مدح في قبائل المملكة العربية السعودية - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم الـشعر العــام ::

إضافة رد
انشر الموضوع
 
أدوات الموضوع انواع عرض الموضوع
قديم 12-05-2017, 09:16 PM   #1
 
إحصائية العضو








ساقان الدواسر غير متصل

ساقان الدواسر is on a distinguished road


:e-e-5-: مدح في قبائل المملكة العربية السعودية


هذ القصيدة مدح في جميع قبائل المملكة العربية السعودية حفظها الله من كل سؤء ولكم القصيدة

يالله ياخـــالق اراضـــين وابحـــار
الواحد المعـــبود رازق عبــــيده

الخـالـق الغـفـار عــلام الاســرار
وفــرق شـعـوب الارض فــي كــل يـــده

وابــدي واسـولـف مــن عذيـبـات الاشـعـار
ابـيـات شـعـر والمعـانـي وكـيـده

اشـري وابيـع واعـرف كـيـف بخـتـار
واخـتـار مــن جــزل البـيـوت الفـريـده

وذ كـرتـراث وعــز وامـجـاد وافـخـار
قـبـائـل تـومــن بـديــن وعـقـيـده

وحنـا حمـاة الــدار مــن كــل غــدار
ومــا همـنـا بطـشـه وخبـثـه وكـيـده

قبـائـل مالحقنـاهـم اوعـــار
وعـشـنـا بـهــذي الـــدار عـيـشـه رغـيــده

والحـمـد لله نحـمـده ســر واجـهـار
شـعـب تكـاتـف مــن سـنـيـن مـديــده

ودون الوطـن جـيـش عـلـى كــل معـبـار
لارفــرف البـيـرق ونــادى عقـيـده

بـشـرق الـبـلاد وغربـهـا دوم حـضـار
وارض الشـمـال الـلـي نـفـوده مـديــده

وارض الجـنـوب الـلـي تخيـضـر بالاشـجـار
جـزيـرة فيـهـا القبـايـل عـديــده

ارض بـهـا قحـطـان وافـيـن الاشـبـار
ويـاعــز مـنـهـم بالـشـدايـد بـسـيـده

واذكــر عتيـبـه يــوم للطـيـب مـغـوار
لا ثــارت الهيـجـا وقــرب ضـديــده

وشمـر هـل الطـولات والجـود مـقـدار
اهــل الـكـرم واهــل الفـعـول الحمـيـده

وقـوم اعنـزه مـرويـن الاخـصـام الامــرار
اولاد وايــل مــن عـصـور عهـيـده

ومطيـر قـوم تـكـرم الضـيـف لا زرار
ويـاويـل خـصـم فــي حـراهـم وعـيـده

واذكــر قبيـلـة حــرب يانـعـم الاخـيـار
وتاريخـهـم يحـكـي سـطـور مجـيـده

وسبيـع نعـم القـوم ووجيـه الاسـفـار
مــن الدخـيـل لـيـا **ــن مــن طـريـده

واذكــر قبيـلـة يــام والطـيـب يـنـدار
اهــل الـعـلـوم الـوافـيـه والـرشـيـده



ثــم الـدواسـر تجـعـل الخـصـم منـهـار
عـيـال زايــد عــز منـهـم سنـيـده

ثـم السهـول اللـي لهـا الطيـب مــدرار
وعــن منـهـج الـعـادات مـاهـي محـيـده

ثــم اذكــر العجـمـان حمـايـة الـجـار
والمرجـلـه والـجــاه فـيـهـم عـتـيـده

واذكــر بـنـي مــره طويلـيـن الاعـمـار
مــا ينـقـد الـمـري ولا لــه نقـيـده

ثــم الهـواجـر لابــة تـقـدح الـنـار
اهــل الـركـاب الـلـي خطـاهـا بـعـيـده

واذكـر بنـي خالـد قبيـلـة وامــار
قــوم لـهـم فــي المـجـد قــول ورصـيـده

وبنـي تميـم الـلـي لـهـا الطـيـب مـصـدار
بـنـي تمـيـم وكــل فـعـل تجـيـده

ثـم الزعـوب اللـي بـهـا الخـصـم يحـتـار
شجـعـان ماتـرضـى ســوا ماتـريـده

العازمـي وافـي وفـي الطيـب بيـطـار
روحــه عـلـى كــل المصـاعـب صمـيـده

ثـم الظفـيـري فــي المصاعـيـب جـبـار
والطـيـب والامــداح باصـلـه وطـيـده

ثـم اذكــر الاشــراف بـجـلال واكـبـار
اهــل الحـجـاز الـلـي تـفـك الزهـيـده

ثـم الهذيلـي لــه مـواقـف ومـنـدار
راعــي الفـخـر راعــي العـلـوم السـديـده

ثـم البقـوم اللـي لـهـم جـيـش وامـهـار
ريــف الضـيـوف لـيـا لفـاهـم ولـيـده

واذكـر ثقيـف اللـي لـهـم مـجـد وآثــار
ومهـمـا حسبـنـا مــن كــلام نعـيـده

وبلـحـارث اهــل الـعـز بشـهـود واقــرار
ا لحـارثـي ياطـيـب فعـلـه وجـيـده

والمالكـي معـروف لا صـار مـا صـار
فـي موقـف اهـل الطـيـب يـبـذل جهـيـده

واثـنـي تحيـاتـي عــدد وبــل الامـطـار
عـلـى سلـيـم وكــل خـصـم تكـيـده

واذكـر جهيـنـه هــل مواقـيـف وادوار
تلـقـى الجهيـنـي راســم الطـيـب بـيـده

واذكــر بـلـي والمجـدلـه فـعـل واظـهـار
وتاريخـهـم يحـكـي فـعـول فـريـده

وبـنـي عطـيـه فــي المواجـيـب حـضـار
قــوم بـوقـت الـجـد قــوم عنـيـده

ثــم الحويـطـي والكـرامـه لــه اشـعـار
ثــم الـشـراري لــه فـعـول مفـيـده

ثـم الرشيـدي فــي الصعيـبـات صـبـار
عـلـى عـلـوم الطـيـب فعـلـه يـزيـده

وباقـي جـنـوب الــدار والـقـاف مــادار
بـاقـي عـلـى قلـبـي كــلام واشـيـده

زهـران نعـم القـوم فـي وقـت الاضـرار
والخـصـم عيـنـه مــن لقـاهـا سهـيـده

والغامـدي معـروف لــه عــزم واصــرار
راعــي المـراجـل والعـلـوم المفـيـده

وشـمـران قــوم والجمـايـل لـهـا اطــوار
وبلـقـرن ســم للـقـلـوب النـكـيـده

والاكلـبـي والمحلـفـي مابـعـد بـــار
والـحـارثـي طـيـبـه وفـعـلـه يـشـيـده

وبنـي شهـر وبنـي عمـر سـيـف بـتـار
قــوم عـلـى الاخـصـام نــار وقـيـده

والاسـمـري والاحـمـري صيتـهـم ســار
بـيـن القبـايـل والـمـواقـف شـهـيـده

واذكـر عسـيـر الـهـول ذربـيـن الاذكــار
وابـهـا احتمـوهـا فالسنـيـن الشـديـده

وادهـم والصيعـر علـى حـد الاقطـار
يحـمـون حــد الــدار مــن الـلـي يـريـده

وامـشـي مــع السـاحـل مــع جمـلـه افـكـار
رسمتـهـا والطـيـر زان اتغـريـده

وانــزل عـلـى جـيـزان تـاريـخ واديــار
ورجــال فيـفـا والقبـايـل عـديــده

وارجـوا العـذر واهـل المواجيـب عــذار
الــي نسيـتـه مانـذكـر فــي القصـيـده

الواهـبـي عــدد ابيـوتـه بــالادوار
مــن شـاعــر مـاشــل قـلـبـه حـقـيـده

شهـران ربعـي هـم هـل المـدح والكـار
واهـل الكـنـد واهــل السـيـوف الجـديـده

يــوم البـلـد مايـامـن الـزنـد لاثــار
زيزومـنـا ابــن مشـيـط نـعـم الـولـيـده

فالجـهـل شجـعـان وفــي السـلـم تـجـار
مــن بـطـن بيـشـه للتـهـم لارفـيـده

حبـيـت ابـيـن موقـفـي بـيـن شـعـار
وارجــوا سموحتـكـم عـلـى ذا النشـيـده

ماحـب انـافـق واتعنـصـر تعنـصـار
ولا نــي باطـيـع اهــل العـقـول البلـيـده

مـا كـل مـن طـب البحـر قيـل بحـار
ومـا كـل مـن شـل الفشـق جــاب صـيـده

فالشـعـر بسـتـان بـــه ورد وازهـــار
والـلــي تـعـداهـا بـيـوتـه فـقـيـده

واقولهـا فـي الشـعـر تـكـرار وامــرار
ضــرف بــلا عـنـوان يلـغـى بـريـده

وبعـض السوالـف لـه مـواقـف ومحـضـار
وشـعـر بــلا معـنـى لــزوم نبـيـده

وصلوا على المرسول شفاع الابرار
محمد الهادي وقدوة عبيده

 

 

 

 

 

 

التوقيع

ناصر بن عبدالرحمن آل ساقان بن خلف آل مانع آل عمارالدوسري

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
قبيلة بنو سليم حكموا جزيرة البحرين بعد عهد القرامطة ساقان الدواسر :: القسم الـتاريخــي الــعام :: 1 08-05-2017 02:29 PM
أفكار مشاريع استثمارية ناجحة ومتميزة مع دراسات الجدوى الاقتصادية ريم خانو :: قسم المـواضيع الـعامــة :: 0 23-02-2014 10:41 PM
كيف تقوم بدراسة جدوى ممتازة لمشروعك ريم خانو ::قسم المنتدى المفتوح للبيع والشراء والإعلانات:: 0 24-01-2014 07:37 PM
آل سعدون الأشراف وأول إعلان تاريخي ومحاولة لإستقلال العراق بأكمله عام 1787م. عبدالله السعدون :: القسم الـتاريخــي الــعام :: 7 27-06-2012 04:56 AM
الموقع الرسمي لقبيلة الدواسر العريقة يهنئ ولي عهد المملكة العربية السعودية صاحب السمو الملكي الأمير سلطان بن عبدالعزيز آل سعود بمناسبة إكتمال رحلته العلاجية وعودته لدار الوطن سالماً معافاً .. الإداره :: قسم مناسبات وأخــبار الـدواسـر :: 18 28-12-2009 09:53 PM

 


الساعة الآن 06:35 PM


Powered by vBulletin® Copyright ©2000 - 2024, Jelsoft Enterprises Ltd.
---