[معلومات العضو ويــلان]

... شبـة نـار ,, وفنجـال ,, وعلوم رجـال كان البدو قديماً ينتقدون من يهمل هذا الجانب بقولهم : بعض العرب ,, في شبة النار يحتار يجي الشتا ويروح ما شـب نـاره إذاً آصبحت شبة النار دلالة على الدعوة إلى الحضور وبالتالي الإجتماع على القهوة حيث يروْنها فاكهة السمر الصحراوي فالنار أثناء إيقادها تعطي نوعاً من الحركة للمكان وتكمل الدراما الصحراوية والتي تدخل فيها المؤثرات الأخرى مثل صوت عويل النجر وسوالف النشاما فيتسع الخاطر عندما يجتمع عليها الرجال وتبتهج برؤية سناها في صورة رائعة ترى من خلالها ملامح ومزايا البيئة الصحراوية ببساطتها وتواضعها البشري وإذا آقبل الشتاء يحرص الكثير من آبناء الباديه على إقتناء الآنواع الجيدة من الحطب ومن القصائد التي قيلت في شبت النار نذكر منها لا ضاق صدري قلت شبوا لي النار = سويت كيف مـا يسـوى مثيلـه حمسـت بريـه وناديـت ببهـار = ماها قـراح جايبـه مـن ثميلـه ياما حلا عقب العصر ,, شبة النار = في مجلسٍ كل النشامـا يجونـه يلفونه اكبارٍ ,, ويلفونه إصغـار = من طيب من هو فيـه ويقدرونـه في بيت ماحطوا له آبواب وآسوار = ذراه من صوف الغنم ينسجونـه هذي طراة الروح لا صرت محتار = آخيِر من بيـتٍ هَلِـه يزلجونـه لا ضاق بالي ,, والهواجيس وردن = النـار شبّتهـا بدايـة عـلاجـي والبن بالمحماس والنـار تلسـن = نـارٍ تزايـد جمرهـا بوتهاجـي ياما حلا عقب المطر شبت النار = في روضة فيها شذى الورد فاحِ ياريف قلبي للمسايير قـم شـب = وحط المناره في طويل الظلالـي عقب تشق الها لجزل الحطب جب = وهات النجر واحضر جداد الدلالي يا كليب ,, شب النار يا كليب شبّه عليك شبّه والحطب لـك يجابـي ألا يـا زيـن شبـت النـار وادلال = ادلال صفر ابهارها طيّـب الهيـل في جال غرمولٍ حمر ,, يشرح البال = جوّه براد ومرتـوي خـدّه السيـل الله يجيب العشب والخيـر منهـال = على بـلادٍ توفـي الحـق والكيـل دام الجميع ..