قصيدة الامام تركي بن عبدالله أل سعود مؤسس الدوله السعوديه الثانيه
هذه القصيده تحتوي على قصتها وتحمل حكمه رائعه
نقلتها لكم لأعجابي بها وأتمنى ان تنال اعجابكم
طار الكرى عن موق عيني وفـرا
وفزيت من نومي طر(ن)لي طواري
وابديت من جاش الحشـاء ماتـدرا
واسهرت من حولي بكثر الهـذاري
خـط ٍ لفانـى زاد قلبـي بـحـرا
من شاكي ضيـم النيـا والعـزاري
سر يا قلم واكتـب علـى ماتـورا
أزكى سلام لابـن عمـي مشـاري
شيخ على درب الشجاعـة مضـرا
من لابـة يـوم الملاقـا ضـواري
يامـا سهرنـا حـاكـم مايـطـرا
واليوم دنيا ضـاع فيهـا افتكـاري
اشكي لمن يبكي له الجـود طـرا
ضراب هامـات العـدا مايـداري
ياحيف ياخطو الشجـاع المضـرا
في مصر مملوك لحمـر العتـاري
من الزاد غـاد لـه سنـام وسـرا
من الذل شبعان من العـز عـاري
وش عاد لو يلبـس حريـر يجـرا
ومتـوج تـاج الذهـب بالـزراري
دنيـاك يابـن العـم هـذي مغـرا
ولاخير في دنيـا حلاهـا مـراري
تسقيـك حلـو ثـم تسقيـك مـرا
ولذاتهـا بيـن البرايـا عــواري
اكفـخ بجنحـان السعـد لاتــدرا
العمـر ماياقـاه كثـر الـمـداري
مافي يـد المخلـوق نفـع وضـرا
ماقدر الباري على العبـد جـاري
واسلم وسلم لي علـى مـن تـورا
واذكر لهم حالي وما كـان جـاري
إن سائلـو عنـي فحالـي تسـرا
قبقب شراع العز لـو كنـت داري
يـوم ٍ كـل ٍ مـن خويـه تـبـرا
حطيت الأجرب لي خوي ٍ مبـاري
نعم الرفيق أليا سطـى ثـم جـرا
يـودع مناعيـر النشامـا حبـاري
رميـت عنـي برقـع الـذل بـرا
ولاخير فيمن لايـدوس المحـاري
يبقى الفخـر وأنـا بقبـري معـرا
وأفعال تركي مثل شمس النهـاري
وحصنت نجد عقب ماهـي تطـرا
مصيونة عن حـر لفـح المـذاري
ونزلتهـا غصـب بخيـر وشـرا
وجمعت شمـل بالقرايـا وقـاري
والشرع فيها قـد مشـى واستقـرا
ويقرا بنا درس الضحى كل قـاري
زال الهوى والغـي عنهـا وفـرا
ويقضي بها القاضي بليا مصـاري
وان سألت عمن قال لـي لا تـزرا
نجـد غـدت بـاب بليـا سـواري
ومن أمـن الجانـي كفـا ماتحـرا
وتازى حريمـه بالقرايـا وجـاري
واجهدت في طلب العلى لين قـرا
وطاب الكرى مع لابسات الخزاري
ومن غاص غبات البحر جـاب درا
ويحمد مصابيح السرى كل سـاري
وأنا أحمد اللي جاب لـي ماتحـرا
وأذهب غبار الذل عنـي وطـاري
والعمـر مـايـزداد مثـقـال ذرا
عمر الفتى والرزق في كف بـاري
وصلاة ربي عـد مـا خـط قـرا
على النبي ما طاف بالبيت عـاري