الشـــــكر والعـــــرفان
............................................
الشـــكر والعرفان الطيــب موصـول ,,,,,,,,,, للي آشـــاد بــكل حـرفً كتبتـــه
يـــهمنـــي رأي الـذي يفقــه القـول ,,,,,,,,,,, واللــي اخلافه لابغا يــرد سبتــه
ومـــضرب اللقح سهجته عـلى طول ,,,,,,,,,,, لامــر فنجـــاله بعـرفي شــربتـه
واثق وانا اعشق كل ماهوب معقول ,,,,,,,,,,وهــرج المهايط من ملفي شطبته
مديــحكم لــي يالاجــاويد مــحمول ,,,,,,,,,, وسط الخفوق اللي بصدري حملته
ينبــض به الخفاق بالعرض والطول ,,,,,,,,,, وجـــل احترامي في جنابـه كتبته
ولاني عن الاخطاء والنقص مكفول ,,,,,,,,, ومــركب غــرور الطايشــه ما ركبته
اصيب واخطي واخسر احيان وانول ,,,,,,,,,, يعني بشــر كل خـــافيً مــاعلمته
وغيب الليالي ياهل العــرف مجهول ,,,,,,,,,, ولو اعــرف المصلوح قمت وسلكته
العلم عند اللي عن الخـلق مسئول ,,,,,,,,,,, سبحان ربً ماش غيـره نشــدته