حان الرحيل

[معلومات العضو صقر بني هلال]

هذه القصيده لشاعر علوي بن جردان النسي الهلالي

حان الرحيل ..وشتتوا جمع الاحبـاب[/color
[color=darkredشدو ودمعي.. فـوق خـدي سكايـب
امشي وراهم لين مـا ركبهـم غـاب

عودت وجـروح المفـارق عطايـب

جرح ً وسط قلبي من العام مـا طـاب

مـن يـوم غابـوا عليـه الحبـايـب

والحال ما هو حال ما بيـن الاجنـاب

مالـي ونيـسً غيركـم يـا القرايـب

ما قول ما عندي رفاقـه ولا اصحـاب

بالعكس عندي فـي جميـع العصايـب

بس المصيبه بن جـرادان مصطـاب

من بنتكـم الـي لهـا القلـب ذايـب

معشوقتي من قبـل لا تلبـس حجـاب

ومن قبل لا تصبح عظامـي صلايـب

من عادنا نبنـي بيـوت ً مـن تـراب

ونلعب مـع قطـر النـدى والهبايـب

يا زين وقت ً فات ما بيـن الاطنـاب

عشنا براحه في الظـروف الصعايـب

كنا سوا مثـل ..البصائـر والاهـداب

ما نفتـرق .. واليـوم جـر النحايـب

فرقا صعيبه منهـا عارضـي شـاب

والله (عجايب ) يـا زمـان العجايـب

توي عرفـت ان الهـوى دوم غـلاب

والبعد اقسى مـن طعـون الحرايـب

يا سعود هات الطرس ابا كتب لي كتاب

من قبـل لا تمحـي بقـاي النوايـب

الموت واحد بـس لـه عـدة اسبـاب

وان مـت لا تبنـي علـى النصايـب

شفني قتيل ً من هـوا تلـع الارقـاب

ودماء طعونـي يـا شـدو الركايـب

ياما عذلـت القلـب لكـن مـا تـاب

ميـت علـي حبـه ولا هـوب تايـب

وصل وصاتي يالغـلا سيـد الاحبـاب

قل له وليفك مات يا اغلـى الحبايـب

 

 

 

 

[معلومات العضو محمد مطلق آل بريك]

صح الله لسانه

ولاهنت على النقل . . .

 

 

 

 

[معلومات العضو مبارك بن شافي النتيفات]

صقر بني هلال
لاهنت على النقل
وصح لسان الشاعر