::: مـنتدى قبيلـة الـدواسـر الـرسمي ::: - عرض مشاركة واحدة - لاتنشــل يا فهيد ياسيف يمناي
عرض مشاركة واحدة
قديم 27-03-2018, 03:14 PM   #1
 
إحصائية العضو







بن الجراح غير متصل

بن الجراح will become famous soon enoughبن الجراح will become famous soon enough


:r-r-5: لاتنشــل يا فهيد ياسيف يمناي


لا تنشغل يا فـهـيــد. ياسيف يمناي

ابيات متواضعه اهديها الى ولـدي فهـد بـن محمد الربيّع

لا صـرت انـا واثــق بـنفـسـي ومبـداي = ما هـز شـاني ناقـص العـقـل والـديـن
ولا صرت واثـق في مسيري وممشـاي = ملكت الارض وحزت حب الكـثيرين
راضي بمقـسـومي وكسـبي بـيمــنـاي = وما قـدّر الـمـولى على الـراس والعيـن
اهــل الشـماتـه والمـلاقـيـف واعــداي = واهـل الحسـد يافهـيـد بعــيـونهـم طيـن
واللي لفـا عــن بـعــد بالكـذب غـزاي = ماسـلـت عـنــه بعــون مـن نـزّل الـديـن
وشعـاد لـو يعـزف على العـود والناي = ماهـمـني هــذرة رفـيــق الشــــيـاطـيـن
مـا سـلـت انا عـن كـل نـابــح وعـوّاي = ضعـوف الرجـال التـافـهـيـن الخـبيثيـن
لاتـنشــغـل يـا فهــيد يا ســـيـف يمنـاي= ابـوك انـا وافـخـر بممـشـاي كـل حـيـن
ان مـا جعـلـت الــراس عــالي بـدنـياي = مـوتـي ولا ارضى فــي حـياة الـدنـيـن
مـن صغـرسـني والطـفـوله مع صباي = حـفـظـت انا ســلـم الرجـال الشـريـفيـن
عـلى دروب الطيب قد سـارت اخطـاي = ولـي ســمعـةً ما ابـيـعــهـا بالـمـلايـيـن
الـدّيــن مــنهــاجـي وهـمــي ومـبـداي = وأهـــم شـي امـي مـع ابــوي راضـيـن
ولا صرت انا واثـق بنفسـي وممشاي = كـني مـلكـت الســنـد والهـــنـد والصيـن

محمد بن سوعان الربيّع.

 

 

 

 

 

 

التوقيع


الصبر طيب لكن الصمت مكروه ,,,, والحق كلــمه ياجــب إنـــا نقـوله

والكذب خيبه والمناعير ادانـوه ,,,, وعيبً على اللي بالحياة انتموله

والصدق منجى والاجاويد سموه ,,, نــورً ... ينــور للخــلايق إليــوله

    

رد مع اقتباس