اخواني السلام عليكم ورحمة الله
هذه محاوره حصريه نقلتها لكم ولو ماهيب كامله لاكن فيهابركه وهي بين الشاعرين محمد بن فالح وعبدالله الودعاني
محمد
يامرحبا ترحيبة بلي لهم قدر وشان
عيال سالم سعد منهم فالوازم محزمه
ياصاحبي مهما تغيرنا اليالي والزمان
اليا خدمني وقتي الي جار ولله لخدمه
عبدالله
دام البقى وأنتم وحنا كلنا ربع وخوان
في دوسر الضرغام زايد كلبونا نزهمه
الوقت طيب والفخر من حظ خطلان اليمان
وألي يبي كثر الدراهم لايفوت درهمه
محمد
حنا نعرف افعالكم ولاتهون ولانهان
ولي يجي له وقفة من حقه يرف علمه
والرابح الي مثلي ومثلك عطاه الله لسان
اليا نشف حبر القلم يكتب بخط المرسمه
عبدالله
الشمس تشرق والسما لامن وصلها شي بان
وألي معه علم يفيد العولمه لايكتمه
كثر الحكي ماهو دليل للفصاحه والبيان
قال المثل في مامضى بأن أقصر الهرج أحكمه
محمد
انا اعرف ان الشمس تشرق مير لاتعمي فلان
قبله قد اعمت واحد ماعاد سره مرهمه
ماينفع الرجال هرجه كود في ذاك المكان
اليا سلك درب القضيه واتجه للمحكمه