12-05-2012, 11:58 AM
|
#1
|
إحصائية
العضو |
|
|
مفارق يوم / وشلون سّوى ؟ لـ سلطان المسعري
طالع مفارق يوم / وشلون سّوى ؟
الله يصبرني على مفارقك عـــام ..
اقفيت .. / ودي بالصدود اتقوّى
واثر غيابك هو سبب موت الاحلام ..
...
الحزن .. / بين ضلوع صدري تطوّى
وسود الليالي / بادلت / بيض الايام ..
والدمع ../ جاني في غيابكـ وخوّى
واصبح خوي ٍ .. / خوته واجب الزام ..
يصب ملحه ../ والمشاعر تروّى
احر من دمع الارامل و الايتام ..
وانا احترق ../ من داخلي واتكوى
والصبر .. / عندي جاه حكمٍ بالاعدام ..
اليا ذكرتك ../ سج فكري ودوّى
يعرض سوالفنا مثل عرض الافلام ..
يدق مسمارين ../ فالصدر .. جوّى
مسمار يعذرني .. / ومسمار لوّام ..
يمرني طيفك .. / وفيه اتلوّى
واصحى على واقع ../ يقول ارجع ونام ..
توي عرفت ../ انك بصدري تبوّى
مكانة الانصاف ../ في عين منظام ..
انت اجمل ../ اللي جابو ادم وحوّى
وانت اغلى ../ من يمشي على الارض باقدام ..
القلب يمك .. / شل عفشه .. ونوّى
وعندك فطوره .. / بعد مالحقه صيام ..
ما هو بقادر بالغياب .. / ايتقوّى
يبكي لفرقا يوم ../ وشلون لو عاااااااام .. !!
|
|
|
|