رداً على قصيدة( خلف بن هذال) للشاعر: ماجد بن عيسى المسعري

[معلومات العضو راشد المسعري]

يابنت مانرضى المهونة والاضعاف=لنا على روس (المشاميخ) صيحة
لاتنشدين اعن المنازل والاسلاف=يوم أذكر الماضي تهيج القريحـة
فينا صفات الطيب يابنت واوصاف=ماتنطبـق فـي غيرنـا يامليحـة
ادخيلنا يرقد ورا الوجـه ماخـاف=يامن وتحماه السلـوم الصريحـة
ناسم عصاه ولو يبا حق وانصاف=تحت الحما ماواحـدن يستبيحـه

هذي مقدمة أبيات لقصيدة ( شاعر الوطن ) خلف بن هذال العتيبي والذي ذكر في عرض قصيدته التي قالها مؤخراً بأن سلم ( وسم العصا ) يختص بقبيلته وأنه لا ينطبق في غيرها من القبائل ( كما في الأبيات 3-4-5 ) ، مع أن الصحيح أن هذا السلم سلم للدواسر من وقت الجهل ولم يسبق الدواسر عليه أحد من القبائل ( أول من سنّه الدواسر ).
وقد قام الشاعر/ ماجد بن عيسى بن خفران المسعري بمجاراة هذه القصيدة والرد عليها ووضع النقاط على الحروف إحقاقاً للحق ودفاعاً عن ( سلوم القبيلة ) التي يحق لأبناء هذه القبيلة العظيمة أن يفخروا بها إلى الأبد. وجميع القبائل بها حقها من الطيب والصفات التي تفخر بها، وأترككم مع القصيدة:-

يقول من يارد بقوله وينشاف = قدم الرجال أهل الوجيه الفليحه
أبني على ساساً من الحيد مرصاف = وارفع صروحاً فالعلال المشيحه
واليا صرفت أرهي على كل صرّاف = فكري ورى سبح الكواكب سبيحه
طوفان جاشي لا اصطفق واعصف اعصاف = تهتز منه الراسيات الرزيحه
عديت من شرع المعرْفة والانصاف = رداً يخط بكل بيضاء صفيحه
خذ يا(خلف هذال) رداً على القاف = اللي تمثلته بنفساً بجيحه
وزنك طفح كيله على ميل واجحاف = وزليت لك زلة لساناً جويحه
نحسبك كان من العواريف عرّاف = لين إن منك العلم باين نضيحه
عليك مشروهاً كبر عوف وأكتاف = عمد الخطايا إمن الصفات القبيحه
لو اختصرت بمدح مجمول الاوصاف = وتفصيل زين ام الخدود المضيحه
ما لحقتك شرهة ولا منطقاً حاف = ولا طحت في موج الخطايا القديحة
لكن في مدحك لربعك تزلاّف = على السلوم الواضحات الصحيحه
وربعك (عتيبة) مروية حد الأسلاف = أهل الوزان اللي كففهم رجيحه
واهل الفخر والمدح في كل الاوقاف = واهل السلوم الوافيات الوضيحه
لطامة العايل بضربات الاعناف = وذباحة الحايل بيمناً سميحه
ما يكتسون إمن العواري والأسلاف = وأمجادهم من قبل مدحك مديحه
وش وصلّك حد الطمع والتزّهاف ؟! = تنقش على ( وسم العصا ) لك نقيحه !
( وسم العصا ) سلم لمن مجدهم ناف! = روس الجبال الراسيات المصيحه
(سلم الدواسر) من قديمات الأسلاف = ولا يقدر أحدن غيرنا يستبيحه
لو ياخلف تنشد تواريخ الأعراف = تشهد بنطق العامّي والفصيحه
بوسم العصا نفرق على سبع الأطواف = سلمٍ بطيب العز ينفح نفيحه
بأعلى المكارم نتسم سلم واهداف = والعز يقدح من سطرنا قديحه
(دواسراً) نسقي العداء سم الأتلاف = على العداء منّا هجاد وصبيحه
إليا تعلوينا على كل مزغاف = وعلى النقاء واجه نطيحن نطيحه
فنحورنا خيل المجاويخ تنلاّف = ولا تنتداوى من طعنّا الجريحه
(خطلان الأيدي) ممنة كل من خاف = في ظلنا عنه المعادي نزيحه
كم بيرقن جانا جموعه لها أرداف = ومن فعلنا راحت اجموعه طفيحه
سدنا وزدنا بالفخر عز واشراف = وراياتنا في كل عليا مليحه
خوينا والجار في في ظل واكناف = عز وفخر ما يشتكون الجنيحه
من سلمنا ما يازا الأجواد مزلاف = وقلب العدو ماله علينا فريحه
ولا مشينا بالخفا والتضعّاف = وراع الخطا ما نرقبه يستميحه
نضرب على العايل وراع التعجراف = ضرب النيازك بالشهاب المويحه
من مال عال وشال حملن بالاكتاف = ومن رزحته يكثر رغاه وفحيحه
ومن لا يحسّب للعواقب والاكلاف = يصبح وقا روس النياب الكليحه
والحق له سيفاً سطياً وقصّاف = يصطي على صم العظام المتيحه
هذا الكلام اللي له العقل يكتاف = عن طول ماروده يكفّي مليحه
علماً (يابن هذال) يسمع وينشاف = واذنك تسمّعله وعينك شبيحه

جميع الحقوق محفوظة لموقع الدواسر الرسمي
www.alduwasser.com/vb

 

 

 

 

[معلومات العضو العماني]

لله درّك يا ابن عيسى

عزالله قصيده جزله ومشرّفه تستحق ان تكتب بماء الذهب

صح الله لسان الشاعر العملاق ماجد بن عيسى المسعري وكفو يابن مسعر عزالله قلت وأجدت .ولك الشكر والثناء نيابة عن قبيلة الدواسر قاطبة على الأبيات الجميله ، ولا نبخس حق شاعر الوطن خلف بن هذّال ولكن الحق اجدر أن يقال .



الغالي ابومحسن

بيض الله وجهك يالقرم على ايراد القصيدة وعوايدك ياذيبان ماتجيب الا كل ماهو طيّب وصح الله لسانك ولسان الشاعر .

 

 

 

 

[معلومات العضو الزين]

( وسم العصا ) سلم لمـن مجدهـم نـاف =روس الجبـال الراسـيـات المصيـحـه
سلـم الدواسـر مـن قديمـات الأسـلاف =ولا يقـدر أحــدن غيـرنـا يستبيـحـه
لـو ياخلـف تنشـد تواريـخ الأعـراف = تشهـد بنـطـق العـامّـي والفصيـحـه
بوسم العصا نفرق علـى سبـع الأطـواف = سلـمٍ بطيـب الـعـز ينـفـح نفيـحـه
بأعلـى المكـارم نتسـم سلـم واهـداف =والعـز يقـدح مـن سطـرنـا قديـحـه
دواسـراً نسقـي العـداء سـم الأتــلاف = علـى العـداء منّـا هـجـاد وصبيـحـه
إليـا تعلوينـا عـلـى كــل مـزغـاف = وعلـى النقـاء واجـه نطيحـن نطيحـه

تسلم يمينك يالمسعري علي النقل الطيب .....وصح لسان الشاعــــــــــــــــر

 

 

 

 

[معلومات العضو أبو سعود الودعاني]

بيض الله وجه الشاعر ماجد بن عيسى

اشهد انه كفى و وفى

قصيدة جزله ويستاهل ابو عيسى البيضا على راس ما طال

وضح فيها الحقيقه دون تجريح ودون انقاص لشئن الغير


واهنت ياراشد على هذا النقل وتسلم يمناك

وتقبل خالص ودي

 

 

 

 

[معلومات العضو نايف الخييلي]

راشد المسعري

حيه وماجاب قصيده وافيه . صح لسان ماجد المساعره وصح لسانك ولاهنت يابو محسن

( وسم العصا ) سلم لمـن مجدهـم نـاف= روس الجبـال الراسـيـات المصيـحـه
سلـم الدواسـر مـن قديمـات الأسـلاف =ولا يقـدر أحــدن غيـرنـا يستبيـحـه

 

 

 

 

[معلومات العضو سلطان بن دخيل الله]

بسم الله الرحمن الرحيم

راشد المسعري

عوايدك كل جزل وطيب تقدمه يمناك لاعدمناك

وبيض الله وجه الشاعر ماجد بن عيسى

اشهد انه كفى و وفى

قصيدة جزله ويستاهل ابو عيسى البيضا على راس ما طال

وضح فيها الحقيقه دون تجريح ودون انقاص لشئن الغير


ولاهنت ياراشد على هذا النقل وتسلم يمناك

واستأذنك بنقل القصيده الله يحييك لموقع اخر ال بني عمك

وتقبل خالص ودي

 

 

 

 

[معلومات العضو المسعري]

بيض الله وجهه شاعرنا الشاعر /ماجد ابن عيسى (ابو زيد)
على هذه القصيده التي أسعدت بقراءتها اكثر من مره
وهذا الرد الكافي الشافي على الشاعر خلف ابن هذال
حتى وان قيل انه أعتذر فالرد عليه من الشعار اصحاب الشعر الجزل
مثل ابو زيد واجب وهو رد متزن وواقعي وهكذا تورد الابل
اشكر الشاعر ابي زيد على ماجادت به قريحته
والشكر موصول لاخي الاداري ابو محسن والله يبيض وجهه

 

 

 

 

[معلومات العضو ذيب قطر]

مشكور على نقل الموضوع
وبيض الله وجه من قال القصيده وصح الله السانه والله انه فخر لدواسر ومن طيب ساسه وساس ربعه فاض صدره وغار على ربعه وقال القصيده واسكت كل شيطاااااااااااااان نعم معروف اول من وسم العصى هم الدواسر فقط حجة يمين من كتب القصيده ومن نشرها

 

 

 

 

[معلومات العضو بوحمد الحمد]

صح السان قايلها

كلمات رائعه

وان شاء الله ماتحرمنا من كل جديد

تقبل مروري

 

 

 

 

[معلومات العضو فيصل بن جزاء]

( وسم العصا ) سلم لمن مجدهم ناف=روس الجبال الراسيـات المصيحـه
سلم الدواسر من قديمات الأسـلاف=ولا يقدر أحـدن غيرنـا يستبيحـه

راشد المسعري

حيه وماجاب قصيده وافيه . صح لسان ماجد المساعره وصح لسانك ولاهنت يابو محسن

 

 

 

 

[معلومات العضو أبونواف الدوسري]

راشد المسعري

حيه وماجاب قصيده وافيه . صح لسان ماجد المساعره وصح لسانك ولاهنت يابو محسن

 

 

 

 

[معلومات العضو مبارك الخييلي]

	صح ألسان شاعرنا ماجد بن عيسى المساعره والله يهدي بن هذال أشلون ياخذ أسلوم قبيله ثانيه وهي ماعنده أصلاً لاكن بني عمنا مايقصرون لابين عن القبيله وتاريخها ولا أحد يقدر بس يفكر في الطعن ولا حتى ياخذ أسلومنا راشد المسعري جعل يمينك سالمه ولاهنت وبيض الله وجهك ننتظر قدومك تقبل المرور

 

 

 

 

[معلومات العضو خصيم نفسه]

بيض الله وجهك وليتها تاصل خلف بن هذال علشان ماعاد يتهقوى

 

 

 

 

[معلومات العضو ابو المثنى التركي]

صح لسان ابوعيسى

وبيض الله وجهه ووجهك اخوي راشد

 

 

 

 

[معلومات العضو ريان الدوسري]

صح لسان الشاعر وبيض الله وجهه..شكرا لك