مرشد سنوهن هل الكيد والردى = ونمشي دروبٍ كايدات وعورها
أنا أريد خلانٍ بها الجود والوفا = ولا أريد خلانٍ اتبحث أجحورها
أنا أريد خلانٍ تسامى إلى العلا = ولا أريد خلانٍ قصارٍ شبورها
أنا أريد خلانٍ تعزى وتعتزي = وعلى عدو الدار تِظهر شرورها
وقولٍ لمن ينشد عن أصلي وعزوتي = أنا من حرارٍ بالعوالي وكورها
أنا حفيدٍ لابن بدران عامر = ضميني الرجال اليا تعصت تمورها
تضرب به الأمثال في كل مجلس = وهو شيخ ألد زايد بصكة أعسورها
يقول الخلاوي صادق القول ما كذب = صدوقٍ ولا بين الملا قال زورها
خلت نجد ما يِلقّى بها فاعل الثنا = الا ضمين الزّايدية وسورها
وحنا إذا شح السما وامحل الوطن = إن ما وجدنا الضان نذبح لخورها
ياما بذلنا الجود باللين والقسا = إن ركبت عسر الليالي دهورها
ترى وسمنا يا من ليا شاف وسمنا = ضلعٍ طويلٍ شامخٍ بين قورها


قصيــدة الشــــاعـر مـرشـــــــــد الـبـــــــــذال

الكبد يشكي من عظايم حرورها = قدوعها المآ والزقاير فطورها
وليا بغت تنوي على الصوم باكر = يحّول ونات الضماير سحورها
أسباب شكوى من عزيز يهمني = يبا الراي في فعل السنين ومرورها
يابو زيد ما من غير صبر على القضا = الأيام هذي شيّب الراس طورها
وإن كان سلمى باشرتك بصداقه = حمت لك بساتين تغرد طيورها
خلتك فيها غافل القلب داله = كفى الله عظايمها ليا زاد فورها
اليوم بارت بالعميل وتغيرت = وهذي عوايدها سريع غدورها
والرد منها يا السديري على البنا = من أكل حلاويها تذوق مرورها
بنت لنا في مبتدا العمر قلعه = خضرٌ حدايقها والأوراد سورها
يغني حمام الدار بأعلى ركونها = يدعي حمام البر بأول عبورها
واليوم عقب إنكار سلمى وغدرها = سدت شوارعها وهدت جسورها
يابو زيد زمات الصبا يوم وقتها = عز الله انك من نوادر صقورها
كم خفرةٍ ما يدرك النذل مثلها = خاشرتها بالعقل بأول ظهورها
أخذت من طرد الهوى غاية المنى = بأيام عنك اليوم قفّت نشورها
أيام تذكرها بنومك ويقظتك = غابت ولا كن في ضميرك حضورها
تذكرك فيها هدّة الطير بالخلا = وطرد الجوازي في صحاصح قفورها
ومشاهدك عقب البطا ضامر الحشى = اللي على شوفك تقسم نذورها
أخذت قفرتها على أول طراتها = واليوم خل لقاصر الباع سورها
واليوم عندي شور كانك تطيعني = كلمه ، وسامح صاحبك في قصورها
من عقب الستين يسمح عن الهوى = شرب صافي الجمة وخلا كدورها
يابو زيد حنا يوم زمة شبابنا = مثل الطيور اللي تهاوز نقورها
وليا تجاوزنا الأمور الصعايب = يسهل علينا يا محمد عبورها
ولا تحسبن الكبر للرجل عثره = ولا يبين في عضانا فتورها
وترى الرجال اليا حكمها اعترافها = تجي عن الفكرة وساع سدودها
يابو زيد شف من عرضها خرد البني = اللي تحسب أن الكُبر ما يزورها
اليوم تشدى وردة شاب عرقها = نشف لبها ما باقي إلا قشورها
يابو زيد لو نبكي سنينٍ مضن لنا = بكيت لين العين تنشف حجورها
على نجوعٍ فرق البين شملها = اقفت بهم جرد السنين ودبورها
ما كنهم داجوا بنجدٍ العذيّه = ريح المسيكا والخزامى بخورها
ولا بنوا فيها البيوت المنيفه = اللي تنهض للمسيّر كسورها
ما أحلى عوايدهم وم أحلى سنينهم = وما أحلى صلاة الفجر لجت نجورها
عقب منازلهم على العِد بالفضا = اليوم ضمتها القرى في قصورها
تزاملوا عقب الحراير مواتير = عوصى النجايب كسر الوقت كورها
بعضهن يجند لْها السبيتي على القنص = يعلن لجيرانه بذبحة جزورها
هذا جزاها يوم أهلها تحضروا = قامت على الكورة تعلم بزورها
يابو زيد تنشدني عن اللي ذكرت لي = أفراد كلماتٍ تحيرت ادورها
منهن سمعنا نية الخير وأهلها = ضاعت بمنكرة الجمايل بذورها
ومنهن سمعنا كَلمة الحق جمّدتْ = تعرف ولكن صار يصعب ظهورها
ومنهن تقاليد المهادي وجاره = تركت وهي تقرا صفايح سطورها
والغين ذل من هل الغش والحسد = ترميك في بيرٍ طويلٍ قعورها
هذا وسامحني ترى البال منشغل = أفكار قلبي غايبات نسورها



لمن أراد نقل هاتين القصيدتين من الأخوة زوار المنتدى ...
نرجو ذكر المصــــدر .. وهـو منـتــدى قـبـيــلة الـدواســــر الـرســــمـي



أخــــوكـم في الله

الـعـــرابــي

 

 

 

 

 

 

التوقيع



[poem font="Simplified Arabic,5,white,normal,normal" bkcolor="transparent" bkimage="http://www.alduwasser.com/vb/images/toolbox/backgrounds/22.gif" border="double,4," type=0 line=0 align=center use=ex num="0,black"]
مرحوم يا طيّب السيره والأخلاقي=دغش البطي يا عسى مثواك فالجنّه
يالنادر اللي لمبدا المجـد عشاقـي=من ظن فيك الوفاء شافك ورى ظنّه
تفرح لطالة بني عمـك وتشتاقـي=ومواقف الطيب تفعلها بـلا منّـه
وهاذي حياة الفناء ما حد بها باقـي=فيها القضاء والقدر والموت ما عنّه [/poem]
آخر تعديل نمر بن الأشيب يوم 11-10-2005 في 03:22 AM.

    

رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 08:48 PM


Powered by vBulletin® Copyright ©2000 - 2021, Jelsoft Enterprises Ltd.
---