اتسلى بغيرتـــي
يالي اتسلى بغيرتي وانا لجلك اموت
تضحك وتقول فديت الي تغار
كلي قهر وضيق كاتمه بسكوت
اجاملك بضحكاتي وانا حيل منهار
وانت كل يوم يا ام الكدلك يا ام الحوت
يالعنبو جدك اثقل وش ذا الانحدار
لاجيت اقلد سواياك تثور بجبروت
كني انا مذنب المحبه والخاين الغدار
قلبي من القهر شرى بيت العنكبوت
نسجت به خطاياك وبلاياك الكبار
عمر العلقم مالتقى يوم بالتوت
وشجاب الي جاب بينهم دروب واسوار
لاتماري المرجله ماهيب لبس بشوت
المرجله لازهمتك قل ابشر وصار
كنت احسب اني وياك بالهوى مبخوت
واني بوجودك ملك سارق انظار
اثري معك كل يوم اصارع الموت
وقلبي من شظاياك كل يوم بانكسار
عجزت انهيك لين بح بي الصوت
وحلفت ما اهتم لك بعدها مهما صار
الحكي معك ضايع هادم بيوت
والي اساسه رخو لابد ينهدم وينهار
خلك حقاني قبل لايفوت الفوت
بكره لاجفل صاحبك بتبكي امرار
بوح شيهانه،،
6/1/009