::: مـنتدى قبيلـة الـدواسـر الـرسمي ::: - عرض مشاركة واحدة - لاحدني وقتي على شئ مابيه,,,اعز نفسي ومنة الناس بتراب
عرض مشاركة واحدة
قديم 02-04-2013, 11:27 PM   #1
 
إحصائية العضو








حمد ابن فهد غير متصل

حمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond repute


Poetry لاحدني وقتي على شئ مابيه,,,اعز نفسي ومنة الناس بتراب

عزي لقلب صار همه مخاويه
متعلق(ن) .. لاهوب شايب ؟ ولا شاب ؟

لاقادر(ن) يفرح بشيء يسليه
ولا قادر (ن) يلبس على حزنه ثياب

راعي الطموح يموت .. مادرك مناويه
لاخاسر(ن) حلمه .. ولا كاسب اعجاب

لاهو فقد له شي عشان يرثيه
ولا ظفر في شي يحسب له حساب ؟

اقسى عذاب ؟؟ .. يخلي الرجل يبكيه
عذاب .. لكن تتفق فيه الاسباب

لامن عشق حاجه ولاهيب في يديه
لاصابر(ن) منها ... ولا عنها تاب

الحر وافي مايخون براعيه
حتى لو انه .. دون راعيه ينصاب

لاضاعت الهقوه تموت المشاريه
ماكنها الا ( ثلج ) في كفي و ذاب

خطاي .. عطيت الشنب حق يوفيه
الين ماشفت المره ذلت اشناب

حتى ردي الساس يفخر بماضيه
في وقت ؟ .. ساوا الناس مابين الانساب

وش عذر ؟ من صدق كلام يغذيه
لاصار منهو يدعي الصدق ؟ .. كذاب

علمت نفسي درس .. ماني بناسيه
ماقيل لي ولا حفظته من كتاب

لاحدني وقتي على شي مابيه
اعز نفسي ومنة الناس بتراب

الله يرجع كل غالي لغاليه
والله يرد الشمل مابين الاحباب

اللي يبي الفرقا .. عسى الله يهنيه
ماني ورا المقفي مطارد وطلاب

لو كل من قفى بتبع خطاويه
مافارقت عيني مواليف واصحاب!

ياصاحبي .. ماعاد لي شي اداريه
بيني وبينك مابقت كلمة عتاب

اللي يحز بخاطري .. ليه احاتيه
ماهوب يستاهل شقا وحرقة اعصاب

الظن لامن خاب .. لاتقول لي : ليه
وش فايدة ؟ .. تفهيمك الظن لاخاب ؟

كنت احسبك ( بستان ) محدن يجي فيه
واثرك ( محل) ينبنى فوقه اطناب

اموت ضامي .. واحضن ( الهم ) واخفيه
ولا آرد ( الما ) .. لاشربت منه كلاب

لو كل شي بخاطري ,, رحت اسويه
وش عاد ابسوي .. اذا خاطري طاب ؟

ممـــا راق لي

 

 

 

 

 

 

التوقيع

    

رد مع اقتباس