::: مـنتدى قبيلـة الـدواسـر الـرسمي ::: - عرض مشاركة واحدة - ملحمة ابن عزرم مقطع حق الدواسر في الشمال
عرض مشاركة واحدة
قديم 01-11-2005, 03:23 PM   #1
 
إحصائية العضو







المبيعيج غير متصل

المبيعيج is on a distinguished road


افتراضي ملحمة ابن عزرم مقطع حق الدواسر في الشمال

الذي لايعرفه الكثير ان هناك مقطع حق عند الدواسر غير ابن وثيلة وهو الشيخ محمد بن ناصر بن عزرم الشكرة الدوسري وهو مقطع حق للدواسر اهل الشمال ولكن لاينتهي الحكم عندة اذا مارضوا الخصوم بعكس ابن وثيلة الذي ينتهي الحكم عنده سواء رضوا الخصوم ام ابوا

وللشيخ هذه القصيدة التي اعتبرها ملحمة وارجوا من الاخوان تثبيتها في المنتدى ولكم جزيل الشكر ويقول فيها


اول كلامي ذكر ربي وبسم الله=يالله لاتكتب علي الاثامي
بدعت قافٍ من الصدر مبناه=متخيرينه من حسين الكلامي
يالله يلي تركع الناس لرضاه=ياعالمٍ مافي السفر والظلامي
طالبك رواح من الحجر منشاه=سيله على جر المحانيب طامي
ياخذ اسبوع وكل سيلٍ بمجراه=ومن عقب سيله جاء وبل الغيامي
جعله على داري تهشم رفاياه=وسيله على الرمله يشق العدامي
يسقي ديارٍ للحنازيب مشهاه=يازين في نينه بيوت وجهامي
زايديه ضد المعادي وبلواه=حمايةٍ لاجاء النذر والزحامي
لانشق ثوب الصلح عقب المساداه=من فعلهم ترتع ردوم السنامي
عرب على رعي المهامل امضراه=بين السبيعي والمطيري ويامي
يازين شدتهم مع الصبح زيناه=في ساقة العساس جاب العلامي
نرعابها في الصمان لازاف مرعاه=لازاف عشبه من نبات الوسامي
نرعابها في مرتعٍ مااحدٍ جاه=قبل الكمام وقبل كتب النظامي
جاك الدويش عضيب في قومٍ غزاه=وخلي طريح في نحاهم شمامي
من فعل ربعٍ يمنعون المخلاه=لامن غدا البارود مثل الكدامي
والدامر يوم جاب جمعه وقداه=يضرب على غراتها في المضامي
مع شعب طلحة يمشي السيل بدماه=وعاف الطمع يوم شاف الدوامي
وراس بن مجفل عندها قد فقعناه=ياطنه الزلبات ماعاد قامي
والفغم في رعي الشريدة طرحناه=خلي طريح يوم ثار العسامي
وشعوان في الفرشه ركيبه نهبناه=لعيون عربٍ وسمهن الرثامي
حتى السبيعي في محله سهجناه=خوان في العاني غشاه الملامي
جنب محله والبيوت المبناه=في شبرٍ من ممساه وسط الكعامي
ولعيون عربٍ وردت عقب مظماه=شربت قراحٍ عقب ماهي احيامي
ولاوزى المجرم بحملٍ نقلناه=ومتيهين الجار دايم دوامي
مثل بن مطرفٍ يوم جانا من قراياه=عليه حرام ماتهنى المنامي
وزى على السبعان والجمع يلضاه=قالوا روح مابهذا محامي
ووزى على العتبان من شين ماجاه=وعطي ثمان مهرباتٍ تمامي
ووزى على قحطان من كبر بلواه=قالوا اضرب طريقك دام حل الظلامي
ووزى على اللي يرفقون المجناه=على لاد زايد جارهم مايضامي
وجاك الشريف ويتبعونه سراياه=يتليه قومٍ مثل وصف التهامي
جاووه بني عمي مناعير وعصاه=وسهج المحل وراح راسه عدامي
بمصقلاتٍ صاحي العظم تشظاه=وحدب الظهور مقذلات النسامي
مع كل مدغوشٍ افعوله مسماه=يشري جديد المدح والموت حامي
من فوق قب للحرايب مغذاه=قحص الرمك ردات عجل الولامي
والغرس لا لا فعلنا ماسكناه=قبل الكمام وقبل كتب النظامي
فضلٍ من المولى ولاهيب معطاه=ورثٍ من الجدان تون وعامي
ومرسمينه في الفضى مااحدٍ جاه=بمصقلاتٍ يكسرن العظامي
تسعين ليلٍ والخلايا مثناه=ولاخير في هرجٍ بليا تمامي

 

 

 

 

 

 

التوقيع

بشر غدا عند المبيعيج ناصر
غدا بينهم يوم اختلاف الوعايد
.........................................
ونعم ياولد المبيعيج ناصر
سابقه في المعركة تنغبى وتشاف
.........................................


وداعين عز الجار من زايد الملطوم
سهوم المنايا عنهم الضد حوادي
وداعين مايخطون ضربة عقيد القوم
ومن ذاق ضرب سيوفهم راح ماعادي
وداعين لاجا موقفٍ فيه لطم خشوم
يردون راس الشر بخزام وقيادي

للتواصل عبر الماسنجر latwa2000@hotmail.com

    

رد مع اقتباس