|
|||||||
02-09-2008, 11:04 PM
|
#1 | ||||
|
مفرج المخاريم
بسم الله الرحمن الرحيم
|
||||
|
|
|
02-09-2008, 11:07 PM
|
#2 | ||||
|
رد: مفرج المخاريم
مرحباً عداد مالاح برق(ن) فـي مخيـل=ومرحباًعـداد ماهـب نسـاس الشمـال
مرحبـا ترحيبة(ن)بعدهـا بـن وهيـل=با الرجال اهل المراجل كريمين السبـال قالها اللي يبدع القاف والبيـت الجزيـل=اجتهد وتعب على بدع الامثـال الجـزال احبك ابيوت القصيده ولا جيب الهزيـل=ونقد ابيوت القصيده كمـا نقـد الريـال يا بنات الفكر هاتي لـو الشـي القليـل=قالـت الامثـال مـاقـل دل ابـلاجـدال ويوم كل(ن)راكب له على احصانًٍ اصيل=فنا احصانـي السانـي بهـذا الاحتفـال الرسول المصفـى قـد امرنـا والدليـل=علم ابنائك على الخيل مع رمـي النبـال ومن قديم الخيل والبل لها قدر(ن)جميـل=حبها في قلوبنا مساوي(ن)حـب العيـال ومن قديم محافضينً على العرق النبيـل=حيثها عز(ن)وتفخربهـا كـل الرجـال عاديات ان شبو النار في خشـم الفتيـل=لاعتلينا اضهورها نـارد العـد الـزلال ونلطم العايل وناطى على من هو يعيـل=ودارنا حامينها من جنوب ومـن شمـال فوق قب(ن)مسرجات لها عج وصهيـل=سابقـات (ن)كامـلات(ن) ولله الكمـال مقبـلات مدبـرات كمـا حيـودً بسيـل=لاحذفها السيل ثم جات من رووس الجبال وحن هل البل من قديم وهل سيفً وخيل=يشهد التاريخ فعـل(ن) قديـم ولايـزال يشهد التاريخ يوم لنـا بـوادي عقيـل=يوم جلينـا اعدانـا وفيـه الـدم سـال لابتـي هـم لاد زايـد مزبنـة الدخيـل=قوم عز(ن)مـن قديـم فعايلنـا جـزال جارنا نوفي حقوقـه ولانخـون العميـل=وضيفنا انقدم له الحيل مع صفر الـدلال والكرم طبع(ن)لنا ماذكـر فينـا بخيـل=فالشدايد نرخص المال مانشـح الريـال والخوي انشيل حمله ولو حملـه ثقيـل=ولازبنا يشكـي الهـم عنـه الهـم زال يشهد جريس اليماني على فعل الجميـل=يوم جانا يشكـي الديـن وهـوم اليـال والخوي يشهدلنا في نهار(ن)كنـه ليـل=بيوم حرب وموتر الشمري صابه عطال وقام ينخى خبرة(ن)ماذكر فيهـم ذليـل=يوم شاف الوقت ضده وشاف الحظ مـال فككوه الاد زايد وشالـو الحمـل شيـل=ونقذوه اهل المراجل عريبيـن الخـوال ولابنينا سور حامي على صفر النخيـل=سورها البارود لشهب معى بيض السلال ونحمد الله اليوم في ضل مروين الصقيل=اسرة(ن)تحكم بشرع الولي جـل وتعـال المواطن عاش بامن عقب قتـل وقتيـل=جل شان مبدل الحال من حال(ن)الحـال كلبونا صـف واحـد ولا يمكـن نميـل=ما تغيرنـا اليالـي ولا قيـل(ن) وقـال حافظين عهد الجداد جيل(ن)بعـد جيـل=والولا معقود معهم كمـا عقـد الحبـال والوطن باالامن ماله شبيـه ولا مثيـل=الوطن نفديـه بارواحنـا وقـت القتـال فياالله المعبود يالخالق البـاري الوكيـل=ياعضيم الشان يامنشي حقـوق الخيـال احفظ القايد ويالله عسى عمـره طويـل=ابو متعب عزنـا قايد(ن)حكمـه عـدال والله انه فزعة اللي على الدنيـا عليـل=تشهد الايتام دمع(ن) على الخدين سـال قايد(ن) وقت الشدايد لنـا ظل(ن)ظليـل=والله انا محزمه لاضـرب جال(ن)بجـال
|
||||
|
|
|
02-09-2008, 11:10 PM
|
#3 | ||||
|
رد: مفرج المخاريم
يالله المعبود ياخالقٍ كل البشر=ياالهٍ نعبده خالقٍ ليل ونهار
ياالهٍ للخطايا وللذنب ايغفر=غافرٍ ذنوب خلقه ولو انها اكبار منجيٍ يونس من اهوال وامواج البحر=رافعٍ سبعٍ بليا عمد مجري البحار انصر الاسلام واهله على منهو كفر =ومن يسب الدين يالله عساهم للدمار واحفظ ابلادن بها الدين والأمن انتشر=دولةٍ فيها العدالة وحكم الشرع صار تحت حكم القايد اللي بحكمه نفتخر=ابو متعب عزنا قادها بكل افتخار بالشجاعة والسياسة على الاعداء انتصر=والدول من هيبته تخضع اليا اصدر قرار آل مقرن نصرة الدين لاحل القشر=هم حماة الدين والدار لاثار الغبار للملك نعلن ولانا على طول الدهر=الولاء وحماية الدار هي النا شعار والله انا حاضرين ليا حل الخطر =جاهزين بالذخاير لامن الحرب ثار استعد القاف عندي وحضرت الفكر =واتخير في البيوت الجزيلات الغزار للمثايل في ضميري مداهيل ومقر=اقطف جزال المعاني كما قطف الثمار قلت ابشارك نهار المزاين وافتخر=في نهارٍ العرب جات من كل الديار مرحبا باللي حضر عد مابان القمر=وعد من لبى وكبر ومن للبيت زار مرحبابك يابو فيصل عدد نبت الزهر=ياشجاعٍ تفعل الطيب لك في المجد كار ابو فيصل فزعة اللي شكى هم وقهر=واشهد انه فزعة اللي عليه الوقت جار كم فقيرٍ جاه ثم اغتنى عقب الفقر=اشهد انه للمراجل وفعل الطيب سار شجع البل كاسب الجود بالطيب اشتهر=ليت ابوكم حي ويشوف عقبه ويش صار طيبكم ياسيدي شاملٍ بدو وحضر=الله انه يعزكم ياطويلين الاعمار الاعمار وابو ناصر كاسب الجود قرمٍ ينذكر=نذكره لامن حدانا الزمن والخل بار والله انك في الشدايد نشد بك الظهر=ياكريمٍ تفعل الطيب في وقت العسار ولا نسينا طيب حرٍ على العليا شهر=ذاك خالد يبذل اجهوده بكل اقتدار وعاش من سوى المزاين ومن جيبه خسر=والجوايز حطها شاملة دون اختصار انت يابن غنيم تدعم ولك منا الشكر=ياكريمٍ ماعلى طيبك وجودك اغبار من قديم البل لها امجاد وعلوم وفخر =وخصها الرحمن بالذكر لاجل الاعتبار من قديم اثمانها السيف والدم الحمر=كم شجاعٍ راح من دونها فوق المهار اشهد ان اللي ملكها لقى خير وتجر=هي عطايا الله وهي الحسينات الخيار ودي اوصف بعضها بوصفٍ مختصر=حيث للبل عندنا ياعرب قدر ووقار في المزاين شفت سودٍ يحير بها الفكر=والله انه غايتي شوف زينات البكار البكار اللي لها خشوم ووساع النحر=والاذاني حداد ويضا مهادلها كبار غايتي سادا سناد ومفهوقة ظهر=لامشت كنها تعاين الجولن يوم طار نيها من عازها مايجي طوله شبر=وركها من برجمتها يجي عشرة اشبار وافية في الطول والعرض وتشوق النظر=والمواطي يوم تشلعبها عسمن كبار رشحواها من لوايل وهي قبل تحضر=وجالت الأنظار معها وراع الصنف حار ويوم فازت قام اهلها يحذفون الغتر=وكل عاقل صابه اهبال وبه الدم فار جعل يسقي دارها من هماليل المطر=لين ترعى في فياضٍ كساها الله خضار وزين والله شوفها وسط ريضانٍ خضر=نبتها اخزامى ونفل وارضها ارضٍ زبار
|
||||
|
|
|
02-09-2008, 11:11 PM
|
#4 | ||||
|
رد: مفرج المخاريم
يالله المعبود يالي علئ خلقه رحوم=يااله كل خلقه لوجهه تسجدي
يالاله المعتلي فارج(ن) كل الهموم=يا الاله المعتلي خير رب(ن) يعبدي بعد ذكره بمدح اللي على العليا عزوم=يا بنات الفكر هاتي ابيوتك وقصدي في بحور الشعر قامت هواجيسي تعوم=والشعر هلت مزونه وقامت ترعدي لانطقت البيت بيتي عن النقد معصوم=اسبك المعنى وحبكه لجل ماينقدي بمدح اللي يفعل الطيب ويسد الزوم=(ناصر بن قريع) ياجعل يفداه الردي هو حزام اللي حصل له من الدنيا ثلوم=با لمراجل والوفا معتلي فوق الجدي مجلسه مفتوح والضيف لاجاه محشوم=مايحسب للخساير رعى الكف الندي يوم جاه المال ما شح به مثل الرخوم=ينفق الامال ماهو بخيل(ن)يرصدي كاسب الناموس متواضع(ن)ما فيه زوم=يفعل المعروف ماله وراها مقصدي والله انه من رجال(ن) يضدون الخصوم=لاد زايد في الملاقى تضد المعتدي مالك(ن)وضح(ن)غوالي كما وصف الرجوم=او كما اخيام(ن)بروضة اخريم السيدي كل وحده منفهق نيها اسناد(ن) ردوم=مارقه نسنوس والعين والخشم اسودي لامشت كنها تعاين لمنزال النجوم=يا لله تحميها من عيون ناس(ن)تحسدي يعجز الشراي عنها ليا جاها يسوم=كم غني(ن) يمتنيها ويصفق باليدي يوم عرضت شاش راسي وقمت اجلس وقوم=والفرح عم الدواسر وكني معيدي فالجهل حامينها كل ليل وكل يوم=بالسيوف ودونها للمنايا ناردي ورث ماجت بالتسلف ولا حب الخشوم=جاتنا بالسيف والا بمال(ن) ينقدي ونحمد الله اليوم في ضل حكام(ن)قروم=ويا عسى الله يرحم اللي للمه وحدي هاذي اعلومي ولا ني منافق بالعلوم=والحقيقه قلتها والخلايق تشهدي
|
||||
|
|
|
02-09-2008, 11:11 PM
|
#5 | ||||
|
رد: مفرج المخاريم
عزالرياض وعز وادي حنيفه=وعز الإماره والأمور العظايم
عدل الحكم سلمان بالعز ريفه=خمسين عام وكل أبوها غنايم تبصر بعدله عين حي(ن) كفيفه=المجد له والطيب والعز دايم سلمان شيال الحمول الكليفه=أمير نجد أللي يحل الخصايم أمير نجد أللي قليل(ن) وصيفه=راعي المراجل والفعول القدايم الطيب طبعه والعلوم الطريفه=من خلقته للمجد والعز شايم ونفسه على فعل المراجل خفيفه=ولامن وعد يوفي قوي العزايم له مدة(ن) تغني النفوس الضعيفه=وعون الفقير اللي عن الزاد صايم هو غيثنا وقت السنين العجيفه=وهوه ذرانا عن لهيب السمايم منه الرياض أصبح رياض(ن) مريفه=خمسين عام(ن) والعدل فيه قايم سلمان فعله مانحصر في صحيفه=في مدح سلمان اصبح الفكر هايم أبن الإمام اللي حكمها بسيفه=ومعه اربعين(ن) عاصبين العمايم فوق المهار وموميات السفيفه=عجلان حطو الباب فوقه قسايم ثم جاه ضربه فوق راسه عنيفه=وخلي طريح(ن) فوقه الطير حايم ونادا المنادي بالحكم في المنيفه=ورفع بصوته ثم صحى كل نايم الحكم لبن سعود واصبح حليفه=وساعة حكم زال الجهل والظلايم
|
||||
|
|
|
02-09-2008, 11:12 PM
|
#6 | ||||
|
رد: مفرج المخاريم
البارحة كني على صالي النار=وكنه مولع بين الاضلاع دافور
من سبّت الأسهم غدا الحال مسمار=من شاف حالي ناحلٍ قال مسحور والناس ماتدري السبب سوق غدار=وأني ضحيه ياعرب شخص هامور الله يقطع ياعرب بعض الأشوار=ويقطعك ياشخصٍ يقول أقبل الشور قالو لي أصبر قلت أنارجل صبار=لا تبيع لسهم وأصبرأيام وأشهور وصبرت نبغي نصير ذا الوقت تجار=ويصير عندي مال وأصير مشهور ولا وعيت إلا وهاالسوق منهار=انهرت كنّه داخل عظامي كسور عرضت لسهم والطلب كله أصفار=وجلست قدم الشاشة أون وادور والضغط عندي زاد والدم بي فار=ولافادني صبري ولافاد دكتور أحلامنا ضاعت وضاعن الافكار=ومن اول نبني عمارات وقصور والسوق لجله بعتناجيب جكسار=واليوم رجلي وأصفق الكف مقهور أبي الفوايد منه وأصبحت محتار=ولاني على دخلته ياناس مجبور من سبته كم واحد ٍ راح لشهار=وكم واحد ٍ تحت الثرى صار مقبور شي رأيته وأسمعه وسط الأخبار=وأيضا قريته في المجلات منشور واليوم أنا بنخى طويلين الاشبار=حكامنا اللي بامرهم يظهر النور هم درعنا من كل خاين وجبار=وهم فزعة اللي يشكي اللهم والجور
|
||||
|
|
|
02-09-2008, 11:13 PM
|
#7 | ||||
|
رد: مفرج المخاريم
يالله يالمعبود يامنشي الغيوم = ياذا الجلال اللي على خلقه رحوم
يالمعتلي يافارجً كل الهموم = أنت الآله ولالنا غيرك إلاه يافارج الكربات يارب العباد = ياذا الجلال اللي عليك الإعتماد يارافعٍ سبعٍ بلا عمدٍ شداد = ياواحدٍ نرجيه مانرجي سواه ياخالقٍ الكون يامجري السحاب = ياخالق الإنسان من ماء وتراب ياالله توفقنا على قول الصواب = ويالله ترحمنا ليا جات الوفاه من بعد ذكره زان بدع القاف زان = ولا جيب ياكود الجزيلات السمان والشعر سبك وحبك وافكار ومعان = ولا كلٍ يصيب الهدف لأمن رماه سلام ياشيوخٍ فعايلهم تعد = شيخان عزٍ من على أبٍ وجد أنتم ذرى وإنا لكم درع وسند = وأنتم لنا وإنا لكم مامن غناه سلام مني يامطوعة العنيد = ياأهل الوفاوالطيب والرأي السديد يامحزمي في الضيق ياسيفي الحديد = يافزعة اللي يشتكي من ما دهاه يازين والله شوفكم دايم جميع = ياأهل الوفى يامطوعه مالا يطيع أنتم حماة الدار والحصن المنيع = وأنتم كما نجم تعلا في سماه جمعا القبيله دوم يرفعه شانها = وترى تفرقها يهز أركانها ولا تجتمع إلا بجمع أعيانها = والإعتصام بحبل من نرجي رضاه الله يبيض وجه من حط إجتماع = اللجنة العليا لهم شكرٌ يذاع قاموا بجهد وذكرهم بالطيب شاع = قادوا المراجل والكفو يظهر نباه حطوا المزاين للبعيد وللقريب = وقاموا به ربوع يحلون الصعيب دواسر لامن عو ذيبٍ لذيب = أبشر بهم كل حضر وجهٍ وجاه يعيش رجلٍ لادعا الداعي حضر = ماصد في الشده ولادور عذر كريم سبلا مايحسب لو خسر = وليا عطا مايلحق المنة عطاه حنا الدواسر ماذكر فينا ردي = والطيب ملك التغلبي والزايدي ورجّالنا وصفه كما وصف الجدي = ووقت الشدايد سعد رجال نصاه حنا هل الناموس موفين العهود = اهل الكرم والجود حامين الحدود ولامن نصانا الضيف نذبح له قعود = ونفوسنا ترخص له ونتبع هواه وحنا هل العليا وحنا هل الكرم = وفعل الكرم طبع لنا منذُ القدم وعيب علينا نبيع مانا واللحم = وأفعالنا تشهدبها كل الرواه يشهد لنا جريس اليماني بالجميل = من يوم جانا يشكي الحمل الثقيل شلنا حموله ثم عطيناه النخيل = وعود بذودٍ شوفها غاية مناه وجانا الهلالي هو وربعه ضايفين = عامر بن بدران سقم المعتدين ذبح لهم خمسين مع زود أربعين = تسعينٍ من البل ذبحها يوم جاه وحنا ودينا الجار والسبة جدار = وهذي لنا رمز وفخر وأيضا شعار ونرفى خمال الجار لو الجار جار = من سلمنا والجار ناسم له عصاه والشمري يشهد لنا بيوم عبوس = في يوم حرب كنها حرب البسوس موتره شليناه في سبعة جموس = ساعة وقف والحرب دايرة رحاه نخى الدواسر قالوا إنا لك حزام = واللي معه ربعٍ يردون الجهام ألاد زايد مروية حد الحسام = الكل منهم شاش يوم أنه نخاه فكوه ثم فوق المواتر حملوه = وحمله على كل المواتر وزعوه خويهم والكل منهم كنه أخوه = ونجا بفضل الله ثم فضل أخوياه وأيضا الخوي يومه بوسط البير طاح = ثم أنكسر ماله جدا كون الصياح زهم خويه والخوي ماعنه راح = وأحتار في وضعه وهم برضٍ فلاه ذبح ذلوله قال عنك الهم زال = وساعة ذبحها جلدها حطها حبال ونزل عليه وطلعه وافي الخصال = ونجى الخوي والرب كاتب له نجاه يشهد لنا أبن مطرف بيوم مخيف = نصى الدواسر يوم جلاه الشريف ودخيلنا منزاله برأس المنيف = زبن علينا وحن مزبنة الجناه جانا الشريف يقود قوم وعسكرى = ويقول أنا في حربكم لاسمع لارى وقلنا له أبشر لك بسيفٍ أبترى = وبالسيف والبارود داوينا عماه ووسيم تشهد فعلنا بوقت مضى= أعيالها وأخوانها راحوا قضى تشكي علينا يوم ضاق بها الفضى = وعاشت حياة الفقر من عقب الغناة وايضا الدويخ يوم ينخى في الذلول = ومن دونها راحوا مناعير زحول يقول ردوها ياماضين الفعول = وجاته ذلوله والشداد وما حواه وحنا هل البل من قديمات الليال = ماجاتنا إسترفاد ولا بدفع مال ورث لنا وأثمانها بيض السلال = وياما حميناها من يدين الغزاه البل عطيا الله لها مجدٍ قديم = ولايملك البل كود رجال حشيم والبل ذكرها الله في القول الحكيم = وناقة نبي الله خلقها من حصاه وكل القبايل كفو ما فيهم قصور = وكل ظهر فعله بقديمات العصور وكل على ما قيل يالربع مخبور = وكل يعد أفعول جدانه وأباه وهذي القصيده قلتها بوقت قصير = شاعر صغير وغصتنا البحر الغزير وشاعر مايمدح لابته مافيه خير = ولاخير في شعرٍ ينزل مستواه وختامها مني صلاة على النبي = على الرسول الهاشمي اليعربي عداد من يقرا ومن هو يكتبي = وعداد من زار الحرم وأدا الزكاه
|
||||
|
|
|
02-09-2008, 11:14 PM
|
#8 | ||||
|
رد: مفرج المخاريم
يـا الله يـا منـزل كتـابٍ محكـمـي=يا ذا الجـلال اللـي تغفـر وترحمـي
نرجيـك يـا رحمـن يـا رب العبـاد=يا الخالـق اللـي بالسرايـر تعلمـي ونسألك يا رحمـن رحمـك ورضـاك=لامـن سكنـا وسـط قبـرٍ مظلـمـي من بعد ذكـره ببـدع بيـوتٍ جـزال=بيـوت شعـرٍ مـا نقدهـا الفاهمـي شاعر واجيب مـن البيـوت اسمانهـا=وانقـد بيوتـي مثـل نقـد الدرهمـي تارد علـي لامنـه جـاء مـا جوبهـا=والفكـر ينظمهـا ويكتبـهـا قلـمـي لامن دعى الداعي نجـي مـا نعتـذر=حضورنـا لامـن دعيـنـا يلـزمـي ركبت جيبـي ثـم عصبـت عمامتـي=ومن السعوديـة لكـم سقـت قدمـي فوق الـذي تـوه ورد أخـر موديـل=فكسار لونـه مثـل لـون المجهمـي ثمانيـة وألفيـن فُــل مواصـفـات=البازعـي جـابـة بعـقـدٍ مُبـرمـي صنعـة يابانيـاً ليـا يامنـه حـكـى=بيـنـك وبيـنـه لازم متـرجـمـي يعجبـك لا منـه مشـى بـر وبـلـد=وأنا اشهد إنـه يـا جماعـة صمِمِـي فخـر الريـادة مركبـة عـز وفخـر=غمـارة فخمـة وبــدي مفخـمـي غمارتـه غرفـه وزيــر فـاخـرة=وله شاشةٍ تشبـه لشاشـة الأسهمـي كن صوت سلفه لا اشتغل صوت الغرير=لا من ضحك ثم عقب الضحك تمتمـي لـه هيبـةٍ بيـن المواتـر لا وقـف=تقـول شيـخٍ وسـط مكـه محرمـي وجهه ليا شفتـه كمـا وجـه الفتـاه=غـروٍ وصغيـر باللـثـام ملثـمـي تسلـب قلـوب العاشقيـن بزينـهـا=من هو نظرها صـار فيهـا مغرمـي مركبـة يجـلا همـوم قلـبٍ خافيـة=منـوة حـزيـنٍ للعبـايـر يكتـمـي سقتـه ولا وقفتـه إلا فـي الكويـت=دارٍ غـلا حكامهـا ســار بـدمـي جينـا (ولـد بـراك) شيّـال الثقـال=رجـلٍ لجـل جمـع القبيلـة يدعمـي راعي الكرم والجود ما شـح الريـال=يبنـي عسـى يفـداه لاشٍ يهـدمـي جينـا ويدفعنـا لكـم حـب وغــلا=والله مـا جينـا يـكـون إنسلـمـي سلام يا ربعٍ لهـم لهـم قـدر ومقـام=يا أهل الوفا والطيـب ينطقهـا فمـي يـا لابـةٍ وقفاتهـم نفـخـر بـهـا=(زايد و تغلب) في الشدايـد محزمـي باقول مـا قالـه إبـن طالـب علـي=وأستشهد بقـول الرسـول الهاشمـي أهل العطا شجعـان فـي وقـت اللقـا=نهزم عدانا فـي اللقـا مـا نهزمـي أفعالنا يشهـد بهـا السيـف الصقيـل=(زايد و تغلب) مـن حربهـم يندمـي حنا ملـوك قـد حكمنـا فـي اليمـن=سبـا ذكرهـا الله بـقـولٍ محكـمـي حنا هـل الطـالات مـن وقـتٍ قديـم=يشهـد لنـا كـل عربـي و أعجمـي دواسـرٍ يـا سعـد مـنـا محـزمـه=حنا سعد من جـاء يصيـح ويزهمـي دخيلنـا لا مـن زبنـا مـا يـضـام=لجله علـى حـوض المنيـه نقدمـي يشهد لنا (إبن مطرف) بيـومٍ عسيـر=زبن علينـا وحـن مـلاذ المجرمـي وأيضاً (الدويّخ) قد نخانا فـي الذلـول=ثم ردهـا جـزل الفعـول (الهلقمـي) مشخـر الفرسـان نطـاح الصعـاب=راعي الكرم والجـود حُـرٍ صيرمـي ون ولعـوا خشـم الفتيلـة بالـزنـاد=كم كافـرٍ مـن فعلنـا جـاء مسلمـي حنا هـل العليـا مدابيـس الحـروب=يا كم كسرنـا مـن عقيـد وحاكمـي عداتنـا فعـل المـراجـل والـكـرم=والضيـف لا جانـا يعـز ويحشمـي وحنا دفعنا المـال وأظهرنـا السجيـن=عشريـن مليونـاً قبـل لا يعـدمـي وخوينا مـا يشتكـي جـور السنيـن=معنـا يعـيـش مـعـززٍ ومكـرمـي وحنا ذبحنا ورعنـا أفـورع القصيـر=مـن خـوف يلحقنـا ملامـة لايمـي وسقنا الديـه للجـار والسبـة جـدار=وقصيرنـا حنـا العصاتـه ناسـمـي حنـا الدواسـر محتميـن حـدودنـا=من يومها برمـاح وسيـوف ورمـي واليـوم عشنـا بظـل حكـام البـلاد=حكامنـا اللـي بشـرعـة تحكـمـي (آل السعود) اللـي بنـو مجـدٍ تليـد=وبطيبهـم يشهـد لاصـم ولبكـمـي وأختمها صلوا على الصـادق الأميـن=نبيـنـا محـمـد بـذِكـره نختـمـي
|
||||
|
|
|
02-09-2008, 11:14 PM
|
#9 | ||||
|
رد: مفرج المخاريم
يافقر قلي وش تبي مالك ورائ مفرج لزوم=ياويش تبغئ بمن يعشق المرجله وعلومها
والله ماجاء منك ياكون الظنك وايظاّ الهموم=ومن سبتك يافقر عيني مهتنت في نومها ومن اسبابك احتجنا رخومّ ما يعرفون السلوم=ناسّ لياكثرت دراهمها تضيع سلومها لاجيتها وقت الرخا تلقئ المهايط بالعلوم=ولاجيتها وقت القساء ضاعت جميع اعلومها اهل الريال الي ضروا وقت الرخاء بحب الخشوم=والله لولا ريالها محدّ يحب اخشومها لاكن ترئ منك استفدت لوكان منته بمهضوم=والفايده سود الليالي لا حدتني اهمومها لولاك والله ما عرفنا الطيبين من الرخوم=ولاعرفنا اصحابنا في ذا الزمن من قومها
|
||||
|
|
|
02-09-2008, 11:18 PM
|
#10 | ||||
|
رد: مفرج المخاريم
سلام يا لاد المنيعي مـن صناديـق الضميـر=سلام ياللهضب المسمـى والشجاعـه والفخـر سلام يا لاد المنيعي من كبيـر ومـن صغيـر=سلام يا رووس الرجال الي تدوسون الخطـر راسي يشوش من الفعول الي تشيـب بالغريـر=فعل المنيعي يوم شبت النار والمـوت الحمـر يا جعل راس ما يشوش الموت والسيف الشطير=يعيش عيشة محتقـر ويمـوت موتـة محتقـر لاد المنيعـي للمعـادي علقـم وشـر شريـر=ولصاحب الطف من زماليق الخزاما والزهـر يا عزوتن تسكر على صوت البنادق والنذيـر=والسيف الملح والجنابي ماهي بتسكـر خمـر لكم على الطالات ميراد على الجـم وصديـر=ولكم على الاطلال مايبـرد لواهيـب الصـدر حنا لكم وانتو لنا في شمـس ولا فـي هجيـر=دواسرن لامن كسرنا العضم يبطي مـا جبـر مافيه منا واحدن قد صار في الصـف الاخيـر=آمرين يا اما العز في الدنيا يا مـووت معتبـر دواسـرن وافعالنـا تحيـر بالـي مايحـيـر=وسلومنا ماهيب لا مـع زيـد ولا مـع عمـر حنا مزبنة الملـوك وكـل سيـف لـه جفيـر=يوم الوجيه وجيه والدنيا لهـا بطـن وضهـر وحنا مروعة الشيوخ بحـد سيـف مـا ينيـر=يومنها تطحـن رحاهـا بالشيـوخ وبالجبـر وحنا مدلهـة الغريـب اليـا لفانـا والقصيـر=وحنا شغاميم الرجال اهـل العوايـد والضفـر وحنا لنا التاريخ يكتب من تبوك اليـا عسيـر=ان الدواسر في العلاء العالي لها بيـت ومقـر وحنا نخلي مايجـي عسيـر بـذن الله يسيـر=بشر لاكنا في الحرايب مـا تقـول انـا بشـر هاذا قليل من كثيـر وكـل مـا قلتـه يصيـر=دامه مجير بالدواسر عـز فـي سـر وجهـر
قم يانديبي فوق جيبٍ صانعه رجلٍ خبير=جيبٍ على حسب الطلب من مصنعه توه صدر
لكزس اليا منه مشى الخط الطويل اصبح قصير=من مركبه ما يشتكي السواق لو طال السفر لكزس جمع كل المزايا ولا مع اللكزس خشير=في سرعته في راحته وصفه يحير ابه الفكر مركب غنين العرب ما ركبه عيال الفقير=اللي حياته كل ابوها دين و هموم و كدر انا اشهد انه درةٍ من حد شبكه لــ اسبير=في لازمي ما همني سعره ولو زاد السعر شيّك عليه و جهزه يا مسندي لاجل المسير=ثم دق سلفه يا حزامي لا فرغة من الفجر حرك من الوادي ونصه راعي الوجه السفير=راعي الوفا راعي الكرم راعي الجزاله في الشعر ولامن لقيته حب لي خشمه عسى الطيب بخير=وبلغ سلامي للشجاع اللي على العليا شهر لاجيته بتلقى الشحم و البن و الخير الكثير=و العود الازرق يجعله راعي الكرم فوق الجمر تعيش يارجلٍ عشقت الطيب من يومك صغير=و تعيش يارجلٍ فعولك بينه مثل القمر يا شاعرٍ قولك جزل وانته كما العد الغزير=تنقش بيوتك يا ابو مبارك كما نقش الحجر و انته من ربوعٍ تضد الضد في اليوم العسير=افعالكم تشهد بها العربان من بدو و حضر اللابه اللي لا حصل يومٍ عبوسٍ قمطرير=تارد على حياض المنايا ولا تهاب من الخطر تروي الهنادي كل ما قامت رحاها تستدير=لاجل الكرامه ترخص الارواح و تبيع العمر الآد ابو سباع مروين الجنابي والشطير=لا دارت الهيجا على الاعداء كما موج البحر من فعلكم كم من عدوٍ عاش مقهور حسير= ومن ضربكم كم من عقيدٍ ساكنٍ وسط القبر هدادكم يشبع به السرحان وايضا كل طير=و مداتكم تغني الضعوف اللي شكى هم و فقر و انتم على الاعداء عذاب وعلقم و ضر و ضرير=و للصاحب احلى من حليب اللي رعت روضٍ خضر و انتم مقابيس الوغى وانتم هل الفعل الشهير=يوم الجهل بسيوفكم حامين حسكات الوبر و انتم كما جبال ذراها مزبنٍ للمستجير=واللي نخاكم في نهار الضيق يبشر بالنصر و انتم لكم بين القبايل هيبه و قدر كبير=و انتم هل الطالات و الفزعات لا حل القشر في مدحكم جتني البيوت يقودها سلك الحرير=وردت غبات البحور و جبت انا منها الدرر ارسل تحياتي لكم وانا هنا لربعي سفير=ورجلٍ يقول الصدق له قيمه وله دايم قدر وختامها صلو على اللي سنته نورٍ منير=شفيعنا لا شخصت الابصار في يوم الحشر
|
||||
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 4 ( الأعضاء 0 والزوار 4) | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| شيلات مفرج المخاريم الدوسري | خضرآإآنيً م ـجروحْ | قسم الصوتيات والمرئيات لقصائد شعراء قبيلة الدواسر | 15 | 22-01-2011 10:34 PM |
| قصيدةالشاعر والاعلامي مفرج المخاريم في حفل الغياثات | أبو ريم | :: قسم قصايد مدح وفخـر في الــدواسـر :: | 8 | 13-10-2010 06:49 PM |
| شيلة: واشيب عيني من اللي شفت يا هايف,, مفرج المخاريم | عبدالكريم العماري | قسم الصوتيات والمرئيات لقصائد شعراء قبيلة الدواسر | 4 | 09-10-2010 11:11 PM |
| ][مادام ان جانبي شام لجنابك وانت عني شمت][ كلمات بن جدلان آداء مفرج المخاريم | عبدالكريم العماري | قسم الصوتيات والمرئيات لقصائد شعراء قبيلة الدواسر | 9 | 09-10-2010 11:07 PM |
| :: شيلة يبرق البارق :: بصوت مفرج المخاريم | عبدالكريم العماري | قسم الصوتيات والمرئيات لقصائد شعراء قبيلة الدواسر | 12 | 28-07-2010 06:15 PM |
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 04:25 PM
