السلام عليكم ورحمة الله وبركاته،،
صباح الخير ياوجيه الخير، الله يديم المعزه و الموده في ديار الدواسر عامه ، هذا القصيده مشاركه بسيطه لموطن جميع الدواسر (وادي الدواسر):
يابري حالي لياطروا ديار المناعير
منبع الخير والاطياب نسايم هواها
وادي الدواسر دونهم مافيه تخاشير
أهل السلوم الغانمه بعيدن مداها
دواسر عند اللزوم قرومن مباتير
تبتر ذراع العدو جزاء من حداها
وسم العصا سلمها من أعاصير
ابن مطرف مثل والعرب من وراها
مزبنة من زهم يلقى التدابير
تقوي عزومه ويحتمي في ذراها
أهل الجهم النادره و المغاتير
ورث من جدودن مانرخص غلاها
والضيف يقلط على دلالن مباهير
ومفطحن مشحم مايعين رداها
نبذل الطيب دون قولة مخاسير
مدت بني دوسر معروفن نداها
شيوخنا في تاريخ الجزيرة مشاهير
شمس في سماء قوين سناها
والقبايل على علوم النقا مظافير
من طناخة راس معروفن نباها
والختم صلاتن عدد طيور النوادير
على النبي مرهم القلب وبراها
وسلامتكم،،،،،