ابن سبهان قائد حلفاء ابن رشيد يقود جموعه علي الدواســـر

[معلومات العضو تركي ال فنيس]

حدثت هذه المعركه عندما ارسل ابن رشيد قائده ابن سبهان ومعه عبده جماعة ابن رشيد ومعه ابن حلاف شيخ الظفير وربعه وأمر بتحريك جيوشه لحرب الدواسر في ((ليلي )) الافلاج ، وقد اجتمعوا الدواسر واستعدوا لمواجهة هذا السيل الجارف
وحدثت معركه كبيره انتصروا فيها الدواسر


وبهذه المناسبه قال الشاعر الفارس هجاج بن عيد الغييثات الدوسري هذه القصيدة.

/

كـل الشـروع الطيبـة بانينـهـا=واللي يخلـي سلـم جـده هافـي
حيث اللحـم عيـب علينـا بيعـه=مناب من يضفـي عليـه لفافـي
حقاتنـا مـنـه ثــلاث فقـايـر=مركـب رديـف لا دبـرن زلافـي
وإلـى عطينـا مـدة مـا نردهـا=حيث العطا بين الرجـال أسلافـي
ويا زيـن فزعتنـا ((لراعـي ليلـى))=بجمع ضريـر فـي يديـه أتلافـي 1
يوم جتنا ((الفنسـا ))تهـل دموعهـا=تقـول وليـت دارنــا ياكـافـي 2
حنا حجـاب الـدار وانـا سترهـا=والله مـا نرضـى لهـا بخلافـي
((( والنعم ابن سبهان هو وجموعه=جموع عبـده هـم وابـن حـلافِ )) 3
لاشـك جاهـم لابـةٍ مصـطـورة=ربـع تـورد شـذرة الأسـيـافِ
لين انثنى من الـدار مـا يبغيهـا=صابه من الشر الشرير أخفافـي))) 4
يا زيـن فزعتنـا لـذود انقاعـه=لاما ارزمـت لحورهـا المشعافـي
حنا البلا سقـم المعـادي وسمـه=نسقي العدو سـمٍ مريـق صافـي

.

1_ راعي ليلي : امير الافلاج من العجالين الدواسر

= قال ابو عبدالرحمن ابن عقيل الظاهري: والضرير الاعمي وذلك كنايه عن زحف هذا الجيش بأنه يكتسح ماقابله بدون تميز وان الحرب عمياء تأكل الرطب واليابس والمعادي حقيقة والمكره علي الحرب



2_ الفنسا بنت امير العجالين


3_ ابن سبهان قائد حلفاء ابن رشيد.

=عبده جماعة ابن رشيد من شمــــر

=ابن حــلاف شيخ الظفير


4_خفاف=خفة سببها الخوف,

/









منقول من اشعار الدواسر ) (( حققه وعلق عليه ابوعبدالرحمن ابن عقيل
الظاهري ))

 

 

 

 

[معلومات العضو الجعيدي الدوسري]

الله لا يهينك ويطول عمرك ويرحم والديك عن النار على النقل الجزل الدال على تاريخ وتراث قبليتنا العزيزة ،،،
أخوي تركي الودعاني ،، كثر الله من أمثالك ولا تحرمنا سوالفك الغانمه يالسنافي.
وتقبل تحيات اخوك "الجعيدي الدوسري"

 

 

 

 

[معلومات العضو يحيى الودعاني]

لاهنت أخوي تركي
وبيض الله وجهك على السالفة الطيبة

من ابن رشيد اللي في السالفة ؟

 

 

 

 

[معلومات العضو ذيب الغياثات]

هذه الحرب هي فزعة الغياثات لأبناء عمهم ال حسن بن صهيب

وهي من اسباب قدومهم من وادي الدواسر الى الافلاج وطردو ابن سبهان من ليلى

وبعدها تفرقو منهم من ذهب الى الخرج والأحساء وغيرها ومنهم من استقر في الافلاج

 

 

 

 

[معلومات العضو أبو سعود الودعاني]

يالبى قلبك

يا بن عمي

جعلنا ما نعدمك يارب

على هذا النقل اللي سير القلب

سلمت لنا


تحيااتي

 

 

 

 

[معلومات العضو بدراني 82]

السلام عليكم ورحمة الله وبركاته
تسلم يا الودعاني على روايتك لمفخرة من مفاخر الدواسر, وهل من الممكن ان تذكر تاريخ هذا الحدث وفي عهد من من شيوخ الرشيد حدثت؟

 

 

 

 

[معلومات العضو سلمان الحرجي]

السلام عليكم ورحمة الله وبركاته
لاهنت يالودعاني وبيض الله وجهك

 

 

 

 

[معلومات العضو ابوعبدالعزيز]

تسلم ياتركي الودعاني على هذي العلوم

وكفو بالدواسر وافين في كل زمان ومكان

 

 

 

 

[معلومات العضو ابوعبدالرحمن الودعاني]

بيض الله وجهك يا وجه ناصر

وأحسنت على إيراد هذه القصيده الطيبه الجزله

وليتك كملت السالفه وش صار فيها؟؟!!

.

 

 

 

 

[معلومات العضو فيصل بن جزاء]

لاهنت على نقل القصيده

وهذي الحرب بين ال حسن بن صهيب والغييثات الصهبه ضد قوات ابن رشيد المكونه من قبائل عبده من شمر والظفير جماعة ابن حلاف بقيادة ابن سبهان ابن عم ال رشيد وهو خال عبدالعزيز بن رشيد
الملقب بالجنازه والمعركه حصلت في فترة حكم الامير عبدالعزيز بن متعب بن رشيد الجنازه وكان
مقصدهم احتلال الافلاج وانتصر الدواسر في هذه المعركه وهرب ابن سبهان ومن نجي من ربعه
وقد خلدتها قصيدة الفارس والشاعر هجاج بن عيد الغييثات وهي مفخره لقبيلة الدواسر جميعآ

 

 

 

 

[معلومات العضو ولد ودعان]

بيض الله وجهك على القصه والقصيده الي تحرك شعور الفخر بقبيلتي


لاهنت تقبل تحاتي

 

 

 

 

[معلومات العضو محماس الدوسري]

كفووووووووووووو يالابتي

بيض الله وجهك ياتركي على القصه والقصيده الي تحرك شعور الفخر بقبيلتنا

 

 

 

 

[معلومات العضو ابن الخليج]

تسلم يمينك يا لغالي على القصه والمدعومه با لقصيده والذي يفتخر بها كل دوسري لاهنت

 

 

 

 

[معلومات العضو فرحان فهد ال فرحان]

يعجبني من يرفق مع القصه قصيده للتوثيق وهذا يدل على صدق الناقل لان القصيده توثق القصه

بيض الله وجهك وكثر من امثالك

 

 

 

 

[معلومات العضو صقر_الوداعين]

السلام عليكم ورحمة الله وبركاته

تسلم ياااخوي تركي على القصيده وماقصرت وعساك على القوى اخوك ابوعبدالله.....