 |
|
 |
|
بيض الله وجهك يالنايف
ولا هي غريبة على الدواسر
ونعم بالامير فراج بن نادر |
|
 |
|
 |
يوم جـازان غـداء للعلـم شاهـد = وسميت بفعالنا وسطـه أقصـوره
ننطـح البـارود لاشـب الوقايـد = ونرد حوض الموت لازادت شروره
والدريسي من سببنـا راح شـارد = خايـنً ونـدوره بالـمـوت دوره
نعم ابن نادر نهـار العـج راكـد = وحقه البيظاء معك ياللـي تـزوره
أطلق المسجون من سجن الزهايـد = وإطلقت رجله وهي كان أمهجـوره
عقب ماهو زاهدٍ في السجن قاعـد = فرحوا صدره وزادولـه سـروره
فنذبح ونذبح ونصبر فـي الشدايـد = ضربنا في العظم ماتجبر اكسـوره
شيوخنا ذبحـوا وسيعيـن البنايـد = تحت بيرق حاكما تموا اموره
ذبح ابن نادر عساها له برايد = جنة الفردوس ينـزل فـي نهـوره
لاحكى فينـا ردي العقـل حاسـد = من مواقفنا تقصـر بـه أشبـوره
جدنا هـو زايـد وافـي الوعايـد = راعي الطالات في ماضي أعصوره