بسم الله الرحمن الرحيم
السلام عليكم ورحمة الله وبركاته ..
أشارك معكم بهذه الابيات وهي أول قصيده لي أطرحها في المنتدى..
أتمنى أن تحوز على أعجابكم ..
أقول فيها ..
البارحه والليـل مظلـم وداجـي *** أخذتنا مع هاجس الفكـر سجـه
زانت لي أفكاري وروق مزاجـي *** أشرب قراح الجم والملح أمجـه
واللي مزاجه مايقـارب مزاجـي *** مانيب ملـزوم بسعيـه وحجـه
واللي سواليفه ياشاتم ياهاجـي *** في اللي تغيب ليش صوبه نوجه
أتركه وأجلس مع طليق الحجاجي *** اللي يقال ونعـم ماهـوب دجـه
قرم علي من الأعـادي يحاجـي *** ماهوب مرجوج ولا فيـه لجـه
وأهل الوفا وقت الشدايد ملاجـي *** أهم السند لاجات ساعات حرجـه
والدرب لامن شفت فيه أنعواجي *** وش لي بدرب فيه ميله وعرجه
أسلك طريق شع منه السراجـي *** نور الهدى والحـق لازم نسجـه
ويارب أنا لك من لظى النار لاجي *** واللي لجى بحماك يـارب نجـه