،،،،،،،بستان الشعر،،،،، - الصفحة 8

**معلومات** **العضو** · 05-02-2009, 08:59 AM

ياهبوب الريح هبي من جداهم ÷÷ واخبريني عن حياتي يا هبوب

أخبريني عن هواهم ماسواهم ÷÷ واسرعي باالرد ياريح الجنوب

اسعد الايام في ساعةلقا هم ÷÷ واجتمع كل محبوب بمحبوب

أجتمع الاثنين ما حين معا هم ÷÷ مايفر قهم سوى وقت الغروب

والصبح يرجع ويرجعلي هواهم ÷÷ حبهم صادق ولا فيهم كذوب

الشاعر / حماد الدوسري

**معلومات** **العضو** · 06-02-2009, 07:14 PM

طل الندى في غصن الآزهار والشمس=شعشع ضياها في زهور البساتين
ونا معا نسمات صبحي مع الهمس=ارتب اوراقي واسطر عناوين

**معلومات** **العضو** · 06-02-2009, 07:17 PM

لاعاد تقفاني ولانيب قافيك=خل الركايب يوم سارت مع الدرب
ولاعاد تقصاني ولانيب قاصيك=كنك خذيت الوضع في مسلك الحرب
حدد مسارك لجل تثبت خطاويك=ترى الدروب احيان تلقا بها كرب

**معلومات** **العضو** · 06-02-2009, 09:12 PM

عشت ولقيت بعالم الناس حاجات=متقلبه مابين دورات الآيام
ولا عاد نفهم وش وراها نهايات=بس المهم انها لها قصد واوهام
وتركتها واطلبت جو السحابات=ارقى وهوم وتركه الشي ميسام
جو الفضا يعطيك للنفس راحات=صفقه هبوبٍ كلها روح وانسام

**معلومات** **العضو** · 06-02-2009, 09:15 PM

مدري بنيت بكل حرفٍ لك اوهام= والا بنيت من المراتب مناصب
ياتابعٍ نفسه ترى الشك ميسام=تاليه لضلوع السراجيف حاصب

**معلومات** **العضو** · 09-02-2009, 04:03 AM

كنت احسب ان الجمايل لها كيف وحدود=لين شفت ان الجمايل منك فاقت حدها
ومن يمد الطيب لابد يلقى له ردود=وانت من كثرة جمايلك يصعب ردها

**معلومات** **العضو** · 09-02-2009, 04:12 AM

تحفه ودلوعه وتهوى الرومانسيه =ومن زود حبي لها ماهيب تنساني
أجي وأغني لها ابيات غراميه =وما عندها غير (كررها على شاني )
أول تجيب البيوت بدون قافيه =واليوم صارت على المعنى تحداني
أنا أشهد انها على الحب انتحاريه =وانا اشهد ان حبها المجنون عناني

**معلومات** **العضو** · 09-02-2009, 04:35 AM

لا لمحتك في خيالي ضاعت آمال الكرى =يا مجاذب موق عيني دونك انته ما تشوف
من تمشى بخاطري يلقاك وين اما سرى= وكل خاطر خاطري انته ..عليك الرفقه روف
من غرق في بحر دمي يلقى اسمك به جرى=وكل نبض القلب انته يا مليك احلى الوصوف
انت وين اما مشيت بيعشقك كل الثرى=وكل ما تترك مكان صارت ادموعه ذروف
انت كل الحس يحسك حتى نبضه بك درى= انت ابو الهول الجماد يصير بك حسه عطوف
لا انطرى طاري الفؤاد ذكرك انته ينطرى=لأن كل الفؤاد ذاتي صار ذكرك له ولوف
لا انوجدت بأي دار تنعرف بين القرى=لأن وجودك يجذب اللي ظنوا انك بس طيوف
انت بلسم بالحياة وانت قربك ينشرى= انت نور بالدروب المظلمه نور نيوف
ما انغريت بحد غيرك بس منك انغرى= المعزه والمحبه صاروا لبعدي سيوف
كل ما تحكي شويه تنثر الحكمه ترى =لك كلام دغدغ فؤاد المشاعر يا رهوف
الدلع في ذات ذاتك من امامه للورى= زارع في وسط قلبي كل حبك يالسنوف
فيك كل اللي ذكرته وفيك اكثر يحترى=وفيك ما يجذب ربوع الكون يالخل اللهوف

**معلومات** **العضو** · 09-02-2009, 05:14 AM

ماغيرتني غربتـي زود انـا اغليـك=وفيني ملامـح ضاربـه فالبـداوه
لوطالت الغيبـه فلانيـب ناسيـك=لنـك بقلبـي تستحـق العـلاوه
جيتك شعوري يسبق خطاي ناصيك=من عقب مر البعد نبغـى الحـلاوه
جيتك وقلبي صادق الود هاويـك=جيتك وكلـي عنفـوان وشقـاوه
الناس واجد لكن القلـب يبغيـك=والقلـب دقاتـه تزيـد بضـراوه
بعد البطى جيتك وكلي امل فيـك=انـك تلاقينـي بشـوق وحفـاوه
ياللاسف وش جاك بدلت ماضيـك=ماشفتنـا غيـر الجفـا والقسـاوه
وين العهد والصدق وحلوفنا ذيـك=يوم القلوب صحاح طهر ونقـاوه
وين العطا يازين واحلـى لياليـك=وكلامك المعسـول كلـه طـراوه
وشلون تنسا يوم تزعل واراضيـك=وابيع كل الناس لاجلـك رضـاوه
صار الجفا طبعك وغيـر مباديـك=وعلاقتي ويـاك صـارت عـداوه
حبك صناعي وانتهى دون تشكيك=ومحيت باقـي حبكـم والغشـاوه
معقول انا احبك وبالعفو اجازيـك=مجنون انـا والا براسـي فضـاوه
واسمع كلامي قبل ترحل بحاكيـك=ابيك تسمع كلمتـي فـي هـداوه
روح فمان الله وابعـد مساريـك=ماعاد لك بالقلب قـدر وغـلاوه

فيصل بن جـزاء

**معلومات** **العضو** · 10-02-2009, 07:11 AM

STOP HERE

هيه .. قلبي ملك حالي ماعرضته في مزاد=حافظه عن سومة الجهـال حفظـه للوفـا
من كثر ماهو تعلم مـن زمانـه واستفـاد=كيف يجزا الطيب طيب وكيف يجفا من جفا
اكتسب منه التجارب وانتهلهـا واستـزاد=والتجارب من كسبها سـد حالـه واكتفـا
وانت ياللي في هواك تشوف حالك سندباد=فـارتحالاتك كريم وفي جحـودك مسرفـا
الهوى اللي يرتحل بك من بلاد ليـا بـلاد=ماصفالك (دوم) لوُه (يوم) في نـوُه صفـا
اعتبر من خلق ربي ثـم طالـع فـالعبـاد=انظر لـحـال المحـوُل والمعـدي للشفـا
وكان ودك بالصحيح وكـان ودك بالوكـاد=ماعليـك الـوم حالـي واتأسـف واسفـا
انت تلعب بالمشاعـر يامشاعـرك الرمـاد=جمرها دخن حشاها من سواتـك وانطفـا
تحسب انك محتميها مـن لهبهـا بالبـراد=لين ماتت في شتاهـا بـرد ماذاقـت دفـا
روح .. روح ولا تساوم في وصالك والبعاد=ولا تغيب وتحسب ان القلب لاجيت احتفـا
هيه .... قلبي ملك حالي ماعطيته سندباد=فـارتحالاته كريم وفـي جحـوده مسرفـا

**معلومات** **العضو** · 10-02-2009, 07:23 AM

الصبح ما هو صبح لا عتم الليل=لو كان تشعاه النجوم الولايع
من مفرق الحشمه لبعض الرياجيل=تصير هقوات النشاما بضايع
تنباع جنب الزيت والجبن والهيل=وتصير صنعه في يدين الربايع
اخاف ينساق الفضل والفناجيل=إلهن قبل شارب كريم الطبايع
والا الردي لاصار مايسرج الخيل=ضايع ومايقضي من العمر ضايع
لو كان ينسب للرجال المشاكيل=اهل الفعول الطيبات المنايع
الشري لو يزرع على شاطئ النيل=عده بعد مقلوع ضمن القلايع
سويت لي مدخال ضمن المداخيل=ما أطيع لو ان اكثر القوم طايع
هذا أنا خل الرخوم المهابيل=علمي وقلته واكثر القول شايع

**معلومات** **العضو** · 10-02-2009, 07:33 AM

ياصاحبي وقـف لزيـف الصحـاري=وبشر هجير الشمس عن موعد السيل
حاول تغيـر فـي ملامـح نهـاري=واعط القمـر مفتـاح بوابـة الليـل
مدري لشنهـو موعـدي وانتظـاري=مادامـت أيامـي قليلـة محاصيـل
في داخلي نزعـة خفـوق انتحـاري=حلـم تكسـر فـي ثنايـا التفاصيـل
واثر انكسار الحلم يعنـي انكسـاري=بغيت اكمـل وانكسـر فينـي الحيـل

**معلومات** **العضو** · 10-02-2009, 09:18 AM

عزالله انـي فاقـد لـي زمليـي=عسـا مقـره جنـة الخـلـد يالله
من يوم غاب وهذا قلبـي عليلـي=غاب و حضوره باقيا ما اقدر انساه
شاعر لجزلات القصايـد يميلـي=ياتـي بجـزلات الفرايـد مغنـاه
غاب وتركنـا معلنـن للرحيلـي=لاشك بكره كـل شخـص بيقفـاه

**معلومات** **العضو** · 11-02-2009, 02:47 AM

صح اللسانك استاذي الكريم والله يرحمه ويرحم موتى المسلمين والمسلمات ويغفر لهم

حضوري

أليا أحترمت الناس زاد أحترامك
والناس عز نفوسها من شرفها

عسى الله ما يصغر قيمتي في نظرة العقال
ويرحم كل شخص يعامل الناس بصفاء نيه

**معلومات** **العضو** · 11-02-2009, 03:17 AM

هاك ميزان الجروح وقيسها ذره بذره= ما وزنت الا غلاك ولا طعنت الا الحبايب
كل ما يطري علي ظلمك تشب الكبد حره = كن في صدري رماح القوم وسيوف وحرايب
انت شخص ما قدرت استوعبه خيره وشره= من عرفتك والدموع دموع والخفاق ذايب

الذين يشاهدون محتوى الموضوع الآن : 5 ( الأعضاء 0 والزوار 5)

		منتديات صحيفة وادي الدواسر الالكترونية