لوساعة الذكرى مسرّات وحلوم= سرّيت من فكري بنات النجايب
ودونتّها بالود والعطف واللوم= وعطرّتها من طيب ذات الحبايب
وجيت فخياله حلم وطياف ورسوم= وغنيت له يازين وين انت غايب
يوم ن نظرت لصورته بآخر البوم=مرّت علي ذكراه ديم وهبايب
شمّت عبيره بين طياته ازحوم=حتى على وصله غطا البوم ذايب
ياصاحبي مافيه ساعه ولايوم =الاّ علي طيفه يسوق الركايب
يرقا بي لشوفه مراقيب واحزوم= وانزل معه من حيث ماكان..أآيب
وياخذني بمعسول حكيه عن النوم=وانسى معه كل العنا والمصايب
يعني بصراحه فيه هايم ومغروم =وان ماحصل شوفه فلانيب طايب