اقدم لكم اخواني اعضاء منتدى الدواسر مجموعه من القصائد نقلا عن كتاب درر من الشعر الشعبي
وشاعرنا هو الشاعر الغزلي
عبيد بن هويدي الدوسري..من بلد _الشعراء_القويع
وهذه قصيده بالغزل
يقول:
اه من لقلب طال من سقمه عليل= مير يدري المزاري صابر بالهوان
من غزال مع الغزلان عنقه طويل=يتبع القفر يرعى من زراج البيان
ضامر الوسط عمهوج متاعه قليل=ويتغطرف يشادي مطرق الخيزران
ما اخذ له على الشبان سيف صقيل= يذبح اللي نشوفه بالهوى مولعان
هرجته تنعش القلب المشقى العليل=مثل نقد المشاخص(1) في يد الصيرفان
كن حجبانها حجبان بنت الاصيل=قاسي راسها ما تنصخر بالعنان
((1))المشاخص:جمع مشخص وهي عمله ذهبيه.....
---------------------------------------------------------------------------------------
ويقول:
تعليت في راس الحجى النايف المبني= رمى بي وهيض عبرتي يوم اعدي به
وحيد واداوس رابعه فيه والغبن=تزايد عنا قلب الخطا ويش اسوي به
اجر المثايل والحمايم تجاوبني=وما جابت الورقا فانا عاد اباجيبه
تذكرت من هو بالعجاريف يعجبني=الى مر فيه المطروي بي نماري به
ترى شبهها عفرا شمخ نيها يبني=مع ذود شيخ كل قفر تعشى به
عثاكيل مجدوله تجي مقود مثنى=رسن مهره جت بالشكايم تلاوي به
وهو تاجر بالزين والزين به مكني=ولاشفت باحسن من (.........)
انا شفت من غرس الجباري الى الزبن=ولا مثل منبوز الرواديف نحلي به
عسى الحاسد اللي في جوابي مكذبني= عسى منزله باسفل جهنم وتلهي به
---------------------------------------------------------------------------------------
يقولت
ياتل قلبي تل شملول الاسراق=مع ىدعاجين سرو حايفينه
غدو الهم مع سومة الصبح بنياق=وتنحرو ضلع زمى زابنينه
اوتل حبل السانيه عقب الاعلاق=سواقها ناس مناطيق دينه
لاجتمع السندا فلاهي بتنساق=لاشك باغ يهينها الله يهينه
عليك ياسابي عزا كل عشاق=يانافل الخفرات في كل زينه
الى مشى ثوبه على ردفه اطراق=الله على شيله لردفه يعينه
وبريمه بالوسط غمق وخفاق= مقدار فتر وبالدنق واصفينه
والى ضحك واغضى بلجلاج الارماق=غذا بقلبي مابقى الا ثمينه
------------------------------------------------------------------------------------
يالجتي لجة محاحيل عباب=سقايهن باصواتهن معجباته
صدر على عرب مراجيع واشباب= رسم الشحم بظهورهن كالياته
عليك ياسابي عزا كل عجاب=كن العسل في دبل ضويحكاته
كن العسل في مبسم العذب ينذاب=بالهجس والاكايد من شفاته
هيا هجيره مشخص غالي الاجلاب= ولا دارها راع الردي بهقواته
والمساق كنه يوم يرفع للاسلاب= عصب غشاه الفوح واقفت نياته