يامرحبا ياخيال البلهاء
ويتضح إنك سهلي ، فالله يحييك في منتدى قبيلة الدواسر الرسمي
وبالنسبة لسؤالك عن ابن لحيان من هو ؟ فهو من شيوخ أوفرسان قبيلة السهول
وقد شارك مع الإمام ابن سعود مع من شارك معه من شيوخ القبائل مثل ابن هادي قحطان وغيره ، ضد حرب الدواسر في معركة ( المعتلى ) التاريخية الشهيرة وقتل فيها حسب ماذكر الرواة وبعض القصائد ابن لحيان وغيره من الفرسان.
وتستطيع أن تبحث سواء في هذا المنتدى أو غيره من المنتديات عن معركة المعتلى وأسبابها ونتائجها والقصائد التي قيلت فيها ( وأنا لست بمتابع للأحداث التاريخية ) ولكن رأيت استفسارك له يومين ولم يرد عليك احد فأحببت تزويدك بهذه المعلومة.
والله يحييك ياخيال البلهاء على الرحب والسعة.
وهذي قصيدة أحد الشعراء اللذين عاصرو المعركة واسمه هندي بن عضيب الحناتيش :-
غرس ياللي على الحديـن متثنـي & يعجب اللي يخايل صفـة عذوقـه
سوره من القنا والسيـف منسلـي & راسخٍ في نفـود ٍ تسبـح عروقـه
قد حمينـاه يـوم إن التفـق حنـي & و لا بتي بالسلايل رسخوا سوقـة
جانا عبـدالله بـن سعـود متعنـي & يبـي اللغـف تمـره زان بيذوقـة
ما غزانـا يكـود الوقـت متدنـي & قاعدٍ يجمـع كلابـه نـوا عوقـه
معه بـن هاديـاً قحطـان متمنـي & كاتب له نخـل حمـدان بيسوقـه
لين جاته هبـوب تظهـر الجنـي & صلفةً شالة الصيـوان مـن فوقـه
ردتـه خيلنـا ردٍ علـى ظـنـي & دوك بيرق هل العوجاء على نوقـه
ذا لعنـاك يابـن الزيـن متحنـي & من ولينـاه ماعـود علـى شوقـه
ألف مقتول واخـذه ثابـت ٍ منـي & في ضحى المعتلا يوم احتمى سوقه
انهزم جمعهم غصب ٍ بـلا منـي & من بغى الغرس ما عود على شوقة
ابن شويـه وبـن عيـافٍ يونـي & وابن لحيـانٍ وبـن معمـر فوقـه
يأكل الذيـب والضبـع يتلاحنـي & كل منهن يشوف الزيـن ويذوقـه
لا يغـرك حكايـا كـل متمـنـي & كون من بان فعلـه قبـل منطوقـه