ابداع المحاورة : نواف الرجباني & فراج بن مشنان الغريري

[معلومات العضو محمد الغريري]

سلام الله على اهل المنتدى واللي يزورونه = تحيه من ضمير محب والدعوه سعوديـه
يا وين أبلقى شاعـرن بالله مـا تنادونـه = يجي للملعبه ويطـب والدعـوه سعوديـه

سلام الله سلامن عد ما قد هلت مزونـه = تحيه من عميق القلب و الدعوه سعوديه
الا يا شعرن يبدع لنا الطاروق و لحونه = بلعب على لعبك الذرب و الدعوه سعوديه

هلابك ياولد مشنان كيف الحال المعونه = عسا الله يحفظك يارب والدعوه سعوديه
ترى الشعار بالميدان كل(ن)يلعب فنونه = وكل(ن)شب ناره شب والدعوه سعوديه

عانك الله و لا هانك و وسّع لك فضاء كونه = يا بو رجب والحال صعب و الدعوه سعوديه
ما كل شاعر يعجبك بالشعر فنّـه و لونـه = و الله يغفر لنا الذنـب و الدعـوه سعوديـه

ترى الليالي تدور يافراج مثل الطاحونـه = وتطحن من في راسه حب والدعوه سعوديه
ياطيب الشاعر اللي مايبيّح سـر مكنونـه = يدرجّها على مـاذب والدعـوه سعوديـه

ترى الليالي تطحن الرجال و تكثر طعونـه = و ما ينطحن دلخن و دب و الدعوه سعوديه
و الهم يذبح من ترقب للعرب فـي عيونـه = و افهق سليمك من الجرب و الدعوه سعوديه

ترى اللي ينطح الشجعان ضيّع راسه متونه = واللي بغى السلامه خب والدعوه سعوديـه
تحرّص تسبق الطاروق ثم تخلّخل اوزونه = الدعوه ماهي حقن وصب والدعوه كويتيـه

لا خير في راسن تصدد يوم القوم ينصونـه = و انا عنيد الراس و صلب و الدعوه سعوديه
ما ينكسر بيتي و لا الشاعر حروفه تخونـه = و تبت يدا المشرك و تب و الدعوه خليجيه

موج البحر يضرب على الجيلان ماتمنعونه = لكن شد وشيل الطنب والدعـوه سعوديـه
ترى راعي المعرفه والقدا ماخابت ظنونـه = وليا هدا الهواء ماهب والدعـوه سعوديـه

دوم الجبل ثابت و لا هزت امواجـك ركونـه = لا هي بطيب و لا هي غصب و الدعوه سعوديه
العايل اطوي صفحته مثل ما يطـوي شنونـه = و الذيب ما يهاب الضب و الدعـوه سعوديـه

اليا نقضنا الحبل ياابوزيد ماتفتلونه = كلام الصدق ماهو كذب والدعوه سعوديه
الا ياجربوع الخلا والقلب زادت شطونه = اهيب منكم اهب والدعوه سعوديه

يابو رجب ما نفتل الا شاربـن تهابونـه = و ما ينجبر ضلعن نجب و الدعوه سعوديه
دوك الحبل و قيد به طليّن شقـة قرونـه = امشرقن و الناس غرب و الدعوه وداعيه

اخوكم في الله

محمد الغريري

 

 

 

 

[معلومات العضو ابوشجاع]

بيض الله وجهك يامحمد الغريري

نسقتها وشلت المداخلات

واصبحت واضحه للقاريْ

والله يعطيك العافيه على المجهود والاطراء الطيب

وشهادتك نعتز فيها يالقرم


تحياتي-نواف الرجباني

 

 

 

 

[معلومات العضو نايف]

صح لسان نواف الرجباني ولسان فراج بن مشنان اللي امتعونا بذا القصايد والمساجله الرائعه وبيض الله وجهك يامحمد على ترتيبها وتنسيقها ,,,

الجميع تقبلوا تحيات اخوكم

نايـف

 

 

 

 

[معلومات العضو يحيى الودعاني]

تسلم أخوي على هذا المجهود

 

 

 

 

[معلومات العضو العماني]

بيض الله وجهك يابوصهيب على الترتيب وصح الله لسان شعراءنا نواف الرجباني وابن مشنان ولاهانوا الربع اللي مسكوا الصفوف

تقبلوا تحياتي،،

 

 

 

 

[معلومات العضو تركي ال فنيس]

بيض الله وجهك اخوي محمد الغريري دايماااااااااااااااا مبدع في تنسيقك وافكارك

 

 

 

 

[معلومات العضو فراج بن مشنان]

الله لا يهينك يابو صهيّب ...

بيض الله و جهك على هالمجهود الطيب ,,

تحياتي لك و لا عدمناك ...

 

 

 

 

[معلومات العضو محمد الغريري]

حاضرين يابو شجاع

والمحاورة تستاهل من ينسقها ويهتم فيها



اخوك في الله

محمد الغريري

 

 

 

 

[معلومات العضو ابوشجاع]

لاهنت ياطويل العمر

وبيّض الله وجهك


اخوك-ابوشجاع