التغطية المصورة لجولة موقع قبيلة الدواسر الرسمي الثانية لـ محافظة الافلاج " السيح , سويدان , مروان , الرزيقية , الروضة , النباية " - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. الأقســــام الـخــــاصـــــة.::: > :: قسم اللقــاءات والفعاليات والتغطيات الخاصة::

إضافة رد
انشر الموضوع
 
أدوات الموضوع انواع عرض الموضوع
قديم 28-09-2014, 03:21 PM   #1
 
إحصائية العضو







الإداره غير متصل

الإداره is on a distinguished road


:e-e-5-: التغطية المصورة لجولة موقع قبيلة الدواسر الرسمي الثانية لـ محافظة الافلاج " السيح , سويدان , مروان , الرزيقية , الروضة , النباية "



الحمد لله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن ... محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين .



أعدّ التقرير

عضو مجلس إدارة الموقع الأستاذ فهد بن هادي الغريري
عضو مجلس إدارة الموقع الأستاذ راشد بن محسن المسعري


قام بالتقاط الصور

هادي بن فهد الغريري




الجزء الثاني من جولة موقع قبيلة الدواسر الرسمي لــ محافظة الافلاج



حيث تم طرح الجزء الاول من الجوله على الرابط التالي
http://www.alduwaser.org/vb/showthre...=758985&posted




فإننا ليسرنا أن نستعرض عبر هذا المتصفح الجزء الثاني من الجوله لزيارة محافظة الافلاج بمعية:إداري موقع قبيلة الدواسر الرسمي الاستاذ فهد بن هادي الغريري وإداري موقع قبيلة الدواسر الرسمي الاستاذ راشد بن محسن المسعري وعضو المجلس البلدي بالمطقة الشرقية والاستاذ فالح بن راجس بن نبجان الشرافي ولاعلامي راشد بن حماد الغريري والاستاذ دغش بن حمد بن منصور الصخابرة والاستاذ هادي بن فهد الغريري.




الــــــــــــســــــــــــــيــــــــــــــــــح



السيح دونه لابة عيو عليه=بمصقلات ضربها يشعي العظام
ويا غرس ياللي في الفضا يفجر عليه=يشرب غدير يطرد مثل الجهام
ويا راكب اللي ما بعد كرب عليه=ومن الشمم عدت بدايده السلام
من جيت من ربعي فسلمني عليه=وداعتك يالقرم مردود السلام





بدعوة كريمة من الشيخ محمد بن لأحم بن قينان آل عمار
لــ موقع الدواسر الرسمي بمنزله بـــ السيح حيث كان في استقبالنا في مركز ريمان الشيخ محمد بن لأحم بن قينان آل عمار وجمع من آل عمار الكرام



امارته من قديم الوقت مكتوبه=من عصر جده وهم للمجد كسابه
كلمة نعم والثناء قسمه ومكسوبه = ومع ربعه يبين كل يحسب حسابه
ياقف مع لابته مارد مندوبه = وان جات منا ومنا يفتل اشنابه
والله كفو يابن لاحم ساعة النوبه = ضلع يذري وعز اللي تلوابه
وان جاله الطامع اللي ينفخ ذروبه = يرجع وخسران كل اللي تهقوابه
وربعك هل الطيب والامداح محسوبه=في السلم سلم ونهار الهوش حرابه
خزنة ظفر يوم كل يعرف دروبه=خيالة البل زمان كشر انيابه
ربعك سنام الوفا والطيب عدوبه=الكل منهم على عاليه عدابه
نو تزبر وترهب لمعة نصوبه=الاد عمار عز الجار وحجابه
كم طايش دون مايبغيه ضحوبه=ولاضاع حق وهم وراه طلابه







الشيخ محمد بن لأحم بن قينان آل عمار

















________________________________________

بدعوة كريمة من الشيخ تميم بن محمد بن درمان آل عمار لــ موقع الدواسر الرسمي بمركز رفاع السيح الشمالي بـــ السيح حيث كان في استقبالنا الشيخ تميم بن محمد بن درمان آل عمار وجمع من آل عمار الكرام



الشيخ تميم بن محمد بن درمان آل عمار
















___________________________________



وبدعوة كريمة الشيخ فالح بن سعد بن ناصر ال عمار لــ موقع الدواسر الرسمي ب بــــ مركز مروان حيث كان في استقبالنا الشيخ فالح بن سعد بن ناصر ال عمار وجمع من آل عمار الكرام


نبذه تاريخية عن بلدة مروان

تقع بلدة مروان جنوب محافظة الافلاج وتبعد عن المحافظة 27 ك.م تقريباً وسميت مروان بهذا الاسم لكثرة المياه وعذوبتها حيث كانت مروى للباديه والحاضره ويوجد بها مركز إمارة يترأسه الأستاذ فالح بن سعد بن ناصر ال عمار ويتبع المركز من الدوائر الحكومية مدارس للبنين ابتدائي ومتوسط وثانوي بجميع المراحل الدراسية كما يوجد بالمركز مدارس للبنات ابتدائي ومتوسط وثانوي بجميع المراحل الدراسية تابعة لإدارة التربية والتعليم بمحافظة الافلاج كما يوجد لجنة للتنمية الاجتماعية ويتبعها رياض للأطفال ودار للفتاه وتقام في هذه اللجنه دورات تدريبية مستمره طوال العام لتحفيظ القرآن الكريم والحاسب الآلي للبنين والبنات كما يتبع المركز مستوصف صحي حكومي ونادي رياضي تابع لرعاية الشباب كما يتبع المركز من الاحياء السكنية وسط مروان والرزيقيه كما يتبع المركز عدد 4 جوامع و4 مصليات اعياد ويقدر عدد السكان التابعين للمركز حوالي 2500 نسمه علماً ان سكان بلدة مروان هم قبيلة المانع ال عمار الدواسر. وبناءً على زيارة موقع قبيلة الدواسرالرسمي وطلبهم نبذه عن بلدة مروان فقد تم تزويدهم بنسخه من هذه النبذه






الشيخ فالح بن سعد بن ناصر ال عمار




















___________________________________________




وبدعوة كريمة من الشيخ مترك بن غانم آل عمار لــ موقع الدواسر الرسمي ب بــــ قرية ( الرزيقية) حيث كان في استقبالنا الشيخ مترك بن غانم آل عمار وجمع من آل عمار الكرام




يقول :الشاعر حسن بن عبدالله آل وتيد آل عمار

" آل حسن "


شرفت في مزمومهٍ تالي العشي=زبارةٍ مزمومهٍ في زبارها
في راس صبحا الجوب يعلها الحيا=عسى جزيل المد يجلى اغبارها
من غيمه ترخي هماليل وبلها=لهبت النكبا وثور كدارها
يالله طلبتك طلبتٍ وستجب لها =من جيز من يطلبك عطها ورارها
ياقابل الطلبات طالبك ياولي=وجناً من العيرات نابي فقارها
جذراء فخوذ مثل بيبان تاجر=ومصفقاتٍ ركبت في جدارها
منفوجه الكوعين منبوزة الظهر =جليله العثنون تزها اعذارها
تزها الرسن والكور لاحط فوقها =تزها كلايفها وتزها قشارها
ومعلقاً بردوفها لي خويه =عصملي بعد المرامي قرارها
ناخذ عليها سجهٍ بعد ضيقه=ونترك بعض لطماع جعله ودارها
والرزق مضمون ولاصك بابه=والغمر نفسه مايزيدة ثبارها
قلته ونا من لابهٍ تكسب الثنا =بكرام خاطرها وبكرام جارها
بتاعهٍ قطاعهٍ في حريبها=قومٍ نهار الهوش ترخص عمارها
حسنيهٍ يفرح بهم هاشل الخلا=ويريحون اللي خفوقٍ ازوارها
تفرح بهم هجن من البعد لاقبلت =لاعرضوها ليلها مع نهارها
لاجت مزاهبها من الزاد خاليه=تبشر بربعٍ رافعين وقارها
ذباحهٍ للحيل في اللين والقسى=مايذبحون الا نوادي خيارها
يوم الردي مهوب يظهر نذورها =مع جلايلها يربي صغارها
وهل دلال يقعد الراس كيفها =تجلى العمس من موجبٍ يوم زارها
فيها الشنه والزعفران العماني=والهيل فإن الهيل سيد بهارها
صباب دلتها إيلا ارخى سبيلها =يعجبك في الفنجال فاخر شقارها
يوم الردي لاشب في اليوم مره=خلا دلاله لين يمكن هجارها
عسى دلالٍ من تعبها مريحه =تهجر وتطفي عين شباب نارها
ياونتي ونت خلوج تنهمت =مختلهٍ من عقب فرقا حوارها
على ربوع صرت في ضف غيرهم =امصبرٍ نفسي بغير اختيارها
غديت منهم مثل جرباً تطرد =لاشافو اهل المال بين غبارها
والحال مني مثل حال امهيومه=لاعافت المرعى وهندم شنارها
حنا هل البلها وحنا آل مانع=كم عزبهٍ زعنابها من ديارها
ياما عدينا القوم غصبٍ من ابلهم=وياما تخززنا نوادي اخيارها
مرٍ تجي منهم علينا وننهزع=ومرٍ خيول الضد تعطي ادبارها
زيزومنا فرز الوغايا محمد=يوم الفتيل يزوع منها شرارها
ياما نزعنا من لجاويد هجمه=حلول الصفاري لاتبين اعشارها
والاد عمار الموالين ربعنا =كم ديرهٍ بالسيف فضو جدارها
من خلقت الدنيا ترى الطايله لنا=جند مع العالم رفيع وقارها
ياحاضرين القول صلوا على النبي =عدة حصى مكه ومن كان زارها




" ويـــقـــول "




" الزايدية "

انا البارحه مالاذ في عيني الكرى =حزين ولا يوجد لداي طبيب
عفى الله عن عين جفى النوم جفنها =تتالى سهرها والدموع صبيب
كم ليلهٍ اصبحت ماذقت نومها =اسهر إيلين اتلى النجوم تغيب
تزفر عباري في الحشى كن وصفها =تزفار موج والهبوب صليب
تزفار موج خابطه مقدم الهوى =دولاب غربي هواه مريب
شرفت تالي اليوم في راس مرقب =عينت في راسه عقاب وذيب
يشكون من بيض اليالي وسودها =وانا ابكي ولالي ذا الزمان مجيب
يقولون ذا الدنيا علينا تغيرت =غدى الباز في دارالدجاج ربيب
شبعت حصانيها وجاعت يسودها =غدى البوم فارس والعقاب اديب
يونون مثلي مير مانيب مثلهم =انا ونتي منها الجماد يذيب
انا ونتي من سمعها ضج والتجا =تداحن لها بين الضلوع حطيب
انا ونتي يابس بها يانق الورق =انا ونتي منها الرضيع يشيب
انا ونتي يرمي شرار حرارها= منها فراعين التراب هريب
يالله يارب الملا فالق النوى=ياخير من يدعى ومن يجيب
ياحافض يوسف على والد له=يامخرجه من قاعه القليب
يارافع سبع سموات بأمره=يامنجي نوح من الغبيب
ياباسط الآراض مرسي جبالها =في الليل يسمع للنمال دبيب
ياكافل الارزاق في البر والبحر =ياكاتب الآجال والنصيب
يامن له الدنيا وغيبه والآخره=وبعزته ينحل كل صعيب
انا في رجا الغفران عن كل ماسلف=من واحدٍ فوق العباد رقيب
الله ولا يدعى مع الله ثاني=اللي لعبده لادعاه قريب
له الحمد مادام السماء تحته الوطى =عليه الثنا ومن لارجاه يخيب
عيني تقديني وقلبي يدلني =ولانيب من مشي الرجيل عطيب
لامن جفتنا الدار رحنا لغيرها =لابد للقلب العليل يطيب
لابد من هاف عراض توايره=يصبح من الممسى مهوب قريب
ممشاه في يومه ثمان لغيره =يطفح مع البيداء بزود خبيب
ميامين نجم سهيل ربعي وديرتي=دار الكرم دار الصخى والطيب
ديرة مصانيم الدروع آل زايد=جراتهم سو على الحريب
ترعى بهم دار العدى شمخ الذرى=يسجونهاغصب بليا طيب
تنش الوضيحي دايم في خشومها=ولجزت من الماء يشربون حليب
يدزون شيخان العرب في نحورها=والسالم اللي يمنعون صويب
يدزونهم بمصقلات لكنها=بروقٍ تكاشف والقنيف غصيب
قصيرهم يامن وتوسم له العصى=لحا الله من هو في القصير يعيب
في زبنهم ماحدٍ يسوي سواتهم=من مطلع البيضاء الى المغيب
لامن وزاهم مجرم من قبايله =يسلم إلين ان الغراب يشيب
سقى دارهم متفاهق ينهب الجثم=حقوق إيلين يفيض كل شعيب
عقب الوسامي تقتفيها صيوفها=ومازل من طيب يجيها طيب
هذا وصلى الله على سيد البشر =عدد ماوطت فوق التراب النيب
وعدد مااقلبلت يم العدود بروسها =وعدد ما امرحت في قافرٍ عشيب
وعداد مايروحون الجنب في جنابها =وفدو بالانفس للفطير الشيب





وكما هو معروف فإن قبيلة السواحله تسكن قرية الرزيقية ومعروفين بالشجاعة والكرم و هم أهل العقادة والشداد وفيهم كثير من الفرسان والعقداء ومنهم العقيد الفارس / غانم بن جعفر و العقيد الفارس / محمد بن منيش و العقيد الفارس / محمد بن غانم بن جعفر والعقيد الفارس / محمد بن شبيب والعقيد الفارس / غانم بن يحيا رحمهم الله جميعا ،

ومن قصصهم المشهورة للعقيد الفارس / غانم بن جعفر ال عمار انه طلب الامام فيصل من القبايل العرض امامه فعرض ابن جعفر فقال
( حوه خيل البلهاء غانم زيزوم عيرات ومقدم سربة وخيال حرد و في الرماية عاجي ) فقال له الامام كفو فكان معهم احد فرسان قبيلة ال مره فقال
( اولاك الدوسري ما خلا لنا شي ) والعقيد غانم غني عن التعريف ،،

و منهم عدد من الشعراء

ومن أشهرهم الشاعر / حسن بن عبدالله بن وتيد ال عمار الذي يعتبر من كبار شعراء الدواسر ،،

وقبيلة السواحله :

هم : 1 ال مسفر 2 ال وتيد 3 ال راشد ،، وتعتبر قبيلة السواحله من القبائل المشهود لهم بمواقفهم الطيبة مع قبيلتهم ال عمار ومع قبيلة الدواسر بشكل عام وكذلك مع ولاة أمرهم منذ تأسيس هذه الدولة المباركة.
وقد قال احد شعراء قبيلة ال عمار في السواحله :



يا سعد من ربعه وتيد ومسفر =وراشد المنعور ذيب الفرايس
يـا لـيتنا بـدو مع الـبدو كلنا =ولا فحضر جامعتنا الغرايس


و هذه نبذه تعريفيه مختصره عن قبيلة السواحله ال مانع ال عمار و تاريخ القبيلة لا يتسع المجال لذكره ...





الشيخ مترك بن غانم آل عمار


من اليمين الشيخ مترك بن غانم ال عمار ويليه الشيخ عبدالله بن مسفر ال عمار


يظهر في المنتصف الشيخ محمد بن ملفي ال عمار وبجانبه الاستاذ فالح بن راجس الشرافي وبقية أبناء العمومة


من اليمين مفلح بن محمد ال عمار ويليه ناجي بن ثلاب ال عمار ويليه عبدالله بن عبيد ال عمار ويليه الشاعر فالح بن ناجي ال عمار وبقية أبناء العمومة .


من اليسار عبدالله بن صنهات ال عمار ويليه رميص بن سعد ال عمار ويليه الشاعر محمد بن ثلاب ال عمار ويليه ناهض بن محمد ال عمار ويليه الشاعر مدعث بن ناجي ال عمار


يظهر في الصورة الشيخ غانم بن مترك ال عمار



الشاعر ناصر بن ناجي ال عمار أثناء إلقاء قصيدة ترحيبية بأعضاء موقع قبيلة الدواسر الرسمي حيث يقول في قصيدته:



ياسلام الله على منه حضر=عدمانشى من سحاب وانتثر

بالرجال اللي لهم عز وقدر=بالرجال اللي لفو ومشرفين

مرحبا اعداد ماهل السحاب=وعد ماخط القلم فوق الكتاب

وعد من زكى اليا حل النصاب=بالنيابه عن ربوع طيبين

ربعي ال عمار مزبان الدخيل=ينطحون الهوش ﻻهاب الذليل

حن هل الطاﻻت والفعل الجزيل=يشهدالتاريخ من ماضي السنين

حن حماة الغرس بالسيف الشطير=وحن حماة البل اليا جانا المغير

ننطح البارود الاشهب بالجفير=حن حماة للوطن من الطامعين

مرحبا يا مرحبا بالمنتدى=قلتها فالمنتهى والمبتدى

مرحبا في ريحها عطر الندى=عند ربعي مرحبا بالحاضرين





من اليمين ناجي بن ثلاب ال عمار ويليه عبدالله بن عبيد ال عمار ويليه الشاعر فالح بن ناجي ال عمار ويليه الشيخ سعود بن محمد ال عمار ويليه الإعلامي دغش الصخابرة .




من اليمين دغش الصخابرة ويليه مترك بن غانم ال عمار ويليه عبدالله بن مسفر ال عمار.



من اليمين الشيخ غانم بن مترك ال عمار ويليه الشيخ محمد بن شايع ال عمار ويليه مبارك بن غانم ال عمار ويليه مشعل بن غانم ال عمار ويليه ناجي بن ثلاب ال عمار ويليه الإعلامي راشد بن حماد الغريري ويليه عضو الموقع راشد بن مسرع المسعري ويليه ناهض بن محمد ال عمار ويليه الشيخ محمد بن ملفي ال عمار ويليه الاستاذ فالح بن راجس الشرافي ويليه عضو الموقع فهد بن هادي الغريري ويليه عبدالله بن مسفر ال عمار ويليه الإعلامي دغش الضخابرة ويليه عبدالله بن عبيد ال عمار وبقية أبناء العمومة




من اليسار الشيخ سعود بن محمد ال عمار ويليه محمد بن معجب ال عمار ويليه محمد بن عبدالله ال عمار ومن الجالسين من اليسار سيف بن محمد ال عمار ويليه مترك بن غانم ال عمار ويليه محمد بن مسفر ال عمار ويليه هادي بن ناجي ال عمار ويليه مفلح بن محمد ال عمار ويليه معجب بن محمد ال عمار ومن اليمين صنهات بن عبدالله ال عمار .


من اليمين راشد بن مترك ال عمار ويليه عضو الموقع فهد بن هادي الغريري ويليه نايف بن عبدالله ال عمار ويليه مترك بن غانم ال عمار


___________________________________________


وبدعوة كريمة الشيخ مبارك بن عبدالله بن كليب ال عمار لــ موقع الدواسر الرسمي ب بــــ مركز سويدان حيث كان في استقبالنا الشيخ مبارك بن عبدالله بن كليب ال عمار وجمع من آل عمار الكرام



أشتهروا بالكرم وبشجاعه وإنهاء المشاكل وجمعوا بين الحضاره والبداوه واشتهروا بالمجالس المفتوحه من الماضي والحاضر فكان المجلس المشهور لدى قبيلة الدواسر

مجلس ((( القاره ))) مجلس الشيخ ناجي بن سلطان بن كليب ال مانع ال عمار وسمي القاره لانه حدد مكانه وتم بنائه في أعلاء الجبل وذلك من أجل مشاهدته من البعيد قبل القريب


يقول الشيخ ناجي بن سلطان بن كليب في قصيدته المشهورة

يالله يامنهو من الضد فزاع=يا واحد أمره على الناس مطيوع
يامستجيب أنك لداعيك سماع =ولا دعيت سواك فلاهوب مسموع
ياخير انفعني وياخير نفاع =ومن لا نفعه الله فلا هوب منفوع
أبرج لمن هو لا بغيات الاسناع =ليهو كما طير به السبق مربوع
يا اللي تسوم الغرس مانيب بياع =يامهبلك يالي تسومه بمقطوع
أسوم عذرآ باغي به تمناع =من واحد دينه من العام مدفوع
انا إلى بعته فلا نيب نجاع =واين أغدي لا رحت منه مقلوع
لا نيب لا راعي ولا نيب زراع =ولا بحرفي له الشرط مجموع
أبغي إلى منه أستوى زين الانواع =نظهر مواجيبه على كل مشروع
خمس مواجيبه علينا لها أتباع =مانيب صعب مير قدني لها طوع
أما على خصة قريب الى جاع =ولا ضعيف فيه للخير مصنوع
الادنين لجاوه إلى فيه شراع =بنيه من الجيران ماهوب مرفوع
و إلى داج فيه الجار ماهوب يرتاع =شرع لنا ماهوب توه مبدوع
إلى أقبلت هجن من البعد خراع =يشكون أهلها من ضما القيض والجوع
أفز لهم بتراحيب مع تطراع =مانيب من كنه من الضيف مقموع
وعقبه نباشرهم بثمر كل مسراع =وبن يسوى بشقر الهيل منشوع
أحد على بر به السمن ينداع =وحد على كبش من الضأن مفدوع
نشري الثناء من مال دفاعة الصاع =لا هاب غيري حدهم قلت مرقوع
من مالهم ناخذ ونلقى توساع =كم واحد نشبع وهو ميت جوع
ياغرس ياللي في الفضا كنه أقطاع =مثل الجهام اللي على العد مقروع
ماخز بالجدران عن كل طماع =لو كان في فيحا فلا فيه مطموع
سوره بني عمي مسوين الافناع =هل سربة صعب القبايل لهم طوع
كم واحد دلوه دربه إلى ضاع =عقب الشره يبغي القوادي ومذروع
بنيه مواصيل مع كل صعصاع =بمسلهبات زادهن كل مميوع
نفرح إلى من جاء عن الشر دفاع =وبذالة لا عاد ماهوب مدفوع
صلاة ربي عد ماينبت القاع =واعداد حب في البلادين مزروع




وبعد ذلك توفي رحمه الله واتاء من بعده ابنه الشيخ مبارك بن ناجي بن كليب ال مانع ال عمار وسار على نهج والده رحمهم الله بأكرام الضيف والشجاعة وإصلاح ذات البين ومنصى القريب والبعيد



ومن ثم بعد ذلك صدر نظام المراكز القبليه ونزل مركز بأسم سويدان وذلك عام 1390 ونصب فيه وتوفي رحمه الله وتولى من بعده أبنه الشيخ عبدالله رحمه الله

الشيخ عبدالله بن مبارك بن ناجي بن كليب رحمه الله سار على نهج آبائه وأجداده
وذلك بالحكمة والكرم والشجاعة والرأي الحكيم في جميع الامور وأصلاح ذات البين
ومساعدة الناس في قضاء حوائجهم ولين الجانب


يقول الشاعر عويض بن مسفر بن قحيفان الخضران

مرحبآ لا جيت ياراعي الراي السديد =ومرحبآ بالصلح واللي حكم به من شمام
وأسمعوا مني كلآم على معنى وكيد =مانقول الاكلام على معنآ تمام
يانديبي وارتحل فوق مأمون جديد =ونصه بن كليب قله وخصه بالسلام
وخص عبدالله راعي الثناء طيبه يزيد= حقه البيضاء تبين على الفعل التمام
واقف في ماقف مرثه جد شهيد =جده اللي يشحم الغرس لضيوف حشام
يامطاليق أشهدوا لي على علم وكيد =سمعه ابن كليب بالطيب مافيها كلام


يقول الشاعر مسفر بن سعد بن قويد


زان المجال وزان بدع التماثيل =وسجلتنا من خاطري بعض الابيات
أبيات تهدى للرجال الحلاحيل =اللي لهم في قمة المجد رايات
تهدى لميرن يوفي الصاع والكيل =عبدالله بن كليب زبن الونيات
بيته لعطران الشوارب مداهيل =ومنصا النشاما فالليال الشحيحات
تلقى الشحم ومزعفر البن والهيل =في مجلس اللي يرتكي للثقيلات
من روس خطلان اليدين المشاكيل= وقفات عبدالله ماهيب اي وقفات
لا كبرت الدعوى وكثرت لقاويل =ترفع له البيضاء بروس الطويلات
متوارثين المجد جيل بعد جيل =وفازوا بكسب الطايله والمروات
ويستاهلون المدح جمله وتفصيل= اللي فعايلهم تنومس اليا جات


ويقول الشاعر عبدالله بن سعد العجمي

يالله يامنشي حقوق المخاييل =منشي من القبله صدوق المخيله
تعز شيخآ وأمير وللنشاما مداهيل =حلال صعبات الاموره الثقيله
مواقفك يشهد لها الجدي وسهيل =وقفات شيخآ مالقينا مثيله
حلال صعبات الصعيباتحلحيل =يحلها لو أنها مستحيله
فعلك تسولف به أجيالآ بعد جيل =يا أبو مبارك كاسبن الجميله
من الحجاز الى ديار المناهيل =تنشر لك البيضاء براس الطويله
لامن نصاك الي حموله مثاقيل =يا أبو مبارك كل حملآ تشيله
بيتك يزبن خايف يسهر الليل =صكت به الدنيا بغدرآ وحيله

ويوقل الشاعر حشان عبدالله النتيفات

عبدالله بن كليب رجل المواقيف =كل شهد له في فعوله تعليا
شيخ شجاع وفيه كل التواصيف =من طيب راسه لا نخيته أحتمليا
سلم عليه وقله الشعر توليف =توليف مسجون بهم وزعليا
أنخى هل الفزعات يوم الردي عيف =وكل أبلج منعور يوحي صطليا
وأخص منهو بطلته مقدم الريف= ينجا دخيله لا نصاه ودخليا

قصيدة الشاعر شيبان بن محمد الودعاني

عبدالله بن كليب ياذرب الافعال =أنت العميد اللي ركبت الشدادي
وأنت البطل ياراكب أخطوط أطوال =وقت على حر ووقت برادي
ياصاعد بالجود في روس الامثال =قداك ربي ياقوي الزنادي
له راية بين الخصيمين حلال =وسوالف ماتنحصى بالعدادي
من بينهم بالصلح لا قام يحتال =لا منه ارتكى وجالك سنادي
قصيرهم ماشد بالدار نزال =عطي الهدايا لا طلبها النوادي
وجميع ماقلنا على ثار الافعال =ومايحصي العداد شيء وكادي

قصيدة الشاعر كلثم بن مهدي القحطاني

ياعيال يامترحلين على قود =ما لفاكم ابن كليب عيد الركايب
تلقون قرم يذبح الشاة موجود =وقبل الشحم برآ به السمن ذايب
ومفطحات واشقر البن والعود =في مجلسآ ماهو عنه غايب
وربعه مع الاجناب في فعله شهود =ورثآ من الجدين بالطيب دارب
كم واحد قد جاه من الدين مظهود =حمله ثقيل وحل منه النشايب
بيته كما عدآ به الطرش مارود =هداج لا قلة عليك المشاريب
ترى النباء يبقى لراعيه مرصود =غنوبها ياركبين النجايب
عبدالله بن كليب بالطيب موجود =واللاش عن كسب النواميس هايب


قصيدة الشاعر مبارك محمد الشمري

الله على جمس بعيد المراويح =ومن مصنعه مهديه راعي الوكاله
نصه بن كليب وقت الضحى والضحاحيح =عبدالله اليا عض الرشا بالمحاله
يابو مبارك مابه اليوم تلميح =جيتك وحملي فوق راسي عباله
منها عجزت أقوم وان قمت باطيح =وان طحت ماعندي من الناس حاله
يامير وقتي والظروف الذوابيح =عزي لمن جور الزمان أرتكاله
واسلم ودمعي فوق خدي ذوابيح =وهذا جوابي وانت غاية سؤاله

توفي الشيخ عبدالله بن كليب 4 / 12 /1434 وعين على المركز ابنه مبارك

الشيخ مبارك بن عبدالله بن كليب ال عمار

سار على نهج أبائه وأجداده وذلك بالكرم والمجلس المفتوح وقضاء حوائج الناس وإصلاح ذات البين


قال الشاعر تركي بن مسفر الخضران

يالله أني طالبك ونت علام الغيوب =ماتخيب من ترجاك يالرب الكريم
بسعد والخير هبي علينا يالهبوب =رحمة من رب طيبه وزمز والحطيم
ومرحبآ بالي لفانا مقدر ومحسوب =ساعي بالصلح وصلح درب مستقيم
عشت يبن كليب وافي بفعلك ومحبوب =ولابتي ربعآ حشام يحبون الحشيم
والفخر والعز والطيب كاملة الوجوب =سلمك وسلمآ لبوك وجدك من قديم
ومرحبآ في مرحبا وانت وافي ومحسوب =ولابتي ربعآ حشام يحبون الحشيم




يقول الشاعر محمد بن علبش الهوامله

طرات المواتر يتبعآ موتر بن كليب =صبي المراجل طيبآ ساسه وراسه
تهقوى بدربآ ولد الردي منه يهيب =بعيد على غيره مبته ومرواسه

يقول الشاعر محمد بن حسين ال مخلص اليامي

المراكز سوى مركز وختم وأمير =لكن فعل الرجال وطيبهم مأستواء
أبن عبدالله مبارك كليب الامير =مركزه يفرق وموقفه موقف لواء
قلب أسد كف ذيب عين طير =هضبة نجد قمت طويق عد رواء








الشيخ مبارك بن عبدالله بن كليب ال عمار












































______________________________________-

وبدعوة كريمة الشيخ عبدالله بن محمد بن مشنان آل مبارك ال عمار لــ موقع الدواسر الرسمي ب بــــ مركز الروضة حيث كان في استقبالنا الشيخ عبدالله بن محمد بن مشنان آل مبارك ال عمار وجمع من آل عمار الكرام




















__________________________________________________ __

وبدعوة كريمة الشيخ محمد بن شايع بن وسيم ال عمار لــ موقع الدواسر الرسمي ب بــــ قريه النبايه حيث كان في استقبالنا الشيخ محمد بن شايع بن وسيم ال عمار وجمع من آل عمار الكرام


وهذه الابيات بمناسبه زياره موقع الدواسر لقريه النبايه حيث انا الذي يسكن قريه النبايه قبيله اللواما من المانع ال عمار الدواسر للشاعر: صالح بن علي ال ذوي



مرحبا بلي لفو لنبايه زايرين=مرحبا مالاح برق(ن) وهلت مزونه
مرحبا بدهن العود والكاد والياسمين=في منتدى الدواسر بالقريا تشهدونه
في محل ابن شايع محمد ملفا الغانمين= نسل ابن وسيم عقيد بالمغازي يذكرونه
من صلب ال عمار تاريخهم له دواوين = عدوهم نهار القى خاسر والمنايا يردونه
قول منهو من لابتن تروي الحد السنين =آل ذوي من صلب زايد زبينهم يمنونة



وهو حفيد العقيدمحمد بن وسيم وقد قيل في العقيد محمد بن وسيم قصائد في مدح فروسيته وشجاعتة وكرمة منهم الشويعر من العجمان وللأسف الذي يحفظها خانتة الذاكرة لكبر سنة وهو الشيخ محمد بن سعود امد الله في عمره

مناسبه هذه القصيده /عندما اراد السفر صالح ابن علي الذوي فكان محتار يريد خوي معه فقام
بالاتصال على محمد ابن شايع ابن وسيم فقال انا الخوي والجيب جاهز فقال هذه الابيات



بادي ذكرالله عزيز الجﻻل =عظيم الرجاء الاهي له صلاتي وصومي
هاض الشعر يابن شايع بزين لمثال=نسل ابن وسيم الي يضد الخصومي
خوي الخوي فالسفر يطرب البال=واشهد انه في لنايبه يسد الزومي
جاه الخبر وماعتذر قال فالحال=انا الخوي والجيب جاهز يالقرومي
ونزاح عني حمل مثل الجبال=قوي العزم يزيل كثير الهمومي
هذي طراه الدنيا والرجال ارجال=بالدين والمراجل ترقى نايفات الرجومي
يعيش مكرم النادركريم السبال=والموت اردي العزايم والرخومي
وصلاة ربي عد ماهل همال=على النبي شفيعنا يوم الحشر والزحومي





الشيخ محمد بن شايع بن وسيم ال عمار








































وختاماً، فإنه ليسر إدارة الموقع الرسمي لقبيلة الدواسر أن تتقدم بخالص الشكر والعرفان لمشايخ وأعيان " السيح , سويدان , مروان , الرزقية , الروضة , النباية " على رحابة صدرورهم وكرمهم الغير مستغرب ونراااكم في رحلة أخرى سوف تطرح الأيام القادمة بإذن الله تعالى


(صوت قبيلة الدواسر)
الموقع الرسمي لقبيلة الدواسر
www.alduwaser.org


 

 

 

 

 

 

التوقيع


حسابنا في تويتر

@alduwaser1

    

رد مع اقتباس
قديم 28-09-2014, 03:35 PM   #2
 
إحصائية العضو








فهد الغريري غير متصل

فهد الغريري is a jewel in the roughفهد الغريري is a jewel in the roughفهد الغريري is a jewel in the rough


افتراضي رد: التغطية المصورة لجولة موقع قبيلة الدواسر الرسمي الثانية لـ محافظة الافلاج " السيح , سويدان , مروان , الرزقية , الروضة , النباية "

اتتقدم بخالص الشكر والعرفان لمشايخ وأعيان " السيح , سويدان , مروان , الرزقية , الروضة , النباية "

على رحابة صدرورهم وكرمهم الغير مستغرب



وترقبوا التغطية القادمه

" الـــــبـــــــــديــــــــع "

 

 

 

 

 

 

التوقيع

    

رد مع اقتباس
قديم 30-09-2014, 04:18 PM   #3
 
إحصائية العضو







رآشد آل عمآر غير متصل

رآشد آل عمآر is on a distinguished road


افتراضي رد: التغطية المصورة لجولة موقع قبيلة الدواسر الرسمي الثانية لـ محافظة الافلاج " السيح , سويدان , مروان , الرزقية , الروضة , النباية "

بالنيابة عن والدي الشيخ مترك بن غانم ال عمار أشكر أعضاء موقع قبيلة الدواسر الرسمي لزيارتهم وتشريفهم قبيلة ال عمار في محافظة الافلاج وهذا الجهد لا يستغرب من أمثالهم لما لمسناه من حرصهم على خدمة قبيلة الدواسر عامة فكل الشكر لهم

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 4 ( الأعضاء 0 والزوار 4)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
التغطية المصوّرة للحفل التكريمي لقبيلة العمور برعاية الشيخ عماش والشيخ مصلح أبناء مبارك آل صغير العمور الإداره :: قسم اللقــاءات والفعاليات والتغطيات الخاصة:: 8 03-06-2014 03:18 PM
اخطاء كتاب سبيع واصولهم ( في حق دواسر الافلاج) قلم حر :: القسم الـتاريخــي الــعام :: 7 03-07-2013 04:37 PM
التغطية المصورة لجولة موقع قبيلة الدواسر الرسمي لـ محافظة الشماسية الإداره :: قسم اللقــاءات والفعاليات والتغطيات الخاصة:: 32 19-05-2012 11:03 PM
التغطية المصوّرة لحفل قبيلة الدواسر بدولة قطر بمناسبة اليوم الوطني للدولة. الإداره :: قسم اللقــاءات والفعاليات والتغطيات الخاصة:: 11 11-03-2011 05:45 AM
التغطية الـمصّورة للحـفل الثـاني لموقع الدواسر الرسمي برعاية الغرره الإداره :: قسم اللقــاءات والفعاليات والتغطيات الخاصة:: 29 18-08-2007 06:40 PM

 


الساعة الآن 09:53 PM


Powered by vBulletin® Copyright ©2000 - 2024, Jelsoft Enterprises Ltd.
---