اخـوي لو فـرق الاسـم فالبطـاقـات ..

**معلومات** **العضو** · 04-12-2011, 10:19 PM

السلام عليكم ورحمة الله وبركاته

هذه القصيده قلتها فاخوي / سلطان بن علي الشدادي الحارثي

والحقيقه سلطان يستاهل اكثر من قصيده على مواقفه الرجوليه معي

اليكم هذه المتواضعه واتمنى تعجبكم ..

الهاجس اللـي مايحضـر بالابيـات=في ماقفـن تلـزم عليـه القصايـد
انا اشهد انه عرضتـن لاي شمـات=لاصـار مايبـدع بيوتـن جـدايـد
ياراكب اللـي مرهيـن بالمسافـات=مبعد عمـس راع الشبـوح البعايـد
جيبن جديدن من جديـد المديـلات=فكسـار والفكسـار غالـي وكايـد
مايشتريه اللـي رصيـده ريـالات=ياكـود منهـو مايحسـب الفوايـد
لكنّ من حافه علـى الجيـب نيـات=المـال فالفكسـار ماهـوب بـايـد
مطلق وجه من يعشقـون المهمـات=لاطـال نـوم مكبريـن الوسـايـد
مركب هل الطالات واهـل المـروات=اللي لهـم فعـل المراجـل شهايـد
امقـرب ديـارن مداهـن بعيـدات=لامن رسى فالخـط يطـوي البدايـد
صوتـه ليامنّـه صـرخ بالكفَـرَات=بكـي اليتيـم اللـي بلتـه الشدايـد
كن مقدمه وجـه طخمـاً مالبنيـات=اللي على العشاق جـور وضهايـد
تمشي وتعطي للعشاشيـق غمـزات=ليـن اشعلـت عشاقهـا بالوقـايـد
وكنه ليا من طاف واعطى الاشارات=حرن كفـخ ثـم ارتمـح للشرايـد
وكنـه ليامنـه تمـايـل بلـفـات=شيخن على مركـاه رايـه سدايـد
اليـا هـزع مالخـط فالجرهديـات=تسمع تقاسيـم الحصـى فالحدايـد
يفهق غبار القـاع لاشـد نمـرات=فهق الهبايـب مرزمـات الرعايـد
ياصل مواصيلـن بعيـد وصعيبـات=علـى الوعـر والمهمهيـات نايـد
واليا سرا فالليـل يكشـخ بليتـات=منهـا غـدا فالخـط مثـل القلايـد
الـوان طبلونـه تلاويـن شمعـات=في حفلة اللـي يحتـرون الوعايـد
مراتبـه مثـل الكنـب فالعمـارات=في مجلس اللـي يكرمـون الولايـد
عليـه لانتـاج الصناعـه علامـات=علامتـن تشبـه لتيجـان رايــد
صناعة اللي يبدعـون الصناعـات=فنس الخشوم اللـي سـواة الرفايـد
ياراكبـه شيـك جميـع العيـارات=واسرح مع الغطلاس والنور سايـد
انحر ديار اهل الفعـول الجميـلات=اللـي لهـم فعـل الجمايـل عوايـد
نصّه ( قيا ) ياراعي الطيب بالـذّات=بيت اصوكن فالضيق دايـم سنايـد
قرمن معرب جـد ويهـوم هومـات=صميدعـن فالحـف يـرّث نكـايـد
حفيد قومـن يعشقـون البطـولات=يوم الجزيره بيـن حـرب وزهايـد
اشاوسـن تـارد حيـاض المنيـات=ومن فعلهم فالجـرح مالـه ضمايـد
اخوي لو فـرق الاسـم فالبطاقـات=مايبعـد اصحـاب النقـى والعوايـد
عون الرفيق اللي ضروفه شديـدات=يوم الردي فالضيـق ماهـوب فايـد
سلطان كسـاب الفعـول الجزيـلات=من لاد حـارث كاسبيـن الحمايـد
انا اشهد ان لك مع هل العرف رايات=تنشر لك البيضـا علـى كـل نايـد
من دارنـا فالخـرج بلـغ تحيـات=معهـا سلامـي والبيـوت الفرايـد

( قـيـا ) .. ديرة سلطان على طريق الجنوب بعد الطايف

**معلومات** **العضو** · 05-12-2011, 01:42 AM

الله الله ياسالم

والله إني ودي اقتبس كل الابيات واعلق عليه من زود الاعجاب بها وبجزالتها وبالتصوير الرائع فيها

جزل يابو سالم وأكيد القصيدة قيلت في جزل ويستاهل

ولاهوب غريب على الحرّث العلوم الطيبه ويستاهل من اسندت عليه الابيات

ومزارق الطيب والعلوم الغانمة بين عيال الحمايل ما تضيع أبد

والله يديم الخوة اللي مثل هالخوة وبالفعل انتم اخوان لو اختلفت الأسامي في البطاقات

ابو سالم دمت مبدع وجزل ياغالي

تقبل ودي وتقديري ،،،،

**معلومات** **العضو** · 05-12-2011, 08:30 PM

صح لسانك وأعتلى شانك

أبيات جزله من شاعر جزل
ويستاهل ابوعلي ماقيل فيه

**معلومات** **العضو** · 07-12-2011, 12:41 PM

الله الله

صح الله لسانك يابوفارس

شاعر مبدع ويستاهل الحربي

جزيل الشكر والتقدير

**معلومات** **العضو** · 09-12-2011, 06:03 PM

اقتباس:

المشاركة الأصلية كتبت بواسطة راشد المسعري

الله الله ياسالم

والله إني ودي اقتبس كل الابيات واعلق عليه من زود الاعجاب بها وبجزالتها وبالتصوير الرائع فيها

جزل يابو سالم وأكيد القصيدة قيلت في جزل ويستاهل

ولاهوب غريب على الحرّث العلوم الطيبه ويستاهل من اسندت عليه الابيات

ومزارق الطيب والعلوم الغانمة بين عيال الحمايل ما تضيع أبد

والله يديم الخوة اللي مثل هالخوة وبالفعل انتم اخوان لو اختلفت الأسامي في البطاقات

ابو سالم دمت مبدع وجزل ياغالي

تقبل ودي وتقديري ،،،،

الله يرفع قدرك يابوسحيم على هذه الاشاده الكريمه

ماعليك زود وعزالله انك صدقت في كلامك والطيبين اللي مثلك وشرواك ماتوفيهم القصايد

ولاصار مابين الاخويا مزارق طيب مال خوتهم معنى ولا طراه

مرورك زاد هذه المتواضعه جمال طال عمرك

تقديري لك ولاخلا ولاعدم ..

**معلومات** **العضو** · 10-12-2011, 09:40 PM

صح لسانك وأعتلى شانك على هذه الرااااائعة

أبيات جزله من شاعر جزل

ويستاهل ابوعلي ماقيل فيه

**معلومات** **العضو** · 10-12-2011, 11:42 PM

وعليكم السلام ورحمة الله وبركاته

أخوي الشاعر المبدع , فارس الدبالين
صح لسانك وسلم بيانك
وافية ومن راس وافي لاعدمناك
وبيض الله وجهك ووجه أخونا سلطان بن علي الشدادي الحارثي
والله يديم المحبة والمودة بين الاخوان.

**معلومات** **العضو** · 12-12-2011, 05:43 PM

القدير / فارس الدبالين

صح لسانك وسلم فكرك
قصيده جزله من شاعر جزل والله يديم الآخوه بينكم
لك أطيب تحيااااتي

**معلومات** **العضو** · 12-12-2011, 08:05 PM

يسستااااااااااااااااااااااااااااااهل سلطان الحارثي

وصح الله لسسانك وبيض الله وجهك يابو سالم الله لا يهينك

تحياااااتي وتقديري

**معلومات** **العضو** · 23-12-2011, 02:33 PM

اقتباس:

المشاركة الأصلية كتبت بواسطة فهد المقابله

صح لسانك وأعتلى شانك

أبيات جزله من شاعر جزل
ويستاهل ابوعلي ماقيل فيه

مرحبا يافهد

صح الله بدنك ولاهنت على الاشاده الكريمه

وماعليك زود يالغالي

لاخلا ولاعدم .

**معلومات** **العضو** · 23-12-2011, 03:12 PM

صح لسانك ، واعتلا شانك ,

احترااامـي وتقديـري ..

**معلومات** **العضو** · 11-01-2012, 02:37 AM

اقتباس:

المشاركة الأصلية كتبت بواسطة خالد المشاويه

الله الله

صح الله لسانك يابوفارس

شاعر مبدع ويستاهل الحربي

جزيل الشكر والتقدير

مرحبا ومسهلا ياخالد

صح الله بدنك يالغالي

ماعليك زود والحارثي يستاهل

لاهنت على كرم مرورك

**معلومات** **العضو** · 16-01-2012, 07:07 PM

قصيده جميله و شاعرها أجمل

لا خلا و لا عدم

بإنتظار جديدك

ودي

**معلومات** **العضو** · 17-01-2012, 03:01 AM

ماشاء الله عليييييييك يا رجااااااال

اررررررحب يبوسالم

وصح الله لسااااااااااااااانك مدد وبلا عدد

ويستاااااااهل رفيييييقك الحاااارثي وكااااد
واخبر قد جت بينك وبينه رديااااااات جميلة
سواء ردياتكم في بحر العرب وغيرها
وبانتظار صدى صوته لما ابدعت به من صوت يا فارس

وعسى الله يديم عزك وابداااااعك وانا اخووووك..

**معلومات** **العضو** · 17-01-2012, 08:03 PM

صح لسانك وأعتلى شانك

أبيات جزله من شاعر جزل
ويستاهل ابوعلي ماقيل فيه

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية