السلام عليكم ورحمة الله وبركاته:
اسعد الله أوقاتكم بالخير والمسرات
وصلتنا القصيدة التالية من الشاعر ابراهيم بن محمد العامر البدراني بيّض الله وجهه وكثر من امثاله ، وفيها إطراء وذكر لجهود الموقع الرسمي لقبيلة الدواسر
:
الموقع الرسمي تاسس له اعــوام
جمع بطيــــاته كـــثير الفـــــــوايد
ياما بصفحـــــــاته يخطنّ الاقــــــلام
سوالفٍ لاهــــل الكرم والعـــــوايد
سوالفٍ من بين ذربين واحشــــــام
حكمه ومــــأثورٍمن القول فــــــايد
موثقــــــــــاتٍ في تواريخ وارقــــــام
والكل يشــــهد بالعلوم الــــــوكايد
ادارتـــــه تركز لها بيض الاعــــــــلام
وتسطّـــــر اسمائهم بكل الجـرايد
والمشرفين الي على كل الاقسام
الشكر موصــــولٍ لهم بالقصـــــايد
يستاهلون المدح مع كل مقــــــدام
رايــــاتهم بيضا واريـــاً ســــــــدايد
تحمـــــــــلو كل العنا طول الايــــــام
لجل هدفهم مااهتنو بالوســــــايد
مايرتكي للحمل يــا كود عـــــــــزّام
حملٍ على بعض الرجـــاجيل كـايد
هدفهم الطيب على نهج الاسـلام
روح التــــواصل بين كل البــــــدابد
هم اربطو تثليث مع نجد والشــــام
مع الخليج بمـــــــوقعٍ دوم رايـــــد
بافكار مايسبق عليها بالاعــــــــلام
ماينشرون الا خيـــار الفرايــــــــــد
توخذ سواليف جديدات واقـــــــــدام
عن الــــدواسر بالرخــــا والشدايد
دواسرٍ حريبهم ذاق الاسقــــــــــام
لاجت عــــــزاويهم بتغلب وزايـــــد
الله يجمعهم على دين الاســـــلام
رجــــواي بالي له جزيل الوعــــايد
وصلاة ربي عد ماصام صـــــــــــوّام
على رســــولٍ للمخاليق ســــايد