عزايم التالين جا فيها بلا
يارب لا تجعلني من الشامتين
ماعاد للضيفه مواجيب و حلا
من يوم جا فيها سناب مصورين
الضيف يحسبها تزوده منزلا
يقول حنا في ضيافة الاكرمين
ويصور اللي رحبو به يا هلا
واليا قعد على الكرامه صورتين
هذي كرامتنا وشوفوها علا
على سنابي شاهدو يا متابعين
واما المضيف والله انه ما سلا
قدام يذبحها يصورها بحين
الله يحييكم هلا يا مسهلا
هذي كرامة ضيفنا اللي ذابحين
فعزايم التالين جا فيها بلا
من يوم جا فيها سناب مصورين
ناصر بن مدعث