التغطية المصورة لحفل غالب بن ناصر آل دواس الودعاني الدوسري مناسبة زواج أبنه الشاب( بندر)

[معلومات العضو الإداره]

الحمد لله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين إخواننا أعضاء وزوّار ومرتادي الموقع الرسمي لقبيلة الدواسر أعدّ التقرير عضو مجلس إدارة الموقع الأستاذ / فهد بن هادي الغريري ( العريس ) بندر بن غالب بن ناصر آل دواس الودعاني الدوسري احتفل غالب بن ناصر بن محمد آل دواس الودعاني الدوسري بزفاف إبنه الشاب ((بندر)) وذلك بمقر أحتفالات قبيلة الدواسر بــ دولة قطر بــ مساء يوم الثلاثاء ليلة الاربعاء الموافق18/ 6/ 2013 هـ وذلك وسط حضور أبناء القبيلة و العديد من وجهاء المجتمع وأعيان القبائل الأخرى.حيث اقيم حفل خطابي تخلله العديد من الكلمات التوجيهيه والقصائد والشلات المميزه ولعدد من الشعراء والمنشدين غالب بن ناصر آل دواس الودعاني الدوسري الشيخ مرضي بن عبدالله بن عبيد آل دوّاس الوداعين شيخ قبيلة آل دواس الوداعين من اليمين رئيس مركز الدواسية الشيخ ناصر بن مرضي بن عبيد آل دواس وبجانبة النقيب دواس بن مرضي بن عبيد آل دواس سالم بن غالب بن ناصر آل دواس الودعاني الدوسري لحظة وصول قبايل الكرب . واستقبال الدواسر لهم مرحبا عد ماتنشي الخيال =وعد ماهب نسناس الهبوب يالكرب يامروين السلال=تردع المعتدي من كل صوب عزوه في الملاقا ماتطال=تسهج القوم وتفج الدروب الدواسر ترحب بالرجال=يوم جو من جنوب ومن شمال فـــقــرات الــحــفــــل الاستاذ عبدالرحمن بن فلاح آل بريك إنطلقت فعاليات الحفل المنبري عند وصول جميع الضيوف التي قدمها الاستاذ عبدالرحمن بن فلاح آل بريك وقد بدأ الحفل بآي من الذكر الحكيم تلاها احد الحظور. قارئ القران غالب بن ناصر آل دواس الودعاني الدوسري ومن ثم كلمه لراعي الحفل غالب بن ناصر آل دواس الودعاني الدوسري حيث رحب الحظور. لأن مثل هذه المناسبات لابد لـ الشعر أن يكون له حضوراً ، ولأن مثل هذه المواقف لابد أن تسجل وتدوّن بأبيات القصيدة . إستهل الشاعر محسن بن فالح الشكرة بقصيدة ترحيبيه بـ الحفل: الشاعر محسن بن فالح الشكرة الشاعر ناصر الوبير الشمري ثم ألقى الشاعر ناصر لبوير الشمري قصيدة بـ الحفل: الشاعر عبدالله بن طالب بن عفيفه المري الشاعر شافي بن راشد النتيفات ثم ألقى الشاعر شافي بن راشد النتيفات قصيدةً بهذا الحفل ، حيث يقول في قصيدته : من دولة الامجاد زبن الجالي=اللي حكمها طيبين الفالي المملكة والمملكه مرموقه=بين الدول ماهوب هرج يقالي عنيت يدفعني محبة دوله=اللي حكمها سيد الابطالي قطر ولا احد يجهل بموقفها=في ساعه الشدة لها منوالي قطر بلاد القوة المعروفة=في مواجهة تيار جرف هالي دولة سياسة والفكر موجودي=والحكمة اللي ما دخلها جدالي الها على حبل التعاون موقف=تدعو لوحدتنا ببذل المالي تبني التوازن بالسياسة دايم=حتى كسبت حب الدول في ألحالي ذي درة في قلوبنا مزروعه=لو زال قلبي حبها مازالي منا وفينا والعهد موثوقي=ذا عمي وذا ابنه وهذا خالي انتم لنا وإنا لكم مادمنا=حيين مانسمع لهرج يقالي سلام ياشيخ الشيوخ الوافي=سلام يا امير البلاد الغالي حمد حمد ماغيرك اعني قولي=حمد ولك في قلوبنا منزالي حمد ولد خليفة ابن ثاني=تاريخ مكمل وقدره عالي بهية الخفجي ظهرت بفعلك=اسمك يلوح بجوها جوالي ابيض وجه ومجمل ومشكوري=واللي جحد فعلك ماهو رجالي وما انسى ولي العهد عضدك ليمن=تميم رمز يبني اله اجيالي ياقف مواقيف تبيض وجهه=اللي على وسام المواقف نالي واليوم جيت لدعوة مرسوله=من ربعي اهل الطيب والافعالي ودعاني من لابة معروفه=عوق الحريب اليا عنا يختالي اللابة اللي مجدهم نفخر به=خيالهم ينطح مية خيالي اهل الثمان اللي تسموو فيها=سوالف يطرب لهن البالي الاوله فعل لناصر بين=لجارته ذكى الولد طوالي ووداية للجار من جدرانه=حمل ثقيل وعين له جمالي وحق الخوي في سلمهم ملزومي=الشمري يشهد بفعل طالي واللي يبوق بصاحبه والعاني=يذبح ولو انه قريب وغالي وفعل لمانع مع قصيره واضح=اللي بوسط البير صك الجالي وان شان وجه الوقت زانو ضده=ملفى الركايب عندهم تنهالي وزبنى المجنا لا وزا بحماهم=عليه من شمس العدو ظلالي تحمي ولاتحتاج من يحميها=لاثارت الهيجا لهم زلزالي هذي فعايل ربعي المعروفه=يشهد بها العراف بالامثالي دواسر رمز الفخر والقوة=نعمي عيون الحاسد العذالي في سلمنا وسم العصا نبديبي=للجار لامنه نصانا جالي وبيع اللحم والما علينا عيبي=وحنا بني مدري ولا ننطالي ياما وياما من فعايل ربعي=في ماضي الاوقات وايضا التالي قلته وربعي عز منهم ربعه=نتيفي ولي الفخر واختالي من غير قاصر في القبايل ما انكر=فعل الرجال وطيبين الفالي الشاعر والمنشد فهيد بن محسن النتيفات ثم انشد الشاعر فهيد بن محسن النتيفات قصيدةً بهذا الحفل ، حيث يقول : الشاعر مبارك بن عبدالله بن نقيزان الحقباني ثم ألقى الشاعر مبارك بن عبدالله بن نقيزان الحقباني قصيدةً بهذا الحفل ، حيث يقول : هلا يا مرحبا في حفل أبوناصر صليب الراي = عشير الغانمين إللي لدرب الطيب سباقي ولد من هو ليا منه لوى يلوي على اللواي = مجاذب طيب منسوبه بساس طيب أعماقي دعانا وأنتخيت إلهاجسي ثم قلت روح جاي = عليك أنت البيوت إللي عليها هقوة الهاقي وأنا خابرك لك وقفة بطل تاقف على يمناي = ولك في ندر القيفان شور يهلك ناقي وأنا لا جيت أبمدح محزم البلشان طاح حكاي= يجي منا ومنا وأنتقي من كل الأرناقي سلايل لابتي وإن سيقت العطفة من الغزّاي = يردون الرمك وتصير صوب العادي إسباقي وداعينً تسموو بالثمان ويحكمون الراي=هل الطالات والعادات والوقفات وتلاقي دواسر لا غدى في سوق الأنفس بايع وشراي = يفكون المتلي في ضحى يبسات الأرياقي ترى جمعا مطاليق الرفاقة غايتي ومناي = ترى الجمعة معزّة والخسارة فالتفراقي وكل فيه حقه والهقاوي منوة الهقاي = لكل ماض(ن) طيب يشابه شمس الاشراقي وصلوا عدّ ما هل المطر وأحيى الهشيم إحياي = على الهادي رسول الله عدد ما لاح براقي بعدها بدأت أمسية شعرية جميلة أحياها نخبة من شعراء لقبيلة الدواسر ، ومنهم: الشاعر محسن بن فالح الشكرة والشاعر شافي النتيفات والشاعر عبدالله بن طالب بن عفيفه المري و الشاعر والمنشد فهيد بن محسن النتيفات وقد أدار الأمسية الشعرية بجدارة عضو مجلس إدارة الموقع الرسمي للقبيلة الأستاذ راشد بن محسن المسعري. الـــــتــــــكريـــــم وإيماناً من غالب بن ناصر آل دواس الودعاني الدوسري راعي الحفل أن يكرم الجهات الاعلامية والشعراء المشاركين بـــ الحفل. تكريم عضو مجلس الادارة الاستاذ فهد بن هادي الغريري تكريم عضو مجلس الادارة الاستاذ راشد بن محسن المسعري تكريم الشاعر شافي بن راشد النتيفات تكريم الشاعر والمنشد فهيد بن محسن النتيفات تكريم مذيع الحفل الاستاذ عبدالرحمن بن فلاح آل بريك لقطات عـامـة مصوّرة للحضور بالإحتفال: وفي الختام، فإننا نكرر المباركة بإسم مجلس إدارة الموقع والطاقم الرقابي العام والرقابي والإشرافي والإستشاري للموقع الرسمي لقبيلة الدواسر لـ غالب بن ناصر آل دواس الودعاني الدوسري بزواج أبنه الشاب( بندر )، ونقول له "بارك الله لكما وبارك عليكما وجمع فيما بينكم بخير". (صوت قبيلة الدواسر) منتدى قبيلة الدواسر الرسمي www.alduwaser.org/vb

 

 

 

 

[معلومات العضو سيف2013]

كفو الوداعين
مبروكككككككككككك

 

 

 

 

[معلومات العضو أبونواف الدوسري]

الله يبارك لهم ويوفقهم ...

ولا هنتوا أخواني الإداره على هذه التغطيه...

وفقكم الرحمن جميعا وتقبل الله طاعتكم...

 

 

 

 

[معلومات العضو راشد المسعري]

ماشاء الله ، الف مبروك زواج الأخ بندر بن غالب بن ناصر الودعاني ونسأل الله أن يوفقه ويرزقه الذرية الصالحة
ونشكر والده الشيخ غالب وأبنائه على حفاوته لطاقم المنتدى وبيّض الله وجيههم ودامت افراج الجميع ،،،

 

 

 

 

[معلومات العضو شافي بن راشد النتيفات]

ماشاء الله ، الف مبروك زواج الأخ بندر بن غالب بن ناصر الودعاني ونسأل الله أن يوفقه ويرزقه الذرية الصالحة
ونشكر والده الشيخ غالب وأبنائه على حفاوته لطاقم المنتدى وبيّض الله وجيههم ودامت افراج الجميع ،،،