ترى طرات الروح شوف المصاغير
في مرتع راعي الغنم مامشابه
متخالف فيــه النفـــل والنـواوير ماله ثلاث ايام جليت ســحابه
ريح الخزامى عطر الجو تعطيردكان عطـــــــار اللى فك بابه
تدله به ازيان البكار المـــغاتيرلا شافها الرجال ينسى شبابه
وشوف الرجال وفزة بالمساييرغير الشحم يلقى المسير لبابه
ومجلس نشاما مايجيه المعيثيروسوالف فيها الحــلا والذرابه
وممشى مع ربعي على العز والخيرواللى يبونه ما نحسب حسابه
دواسر من فعلهم يشبع الطيريوم الفراسه والغزو والحرابه
وكل على حقه ولا فيه تقصيروكل على جسمه يفصـــل ثيابه
واليوم في حكم الملوك المناعيرحكم العدل ماهوب حكم العصابه
وصلاة ربي عدما غرد الطيـــرعلى نبي ٍ ما غوى في شبابه
الشاعر : ناصر بن عبدالله الشكره الدوسري