قصيدة ترحيبيه في حفل ال محاول الدواسر

[معلومات العضو ابن مدعث]

أرحبوا باسم ال محاول

عند ربع تفعل الطيب ماتحسب جزاه
ارحبو ترحيبة عالي مقدارها

ارحبو اعداد ماﻻح برق في سماه
وعد مانشى من مخال وهل امطارها

بالرجال اللي لفو الحفل من كل اتجاه
في حﻻل تعجب العين شبت نارها

ارحبو باسم ال محاول هل الطيب الدهاه
الرجال اللي شهر طيبها واذكارها

وارثين الطيب والمجد من عالي بناه
ذي وصاة كبارها تقتديه صغارها

وفوزهم فوز قديم وذا فوز قفاه
فوزهم يوم القبايل تحمي اديارها

يوم جا عبدالعزيز الدلم واللي حواه
مده الزيزوم شافي بقب امهارها

قال عشت وسلها والعدو دارت رحاه
ياعطيبين الضرايب عما من زارها

ياخوال معشي الذيب من رووس العداه
العقيد اللي سهج برها وديارها

غانم اللي كاسب كل ما قاد مغزاه
مايجيب من الغنايم ياكود خيارها

من مقاديم آل عمار يشرفنا نباه
عزوته عند المؤسس طلب كرارها

وفعلكم معروف عند القبايل والرواه
غنت الركبان بفعالكم واخبارها

ﻻعتزيتوا بآل زايد يهابون الطغاه
عزوة بين القبايل رفيع كارها

والدواسر سلمهم جارهم توسم عصاه
وتحتمي جل العشاير وحلو اثمارها

والختم باسم ال محاول هل الطيب الدهاه
ارحبوا ترحيبة عالي مقدارها


الشاعر/ناصر بن ناجي آل مدعث آل عمار