هذي قصيده في الجمس اعجبتني والله ودي بعد اهيض بعض الربع
يقول الشاعرحميد الذيابي
يا راكب اللي حرف جي ام يزهاه = لا دق سلفه غادي ٍ له هديري
مفحوص الباككس* والزيت معماه = ومعلق بين القزوز والسبيري
لادق سلفه ووللبساتن مصفاه = قامت بلوف النار تزفر زفيري
ضغط المكينه يوم صنعت بمنشاه = اربع ميه واربع وخمسين غيري
باور وتكييف وتوانك معباه = وقزاز متحرك وشد ٍ قصيري
لا داسه السواق ما يلحق اقصاه = ينوز نوز الجافل المستذيري
صنعة يهودي عسا النار مثواه = عساه في وسط اللهيب السعيري
انا اشهد انه ضبطه يوم سواه = لو حط له جنحان يمكن يطيري
* الباككس = الدفرنس