::: مـنتدى قبيلـة الـدواسـر الـرسمي ::: - عرض مشاركة واحدة - شاعرنا الكبير دغش بن بطي
عرض مشاركة واحدة
قديم 24-12-2006, 10:28 PM   #1
 
إحصائية العضو







الشكري غير متصل

الشكري is on a distinguished road


افتراضي شاعرنا الكبير دغش بن بطي


السلام عليكم وامسيكم بالخير جميع
وبالاول اعتذر من شاعرنا الكبير دغش بن بطي ( محب الجميع ) على نقل القصيده
حيث مريت باحد المنتديات واعجبتني القصيده وصراحه فزيت لها واذا هي لشاعرنا الكبير
ابو محمد وصح الله لسانه والسموحه منه وانا متاكد انه بيعذرني عشان كذا نزلتها
وهذي قصيده شاعرنا الكبير دغش بن بطي
ألآ ياناشدٍ عني تفضـلْ وإستمـع بآأجيـب=إجاباتي على قـد السـؤال اللـي تهذريبـه
أنا رجلٍ وأحب الطيب واللي يفعلون الطيـب=ورجلٍ يحشم أهل الطيب والمعـروف ياطيبـه
وأنا رجلٍ عزيز النفـس وأدورْ لهـا تجنيـب=عن إدروبٍ بها الغرَات والشكَـات والريبـه
وأنا رجلٍ كثير الخوف من اللي عالمٍ بالغيـب=وأسآله يغفر ذنوبـي ونسلـم مـن تعاذيبـه
وأنا رجلٍ غيورٍ وأكره أهل الكفرِ والتخريـب=ورجلٍ مامشى في منهـج التوحيـدِ ماليبـه
وأنا من لابةٍ بين القبايـل تشتهـر بالطيـب=لهم تاريخ ومـؤرخ وكـل النـاس تدريبـه
أنا من لابةٍ خلَتْ عيـون المعتديـن إتشيـب=مزبنة الجلاوي لاقنـب ذيـب ودعـا ذيبـه
أنا من لآد زايد لابتي سقـمٍ علـى الحريـب=رجالٍ يفعلـون الجـود والنامـوس تحريبـه
رجالٍ يكسبون الطايله غصبٍ بليـا طيـب=رجالٍ ينطحـون الحـرب لا دارت دواليبـه
إليا من صاح صياح الضحى يزهم عليه نجيب=نوردها حيـاض المـوت مانخشـى عواقيبـه
نضد الضد بالسيف الحدب ونعذبـه تعذيـب=وشلفٍ في نهار الهـوش ماتبـرى مضاريبـه
ومن جانا يبينا مالقى ياكـون شـق الجيـب=وإليا منَه توهَق مـن توهَـق عـاد بمصيبـه
وحمينا الدار وأعفينا جوانبهـا مـن الغريـب=يكون اللي نحط الوسم في المشعـاب يمشيبـه
بدون إقصور في باقي القبايل مالحقهم ريـب=كريمين الرجال اللي فعول الطيـب تمشيبـه
عطيتك علمي الأول عسى علمي معاك يصيب=وإذا كفَـاك وإلأ باقـي الأخبـار بآجيبـه
وصح الله لسانه والله يعطيه العافيه والعذر منه والسموحه

 

 

 

 

 

 

التوقيع


آلاد شكر هم اكعام المعاديني= صوارم في اللقا تروي شلافيها
ذباحة الحيل يوم الزمن شيني= مهوب يوم العرب فاضت مخابيها
يفرح بهم هاشل ذاق الامريني = والجار يامن بقصرتهم ويغليها
الشاعر الكبير برق الجنوب
آخر تعديل دغش البطي يوم 25-12-2006 في 08:30 AM.

    

رد مع اقتباس