ان ضحكنا هلّت المزن برديّه وان غضبنا صب بارود العماني

[معلومات العضو *عالي مستواه*]

طاب كيفي و المعاني شاذليه
يطّبخ مع هيلها بن اليماني
وأتخير من مثايلها القويه
ما نظّريها على جال الطماني
واتفاخر دام عندي مقدريه
في فعول اهل الوفا طوال اليماني
الدواسر من زمان الجاهليه
تكسب الناموس الى حاضر زماني
ماوردنا العد بحبالن رديه
ندحم الشرهين ما نرضا الهواني
شامخينن في سما المجد العليه
رافعينن روسنا في كل شاني
ان ضحكنا هلت المزن برديه
وان غضبنا صب بارود العماني
محتمينن دارنا في كل هييه
ضربنا بالسيف جزام المثاني
وفي مجال الطيب نار الطيب حيه
في جدار الجار سطرنا المعاني
ساق فايز في عزا جاره ب ديه
طبعنا الجزلات لو شان الزماني
ومن زبّنا يامن بصبح وعشيه
العصا وسمٍ على حفظه ظماني
ومن هو اللي طاب فعله في خويه
في قليب الفاو شادن السواني
شد حبله بعد ما ذكا المطيه
شل همه واسعفه والليل داني
لابتي يا اهل الثنا واهل الحميه
كل فعلٍ من مكارمكم شعاني
مدحكم يااهل الوفا حقن عليه
دون قاصر في عريبين المجاني
وختامها صلوا على خير البريه
محمد المختار في سر و بياني

الشاعر / محمد بن راشد بن زابن الودعاني

 

 

 

 

[معلومات العضو نآصر البدراني]

شاعرن فحل وجزل صح لسانه ليا يوم الدين


بيض الله وجهك على النقل


لاعدمناكـ

 

 

 

 

[معلومات العضو *عالي مستواه*]

صح الله بدنك

 

 

 

 

[معلومات العضو عبدالله الفاران]

صح الله لسانه

 

 

 

 

[معلومات العضو *عالي مستواه*]

صح الله بدنك اخوي عبدالله