هذه ابيات لموظف ظالمه رئيسه بالعمل .. عاد المصيبة طلع الموظف شاعر وراح فيها الرئيس .. وياكثر المظلومين في التقييم السنوي احد يوافقني بالراي ههههههههههه .. اخليكم مع الابيات وشاعرها المظلوم ....
الله ولا منت الرئيس وتقييمـــــــه ... رزقي على واحدٍ ماخاب طلابــــه
تقييم بعض العرب نجهل تعاليمـه ... ولو ماعرفنا بنوده ربي ادرابـــــه
الله حسيب البشر لا قلّت الشيمـــه ... ولابد للعبد يومٍ ياخذ حسابـــــــــه
لانزاح ليل المصالح ونجلى غيمه ... وكلٍ لقى ما فعل في صفحة كتابـه
العذر ما ينفعه والحسره امديمـــه ... والناس ما ينفعونه لو هم اصحابـه
وخذت مغاتيره وزيدة مجـــاهيمه ... بمراح وضحه بدت مع سوده اتعابه
حسب الخطا من رصيده يدفع القيمة ... حسناته اللي جمعها راحت انهابه
ياناس ياللي تعز الدين وتقيمـــــه ... ادعوا على الريس الظالم ومن جابه
يجيه من ينتقم للفرد ويضيــــــمه ... ويصير عبـــره لغيـــره يوم يدرا به
الشاعر/سالم بن صمهود